يتل --- كاوتش البيتل كلام نهائى (( رفيع )) ولا (( عريض ))

[amo400]

بفكر اغير 4 فرد كاوتيش لعربيتى و مش عارف انا مركب دلوقتى كاوتش عريض و بفكر جديا اجيب لها الكاوتش الاصلى بتعها و مش عارف اخد قرار ناس بتقول العريض بيخلى العربية راسية على الارض و الفرامل بتكون احسن و ناس لا الرفيع نازلة بيه و حنين فى المطبات و الدريكسيون بيبقى باور ده راى الناس
اما راى الشخصى
العريض شكله حلو بس العربية تقيلة قدام و لو العجل ريح شوية العربية بتتقل
الرفيع بتحس ان العربية خفيفة على الطريق مش راسية مش تقيلة يعنى ممكن المطب تحس انها بتترفع اكتر بس الرفليع بيعلى العربية مش اقل م 5 سم و بيبان الكلام ده لما اركب الاستبن انا عندى استبن رفيع عشان يخش فى مكانة فى الشنطة و الرفيع تقدر تظبط الهوا زى الكتالوج بتاع العربية 18 قدام و 20 ورا اما العريض ظبط الهوا بيبقى على حسب مقاس الكاوتش
(( مش محتار قوى انا شبة واخد القرار هاجيب اية بس قولت اشركم معايا ))
هااعمل استفتاء عشان نسهل على بعض قررنا النهائى

لو حد يعرف الكاوتش النسر اخبارة اية
احسن مقاسات من الرفيع تنفع لليبيتل و تعليها و الانواع

[ابوهاشم]

توكل على الله وهات الرفيع
انا جربت العريض فى العربيتين البيتل اللى ركبتهم
مشاكل كتير واولها انه بيبهدل عفشة العربيه
ويبوظ علبة الدريكسيون
الميزه اللى فيه ثبات العربيه وشكل كويس

[aboomr]

طبعا الرفيع لو الجنط الاصلى

[smsmxxxxxx]

انا رأيي العريض مميزاته شكل احسن ثبات فى السرعات العالية
وكمان العربية مبتغرزسش ولا في طين ولا رمل
ودى انا مجربها بنفسي

بس العيب اللي بيدايقنى قوى هو ان زاوية كسر العجل الامامي صغيرة
هو عندى بلف الدريكسيون لفة ونصف بس مبسمعش العجل بيحك

ودا يمكن اكتر حاجة بدايقنى فى العربية تلاقي المتطوعين عماليين يقولولى اكسر العجل على الاخر
لما بكون بلف ملف ديق وبضطر ارجع لورا

------------------
محمد سالم

[medo20000]

عريض طبعا لان حضرتك صعب تلاقى الرفيع لان مفيش غير ماركة النسر بس ودى مش ذات جودة عالية ده غير طبعا قلة الثبات والمنظر اللى مش كويس

[ahmed2y]

الرفيع احسن وموجود منة جديد والنسر كويس جدا كفاية ان تقريبا 6 طبقات وكلة تيل مفيش فية سلك ومعمر جدا وبيخلى العربية خفيفة

[amo400]

كده احترت اكتر اعمل ايه

[smsmxxxxxx]

اقولك على فكرة جامدة جدا

انتا محتار تركب الكاوتش الرفيع ولا تخليك فى العريض

اكيد هنا فى حد عايز يعمل العكس

فأنتا ممكن تبدل معاه لمدة اسبوع وتجربوا انتوا الاتنين

وتقولوا النتيجة لينا

ايه رايك

--------------
محمد سالم

[DIDO_EL_DIDO]

