معلومة جديدة وهامة من توكيل فولكس فاجن مصر

[beeboo2005]

أقترح رجوع مبلغ زيادة على سعر الصيانة للخليجى

أنا عربيتى توكيل، و رغم أنى أعرف أن التوكيل ملزم بتوفير أرض و بناء توكيل عليها و أيفاد مهندسين و عاملين للخارج للتدريب و دفع مرتبات لهم .........ألخ (مما بالضرورة يزيد النفقات و يحعل سعر عربياته أغلى من الخليجى) ألا أنى شايف أن مبلغ 7500 جنيه برضه كتير قوى، و لذا أقترح رجوع مبلغ زيادة على سعر الصيانة للخليجى، و لو أزيد مما كان يدفع قبل ذلك (لجعل من يملك عربية خليجى يشارك فى النفقات). فما رأيكم.

[Kareem_A]

يا جماعة الموضوع دة من فترة

لما التوكيلات كانت عايزة تمنع استيراد الخليجي اساسا , الحكومة رفضت بس قالت لو عربية خليجي عايزة تخش تعمل صيانة يبقى لازم تدفع المبلغ دة (طبعا بيدفع مرة واحدة)

و توكيل سكودا عمل من فترة اعلان كبيييير بيقول فيه الكلام دة

[معتز]

التوكيل خد خطوة مهمة جدا مع الخليجى ..ان شايفها ملعوبة ..بالذات لما نزل الباسات بسعر منافس للخليجى... كماليات المستوى الثالث هى تقريبا الخليجى ..وده جعل منافسة الخليجى صعبه جدا جدا.....علما بان الباسات اصبحت اكثر سيارة مبيعا فى فولكس....
عجبنى تفكريهم بالاسلوب دة ...بعيدا عن اسلوب فرض رسوم اللى جعل الناس تهرب منهم

[bekit4]

السلام عليكم

يا جماعة انا لسة شارى عربية جيتا 2009 Basic line المشكلة ان العربية لزمها شوية شغل .
يعنى مثلا صيانة ال 45000 و كمان صاحبها مكنش عملها صيانة ال 20000 .
انا قولت هاخد العربية و أروح التوكيل يظبطلى فيها كل حاجة لكن للأسف العربية خليجى و انا لسة مكتشف حكاية ال 7500 جنية دى .

يا ريت يا جماعة حد يفيدنى ويقولى اية البديل و اعمل اية باضبط لحسن انا جديد حتى فى العربيات و يا ترى لو روحت لحد برة هيدحك عليا ولا اية النظام ؟

و كمان العربية محتلجة سمكرة و ربط عفشة و كدة.
قولولى ممكن اعمل اية و جزاكم اللة خيرا

[dramir1]

وهذا هو هدفي من عمل الموضوع وهو ان كل واحد يعمل حسابه قبل الشراء .

[Romeo26222]

المشكلة اللي محدش حاسس بيها انك عاجلا او آجلا هتحتاج الوكيل لأن في حاجات زي برمجة المفاتيح ما بيعملهاش غير الوكيل
أنا شغال في مركز بيعمل صيانات فولكس وعندنا الجهاز لكن لازم في حاجات بتحتاج الوكيل

[bekit4]

السلام عليكم

يا جماعة انا لسة شارى عربية جيتا 2009 basic line المشكلة ان العربية لزمها شوية شغل .
يعنى مثلا صيانة ال 45000 و كمان صاحبها مكنش عملها صيانة ال 20000 .
انا قولت هاخد العربية و أروح التوكيل يظبطلى فيها كل حاجة لكن للأسف العربية خليجى و انا لسة مكتشف حكاية ال 7500 جنية دى .

يا ريت يا جماعة حد يفيدنى ويقولى اية البديل و اعمل اية باضبط لحسن انا جديد حتى فى العربيات و يا ترى لو روحت لحد برة هيدحك عليا ولا اية النظام ؟

و كمان العربية محتلجة سمكرة و ربط عفشة و كدة.
قولولى ممكن اعمل اية و جزاكم اللة خيرا

طب برضة يا جماعة محدش قلى اعما اية

[cameeron]

طب برضة يا جماعة محدش قلى اعما اية

روح لمحمد سمير شارع الاربعين خلف حديقة بدر و اعمل اللى انت عاوزه

[SAiF3S]

مرفق تقييم التوكيل ومن المنتدى برده ....!!
ولا أسف ولا ندامة........

ما هو للاسف الشديد التقييم من المنتدى , وهو تقييم غير موضوعى
كل المشاركين من ملاك الفولكس القديم او من ملاك الخليجى و ايضا اسماء ليست لها علاقه بالفولكس
نسبه ملاك الفولكس (توكيل) اللى ببتعامل معاه لا تتعدى 5 % و اللى انا واحد منهم يبقى لما ملاك الخليجى و القديم يروح يعمل صيانه و يدفع كتيير او لو هيغير حاجه يتظبط اكيد هيقول على التوكيل ابن تيت

وكل الملاك للفولكس خليجى و توكيل و قديم نسبتهم لا تتعدى 6 % فى المنتدى ككل فالتصويت اقل
و للاسف حضرتك من المجموعه التالته التى ليست لها علاقه بفولكس نهائى الا السمع بدون تجربه

انا ما بقولش التوكيل سوبر وانه احسن توكيل لكن افضل من منصور و هيونداى و مرسيدس و سكودا و فى نفس مستوى رينو و تويوتا و هوندا , و افضل سعريا من ال BM
انا بتعامل مع التوكيل , مرتاح مع التوكيل , واخد حقى من ضمان الوكيل يبقى بالنسبه لى التوكيل محترم و افضل من التوكيلات اللى اتعاملت معاها قبل كده دايو (سبيرانزا حاليا) , تويوتا ,سكودا

ولا أسف و لا ندامه

[SAiF3S]

على فكره توكيل تويوتا فى مصر بياخد 3500 جم على الكورولا الخليجى من سنتين علشان يدخلها صيانه وضمان بيغطى المصنعيات فقط مش قطع الغيار
وانا معاكم ان 7500 جم كتيير قوى

[islamaboelnaga]

ماشى ياباشا المفروض مايديش ضمان مفيش مشكله بس الصيانه لازم غصب عنه يعملها المفروض لو توكتوك عليه علامه فولكس هو ملزم يعمله صيانه و يوفر قطاع غيار ....اللى بيعمله دا اسمه استعباط

[Ahmed Samy]

استنوا ضربة قوية لاحتكار الصيانة و منع الحق
لا يوجد أي سبب او مبرر لوكيل شركة أنه يحرم أو يقيد صيانة سيارة تحمل علامة الشركة
ممكن يرفع مصاريف الصيانة ...ممكن يحدد المواعيد مثلا لكن مش من حقه يمنع الدخول أو يحط أتاوة مقدمه ... هو أنا داخل أصون عندهم أوبل مثلا !!!
ولا فولكس الخليجي دي من فولكس تانية غيرهم

دي ببساطة بلطجة

[iBiZa]

المشكلة اللي محدش حاسس بيها انك عاجلا او آجلا هتحتاج الوكيل لأن في حاجات زي برمجة المفاتيح ما بيعملهاش غير الوكيل

مش لازم الوكيل, كل حاجه ممكن تتعمل بره.

حتى المفتاح فيه ناس كتير بتعمله بره.

روح لمحمد سمير شارع الاربعين خلف حديقة بدر و اعمل اللى انت عاوزه

+1