تحذير من التعامل مع مركزrsg محمد محسن( تجربتي المؤلمة )

[adel_2346]

الله يعوض عليك
انا الميكانيكى اللى بتعامل معاه هو مش متخصص فولكس ولا حاجة بس اما بغير حاجة واخرها كان دراع اسكطرة الحاجة الى جايه جديدة قبل ما بيركب بيروح حاططها جنب القدية ومقارنها نفس الطول ولا لا
لكن مش الزباين تجيب وانا اركب زى متيجى
ودراع الاسكطرة طلع طويل عن الى كان راكب فيها خلانى اروح ارجعه وسافرت القاهرة باليل تانى

[عمرو عمارة]

الحاجة الى جايه جديدة قبل ما بيركب بيروح حاططها جنب القدية ومقارنها نفس الطول ولا لا

دي قاعدة عامة للأي ميكانيكي فاهم

عايز قولك إن بلية الميكانيكي ( إلي محمد سمير بيتريق عليه ) بيعمل كده وده أساس شغله خصوصأ في الكبالن
للأسف هو عايز يعمل شغل وخلاص ياخد عليه مصنعية وأي مشكلة تحصل هو غير مسئول

هل يعقل هذا ؟؟؟!!!!

[human]

اققل واحد قبل مايركب بالذات حاجه غاليه يفضل يقيس و يشيل و يحط خصوصا الحاجه اللى مش بترجع و يجيب البوكليز و يقيس من جوه و من بره و بعدين ساعات يبعت القديم والجديد لبتاع قطع الغيار و يقوله مش هيه عشان لما يقول هيه و يركب و نطلع غلط يبقى غلطه البياع

الموضوع مش انا بركب و خلاص - ده اسمه سفه

[د.محمود صلاح]

الخطأ مركب بصراحة

[fathelbab]

فرق الكوبلن في الطول لا يظهربالنظر في ورشه لانه بسيط لكن طبعا يبان بعد ما يركب واكيد دي غلطه صنايعي صغير وخاف يقولو واعتقد هوه ده السناريو المنطقى الضغط النفسي علي الناس خلا كل واحد يتشبث برأيه وانا ماليش علاقه بالطرفين .

[Moustafa Al-mansy]

السلام عليكم يا جماعة.....
بصراحة أنا وؤيد شديد للاستاذ عمرو
أنا روحتلوه مرة واحدة بس و بصراحة الاستاذ اللي عندة في الاستقبال لقيتة ماسك ورقة و قلم و كتب لستة يزيد ثمنها عن 1000 و في الأخر روحت رجعت كل اللي أنا جبتة عشان الحاجات اللي عندي طلعت سليمة!!!!!!!!!!!!!

[Ghamrawy]

لو هو فاتح الورشة (او الدكان) بتاعه ده و بيرضى يشتغل فى 50 و 40 عربية كل يوم و هو طاقته 10 عربيات بس يبقى هو كده فعلا بيشتغل عك و كلام فاضى علشان المفروض يبقى مع الزبون فى كل حاجة مش شغل الطلسئة ده
انما الطمع بقى حاتعمل ايه
و عموما هو اتشم خلاص

[Abo_Lina]

يا سلام ..
شوفت الأنعره ..
أنت عشان ماخدتش رأيه فهو هايربيك بقى ..
و الله عال

[M.Mostafa80]

للأسف تجربه مش كويسه ومكنتش اتوقع ان محمد سمير ممكن يكون دا كلامه فى يوم من الأيام لأنو معروف عنو الفهم والأحترام بس للأسف الموقف دا مخزى فعلا

[عمرو عمارة]

يا سلام ..
شوفت الأنعره ..
أنت عشان ماخدتش رأيه فهو هايربيك بقى ..
و الله عال

وللأسف كمان كل إلي في الورشة من شركاء وصنايعية كان بينافقوه وعايمين على عومه وبيقولولي فعلاً إنت إلي غلطان عشان إنت إلي شاري قطع الغيار.........والله كانوا شبه عصابة

