نصائح هامة جدا ... قبل ما تشترى جولف 2 ... لكل واحد مبتدأ

[mesho_kimi]

انا شايف انك مقلق اوى مش عارف ليه من قطع الغيار القطع اسعارها كويسة جداً مع العلم انى الجولف ممكن يركب عليها قطع غار فيات وقطع غيار يابانى كمان ده لو مش عايز تجيب الأصلى اللى هوه مش غالى بالنسبة لعربيات كتير بس مش سعر الكوري طبعاً :) وربنا يكرمك بعربيه كويسه

[Mohamed.Ramah]

متابع باهتمام

[husseinoo]

انا شايف انك مقلق اوى مش عارف ليه من قطع الغيار القطع اسعارها كويسة جداً مع العلم انى الجولف ممكن يركب عليها قطع غار فيات وقطع غيار يابانى كمان ده لو مش عايز تجيب الأصلى اللى هوه مش غالى بالنسبة لعربيات كتير بس مش سعر الكوري طبعاً :) وربنا يكرمك بعربيه كويسه

طيب ما تكتب لنا بعض الامثلة
لقطع غيار والبدائل بتاعتها

انا مقلق لان للاسف وجدت التالى:
في ناس لما تسألها لها مصلحة توجهك لسيارة معينة
وفى الآخر يقول لك انا عندى العربية الفلانية

وفيه ناس ما تعرفش حاجة وبدل ما يقول انه ماعندوش فكرة ويسكت
يفضل يفتى ويخبطك كلمة يخليك تلف حوالين نفسك
زى اللى بيقولك دى قطع غيار الجولف 2 مولعة نار

وفيه ناس بتحب عربيتها جدا بغض النظر عن عيوبها
ولو سألته طبعا مافيش عنده احسن من عربيته


طبعا عشان السيارات الالمانية معروفة هى واليابانية بارتفاع قطع غيارها لكن معمرة جدا

يظهر القلق

طيب سؤال
افرض ان موتور العربية الاصلى كان محتاج عمرة مثل اى عربية
هل قطع غيار العمرة متوفرة وتساوى كام
ده اذا كنت موش من انصار تسقيط موتور


فى الحقيقة اخويا الكبير ما كانش مقتنع بالجولف 2
لكنه ركب العربية فقط ربع ساعة
رجع وقال لى : عايز الحقيقة العربية دى صاروح مالهاش حل
لكن انا خايف اننا نشتريها ونلاقى قطع غيارها غالية وانت موش ادها

لكن للاسف انتم عايزين الحقيقة
منتدى الفولكس مريح شوية
فى كل المنتديات لو سألت على قطع غيار
تلاقى الاعضاء كتبوا لك صفحة ولا صفحتين بكل قطع الغيار المتوقعة والغير متوقعة واسعارها واماكن شرائها واسماء وتليفونات الميكانيكية

موش عارف فى ايه
فى منتدى الفولكس
هو الموضوع صعب للدرجة دى

ده انا قرأت كل مواضيع منتدى الفولكس مافيش لا حس ولا خبر
كل المكتوب بجد يخص البيتلز ومحبى البيتلز هم فقط المهتمين بسيارتهم

خلاف كده الباقى عادى
يا معاه عربية شديدة وغالية
وكل تفكيره فى التعامل مع الوكيل

اما اصحاب السيارة مثل الجولف 2
مافيش اجابات ومعلومات كافية

فاضل النهاردة وبكرة واروح سوق السيارت يوم الجمعة عشان اشترى اى عربية والسلام واتفقت مع احد اقربائى عشان يسافر وييجى معاى السوق مخصوص "طبعا كله بحسابه" على اساس ان الراجل بيفهم فى انواع معينة ما عرفش عنده فكرة عن الجولف 2 ولا لأ

لو فيه حد عارف اسعار اى حاجة
اى معلومة عن الجولف 2 يكتبها لوجه الله تعالى

يا مسهل

شكرا لكل الاعضاء

مع اطيب التمنيات
اخوكم حسين غزالة

[mesho_kimi]

