ابحث عن ميكانيكى و كهربائى بيتلز متمكن قريب من مدينة نصر

[ahit]

كلام المهندس احمد حسن هو المفيد
وخلاصة التجارب

السلام عليكم ورحمة الله وبركاته

أبو هاشم
واحشنى و الله :10d5c8~1107: :b4_564:

هما فعلاً أفضل ناس إتعاملت معاهم لغايه دلوقتى لأنك كنت معايا فى رحله التجربه و التنقيب و البحث عن أفضل ميكانيكيه و صنايعيه البيتل , و ربنا يسهلها و يفضلوا كده على طول

[ahit]

الف شكر يا جماعة بس فيه استفسار بسيط عاوز اعرف عمرة المتورو تظبيط العفشة تتكلف كام

السلام عليكم ورحمة الله وبركاته

العمره بتكون حسب الحاجات اللى عاوزه تتغير فى الماتور و حسب مصنعيه الميكانيكى و الخراط اللى هايشتغلوا فى الماتور.
لكن على سبيل المثال :
طقم الشمبر من 350 إلى 450 بالمصنعيه
نصف عمره : سبيكه و شمبر و صبابات و روديه و بيلات من 1500 إلى 2000 جنيه بالمصنعيه
عمره كامله من 3000 إلى 4500 جنيه و يبقى الماتور جديد 100%

[gomangy]

واللي يا جماعه ربنا يباركلنا فيكو الاستاذ هاشم والبشمهندس احمد حسن علي كل المعلومات دي وبارك الله لنا فيكم

[ramyheshmat]

فيه ميكانيكي كويس جدا ً اسمه مسعد هو في الحي العاشر وهو جدع جدا ً وما بيحبش يزعل حد وجامد في شغل ايده وفاهم فولكس كويس زى الكتاب ما قال وهو في محطة المثلث

[ابوهاشم]

استاذ رامى حشمت
الف شكر على المعلومه وبصراحه اسم
الميكانيكى ده جديد علينا وانا ماتعاملتش معاه
بس الافضل دايما واللى اتعودنا عليه
انك تحكيلنا عن تجاربك معاه بالتفصيل
عملت ايه عنده بالتحديد والتكلفه كانت كام
وايه تقييمك ليه كصنايعى ومدى الوقت اللى بيستغرقه
معاك كل مره وحسب المطلوب
الحاجات دى مهمه جدا مننا كلنا وطبعا لينتفع الجميع
ويكون المنتدى هنا مش مجرد سؤال وجواب
بالعكس يكون مرجع لاى استفسارات قديمه
ممكن الجميع مستقبلا يستفيد منها
وجزاك الله كل خير على اهتمامك
وربنا يوفقنا جميعا لخدمة بعضنا البعض
لوجه الله تعالى

[ابوهاشم]

السلام عليكم ورحمة الله وبركاته

أبو هاشم
واحشنى و الله :10d5c8~1107: :b4_564:

هما فعلاً أفضل ناس إتعاملت معاهم لغايه دلوقتى لأنك كنت معايا فى رحله التجربه و التنقيب و البحث عن أفضل ميكانيكيه و صنايعيه البيتل , و ربنا يسهلها و يفضلوا كده على طول

والله يابوعمر انت كمان واحشنى
ونفسى نعمل مقابله عن قريب لعشاق البيتل ونجتمع زى زمان
علشان نتعرف كمان على باقى الناس الحلوه اللى معانا فى القسم
ولسه ماتعرفناش عليهم
ياريت يكون فى اهتمام بموضوع المقابلات ده
لانه بيكون فيه فوائد كتير

[alhathik]

السلام عليكم أنا اتعاملت من اسبوعين مع ميكانيكي خلف حديقة بدر بعد المزلقان يمين حتلاقية تالت او رابع محلهو اسمة روماني ومعاه واحد تاني اسمه مجدي همه فاهمين جد ا في البيتلز وشغلهم نظيف امااسعارهمفمش عارف

[alhathik]

أنا كنت عملت عندهم (روماني ومجدي) الديسك بتاع الموتور كان استيراد ب 160 جنيه ومصنعيه 70 طبعا نزل الموتور وعملت عندهم تغيير التيا اللي قدام بمسمار واحد التيل ب 75 والمصنعية 20