إعـــــــلان

Collapse

.

,
See more
See less

دواسة الدبرياج تقيلة

Collapse
X
 
  • Filter
  • الوقت
  • Show
Clear All
new posts

  • دواسة الدبرياج تقيلة

    من ساعة ما غيرت طقم الدبرياج كله و الدواسة بقت تقيلة غير قبل كده. انا مركب طقم تركي (بلية+ ديسك+ واسطوانة). في مشكلة كمان ان بيبقى في رعشة على الطلعة و اتخبيط ورجة مدة قوي وبتبان قوي لو بتحرك من ثبات على كوبري او حتى عايزة عزم.
    الميكانيكي قالي نوع الديسك وحش؟ من غير ما يبص ولا يعمل حاجة. انتم ايه رأيكم اغير الطقم تاني؟
    السحب عندي كويس مفيهوش مشاكل. بس ساعات بسمع صوت شخلله من الاسبراتير (زي اكن في بوجيه فاصل او مدي غيار عالي) وده بيحصل برده في الحتت اللي عايزه عزم.

    ياريت حد يفدني في المشاكل ديه؟ الشخلله و الرجه و تقل الدبرياج

  • #2
    المشاركة الأصلية كتبت بواسطة asaid مشاهدة المشاركة
    من ساعة ما غيرت طقم الدبرياج كله و الدواسة بقت تقيلة غير قبل كده.

    ايه اخبار سلك الدبرياج و الريجلاش


    انا مركب طقم تركي (بلية+ ديسك+ واسطوانة). في مشكلة كمان ان بيبقى في رعشة على الطلعة

    حاول غير بوجيهات و ظبط الكهرباء و فلاتر و كربرتير و ظبط كهربة الاسبرتير سرفيس يعنى

    و اتخبيط ورجة مدة قوي وبتبان قوي لو بتحرك من ثبات على كوبري او حتى عايزة عزم.

    انتا الصوت قلى انتا بتسمعه تكتكه متقطعه و له تكتكه مستمره حاول راجع على الكبالن الداخليه مش الخارجيه قلى هى البارات الخارجه من الفتيس


    الميكانيكي قالي نوع الديسك وحش؟ من غير ما يبص ولا يعمل حاجة. انتم ايه رأيكم اغير الطقم تاني؟
    السحب عندي كويس مفيهوش مشاكل

    مدام السحب عندك كويس انتا بتناقض نفسك هقولك على حاجه انتا لو فى مشكله فى مفصل مجموعة الجر قلى هى الاسطوانه و الديسك و البليه مش هتسحب
    و الدليل على كده انى الميكانيكى بيفتى هو الديسك بيعمل ايه بيضغط على الاسطوانه بيلزقها فا لو الديسك فى مشكله مش هتسحب معاك على السرعات العالبه


    . بس ساعات بسمع صوت شخلله من الاسبراتير (زي اكن في بوجيه فاصل او مدي غيار عالي) وده بيحصل برده في الحتت اللي عايزه عزم.


    منا قولتالك راجع على الكهرباء و حاول ظبط غطاء الاسبرتير يكون ماسك كويس


    ياريت حد يفدني في المشاكل ديه؟ الشخلله و الرجه و تقل الدبرياج
    اى خدمه ياصديقى و اهلا بيك فى قسمنا العزيز
    ياريت حضرتك تقولنا انتا جيبت الطقم بكام و من عند مين و المصنعيه كام و زيت الفتيس بكام يعنى اعملنا تقرير كده علشان نيبقى فاهمين الدنيا معاك
    ربك المستعان
    متابع باهتمام
    [SIGPIC][/SIGPIC]

    Comment


    • #3
      المشاركة الأصلية كتبت بواسطة engahmedsayed مشاهدة المشاركة
      اى خدمه ياصديقى و اهلا بيك فى قسمنا العزيز
      ياريت حضرتك تقولنا انتا جيبت الطقم بكام و من عند مين و المصنعيه كام و زيت الفتيس بكام يعنى اعملنا تقرير كده علشان نيبقى فاهمين الدنيا معاك
      ربك المستعان
      متابع باهتمام
      يعنى ايه قلى ؟
      سبحان الله وبحمده سبحان الله العظيم

      [SIGPIC][/SIGPIC]

      Comment


      • #4
        المشاركة الأصلية كتبت بواسطة aldesha989 مشاهدة المشاركة
        يعنى ايه قلى ؟
        قلى هى البارات الخارجه من الفتيس....
        تقصد قلى دى ............يعنى اللى بس الباش مهندس احمد متعود على كدا واحنا خلاص فهمناه ....