اعتقد انى مش كتير هنا فى المنتدى معاهم جولف بس انا قولتك اللى أعرفه أنها قطع غيارها أرخص من البولو وده من كلام الصنايعي اللى انا بتعامل معاه طالما العربيه عجباك أشترى وبعدين انت بتتكلم عن عمرة ماتور انت شكلك منمر على عربيه كهنه ولا أيه ثانياً أذا كنت حتشترى المانى عموماً فهو قطع غياره أخلى من أى حاجه تانيه بس اعتماديته بالنسبة للعربيه لازم يبقى معاك واحد متمكن فى العربيات ده لو مكانش متخصص لأنك حتشترى من سوق أنا عايز اقولك انى فى ناس تعرف حالة الماتور بمجرد انها تفتح غطا الزيت بالنسبة للى يهمك فى العربيه الاستعمال حالة الماتور والعفشة والبودى الخارجي يعنى مثلأً متقوليش حالتها ممتازة وفراملها ضعيفة دية حاجه ممكن تتغاضى عنها وتظبها وكمان الناس قالتلك على أسعار الفوانيس وتيل الفرامل واعتقد سعر السيور مش حيعدى ال 200 جنيه ودية اهم الحاجات اللى حتفيدك بقية الحاجات مش مهم تعرفها فى الوقت الحالى لانى صراحة معنديش خبرة بيها

[husseinoo]

اعتقد انى مش كتير هنا فى المنتدى معاهم جولف بس انا قولتك اللى أعرفه أنها قطع غيارها أرخص من البولو وده من كلام الصنايعي اللى انا بتعامل معاه طالما العربيه عجباك أشترى وبعدين انت بتتكلم عن عمرة ماتور انت شكلك منمر على عربيه كهنه ولا أيه ثانياً أذا كنت حتشترى المانى عموماً فهو قطع غياره أخلى من أى حاجه تانيه بس اعتماديته بالنسبة للعربيه لازم يبقى معاك واحد متمكن فى العربيات ده لو مكانش متخصص لأنك حتشترى من سوق أنا عايز اقولك انى فى ناس تعرف حالة الماتور بمجرد انها تفتح غطا الزيت بالنسبة للى يهمك فى العربيه الاستعمال حالة الماتور والعفشة والبودى الخارجي يعنى مثلأً متقوليش حالتها ممتازة وفراملها ضعيفة دية حاجه ممكن تتغاضى عنها وتظبها وكمان الناس قالتلك على أسعار الفوانيس وتيل الفرامل واعتقد سعر السيور مش حيعدى ال 200 جنيه ودية اهم الحاجات اللى حتفيدك بقية الحاجات مش مهم تعرفها فى الوقت الحالى لانى صراحة معنديش خبرة بيها

الله يكرمك يا ميشو
وشكرا على ردك

فى الحيقيقة صعب انك تشترى جولف 2 بحوالى 32 الف جنيه وتكون كهنة
ده فى حالة واحدة فقط ان الواحد فعلا يكون موش فاهم حاجة

لو كان سعرها فى حدود 25 الف كنت قلت لك فعلا دى تحتاج شغل وهاتتعب الواحد


كل اللى انا شفته
العربية شكلها جميل جدا
حالتها من الخارج ممتازة
من الداخل اكثر من روعة
الفرش عامة من الداخل معقول جدا موش متهان
شكلها يعتبر عصرى وماشى مع العربيات الحديثة بتاعة اليومين دول


بالنسبة للموتور ... طبعا اصحاب الجولف عشان شباب
بيسقطوا مواتير وموش بيهمهم حاجة
وده اللى انا عرفته
وده الطبيعى فى الجولف يعنى موش حاجة غريبة

لكن قلت لنفسى
افرض انى اشتريت
وبعد فترة مثلا 3 سنوات
فكرت انى اعمل عمرة للموتور زيها زى اى عربية
هل حاجتها موجودة

ولا على طول هاروح اسقط موتور انا كمان

مشكلة يا اخى ان الواحد يحب حاجة جامد قوى
زى العربية الجولف دى
موش عارف عملت للواحد ايه

ده انا احيانا اقول لنفسى اشتريها ويحصل اللى يحصل

العربية جميلة قوى قوى ما شاء لله ولا حول ولا قوة الا بالله
اللى عملها استاذ بجد

فى الاول والآخر
هى نصيب وربنا يسهل

شكرا لك يا ميشو

[ahmed_gman]

السلام عليكم ورحمة الله وبركاته
اخى حسين
من الواضح ان العربيه طلعت عمللك عمل هههههههههههههه زى بالضبط ايام ماكنت بشترى عربيتى ال3
يا عم والله توكل على الله ومش حتندم خالص مهما تقابل فيها من مشاكل بردو حتلقى نفسك بتحب العربية جدآ جدآ مش عارف ليه الله اعلم ؟؟؟؟؟
ممكن علسان الى انت قولته بنفسك ده كل اللى انا شفته
العربية شكلها جميل جدا
حالتها من الخارج ممتازة
من الداخل اكثر من روعة
الفرش عامة من الداخل معقول جدا موش متهان
شكلها يعتبر عصرى وماشى مع العربيات الحديثة بتاعة اليومين دول
ممكن !!!!!!!!! اهو من ضمن الاسباب وليس كلها
وبعدين كل مشكله وليها حل ان شاء الله وبسيط جدآ

