نصائح هامة جدا ... قبل ما تشترى جولف 2 ... لكل واحد مبتدأ

[tareksakr]

تسقيط موتور للجولف ده حكاية تانية لوحدها حسب انت عربيتك فيها موتور سعته اد ايه لان مثلا لو عربيتك فيها موتور 1100 أو 1300 وحبيت تحط موتور أعلي هتضطر تغير حاجات في العفشة والردياتير والفرامل فتكلفة التسقيط بتختلف حسب نوع الموتور اللي انت هتحطه لان كل موتور وله سعر وأرخصهم الموتور 1600 سي سي 75 حصان كربراتير وده سعره بالعفشة بتاعته حوالي 3500 جنيه

[mesho_kimi]

بالنسبة لنوع البنزين انا بحط 92 وجربت ال90 لقيت العربية بتسقف لما أكبس بنزين ما جربتش ال 80 لكن عامة ال 92 حلو جدا وكل موتور له نسبة انظغاط هي اللي بتحدد نوع البنزين أو رقم الأوكتان المناسب للمحرك انا في واحد صاحبي معاه جولف 2 بس موتورها 1100 سي سي بيحطلها بنزين 80 وعادي بس عشان ده موتور قديم من أول المواتير اللي نزلت للجولف وأي خدمة

بلاش تفكرني بسيرة الـ 80 ده واحد معرفة شغال فى شركة بترول قالى جرب ال 80 ذيه ذى ال 90 لأنى بيبدأ حساب البنزين ال 90 من اول 83 يعنى هى هى المهم دخلت البنزينه حطيط 10 لتر ملحقتش طالع من البنزينه على التاني لاقيتها بتصقف وتكركر وبتعمل كل حاجه والسحب طبعاً راح فى الباى باى لدرجة انى طلع الكوبرى جمب 127 جمع اسرع منى :) طبعاً دية ضايقتنى اوى المهم تانى بوم نزلت أمشى بالعربيه كأنها مش عربيتى اول بنزبنه وكنت حاطط 20 لتر 92 وحرمت من بعدها 92 ميه ميه

[Mohamed.Ramah]

تسقيط موتور للجولف ده حكاية تانية لوحدها حسب انت عربيتك فيها موتور سعته اد ايه لان مثلا لو عربيتك فيها موتور 1100 أو 1300 وحبيت تحط موتور أعلي هتضطر تغير حاجات في العفشة والردياتير والفرامل فتكلفة التسقيط بتختلف حسب نوع الموتور اللي انت هتحطه لان كل موتور وله سعر وأرخصهم الموتور 1600 سي سي 75 حصان كربراتير وده سعره بالعفشة بتاعته حوالي 3500 جنيه

شكرا على الافادة جزاك الله خيرا

[husseinoo]

بص يا سيدى العربيه دى قطع غيرها مش غاليه ولا حاجه وبعدين متنساش انها عربيه بينفع عليها التعديل المقصود يعنى انها ينفع يتركب لها قطع من صنع شركات اخرى اى من عربيات تنيه والعربيه عمتا حلوه جدا ولو فكرت تبعها هتلاقى الى يشتريها منك

تحياتى

وربنا يوفقك

والله يا اخى الكريم
انت فتحت موضوع جميل قوى

وهو ايه الحاجات اللى ممكن تركب للجولف 2 من عربيات تانية

اكيد فيه حد ركب قطع غيار بديل للاصلى

طبعا ممكن يكون البديل موش فى نفس قوة الاصلى ولا حتى الاستيراد

لكن زى ما تقول "حاجة تمشى الحال"
خصوصا اذا كنت بتمشى بالعربية بعقل بدون "شقاوة الشباب"

لو فيه اى حد عارف قطع غيار بديلة يا ريت يكتبها لنا

سؤال اخير

اذا كان الموتور محتاج عمرة
ما هى تكلفة عمل عمرة للجولف 2
بعيدا عن موضوع تسقيط موتور
يعنى مستلزمات عمل عمرة للجولف 2 ... متوفرة


بالنسبة لموضوع البنزين
اعتقد والله اعلم ان البنزين 80 مناسب للعربية اذا كانت "كاربراتير" وطبعا تحتاج ضبط كهرباء عند ميكانيكى فاهم ... ولا ايه رايك

ممكن اعرف استهلاك الموتور الـ 1300 سى سى كام كيلوا فى التحرك داخل المدينة
واستهلاك الموتور فى الطريق الطوالى

[Abody1985]

مليووون شكر ليك يا طارق على معلوماتك وبجد ربنا يجزيك خير مشكووووووووووووووووووووووووووووووووور

[Mohamed.Ramah]

انا عاوز اعرف اية انواع مواتير الجولف وهل فى مواتير بتنزل بتربو وبتكون سعتها اد اية كام سى سى وشكرا

[iBiZa]

انا عاوز اعرف اية انواع مواتير الجولف وهل فى مواتير بتنزل بتربو وبتكون سعتها اد اية كام سى سى وشكرا

يا ريت متسألش نفس السؤال فى كذا حتة.
انا رديت فى الموضوع التانى.

[Mohamed.Ramah]

الكلام دة محصلش ورا بعضة انا سالت فى الموضوع الاول ومفيش رد فسالت داخل الموضوع التانى بعد فترة وشكرا على ردك

[ahmed1981]

الجولف 2 سيارة أكثر من روعة
وبصفتي من مالكيها

مشكلتها إن اللي بيركبها بيحبها وبيصرف عليها اللي حلته واللي محلتوش

الحالة هي أهم حاجة
أنا لفيت ستة أشهر لغاية لما لقيت واحدة نظيفة

العربية الجولف لو حالتها وحشة وفتحت مصاريف بتاكل الأخضر واليابس
بتفتح على الرابع

لكن لو حالتها نظيفة بتكون روعة الروعة
ما شاء الله تبارك الله

قطع غيارها غالية لكن أرخص الألماني

مش أي ميكانيكي بيفهم فيها

بعض الأسعار في الرابط التالي:

http://www.nilemotors.net/Nile/117903-2.html

[د.محمود صلاح]

لا أنصحك بالسوق , فقط انزل اتفرج فى السو بس ماتشتريش ( الا لو من صاحبها مش تاجر )

وابحث فى النت فى كونتاكت كارز وفى الوسيط وغيرهم

[gomangy]

الله الموفق

[taswos]

ربنا يوفقك وتلاقى وانا برضة الاقى
اليومين دول انا بدور على حاجة تكون موديل 88-89 وتكون حالتها ممتازة لانى مش ناوى اصرف عليها حاجة بعد الشرا لانى هكون اتنفضت تماما وحاطط ميزانيه 30 ولو حتى استنيت 6 شهور مش هنفرق
ونصيحه منى متخليش الاستعجال يخليك تغلط خد راحتك وعلى مهلك وانت ان شاء الله هتتوفق لعربيه ممتازة