اول عطل للسياره باسات بفتيس DSG 7 shift

[zico900]

حضرتك نفضتلي ليه؟

هي العربيه موديل 2009 ولا 2010 علشان واحد صاحبي معاه الابيزا بdsg

كان في اي بوادر للموضوع؟

[hugan]

اولا لا داعي للا سف
ثانيا اكيد حضرتك دافع مبلغ وقدره في سياره ذات كفاءه وجوده عاليه ولا تقارن بسياره متو سطه الجوده والمستوي

اكيد لازم تاخد مقابل للمبلغ الكبير خدمه ممتازه بدون كلام
هنا الفرق انا شاري سياره متوسطه في السعر بظروف النظام المصري في البيع والشراء وعدم وجود ضمان حقيقي للسلعه المشتراه وعدم وجود حمايه للمشتري من عيوب الصناعه والجميع قبل بذلك الا جهاز حمايه المستهلك اللي تقريبا ما لوش لازمه
الكل عارف ان سيارته ممكن يكون فيها عيب ويقبل العيب ويحاول اصلاحه انا استغرابي ان السيارات الصيني مشتركه مع جميع السيارات المتوسطه في السعر في نفس العيوب اللي ممكن تظهر في اي عربيه حتي لو اوربي وليها اسم ضخم ومشكلتك مع الفتيس اكبر دليل با ختلاف طريقه الا صلاح والتعامل معك من الوكيل
فكرتي ان احنا نقبل العيب في العربيه الصيني زيها زي اي عربيه من اي ماركه تانيه سوواء ارتفع تمنها او انخفض
واشكرك علي التواصل ربنا يجعلها اخر الاعطال

[beeboo2005]

الله يحفظك

الحمد لله على نعمته و فضله على
وانا عارف انك من نفس المدرسه بتاعتى انك تشترى بضمان الوكيل , ربنا يحفظ لك عربيتك و لا تحتاج له ابدا

مبروك أن الفتيس هيتغير على حساب التوكيل. هكذا اثبت التوكيل فعلا أننا على حق لما جبنا العربية بضمان الوكيل تحسبا لحدوث مثل هذه المقالب غير المضمونة أبدا. لو ده حصل مع عربية خليجى ممكن صاحبها يقولى هيعمل أيه وقتها.
أشكر لك دعائك و يا رب يحفظ لينا عربياتنا كلنا و لا نحتاج التوكيل ألا فى الصيانة فقط.

[SAiF3S]

حضرتك نفضتلي ليه؟

هي العربيه موديل 2009 ولا 2010 علشان واحد صاحبي معاه الابيزا بdsg

كان في اي بوادر للموضوع؟

العربيه مو 2009 استلام شهر يناير
البوادر لا توجد او غير ملحوظه
مره واحده والعربيه عامله 30 الف بعد التدوير الفتيس مش بينقل و تذهب بمجرد اعاده دوران العربيه

[zico900]

شكرا....يا رب استرها معانا كلنا

[morsi]

انا فكرت كتير أرد عليك ولا لأ , لكن عذرك الوحيد انك جديد على المنتدى ولا تعرف شىء عنه و عن اللغط و كتر الكلام بما لا ينفع الناس زى كلامك حضرتك بالضبط
ولعلمك انا اختصرت كتير يعنى ما قلتش ان انى طفيت العربيه و ومج النسكافيه نزل لى مع مين فى العربيه
وانى كنت مع والدى بالمستشفى من الساعه 9:30 للساعه 4 و كشف عند مين و عمل تحاليل ايه او اشعات ايه
او اللى كان مستنينى فى اسكندريه بعربيه الشغل اللانسر مهندس كميائى وموظف عندى فى شركتى وعمره 45 سنه
ده اللى بسميه رد بالتفصيل الممل ,
لكن رد حضرتك باسميه العارض عديم القيمه و المستفز
وصدقنى انا مش قادر اتقبل تحياتك وتمنياتك فعذرا

من تواضع لله رفعه.وشكراً ياسيدى الفاضل على عدم تقبلك لتحياتى وتمنياتى وردى عديم القيمة.