وعلى فكره والله انا معايا العربيه بقالى سنة ممتازة كل المشاكل الى كانت بتقابلنى تظبيظ مش اكتر
الزيت فى ميعاده شيل الاصفر 98 ج+ فلتر نظيف الكبير ب 25 ج
البوجيهات 3 شمعة ngk لكل ماتور الرقم بتاعهب 60ج
الفلتر الهوا والبنزين كل منهم ب 60ج
سمعت بس مجبتش طقم دبريج اسطوانة وديسك ب 750ج
وهكذا يعنى عادى والله كل تحت السيطرة ان شاء الله مفيش حاجة حتلاقيها بعيد عنك اوى وكله موجود استيراد وجديد فى كل حته
وبعدين انت قولت
لكن قلت لنفسى
افرض انى اشتريت
وبعد فترة مثلا 3 سنوات
فكرت انى اعمل عمرة للموتور زيها زى اى عربية
هل حاجتها موجودة

ولا على طول هاروح اسقط موتور انا كمان

مشكلة يا اخى ان الواحد يحب حاجة جامد قوى
زى العربية الجولف دى
موش عارف عملت للواحد ايه

ياعم ربنا يديلك العمر وبعد 3 سنين ابقى غير العربيه خالص ولا تعمر ولا تسقط
وخلص بقى تعبتنا معاك ههههههههههه انا بهزر طبعآ اوعى تزعل
يا عم اشتريها ويحصل اللى يحصل

العربية جميلة قوى قوى ما شاء لله ولا حول ولا قوة الا بالله
اللى عملها استاذ بجد

فى الاول والآخر
هى نصيب وربنا يسهل
وده كلامك وانا ااكد لك عليه توكل على الله
وصلى تانى صلاة الاستخارة ادعو الله انه يرزقك عربيه سليمة وحلوة وربنا يباركللك

[tareksakr]

أولا السلام عليكم ثانيا بالنسبة للجولف انا معايا جولف 2 85 1300 بص يا سيدي الحالة ثم الحالة ثم الحالة حالة العربية بتفرق جامد جدا في مصاريف الصيانة بعد الشراء بمعني ان الجولف 2 بحالة جيدة جدا يعني موتور حالته لاتقل عن 75 %العفشة تكون بحالة كويسة المسعدين وعلبة الدركسيون الفرامل حالة الكاوتش التكييف يكون شغال أما عن أسعار قطع الغيار فهي أرخص العربيات الألماني
وهقولك علي الأسعار
سير كاتينة 60 جنيه سير دينامو 20 جنيه جوان غطا تاكيهات 30 جنيه تيل فرامل أمامي بيبتدي من 70 جنيه ل 150 جنيه
تيل خلفي 140 ل 200 جنيه طنابير أمامي بتبتدي من 110 ل 250 حسب النوع ماستر فرامل 200 جنيه ل 350 حسب النوع
علبة دركسيون من 250 ل 400 حسب النوع بارات طرف بلأتياش
150جنيه مساعدين أمامي كوفاب برازيلي 500 جنيه سوست أمامي 100 جنيه طقم بلوف تاكيهات 280 جنيه سلك اكسراتير 75 جنيه سلك دبرياج 75 جنيه طقم بوجيهات ن ج ك 3 شمعة 50 جنبه
فانوس أمامي 65 جنيه للواحد جديد 175 جنيه للاتنين استيراد
تابلو كامل استيراد 300 جنيه اكصدامات أمامي عادة 200 جنيه gl 600 وكل قطع غيارها موجودة جدبدة واستيراد وبوفرة وأي سؤال انا تحت أمرك

[ahmed_gman]