        فى الموضوع:*
        السائل بيقول الموضوع ظهر مباشرة بعد تغيير مجموعة الجر(الديسك * البلية *الاسطوانه ) مستحيل تغييرهم ويعملو المشكلة دى طيب ايه المشكله ؟؟؟فى البيه الميكانيكى مظبطش المواضيع كويس وانا على فكرة اشك انو يكون حرق على الديسك كويس ممكن عدم التحريك على مسامير الديسك كويس تعمل كوووووووووووووول البلاوى دى ....*
        [rmade]http://im60.gulfup.com/1KWugz.jpg[/rmade]

        Comment


        • #5
          يا جماعة الرعشة من الدبرياج وتخبيط وبيكون عند التحرك من ثبات. مش كبالن ولا غيره.
          بالنسبة للسلك انا مغيرتش السلك ولا اعرف عنه حاجة ورحت للتنين ميكانيكية وقلهم الحكاية ويشوفوا الرعشة يقولوا ديسك و من غير ما يبوصوا على حاجة اقلهم المموعة كلها جديدة وقلهم ممكن يكون السلك يقولوي لأ السلك ملوش دعوة بالرعشة!!!!
          كمان دواسة الدبرياج تقيله؟؟ هل ده برضه الديسك؟ يعني هو الديسك اللي انا جايبه ضايع للدرجة ديه؟
          انا جايب الطقم تركي ب 300 جنيه و المصنعية 120 جنيه. ومن ساعة ما غيرت الطقم و عندي المشكلة ديه.

          Comment


          • #6
            المشاركة الأصلية كتبت بواسطة sakr1964 مشاهدة المشاركة
            قلى هى البارات الخارجه من الفتيس....
            تقصد قلى دى ............يعنى اللى بس الباش مهندس احمد متعود على كدا واحنا خلاص فهمناه ....

            فى الموضوع:*
            السائل بيقول الموضوع ظهر مباشرة بعد تغيير مجموعة الجر(الديسك * البلية *الاسطوانه ) مستحيل تغييرهم ويعملو المشكلة دى طيب ايه المشكله ؟؟؟فى البيه الميكانيكى مظبطش المواضيع كويس وانا على فكرة اشك انو يكون حرق على الديسك كويس ممكن عدم التحريك على مسامير الديسك كويس تعمل كوووووووووووووول البلاوى دى ....*
            معنى كده انه يفك تاني او بمعنى اصح اروح لحد تاني يفكلي الطقم. هو مينفعشي يبقى السلك؟ لأ ن انا كمان دوسة الدبريا تقيلة عن الاول. المشكلة اني قلت الكلام ده للميكانيكي قالي لأ السلك ميعملشي كده ومن غير ميبص عليه.

            Comment


            • #7
              المشاركة الأصلية كتبت بواسطة engahmedsayed مشاهدة المشاركة
              اى خدمه ياصديقى و اهلا بيك فى قسمنا العزيز

              ياريت حضرتك تقولنا انتا جيبت الطقم بكام و من عند مين و المصنعيه كام و زيت الفتيس بكام يعنى اعملنا تقرير كده علشان نيبقى فاهمين الدنيا معاك
              ربك المستعان

              متابع باهتمام
              السلك انا مقربتش منه. وبالنسبة للكهربا المفروض انها متظبطة . الصوت اللي انا بسمعه ده صوت شخللة . كنت بسمعه زمان اما كان عندي اسبراتير صيني لما والميكانيكي قالي ان ده بوش في الاكس بتاع الاسبراتير وبت ساعتها اسبراتير استيراد والدنيا ظبطت. بس الموضوع رجع تاني بقاله شوية.

              Comment


              • #8
                المشاركة الأصلية كتبت بواسطة asaid مشاهدة المشاركة
                معنى كده انه يفك تاني او بمعنى اصح اروح لحد تاني يفكلي الطقم. هو مينفعشي يبقى السلك؟ لأ ن انا كمان دوسة الدبريا تقيلة عن الاول. المشكلة اني قلت الكلام ده للميكانيكي قالي لأ السلك ميعملشي كده ومن غير ميبص عليه.
                روح لنفس البيه وخليك جدا معاه واتكلم معاه بقوه ياما يظبط العربية ياما تاخد فلوسك منه (المصنعية) مهو مينفعش تروح لواحد تانى يفك ويركب وموضوع الشغل كله فك وتركيب انظر الى الموضع اللى فى الرابط انا غيرت المجموعة بنفسى وغيرت الفتيس كله كمان....