هههههههههههههههههههههههههههه ناقص تقول كنت لابس قميص ولا تى شيرت و كوتش و لا جزمه و الله موتنى من الضحك ... و الف مبروك فعلا توكيل محترم و الحمد لله انهم تفاهموا الموضوع

ياسيدى ربنا يبسطك كمان وكمان وتضحك اكتر واكتر

يا باشا ولا اسف و لا حاجه كلنا اخوووات و صباح الفل

صباح الجمال ياباشا وطبعاً كلنا أخوات وكلك ذوق



[caution]

اللون الأحمر مخصص للمشاركات الإدارية فقط
القوانين العامه الواجب اتباعها لجميع الاخوه أعضاء المنتدى
مشرف الأوروبى 1أ

[/caution]

[HISHAM80]

أستاذسيفالمحترمبشكركعلىأمانتكونقلكلتجربتكمعالسياره من يوم مشتريتها أكيد هتفيد ناس كتيره عايزه تشتري العربيه المفاجأه كانت استجابة توكيل volks كده عايزين نفتحله صفحه جديده

[morsi]

[youtube]http://www.youtube.com/watch?v=txdl-3mcjia[/youtube]

القافية تحكم
معلش

انت راجل محترم وكلك ذوق.وشكراً ليك على القافية تحكم وياريت تعمل بالأية الكريمة اللى فى توقيعك.

[mshamy]

انت راجل محترم وكلك ذوق.وشكراً ليك على القافية تحكم وياريت تعمل بالأية الكريمة اللى فى توقيعك.

والله انا قاعد مستني ردك من إمبارح
أرجوا ان حضرتك تسامحني لو حسيت ان مشاركتي ضايقتك
بس الأهم ان حضرتك تعرف ان مشاركتك كانت سلبية الى حد كبير
واعتقد انها تسببت الى استياء عدد كبير من اعضاء المنتدى -والعبد لله واحد منهم- قبل صاحب الموضوع الذي يحظى باحترام الجميع و حضرتك سخرت منه و اسلوبه في الكتابه
انا كان غرضي ان حضرتك تجرب نفس الشعور علشان في المستقبل تبقى تفكر شوية قبل ما تكتب كلام ممكن تندم عليه...
ربنا يعفوا عنا جميعا ....

[Queue]

شكرا على نقل التجربة التي مررت بها و جزاك الله خير و يسر الله لك كل عسير .

[morsi]

والله انا قاعد مستني ردك من إمبارح
أرجوا ان حضرتك تسامحني لو حسيت ان مشاركتي ضايقتك :zb_sor1[1]:
بس الأهم ان حضرتك تعرف ان مشاركتك كانت سلبية الى حد كبير
واعتقد انها تسببت الى استياء عدد كبير من اعضاء المنتدى -والعبد لله واحد منهم- قبل صاحب الموضوع الذي يحظى باحترام الجميع و حضرتك سخرت منه و اسلوبه في الكتابه
انا كان غرضي ان حضرتك تجرب نفس الشعور علشان في المستقبل تبقى تفكر شوية قبل ما تكتب كلام ممكن تندم عليه...
ربنا يعفوا عنا جميعا ....

ياأستاذنا الفاضل أنا لم أتطاول لا على حضرتك ولا على الاستاذ سيف ولم اتريق على أسم حد ولكن حضرتك سخرت من اسمى بطريقة مبتزلة وبتحاول تدينى درس علشان اتعلم فى المستقبل ازاى اتكلم واكتب .والموضوع ببساطة انى كنت متابع قسم الفولكس من مدة لانى ناوى أشترى نفس عربية الاستاذ سيف وعربيتك بس 2010 وعلشان كدا حسيت ان الموضوع طول قوى لغاية لما كتبه الاستاذ سيف ورأييى الشخصى كان انه ممكن يكتب المشكلة من اسبوع بدلا من انتظار الناس لمدة اسبوع ثم سرد الموضوع بطريقة برضه من وجهة نظرى الشخصية مطولة شوية.وبالرغم من ذلك اعتذرت ليه مش علشان انا غيرت رأييى ولكن لأنى ماأحبش أن حد يزعل منى وكما قال أحد الاعضاء الكرام لان كلنا اخوة فى المنتدى.والاستلذ سيف لم يتقبل الاعتذار وبرضه ده حقه الشخصى.