هو ربنا سبحانه وتعالى مسلط علينا الحكومة دي من شوية.......هي دي دوانا فعلاً

[beeboo2005]

كنت أول من طلب من أعضاء منتدى فولكس الكرام كتابة تعليقاتهم على اللى حصل ده و لكن اخطأت و ضغطت على أنشاء موضوع جديد. هذا هو الرابط:

http://www.nilemotors.net/Nile/132426-a.html

و قد طلبت من الأدارة أن يضم هنا لأنه مكانه الأصلى كتعليق على الموضوع.
عن نفسى و بعد أنتهاء فترة الضمان السنتين منذ شراء العربية كنت ناوى أبقى أعمل الصيانة الدورية عند محمد سمير من كثرة شكر الأعضاء فيه. و لكن بعد هذا الموضوع توبة، الواحد يخليه فى التوكيل أحسن. أغلى بس أستحالة (أعتقد) يحدث فيه مثل اللى حصل هنا.

[fadynabil]

أنا مصدوم بجد من اللي قريته ده .. أنا كنت متخيل إن محمد سمير هو بديل توكيل ڤولكس في مصر

ومينفعش يقول أنا ركبت اللي إنت جبته وخلاص ،، وبعدين يبقي ساعتها إيه الفرق بينه وبين بليه اللي بيتريق عليه

وكمان ليه ياخد المبالغ اللي بياخدها دي ،، ماهو كده يبقي زيه زي أي بليه مع إحترامي لبليه

وكان المفروض يتاحسب زيه زي بليه ومايخدش أكتر من 50 جنيه علي تغيير الكبالن

بجد حاجة تحزن

[crazylambada]

قريت يا سيدى.



مسموش باع ضميره !!

الناس بتعمل تعديلات كتير فى العربيات و بيركبوا حاجات على حاجات تانيه.

الراجل جابله حاجه و قاله ركبهالى فا ركبهاله.

و بالنسبه لموضوع قطع الغيار, هو لما قال 500 جنيه هو مش ضاربهم فى جيبة, هو خد الجزء ده من تاجر جمبة و التاجر هو اللى طلب السعر ده.

معلش هو اكيد عارف السعر العادل ليهم و المفروض ينصحه
كلنا قابلنا ميكانيكيه كتير كويسين و حراميه
و من صميم الميكانيكي انه يقيم اي حاجه قبل ما يركبها دي حاجه معروفه
و حته السعر انا لما المركز بتعامل معاه جابلي قطع الغيار جبهالي بسعر ارخص من السوق و محطهاش في جيبه
المساله ان انا بربي زبون و بتعامل باحترام علشان نفسي و اللي حواليا و اتقي ربنا

[crazylambada]

على العموم انا معملش دعايه بس اللي عاوز بديل لمحمد سمير يكلمني على الخاص اقوله على مركز بثق في التعامل معاه دايما

[smsmxxxxxx]

اولا ربنا يعوض عليك انتا فعلا مش غلطان ورحت ضحية لمحل قطع غيار مش فاهم حاجة
ومركز صيانة بتاع واحد مفترى

استنتاجي ان هو قصد يعملك المشكلة دى علشان انتا مشترتش قطع الغيار منه
لان للاسف دلوقتى كل الميكانيكية يطلب منك قطعة الغيار ويقولك اجبهالك انا لو استيراد
او يكلم محل ويبعتك ليه ويكونوا مظبطين مع بعض يغلوا عليك

ولو انتا فاهم وجبت قطعة غيار هيركبهالك غلط ويجيبك انتا السبب

والله انا رأيي ان التوكيل ارحم لو العربية جديدة

وخللي بالك اى مركز او ميكانيكي مجرد ما بيتشهر قلبه بيجمد وبيفترى ويقولك بناقص واحد


بس اهم حاجة ان الموضوع جه فى خسارة فلوس بس لان حياتك اهم من الفلوس

وربنا يعوضك خير انشاء الله

----------------
محمد سالم