مية الحنفية واضرارها على الموتور

[المنسي]

طبعا الواحد تعب من كتر الكلام على موضوع مية الحنفية ومدى ضررها على الموتور ومدى عدم نفعها انا عملت الموضوع ده لانى قبل كده اتقرصت من مية الحنفية وجوان وش السلندر اللى ضرب والوش اللى كان مليان تنقير من الصدأ بتاع المية هنا هاوريلكم كام صورة واثار مية الحنفية عليها وكمان هارفق لينك لتجربة مية حنفية فى عربيتين لانسر ولانوس




وده تقرير لاحد الاعضاء
http://www.nilemotors.net/Nile/380119-a.html
http://www.nilemotors.net/Nile/308801-a.html

[ابوابراهيم323]

شكرا أخى منسى على الموضوع المهم جدااا ده
التوجه دلوقتى يكون لواحد طبعا بتاع رداتير
اقوله ايه بالظبط ؟؟ يعنى اقوله يعمل ايه عندى
وهل اشترى مياه حمراء ولا خضراء

[lidosasa]

المشكلة فى مصر هى مشى حالك وكبر دماغك وأغلبها كمان بتتقال ليك من الصنيعية اللى بيشتغلوا فى العربية أنا مرة كنت بغير الريداتير وقلت للراجل على ما تخلص حروح البنزينة أجيب مياه موبيل زرقاء وجاى قالى ليه يا استاذ دى مصاريف على الفاضى وملهاش لازمة قلت ليه معلش أهو أنضف للعربية قالى خلاص لو مش عايز تحط مية حنفية هات مية معدنية لاء فكيك ياض . هو أنا يعنى معايا قرشين وعايز اطيرهم والسلام والمياه المعدنية فيها أملاح زيها زى الحنفية بالظبط وبتعمل صدأ ومردتش عليه خالص وسبته ورحت جبت المياه الزرقا ورجعت

[sakr_skoda]

حرمت يابيه اشرب مية من الحنفية بس اسمحلى ممكن اشرب من الزيييييييييير؟؟؟؟؟؟؟؟

والله ياخ منسى موضوعك هايل وفعلا مية الحنفية بتاثر على معدن الموتور من الداخل بس حنعمل ايه ياعم كدا يبقى الواحد يلزمة برميل مية خضرا لأننا بسم الله مشاء الله كل اسبوع مشكلة فى دورة التبريد بتخلينى افرغ مية التبريد على الارض خراطيم مواسير كيعان ووصلات وما اكثرها فى فليشيتنا فاحنا بنحط مية حنفية ونتوكل على الله مادم العلاج موجود اقصاها 3000 ونسقط موتور استيراد *

[aw2100]

الله ينور يامنسى مية التبريد شئ مهم جدا فى العربية وبالاضافة لمنع الصدء بتريح الموتور من الحرارة الزايدة وتبخر المية وكل شوية العربية تعطش وتشربها بتنسى خالص موضوع المية دى بتاخد 1/4 لتر مية حمراء كل كام شهر تحياتى !

[أحمد جودة]

تحياتي مستر منسي موضوع مفيد جدا ...... والله جيت على الوجيعة أنا لسة امبارح بحط صباعي فى القربة علشان اقيس المنسوب لقيت الماية عاملة صدا وعاوز بالفعل اغير الردياتير واحط ماية خضرا بس مستني فى أقرب فرصة علشان العربية مخلصة على جيوبي أول بأول


طيب اخر كلام علشان أنا كنت بأوح وبهرب من موضوع الماية

عاوز اشتري ردياتير ياتري أجيب أي نوع بالظبط

والماية أجيب لونها اية ونوعها أية ومنين

هتوكل على الله وأعمل الشغلانة دي وامري لله

[A_Baidak]

تسلم يا بحميد على المعلومه المهمه جدا

بس فيه نقطه لو حد عنده ميه مفلتره ومفلتره املاح كمان يقدر يحتها عادي لانى المشاكل ديه بتبق من الاملاح اللى فى المياه بتعتنا ربنا يستر

[المنسي]

شكرا أخى منسى على الموضوع المهم جدااا ده
التوجه دلوقتى يكون لواحد طبعا بتاع رداتير
اقوله ايه بالظبط ؟؟ يعنى اقوله يعمل ايه عندى
وهل اشترى مياه حمراء ولا خضراء

