باسات ولا جيتا

[aneo]

شكرا SAiF3S

[mragh]

الباسات ال p1
مثبت سرعة متطور غير الجيتا-10 اير باج -طقم سماعات هايل(10 سماعات)
طارة مالتى-مفتاح استارت -كرسى السائق بالكرباء-2 ثلاجة
esp -auto hold(و دول مش موجودين فى اى فئة من الجيتا و مهمين جدا جدا)

الباسات p2
كل الى فات + جنوط 17 + فتحة سقف + 2 كرسى كهرباء + سنسورز (تقريبا خلفية فقط)+سنسورز ضغط الاطارات

الباسات p3
p1+p2+ستائر خلفية +سخانات فى الكرسين الاماميين حساسات امامى و خلفى+زينون+بتركن لوحدها
ده على حد معلوماتى لو انا غلط ياريت حد يقول الصح


انا شايف ان الختيار حسب رغبة الشخص الى هيركبها لو عاوز قيمة و برستيج يبقى الباسات لو عايز حاجة شبابى يبقى الجيتا
طبعا الجيتا جميلة جدا لكن لا تقارن بالباسات من حيث الوسع و الراحة و الجرى(ايوة الجرى) و الثبات و استهلاك البنزين (عن تجربة)و غير كدة المانى 100%
فرق السعر بين الجيتا p3 و الباسات p1 حوالى 30 الف ( كتير مش قليل)

شكراً جزيلاً

بس أنا اللي أعرفو إن سعر Passat P1 ٢٢٠ ألف و سعر Jetta Highline ٢١٩ ألف فالفرق ألف جنيه فقط

[mragh]

[/COLOR] هعدل شويه فى اللى مكتوب
الباسات p1
ال 2 تلاجه هو تكييف climatronic 2 Zone بيعمل تبريد منفصل لجانبى السياره الايمن و الايسر

الباسات p2
لو هيشترى من الوكيل كرسى السائق فقط هو اللى كهرباء و الجنوط 16" و حساسات الركن خلفيه فقط و فتحه سقف و الكراسى جلد (صناعى ) الوكيل مش بينزل سنسور ضغط اطارات
الباسات p3
طبعا كل اللى فات حساسات ركن خلفيه و اماميه , حساسات مطر, حساسات أضاءه زينون متطور مع اضاءه جانبيه فى الدورانات + لمبه الزينون نفسها بتتحرك مع الدوران يمين و شمال و ايضا تحت و فوق على حسب الحموله و السرعه , رشاشات مصابيح اماميه , الكراسى جلد طبيعى وهيكل رياضى (ريكارو) ,تابلوه مطعم بالخشب و الالومنيوم فى سيارات الوكيل لا يوجد ستائر خلفيه و لا park assistance ذاتيه الركن

شكراً جزيلاً

[aneo]

الباسات من 225 ل 230 و الجيتا هاى لاين 205 مش 219
ممكن فعلا تكون 219 بس دى فيها اضافات زيادة عن امو 205 ملهاش اى لازمة

[wallid5shafey]

الموضوع ده متوقف تماما علي الي هيركب العربيه محدش يقدر ينكر ان الباسات فئه اعلي من الجيتا يعني انا متفق تماما مع الي قال مينفعش نقارن بين الب ام الفئه الاولي والخامسه
وعلي فكره الجيتا اتقفلت في المكسيك علشان باعت كتير جدا في امريكا فتكون قريبه علي السوق الامريكي وكمان علشان التكلفه تقل لانها لو اتقفلت في المانيا سعرها هيقرب جدا من الباسات لكن ده ميعنيش ان تقفيلها وحش او نقص حاجه عن الالماني او في عيوب
علي فكره انا لما نزلت اشتري كنت هجيب باسات بس لقيتها من وجهة نظري كبيره علي احتياجي وشكل الجنط الكبير في الجيتا احلي الصالون تقريبا قريب من بعضه الباسات سرعه اكتر بس وزن العربيه اكبر الخ
من الاخر الشركات بتقصد تعمل كده علشان الي يحب الباسات يشتري والي بيحب الجيتا يشتري وكله يتباع
بلاش ننسي ان كله فولكس بلاش نختلف

[medo_2060]

طبعا الباسات افضل بس يعيب على اول فئه فيها الطاسات انا شايف ودا رأى شخصى انه حرام تجيب عربيه سعرها اعلى من 200 الف جنيه وبطاسات!

