ابحث عن ميكانيكى و كهربائى بيتلز متمكن قريب من مدينة نصر

[koko777]

السلام عليكم و رحمة الله
الاخوة الاعزاء ارجو ان تدلونى على ميكانيكى وكهربائى متمكن لانى لسه شارى العربية جديد و عاوز افحصها بس يكون امين و مش مادى لان اغلب صنايعية اليومين دول مش مضمونين هى موديل 1981 برازيلى و لكم جزيل الشكر

[Ayliz_2009]

سؤال برة الموضوع معلش
جبتها بكام؟

[koko777]

اشترتها ب 13000

[koko777]

[ابوهاشم]

انا عن نفسى انصحك انك تروح للصنايعيه اللى اتعاملنا معاهم
وجربنا شغلهم وكتبنا عنهم فى مواضيعنا
واخرهم وافضلهم عاطف عبده فرج اللى فى اثر النبى
بصرف النظر عن الاقرب من السكن
كمان فى حاجه مهمه
ان ماشاء الله البيتلز مشاويرها للميكانيكى
قليله جدا ودى ميزه فيها

[أحمد سالم]

السلام عليكم
الموضوع ده هتستفاد منه

http://www.nilemotors.net/Nile/41794-a.html

[koko777]

السلام عليكم و رحمة الله
شكرا على الردود ابو هاشم و احمد سالم لقد ذهبت بالفعل امبارح الى ميكانيكى فولكس فى مدينة نصر فى الحى الثامن عند مدرسة المنهل اسمه الاسطى محمد وقام بفحص العربية و نضف الكاربرتير و التنك و ركب طقم بوجيهات و كوندنسر و نصحنى احط بنزين 90 لان الكاربرتير كان وسخ بس فى مشكلة هى ان فى صوت صفير عند طلعة العربية اول ماشيل رجلى من على الدبرياج ويختفى بعد شوية فقالى ان بعض جوايط الماتور عايزة تتغير لانها حلت قالى هى ممكن تمشيك بس مع الوقت عددهم هيزيد ارجو الافادة و لكم جزيل الشكر

[ahmed2y]

ميكانيكى عشان الموتور فقط محمد على ولو عاوز عفشة خالد رباب وكهربائى فى الحج سعيد وواحد اسمة احمد فى شارع العشرين فى عين شمس وانا جارك فى عين شمس لو عاوز اى حاجة تحت امرك واهلا بيك فى عالم فولكس

[koko777]

شكرا لك يا ابوحميد ممكن العناوين و رقم التليفون

[koko777]

الاستاذ هاشم عاوز عنوان عاطف عبده و رقم تليفونه ازاى اروحله من مدينة نصر وشكرا

[ahmed2y]

على فكرة انا جنبك فى مدينة نصر مش عين شمس هههههههههههههه اصل كل الى قولتلك عاليهم فى عين شمس فكتبت غلط على العموم هتلاقى فى الينك دة كل النت عاوزة ودة رقم تلفونى لو عاوزة اى حاجة انا تحت امرك0106562388
http://www.nilemotors.net/Nile/41794-a.html

[ahit]

السلام عليكم ورحمة الله وبركاته

محمد الأسمر - أمام سنترال مصر الجديده - عند كبرى التجنيد - جسر السويس - موبايل 0123835856
و عاطف عبده فرج - عند جراج أثر النبى - الزهراء طريق دار السلام - موبايل 0101467431

دول أفضل و أسرع و أنضف ميكانيكيه بيتل إتعاملت معاهم بعد الأسطى حسن فولكس فى الحرفيين 0101532992

[ابوهاشم]

كلام المهندس احمد حسن هو المفيد
وخلاصة التجارب

[koko777]

الف شكر يا جماعة بس فيه استفسار بسيط عاوز اعرف عمرة المتورو تظبيط العفشة تتكلف كام

[ابوهاشم]

عمرة الموتور لو كامله تبدء من 3000جنيه
اما العفشه حسب المطلوب يتغير فيها