الشكر لله اولا لو ناوى تعمل الموضوع والردياتير عندك الاصلى بتاع العربية فيضل تغيره بواحد صينى الومنيوم وتمنه تقريبا 190 جنيه وهتجيب ترموستات ايطالى 82/68 ودى اللى راكبة عندى بس ناوى ان شاء الله اغيرها ل 90/80 فى المرة اللى هنظف فيها دورة التبريد وهتجيب مية سواء حمراء او خضراء المهم ان التركيز لايقل عن 33% لان فالكتالوج بتاع العربية التركيز مكتوب 40% وتروح لبتاع الردياتير ويعمل الشغلانة بس اهم حاجة ميكونش عندك خرطوم مشقق وبيسرب علشان ميبقاش رميت فلوسك فالارض وكمان يكون غطاء القربة السيكس بلف بتاعه سليم ومش بيسرب وهتلاقى الدنيا بعدها ان شاء الله تمام سواء فى درجة حرارة الموتور او فى نقصان المية اللى كل شوية تزودها

[المنسي]

المشكلة فى مصر هى مشى حالك وكبر دماغك وأغلبها كمان بتتقال ليك من الصنيعية اللى بيشتغلوا فى العربية أنا مرة كنت بغير الريداتير وقلت للراجل على ما تخلص حروح البنزينة أجيب مياه موبيل زرقاء وجاى قالى ليه يا استاذ دى مصاريف على الفاضى وملهاش لازمة قلت ليه معلش أهو أنضف للعربية قالى خلاص لو مش عايز تحط مية حنفية هات مية معدنية :m_yes[1]: لاء فكيك ياض . هو أنا يعنى معايا قرشين وعايز اطيرهم والسلام والمياه المعدنية فيها أملاح زيها زى الحنفية بالظبط وبتعمل صدأ ومردتش عليه خالص وسبته ورحت جبت المياه الزرقا ورجعت

ماهو ده الفتى اللى الواحد بيعانى منه لما تروح لصنايعى ويعمل من البحر طحينة ... شكرا لمرورك ونورت موضوعى

[المنسي]

حرمت يابيه اشرب مية من الحنفية بس اسمحلى ممكن اشرب من الزيييييييييير؟؟؟؟؟؟؟؟

والله ياخ منسى موضوعك هايل وفعلا مية الحنفية بتاثر على معدن الموتور من الداخل بس حنعمل ايه ياعم كدا يبقى الواحد يلزمة برميل مية خضرا لأننا بسم الله مشاء الله كل اسبوع مشكلة فى دورة التبريد بتخلينى افرغ مية التبريد على الارض خراطيم مواسير كيعان ووصلات وما اكثرها فى فليشيتنا فاحنا بنحط مية حنفية ونتوكل على الله مادم العلاج موجود اقصاها 3000 ونسقط موتور استيراد *

ولا برميل ولاحاجة وعلى فكرة انا عندى فالعربية حاطط مية خضرا وشبه مبزودهاش الاكل شهر ونص او شهرين وبتكون المية نزلت من علامة الماكس وقبل علامة المينيمم بشوية ومعايا باقى الجركن المية الخضرا فى شنطة العربية بزود منه بتاع كوباية مية وبعدين انا بنصح ان محدش يحط مية خضرا الا لو متاكد انه مفيش تسريب فى دورة التبريد لان المفروض دورة التبريد تبقى دورة محكمة الغلق وبعدين لما تجيب جركن تمنه 35 او 40 جنيه وهيفضل قاعد معاك وكمان هيحافظ على الموتور افضل ولا تجيب موتور استيراد الله اعلم بيه هيكون افضل

[المنسي]

الله ينور يامنسى مية التبريد شئ مهم جدا فى العربية وبالاضافة لمنع الصدء بتريح الموتور من الحرارة الزايدة وتبخر المية وكل شوية العربية تعطش وتشربها بتنسى خالص موضوع المية دى بتاخد 1/4 لتر مية حمراء كل كام شهر تحياتى !