[SAiF3S]

الموضوع ده متوقف تماما علي الي هيركب العربيه محدش يقدر ينكر ان الباسات فئه اعلي من الجيتا يعني انا متفق تماما مع الي قال مينفعش نقارن بين الب ام الفئه الاولي والخامسه
وعلي فكره الجيتا اتقفلت في المكسيك علشان باعت كتير جدا في امريكا فتكون قريبه علي السوق الامريكي وكمان علشان التكلفه تقل لانها لو اتقفلت في المانيا سعرها هيقرب جدا من الباسات لكن ده ميعنيش ان تقفيلها وحش او نقص حاجه عن الالماني او في عيوب
علي فكره انا لما نزلت اشتري كنت هجيب باسات بس لقيتها من وجهة نظري كبيره علي احتياجي وشكل الجنط الكبير في الجيتا احلي الصالون تقريبا قريب من بعضه الباسات سرعه اكتر بس وزن العربيه اكبر الخ
من الاخر الشركات بتقصد تعمل كده علشان الي يحب الباسات يشتري والي بيحب الجيتا يشتري وكله يتباع
بلاش ننسي ان كله فولكس بلاش نختلف

ما فيش اختلاف خالص و انا راى من رايك دى بترجع للى بيشترى و انا حاولت أكون موضوعى و امين جدا فى وصف كماليات و مميزات الباسات و الجيتا
لكن انا عند رايى انك ما تنفعش تقارن بين عربيتين مختلفتان فى كل شىء الا علامه الفولكس اللى عليها و انا بحترم الجيتا جدا لكن بيغيظينى ان ناس كتير لا تميز بين العربيتين
و المكسيكى او المريكى لا غبار عليها اطلاقا و تقارن بالالمانى و لا تقارن بالبرازيلى او الارجنتينى
تحياتى لك

[aneo]

طبعا الباسات افضل بس يعيب على اول فئه فيها الطاسات انا شايف ودا رأى شخصى انه حرام تجيب عربيه سعرها اعلى من 200 الف جنيه وبطاسات!

انا معاك فى النقطة دى يا برنس المفروض على اول فئة تنزل حتة جنط يكون شكل تانى غير الى بنزل فى الهاى لاين

[islamimbaby]

passat ofcourse u cant even compare between them, the jetta is mexican while the passat is german, also the new jetta is coming out next year, while the new passat is still gone come after 2 years. The jetta is basically a Golf with a boot so u cant compare a golf with the passat

[aneo]

الكلااااااااااااااااااااام دة كبييير كبييييييييييييير كبيير يصعب على معظم الناس فهمة ( بس انا فاهم طبعا ) يا ريت لو تنزل معاه (ملحق ترجمة) انجليزى عربى هههههههههههه

[TeMoON]

لا تقولى جيتا ولا تقولى باسات مفيش احلى من الاسبيرانزا
بصراحة انا شايف الباسات فاشلة ( مع احترامى لكل مالكى الباسات فى مصر) فى مصر عشان موتورها الصغير على حجمها ودا طبعا بيضعف ادائها وغير كدا احنا بنتكلم فوق 200 باكو فا صعب جدا يا جماعة انى ادفع فى عربية فوق 200 باكو مفيش فيها كماليات وموتورها صغير هى صحيح فخامة ووسع وبرستيج وكل حاجة حاجة وفيها كماليات بس غالية وغير كدا حاجة تانية الباسات عشان تاخد الاداء المظبوط منها لازم البنزين ال 95 يكون نضيف اوى عشان الموتور ما يتبهدلش لان بنزين مصر بلدنا الحبيبة جاب للعربيات ربو
فا فى الاول وفى الاخر العربية دى راحة نفسية
يعنى انا جبت جيتا لانى مرتحالها عن الباسات وعلى اد فلوسها بمعنى انى على اد ما دفعت فلوس اخدت كماليات ولانى مش هجط بنزين 95 لانى بحسبها تكاليف

[SAiF3S]

لا تقولى جيتا ولا تقولى باسات مفيش احلى من الاسبيرانزا
بصراحة انا شايف الباسات فاشلة ( مع احترامى لكل مالكى الباسات فى مصر) فى مصر عشان موتورها الصغير على حجمها ودا طبعا بيضعف ادائها وغير كدا احنا بنتكلم فوق 200 باكو فا صعب جدا يا جماعة انى ادفع فى عربية فوق 200 باكو مفيش فيها كماليات وموتورها صغير هى صحيح فخامة ووسع وبرستيج وكل حاجة حاجة وفيها كماليات بس غالية وغير كدا حاجة تانية الباسات عشان تاخد الاداء المظبوط منها لازم البنزين ال 95 يكون نضيف اوى عشان الموتور ما يتبهدلش لان بنزين مصر بلدنا الحبيبة جاب للعربيات ربو
فا فى الاول وفى الاخر العربية دى راحة نفسية
يعنى انا جبت جيتا لانى مرتحالها عن الباسات وعلى اد فلوسها بمعنى انى على اد ما دفعت فلوس اخدت كماليات ولانى مش هجط بنزين 95 لانى بحسبها تكاليف