الرفيع افضل من وجهة نظري وزنه مناسب للعربية والدركسيون بيبقي خفيف وفعلا زي البور وبيحافظ علي العفشة والسحب بتاع العربية بيكون افضل بكتير وشكلة مناسب للعربية اكتر اذا كان عندك الجنوط الاصلية و الطاسات الاصلية وبيدي للعربية احساس بالعراقة و الاصالة وكمان لاحظ ان العجل العريض في الاستبن بيلكل الشنطة كلها خاصة في موديل 1200 و1300 لان الشنطة بكون اصغر من المودلات السوبر 1303 ,1302
كل ده بالاضافة انة مش بيحك في الرفرف مع الملفات وميخليش العربية تحدف معاك في الطرق المستقيمة
انا عايز اقول كلمة للناس اللي بتتكلم علي الثبات بتاع العجل العريض:
الكلم ده بسمعة علي طول من الصنيعية بتاعت الكوتش بيقولوا"يابيه حط العريض عشان العربية متعومش منك"
الكلام ده ينطبق حرفياَ علي 128 او132 او125والعربيات اللي زي كدة
واللي بيقول الكلام ده ميعرفش يعني ايه بيتل ولا يعرف شي عن ثابت البيتل وحتي ميعرفش يضبط ضغط الكوتش بتعها وبيتعامل معها علي انها 28 "الضغط ملوش علاقة بمقاس الكوتش الضغط عبارة عن كمية هواء في وحدة مساحة يعني الكوتش العريض هياخد كمية هواء اكثر عشان يوصل للضغط المطلوب "

لكن العربية البيتل مش محتاجة ثبات زيادة بالعجل العريض بالعكس العجل الرفيع بيكون افضل علي السرعات العالية لان العربية بتفتح لبرة عشان تقرب من الارض اكتر زي المرسيدس وطبعاً ده بيكون اصعب لما العجل يبقي عريض
والله اعلم
تحياتي للجميع

[DIDO_EL_DIDO]

أخر كلام نانكوك مقاس 165 80 15 الفردة ب 250

[El.Hossieny]

أخر كلام نانكوك مقاس 165 80 15 الفردة ب 250

يا تري السعر ده فين يا باشا ؟؟ و ماركة نانكوك دي كويسة ؟؟

[DIDO_EL_DIDO]

يا تري السعر ده فين يا باشا ؟؟ و ماركة نانكوك دي كويسة ؟؟

حسيني باشا كيف حالك
السعر ده في اي معرض كاوتش ونانكوك ماركة معروفة بس انا لسه في اول التجربة ومقدرش احكم عليها دلوقتي بس حتي الان الداء ممتاز .

[DIDO_EL_DIDO]

أخر كلام نانكوك مقاس 165 80 15 الفردة ب 250

انا اسف يا جماعة حصل غلط غير مقصود في الاسم
الاسم الصحيح هو هانكوك وليس نانكوك والمقاس مضبوط 165 80 15 والصناعة كورية

[rabeden]

بسيطه عرض ورا وسيب اللى اودام عشان اللمفات و الدركسيون وعلى فكرة كل العربيات الاسبو مثل فيرارى وماكلارن بيعملوا كده

[ahmed2y]

الرفيع افضل من وجهة نظري وزنه مناسب للعربية والدركسيون بيبقي خفيف وفعلا زي البور وبيحافظ علي العفشة والسحب بتاع العربية بيكون افضل بكتير وشكلة مناسب للعربية اكتر اذا كان عندك الجنوط الاصلية و الطاسات الاصلية وبيدي للعربية احساس بالعراقة و الاصالة وكمان لاحظ ان العجل العريض في الاستبن بيلكل الشنطة كلها خاصة في موديل 1200 و1300 لان الشنطة بكون اصغر من المودلات السوبر 1303 ,1302
كل ده بالاضافة انة مش بيحك في الرفرف مع الملفات وميخليش العربية تحدف معاك في الطرق المستقيمة
انا عايز اقول كلمة للناس اللي بتتكلم علي الثبات بتاع العجل العريض:
الكلم ده بسمعة علي طول من الصنيعية بتاعت الكوتش بيقولوا"يابيه حط العريض عشان العربية متعومش منك"
الكلام ده ينطبق حرفياَ علي 128 او132 او125والعربيات اللي زي كدة
واللي بيقول الكلام ده ميعرفش يعني ايه بيتل ولا يعرف شي عن ثابت البيتل وحتي ميعرفش يضبط ضغط الكوتش بتعها وبيتعامل معها علي انها 28 "الضغط ملوش علاقة بمقاس الكوتش الضغط عبارة عن كمية هواء في وحدة مساحة يعني الكوتش العريض هياخد كمية هواء اكثر عشان يوصل للضغط المطلوب "

لكن العربية البيتل مش محتاجة ثبات زيادة بالعجل العريض بالعكس العجل الرفيع بيكون افضل علي السرعات العالية لان العربية بتفتح لبرة عشان تقرب من الارض اكتر زي المرسيدس وطبعاً ده بيكون اصعب لما العجل يبقي عريض
والله اعلم
تحياتي للجميع

كلام مظبوط 100%