أولا السلام عليكم ثانيا بالنسبة للجولف انا معايا جولف 2 85 1300 بص يا سيدي الحالة ثم الحالة ثم الحالة حالة العربية بتفرق جامد جدا في مصاريف الصيانة بعد الشراء بمعني ان الجولف 2 بحالة جيدة جدا يعني موتور حالته لاتقل عن 75 %العفشة تكون بحالة كويسة المسعدين وعلبة الدركسيون الفرامل حالة الكاوتش التكييف يكون شغال أما عن أسعار قطع الغيار فهي أرخص العربيات الألماني
وهقولك علي الأسعار
سير كاتينة 60 جنيه سير دينامو 20 جنيه جوان غطا تاكيهات 30 جنيه تيل فرامل أمامي بيبتدي من 70 جنيه ل 150 جنيه
تيل خلفي 140 ل 200 جنيه طنابير أمامي بتبتدي من 110 ل 250 حسب النوع ماستر فرامل 200 جنيه ل 350 حسب النوع
علبة دركسيون من 250 ل 400 حسب النوع بارات طرف بلأتياش
150جنيه مساعدين أمامي كوفاب برازيلي 500 جنيه سوست أمامي 100 جنيه طقم بلوف تاكيهات 280 جنيه سلك اكسراتير 75 جنيه سلك دبرياج 75 جنيه طقم بوجيهات ن ج ك 3 شمعة 50 جنبه
فانوس أمامي 65 جنيه للواحد جديد 175 جنيه للاتنين استيراد
تابلو كامل استيراد 300 جنيه اكصدامات أمامي عادة 200 جنيه gl 600 وكل قطع غيارها موجودة جدبدة واستيراد وبوفرة وأي سؤال انا تحت أمرك

شكرآ

[Abody1985]

مش عارف اقولك ايه يا طارق كده انت ظبطت الكلام بس عاز اعرف اجزاء العفشة واسعارها ( مساعدين - جلب - مقاصات ) ولك جزيل الشكر

[aid904]

يا اخي توكل على الله جولف 2 ممتازة وهي معايا من سنتين الحمد لله مش بتصرف كتير من ساعه ما اشتريتها مغيرتش غير مروحه الريداتير ب150 ممتازة من الحرفيين والمساعدين اللي ورا بلشتين ألماني جديد ب 480 وشوفت مساعدين كوفاب برازيلي ب380 من أولاد فتح الباب بالتوفيقيه والاسعار أقل من كدة بكتير في الحرفيين وانصحك قبل الشراء تاخد العربيه لسيد عبدة ميكانيكي تخصص جولف 2 يكشفلك عليها ويديك تقرير وسعر تقريبي

[Abody1985]

معلش بردو يا طارق باشا عشان واضح انك خبره كبيرة للجلفاوية ايهما تفضل من انواع البنزين للجولف 2 ( 80 - 90 - 92 ) سواء للكربراتير او الانجيكشن ومليون شكر ليك بجد يا عم طارق

[Mohamed.Ramah]

متابع باهتمام وانشاء الله ربنا يكرمك بعربية حلوة وان شاء الله ححصلك واشترى واحدة قريب انا ليا سؤال اسعار المواتير الجديدة للجولف بكام واية نظام تسقيطها بيتكلف كام وشكرا

[omar91119]

بص يا سيدى العربيه دى قطع غيرها مش غاليه ولا حاجه وبعدين متنساش انها عربيه بينفع عليها التعديل المقصود يعنى انها ينفع يتركب لها قطع من صنع شركات اخرى اى من عربيات تنيه والعربيه عمتا حلوه جدا ولو فكرت تبعها هتلاقى الى يشتريها منك

تحياتى

وربنا يوفقك

[mesho_kimi]

بص يا سيدى العربيه دى قطع غيرها مش غاليه ولا حاجه وبعدين متنساش انها عربيه بينفع عليها التعديل المقصود يعنى انها ينفع يتركب لها قطع من صنع شركات اخرى اى من عربيات تنيه والعربيه عمتا حلوه جدا ولو فكرت تبعها هتلاقى الى يشتريها منك

تحياتى

وربنا يوفقك

+1
انا أما بروح للميكانيكي بلاقى ناس بتركب للجولف قطع غيار إيطالي ( فيات ) وفى ناس بتركبلها يابانى بس مسألتش انهى ماركه

[tareksakr]

بالنسبة لنوع البنزين انا بحط 92 وجربت ال90 لقيت العربية بتسقف لما أكبس بنزين ما جربتش ال 80 لكن عامة ال 92 حلو جدا وكل موتور له نسبة انظغاط هي اللي بتحدد نوع البنزين أو رقم الأوكتان المناسب للمحرك انا في واحد صاحبي معاه جولف 2 بس موتورها 1100 سي سي بيحطلها بنزين 80 وعادي بس عشان ده موتور قديم من أول المواتير اللي نزلت للجولف وأي خدمة