لا تعليق

انت اكيد من عالم تانى, من عالم تانى

[معتز]

لا تقولى جيتا ولا تقولى باسات مفيش احلى من الاسبيرانزا
بصراحة انا شايف الباسات فاشلة ( مع احترامى لكل مالكى الباسات فى مصر) فى مصر عشان موتورها الصغير على حجمها ودا طبعا بيضعف ادائها وغير كدا احنا بنتكلم فوق 200 باكو فا صعب جدا يا جماعة انى ادفع فى عربية فوق 200 باكو مفيش فيها كماليات وموتورها صغير هى صحيح فخامة ووسع وبرستيج وكل حاجة حاجة وفيها كماليات بس غالية وغير كدا حاجة تانية الباسات عشان تاخد الاداء المظبوط منها لازم البنزين ال 95 يكون نضيف اوى عشان الموتور ما يتبهدلش لان بنزين مصر بلدنا الحبيبة جاب للعربيات ربو
فا فى الاول وفى الاخر العربية دى راحة نفسية
يعنى انا جبت جيتا لانى مرتحالها عن الباسات وعلى اد فلوسها بمعنى انى على اد ما دفعت فلوس اخدت كماليات ولانى مش هجط بنزين 95 لانى بحسبها تكاليف

فاشلة...كلمة لا تليق بالباسات...ياراجل ده الباسات حلم ...ولا اعتقد ان حلم كثير من المصريين هو ركوب الفشل....معلش اللى مش قادر على بنزين 95 يجيب صيني اوفر وارخص...حضرتك ما شاء الله جايب اعلى مستوى جيتا واعتقد ان الفلوس مش هى المانع الاساسى......اقولك حاجة ...اركب باسات تى اس اى الجديد لمدة ربع ساعة ....وهتشوف الموتور الصغير الفاشل هيعمل ايه.....ولا بلاش لترجع تغير الجيتا بالباسات.....متزعلش منى بسب بصراحة كلامك عن فشل الباسات مقدرتش استحمله..........مرة تانية متزعلش والجيتا عربية ممتازة.بس الباسات قصة تانية خالص....احترامى

[newcastle]

الجيتا فعلا ممتازه جدا بس الباسات حاجه تانيه قعدتها مرييييحه جدا ومختلفه عن قعدة الجيتا والمفروض كلها تنزل tsi بلاش fsi ده حاسس انه مش مستوعبها
بالنسبه للبنزين الاتنين لازم 95 الفرق ان في الجيتا العربيه هتبقى تقييله لو 92 لكن في الباسات سمعت ان الكنترول بيتحرق

[SAiF3S]

فاشلة...كلمة لا تليق بالباسات...ياراجل ده الباسات حلم ...ولا اعتقد ان حلم كثير من المصريين هو ركوب الفشل....معلش اللى مش قادر على بنزين 95 يجيب صيني اوفر وارخص...حضرتك ما شاء الله جايب اعلى مستوى جيتا واعتقد ان الفلوس مش هى المانع الاساسى......اقولك حاجة ...اركب باسات تى اس اى الجديد لمدة ربع ساعة ....وهتشوف الموتور الصغير الفاشل هيعمل ايه.....ولا بلاش لترجع تغير الجيتا بالباسات.....متزعلش منى بسب بصراحة كلامك عن فشل الباسات مقدرتش استحمله..........مرة تانية متزعلش والجيتا عربية ممتازة.بس الباسات قصة تانية خالص....احترامى

عين العقل انا ماكنتش عاوز أعلق مخصوص علشان كلمه فاشله دى , لان ما ينفعش ارد و أقول لا دى زى الفل لان شهادتى مجروحه و الظاهر ان تيمون متحيز جدا للجيتا اللى عمرى ما قلت عليها كلمه فاشله وده على اساس ان الجيتا حاجه (فئه) و الباسات حاجـــــــــــــه تانيه خالص (فئه اعلى) و ماينفعش انهم يتقارنو ببعض حتى لو ال p1 فى الباسات قصاد ال p6 فى الجيتا وده مش على اساس ان ال p1 احسن من ال p6 لكن علشان مبدء انهم ما ينفعش يتقارنو ببعض

الجيتا فعلا ممتازه جدا بس الباسات حاجه تانيه قعدتها مرييييحه جدا ومختلفه عن قعدة الجيتا والمفروض كلها تنزل tsi بلاش fsi ده حاسس انه مش مستوعبها
بالنسبه للبنزين الاتنين لازم 95 الفرق ان في الجيتا العربيه هتبقى تقييله لو 92 لكن في الباسات سمعت ان الكنترول بيتحرق

يا أخى الفاضل اللى ما جربش وساق وركب يقول عدس و فاشله كمان الظاهر ان مافيش حد بيقرا المواضيع اللى فى المنتدى