                [rmade]http://im60.gulfup.com/1KWugz.jpg[/rmade]

                Comment


                • #9
                  المشاركة الأصلية كتبت بواسطة sakr1964 مشاهدة المشاركة
                  روح لنفس البيه وخليك جدا معاه واتكلم معاه بقوه ياما يظبط العربية ياما تاخد فلوسك منه (المصنعية) مهو مينفعش تروح لواحد تانى يفك ويركب وموضوع الشغل كله فك وتركيب انظر الى الموضع اللى فى الرابط انا غيرت المجموعة بنفسى وغيرت الفتيس كله كمان....

                  http://www.nilemotors.net/nile/320693-a.html
                  هو للأسف الموضوع بقاله فترة وانا منفض. فميش هينفع اروحله تاني لأنه شكله كده حمار. كده انا متضر اروح لشخص تاني. بس هو مفيش احتمال يكون نوع الديسك وحش؟ او يكون حاجة تانية سلك او قواعد الماتور.

                  Comment


                  • #10
                    المشاركة الأصلية كتبت بواسطة asaid مشاهدة المشاركة
                    هو للأسف الموضوع بقاله فترة وانا منفض. فميش هينفع اروحله تاني لأنه شكله كده حمار. كده انا متضر اروح لشخص تاني. بس هو مفيش احتمال يكون نوع الديسك وحش؟ او يكون حاجة تانية سلك او قواعد الماتور.

                    مش فاهم يعنى ايه بقاله كتير هو انتا ركبت العربية ومشيت بيها كتير مع وجود المشكلة؟؟؟؟

                    طيب ممكن سؤال هو شداد الفتيس عندك عدل ولا مقلوب؟؟؟

                    طيب لو عدل شوف كدا فى سوسته غليظة ماسكة فة معلقة الشداد اللى تالعة من الفتيس يعنى المربوط فيها الشداد؟؟؟؟

                    طيب لو عدل ولقيت السوسته موجوده شيلها حتلاقى الدواسة خفت معاك لو مقلوب يبقى لابد من وجود السوسته ممكن يكون البيه نسى يركبها ركبها حتريح دواسة الفتيس....

                    يعنى السوسته مع الشداد العد تتقله ولو مش موجوده فى الشداد المقلوب برضو تتقله ....

                    شوف كدا وقلنا الأخبار........
                    [rmade]http://im60.gulfup.com/1KWugz.jpg[/rmade]

                    Comment


                    • #11
                      بعد السلام عليكم ورحمه الله وبركاته
                      وبعد اذن استاذنا استاذ صبحى .... والمهندس احمد......
                      انا جربت اللى asaid بيقول عليه وفعلا" بعد ماركبت وغيرت الاسطوانه والديسك والبليه ( طبعا" كنت طالع من عند الميكتنيكى يا ارض اتهدى معليكى ادى .... حتى الميكانيكى قالى امريكانى بئه يا جيدو ) موش عايز اقولك بعد اسبوع رعشه فى الطلعه هيه الرعشه موش عاليه اوى لكن زايده عن الطقم اللى كان موجود .... واول ما تشيل رجلك من على الدبرياج فى الطلعه وتدى غيار تسمع تك وكأن الاسطوانه بترجع مكانها موش كبالن ... مع ان سحب العربيه حلو وبالذات من اول التالت وانت طالع .... لغايه الان والكلام ده من شهر واحد بس والرعشه زادت عن الاول وقولت اعدى على استاذ صبحى فى الشغل ارجو العربيه ويقولى رأيه .... لكن سعر الطقم اغلى من 300 جنيه لان السطوانه والديسك عامليين 340 جنيه والبليه عامله 60 جنيه

                      Comment


                      • #12
                        المشاركة الأصلية كتبت بواسطة giedo مشاهدة المشاركة
                        بعد السلام عليكم ورحمه الله وبركاته
                        وبعد اذن استاذنا استاذ صبحى .... والمهندس احمد......
                        انا جربت اللى asaid بيقول عليه وفعلا" بعد ماركبت وغيرت الاسطوانه والديسك والبليه ( طبعا" كنت طالع من عند الميكتنيكى يا ارض اتهدى معليكى ادى .... حتى الميكانيكى قالى امريكانى بئه يا جيدو ) موش عايز اقولك بعد اسبوع رعشه فى الطلعه هيه الرعشه موش عاليه اوى لكن زايده عن الطقم اللى كان موجود .... واول ما تشيل رجلك من على الدبرياج فى الطلعه وتدى غيار تسمع تك وكأن الاسطوانه بترجع مكانها موش كبالن ... مع ان سحب العربيه حلو وبالذات من اول التالت وانت طالع .... لغايه الان والكلام ده من شهر واحد بس والرعشه زادت عن الاول وقولت اعدى على استاذ صبحى فى الشغل ارجو العربيه ويقولى رأيه .... لكن سعر الطقم اغلى من 300 جنيه لان السطوانه والديسك عامليين 340 جنيه والبليه عامله 60 جنيه
                        قلت حتعدى ولاعدتش لعل المانع خير

