معلومة جديدة وهامة من توكيل فولكس فاجن مصر

[dramir1]

اتصلت اليوم بتوكيل فولكس على الرقم 19525 وذلك لتحديد معاد للكشف علي سيارة جولف خليجي قبل شرائها فقالو لي لدخول اي سيارة خليجي من باب التوكيل لابد من دفع مبلغ 7500 جنيه قبل تحديد سعر اي كشف او صيانة!!!!!
وهذا معناه ان العربية ممنوع تخش التوكيل تعمل اي حاجة قبل دفع 7500 جنيه للتوكيل فحبيت اقول ده لاحبابي منتدى نايل موتورز عشان يعملو حسابهم قبل الشراء
من باب الافادة

[islamaboelnaga]

بس الطبيعى انك بتعمل الصيانه عادى بس بتدفع مصنعيه اكتر شويه

[dramir1]

بس الطبيعى انك بتعمل الصيانه عادى بس بتدفع مصنعيه اكتر شويه

وهو دا الي انا كنت متوقعه....فبالنسبة لسيارتي الحالية سوزوكي بالينو اتوماتيك خليجي

وبالرغم من كده بعض صياناتها بعملها في التوكيل(مودرن موتورز ) و بدفع ثمن قطع الغيار والمصنعية عادي زي اي حد عربيته انتهى ضمانها.

وممكن حضرتك تتأكدمن كلامي من توكيل فولكس على الرقم 19525.

[islamaboelnaga]

انا كلمتهم من شهر و كان عادى و اعرف ناس راحت خليجى و عادى

[SAiF3S]

اتصلت اليوم بتوكيل فولكس على الرقم 19525 وذلك لتحديد معاد للكشف علي سيارة جولف خليجي قبل شرائها فقالو لي لدخول اي سيارة خليجي من باب التوكيل لابد من دفع مبلغ 7500 جنيه قبل تحديد سعر اي كشف او صيانة!!!!!
وهذا معناه ان العربية ممنوع تخش التوكيل تعمل اي حاجة قبل دفع 7500 جنيه للتوكيل فحبيت اقول ده لاحبابي منتدى نايل موتورز عشان يعملو حسابهم قبل الشراء
من باب الافادة

اعتقد ان ده طبيعى انه يحصل لسببين اولا : تقليل حجم مبيعات الخليجى , ثانيا : لتقليل الزحام على مراكز صيانه الوكيل (مركزين فقط) و اعطاء اولويه لعميل التوكيل

[Hosam]

لأ طبعا مش طبيعى خالص .. و خصوصا انى اتصلت بيهم اليوم و حاولت اعرف الميلغ دا مقايل ايه .. و قالولى انه بس عشان يسجلوا بيانات العربية عندهم .. يعنى لا دخول فى الضمان و لا حتى مقابل صيانات .. دى سرقة عينى عينك و بكل بجاحة ووقاحة لانها غير مبررة .. و عموما هما اللى خسروا كتير لان اللى كان بيروح كان بيدفع ثمن الصيانة + 30% اضافى على اى حاجة تتعمل غير النسب الاضافى على اسعار قطع الغيار ... فاعتقد ان القرار دا حيتلغى لان عميل الخليجى كتير لاسباب عديدة و كمان مش خسران لو مرحش التوكيل لان فى بدايل تانية .. لكن التوكيل هو اللى حيخسر.

[معتز]

لأ طبعا مش طبيعى خالص .. و خصوصا انى اتصلت بيهم اليوم و حاولت اعرف الميلغ دا مقايل ايه .. و قالولى انه بس عشان يسجلوا بيانات العربية عندهم .. يعنى لا دخول فى الضمان و لا حتى مقابل صيانات .. دى سرقة عينى عينك و بكل بجاحة ووقاحة لانها غير مبررة .. و عموما هما اللى خسروا كتير لان اللى كان بيروح كان بيدفع ثمن الصيانة + 30% اضافى على اى حاجة تتعمل غير النسب الاضافى على اسعار قطع الغيار ... فاعتقد ان القرار دا حيتلغى لان عميل الخليجى كتير لاسباب عديدة و كمان مش خسران لو مرحش التوكيل لان فى بدايل تانية .. لكن التوكيل هو اللى حيخسر.

+++1>.موافق

[walidzakzok]

لازم طبعا التوكيل يعمل كدة امال يسيب الناس تشتري من برة الوكيل ويعمل صيانة جوة الوكيل عادي انت من حقك انك تشتري من برة وهوة من حقه يعمل قيود على صيانتك والا اللى اشترى من التوكيل ما يكونش ليه اي ميزة

[Hosam]

لازم طبعا التوكيل يعمل كدة امال يسيب الناس تشتري من برة الوكيل ويعمل صيانة جوة الوكيل عادي انت من حقك انك تشتري من برة وهوة من حقه يعمل قيود على صيانتك والا اللى اشترى من التوكيل ما يكونش ليه اي ميزة

الكلام دا ممكن لو بتشترى من برا وهو بيضمن لكن بتروح تعمل خدمة و تدفع مقابل و مقابل اكتر من عميله .. يبقى مفيش سبب لاى قيود بالعكس هو فاتح عشان الربح .. وبعدين لو انه توكيل محترم و بيخاف على عميله و بيحقق له خدمة ما بعد البيع كم ينبغى كنت اقول ماشى .. لكن كلنا عارفين ان العملاء طالع عينيهم .
وبعدين كان اولى انه يدور على اسباب الشراء للخليجى من برا و يحاول يعمل عروض او اى منظر يجذب العميل ليهم .. اعتقد هو دا سوق العرض و الطلب العادل مش القيود و القرارات العشوائية.

[SAiF3S]

وبعدين لو انه توكيل محترم و بيخاف على عميله و بيحقق له خدمة ما بعد البيع كم ينبغى كنت اقول ماشى .. لكن كلنا عارفين ان العملاء طالع عينيهم .

التوكيل محترم بجد ومنظم و الناس مؤهلا على اعلى مستوى , وانا واحد من العملاء و مش طالع عينى و لا حاجه

[islamaboelnaga]

بس الموضوع دا جديد ؟؟ من شهر كان عادى

[islamaboelnaga]

انا لسه مكلمهم دلوقتى و قالولى نفس الكلام دا !!! دا اسمه استعباط رسمى ياخد 7500 جنيه علشان اعمل صيانه بس !!! حتى مفيش ضمان !!! طب و ايه الحل بقى ؟؟ ممكن نبعت ايميل لvw فى المانيا ؟؟ او شكوى لجهاز حمايه المستهلك ؟؟

[3ateef]

7500 جنيه كتير جدا.....

[ابوهاشم]

معنى كده طبعا ان ماحدش يتعامل معاهم نهائيا

[Hosam]

التوكيل محترم بجد ومنظم و الناس مؤهلا على اعلى مستوى , وانا واحد من العملاء و مش طالع عينى و لا حاجه

مرفق تقييم التوكيل ومن المنتدى برده ....!!
ولا أسف ولا ندامة........