نورت موضوعى يا اخ وليد والله انت اللى رافع معنوياتى فى موضوع المية لانك مجرب المية الخضراء او الحمراء فالفليشيا وعارف هيه فارقة اد ايه وعند حق فموضوع انها مبتعملش صدأ زى مية الحنفية وأظن الصور اللى موجودة فالموضوع أكبر دليل

[المنسي]

تحياتي مستر منسي موضوع مفيد جدا ...... والله جيت على الوجيعة أنا لسة امبارح بحط صباعي فى القربة علشان اقيس المنسوب لقيت الماية عاملة صدا وعاوز بالفعل اغير الردياتير واحط ماية خضرا بس مستني فى أقرب فرصة علشان العربية مخلصة على جيوبي أول بأول


طيب اخر كلام علشان أنا كنت بأوح وبهرب من موضوع الماية

عاوز اشتري ردياتير ياتري أجيب أي نوع بالظبط

والماية أجيب لونها اية ونوعها أية ومنين

هتوكل على الله وأعمل الشغلانة دي وامري لله

هات الصينى الالومنيوم وعامل حوالى 190 جنيه ومعاه ترموستات 82/68 ايطالى وهتلاقيها عند بتوع الفيات او 90/80 ودى ناوى اجربها عندى لما اعمل حملة نظافة لدورة التبريد وبالنسبة للمية انا بستعمل الخضراء ماركة ايادا اسبانى وهتلاقى الجركن عامل حوالى من 35 ل 40 بس مشكلتها ان التركيز بتاعها 5 % والمية الحمراء منها تركيزها 10% والاخ وليد بيستعمل توتال الحمراء تركيز 33 % بس مش عارف سعر الجركن كام وانت هتحتاج حوالى 6 لتر مية سواء خضراء او حمراء يعنى هتشترى جركنين وهيفيض منهم هتخلى الباقى فى شنطة العربية علشان لما تحب تزود وزى ماقلت المية دى ليه ميزة حلوة جدا انها مبتخليش الموتور يسخن زى مية الحنفية غير انها مش بتعمل صدأوكمان مش بتتبخر بسرعة زى مية الحنفية لان درجة الغليان بتاعتها عالية

[المنسي]

تسلم يا بحميد على المعلومه المهمه جدا

بس فيه نقطه لو حد عنده ميه مفلتره ومفلتره املاح كمان يقدر يحتها عادي لانى المشاكل ديه بتبق من الاملاح اللى فى المياه بتعتنا ربنا يستر

نورت موضوعى وشكرا لمرورك

[المنسي]

ده شكل الجركن اللى بجيبه عندى للعربية
IADA · Productos

[aw2100]

تسلم يا بحميد على المعلومه المهمه جدا

بس فيه نقطه لو حد عنده ميه مفلتره ومفلتره املاح كمان يقدر يحتها عادي لانى المشاكل ديه بتبق من الاملاح اللى فى المياه بتعتنا ربنا يستر

ياباشا المشكلة مش فى الأملاح بس المية المقطرة بس برضة بتعمل صدا ودرجة غليانها بيبقى 100 c وده بيسبب نقص مستمر وزيادة ضغط البخار على دورة التبريد وبيبقى فى مية التبريد اضافات مانع للصدا وزيوت لتزييت طرمبة المية ولون وده مهم قوى لو حصل تسريب بيسيب اثار لون بتعرف التسريب منين لكن ممكن تشترى مية حمراء مركزه g21 بتبقى لتر بيتزود على 4 لتر مية مقطرة
وده موضوع لشركة وولف للزيوت فية المشاركة دى عن مية التبريد ومنتجاتها منها تحياتى!!

5060 و 70501 هما نفس المنتج و هو مياه تبريد طويلة العمر بتكمولوجيا oat organic acid technology و عمرها يصل الى 250000 كم للسيارات العادية و حتى 500000 كم للشاحنات و التطبيقات الشاقة.

5055 هى مياه تبريد تقليدية بها نسبة الايثيلين جليكول 60% و دى فى الغالب للبلاد ذات درجات الحرارة المنخفضة جداً

5057 هى المادة المركزة من الايثيلين جلايكول و بها اضافات منع الصدأ و غيرها الخاصة بمياه التبريد يتم تخفيفها بالماء حسب النسبة المرجوة

شكراً لاهتمامك بزيوت وولف،

http://www.nilemotors.net/Nile/345341-a-17.html