                        بالنسبة لمشكلتك ياجيدو اصلا مافيش مشكلو انتا بس ريح الديبرياج شوية يعنى وطيه شويه علشان متحسش بالتنتايش فى الطلعة ازاى بقى اربط الصمولة ا10 اللى رابطة الشداد فى معلقة الفتيس بس خلاص....*
                        [rmade]http://im60.gulfup.com/1KWugz.jpg[/rmade]

                        Comment


                        • #13
                          المشاركة الأصلية كتبت بواسطة sakr1964 مشاهدة المشاركة

                          مش فاهم يعنى ايه بقاله كتير هو انتا ركبت العربية ومشيت بيها كتير مع وجود المشكلة؟؟؟؟

                          طيب ممكن سؤال هو شداد الفتيس عندك عدل ولا مقلوب؟؟؟

                          طيب لو عدل شوف كدا فى سوسته غليظة ماسكة فة معلقة الشداد اللى تالعة من الفتيس يعنى المربوط فيها الشداد؟؟؟؟

                          طيب لو عدل ولقيت السوسته موجوده شيلها حتلاقى الدواسة خفت معاك لو مقلوب يبقى لابد من وجود السوسته ممكن يكون البيه نسى يركبها ركبها حتريح دواسة الفتيس....

                          يعنى السوسته مع الشداد العد تتقله ولو مش موجوده فى الشداد المقلوب برضو تتقله ....

                          شوف كدا وقلنا الأخبار........
                          متشكر جدا عل الرد. هو فعلا انا مشيت على العربية وفيها مشكلة فترة. بس موضوع الرعشة والتخبيط دع ظهر بعد كام يوم وكان خافيف وبصراحة ساعات مبحسش بيه. بس بقاله فترة بيزيد و بيبان لو طالع على الكوبري من ثبات. بالنسبة لتقل الدبرياج لأ ديه من ساعة ما ركبت الطقم وهو تقيل وقلت للميكانيكي في ساعتها الدواسة تقيلة عن قبل كده. قالي عشان لسه الطقم جديد وهتخف معاك مع الوقت!!!!
                          وللأسف مخفتشي وزي ما هي. موضوع الشداد بتاع الفتيس ده انا مش متأكد او بمعنى اصح انا خبرتي ضعيفة بس هاحاول اصور الجزء اللي بيوصل السلك بالدبرياج اللي اعتقد ان هو الشداد (صح كده).
                          بس افتكر ان في سوستة في الجزء ده. موضوع مقلوب او معدول مش عارف تتعرف ازاي على العموم هصوره وارفع الصورة ونشوف. حاجة كمان انا موطي الدبرياج قوي هل ده اللي يعمل الخبط و الرعشة؟ ولا ملوش دعوة.

                          Comment


                          • #14
                            المشاركة الأصلية كتبت بواسطة giedo مشاهدة المشاركة
                            بعد السلام عليكم ورحمه الله وبركاته
                            وبعد اذن استاذنا استاذ صبحى .... والمهندس احمد......
                            انا جربت اللى asaid بيقول عليه وفعلا" بعد ماركبت وغيرت الاسطوانه والديسك والبليه ( طبعا" كنت طالع من عند الميكتنيكى يا ارض اتهدى معليكى ادى .... حتى الميكانيكى قالى امريكانى بئه يا جيدو ) موش عايز اقولك بعد اسبوع رعشه فى الطلعه هيه الرعشه موش عاليه اوى لكن زايده عن الطقم اللى كان موجود .... واول ما تشيل رجلك من على الدبرياج فى الطلعه وتدى غيار تسمع تك وكأن الاسطوانه بترجع مكانها موش كبالن ... مع ان سحب العربيه حلو وبالذات من اول التالت وانت طالع .... لغايه الان والكلام ده من شهر واحد بس والرعشه زادت عن الاول وقولت اعدى على استاذ صبحى فى الشغل ارجو العربيه ويقولى رأيه .... لكن سعر الطقم اغلى من 300 جنيه لان السطوانه والديسك عامليين 340 جنيه والبليه عامله 60 جنيه
                            حضرتك قولت اللي انا بشتكي منه بالظبط . وفعلا فيه صوت خبطة كده زي ما يكون حاة بترع مكانها وبتكون مرة واحدة وانت بتشيل رجلك من على الدبرياج. بس صوت الخبطة مبيحصلشي كتير معايا ساعات وساعات.
                            طب ياتري دواسة الدبرياج برضه تقيله عندك؟

                            Comment


                            • #15
                              ثقل دواسه الدبرياج +رجه في الحركه من الثبات

                              اعراض تلف الديسك

                              جرب تشحم كابل الدبرياج وتجرب
                              لو مفيش تحسن يبقي تعايش مع الموضوع بس ممكن مع الوقت القواعد تتاثر
                              والافضل تغيير الطقم بنوع نضيف
                              eacho22 سابقا

                              Comment

                              Working...
                              X