[mando_07]

ان شاء الله يركب الفتيس الجديد وتنتهى المشكلة بسرعة وحضرتك ماتزعلش منى والله انا كان كل قصدى اننا عايزين نطمئن عليك وعلى عربيتك بس مش أكتر.تقبل تحياتى

انا فكرت كتير أرد عليك ولا لأ , لكن عذرك الوحيد انك جديد على المنتدى ولا تعرف شىء عنه و عن اللغط و كتر الكلام بما لا ينفع الناس زى كلامك حضرتك بالضبط
ولعلمك انا اختصرت كتير يعنى ما قلتش ان انى طفيت العربيه و ومج النسكافيه نزل لى مع مين فى العربيه
وانى كنت مع والدى بالمستشفى من الساعه 9:30 للساعه 4 و كشف عند مين و عمل تحاليل ايه او اشعات ايه
او اللى كان مستنينى فى اسكندريه بعربيه الشغل اللانسر مهندس كميائى وموظف عندى فى شركتى وعمره 45 سنه
ده اللى بسميه رد بالتفصيل الممل ,
لكن رد حضرتك باسميه العارض عديم القيمه و المستفز
وصدقنى انا مش قادر اتقبل تحياتك وتمنياتك فعذرا

هوه الموضوع كبر ليه كده يا جماعة ده احنا كلنا اخوات هنا في المنتدى زي مقولتوا مينفعش نمسك لبعض على كلمة في ساعة غضب
طبعا يا سيف باشا أنا مليش أي حق اني اقولك تقبل اعتذاره خصوصا انه أتكلم بحده شوية بس معلش ممكن يكون كان عايز يشتري العربية ولما قرا موضوعك فضل على اعصابه عايز يعرف في فعلا مشكلة في العربيه ولا لأ بس أنا أتمنى ان حضرتك تقبل اعتذاره
وباذن الله تستلم عربيتك في المعاد وترجع زي الاول

[Eng.Sameh]

طب دلوقتي أنا الموضوع ده أثر على تفكيري جامد جداً .. وبعد ما كنت نويت خلاص أجيب ليون dsg ... بدات أتردد جامد .. وعاوز أعرف هل العيب دهتم تداركه في الفعات الجديدة ولا هو عيب وارد ، لأن ممكن مثلا يظهر بعد فترة الضمان وساعتها يبقى مطب كبير ، انا بصراحة جربت آداء الفتيس ده في جيتا وكان مبهر جداً بالنسبالي ويمكن هو من أهم العوامل اللي خلتني افكر في التغيير .. يا ريت تفيدني يا أستاذ سيف ، ولو اي حد عنده معلومه أو راي ميبخلش عليا.

[alaomda]

احبائى الاعزاء اهلا بكم واقبلونى ضيف عليكم وانا عماد الخواجة وانا بشكر الاخ حسام على ثقتة وكلامة علية وايضا بشكرالاستاذ سيف صاحب المشكلة وبقولوا قلبى عندك ومبروك عليك التوكيل بكل الصفات الجميلة التى ذكرتها علية وعلى فكرة وانت بتستلم السيارة يوم الخميس انشاء اللة ابقى اسالهم على مجموعة البرياج بالمرة لحسن تقع في المحظور وابقى طمنى

[ehab_mansour]

ده رد التوكيل اللى كان مفروض يتكتب امس مع الموضوع

1. سيتم تغير كامل للفتيس وليس اجزاء منه
2. الفتيس بالكامل موجود بالتوكيل و نزل به امر شغل و تركيب للعربيه
3. يتم البدء بالتركيب غدا الاربعاء 5/5 وينتهى يوم الخميس (يومين تركيب فقط)
4. الاستلام للعربيه يوم الجمعه القادم

لما ناقشت المهندس بالتوكيل قالى العطل غير عام و موجود فى الدفعات الاولى من 2009 (4-5 عربيات فقط) , نادر الحدوث فى موديلات 2010 (فى من الموديل ده مشى 25 -30 الف كم )
كل العربيات التى تم تغير جزء او كل الفتيس لم تعد هناك اى شكوى منه

بكده تنتهى قصه العطل و تصليحه , النتيجه اللى خرجت بيها ان توكيل فولكس فى مصر محترم الى اقصى حدود, سريع فى خدمه عملاءه و رضاهم

وده جزء من سيناريو انا كنت مجهز نفسى ليه لكن لم يحدث

1. سيتم تغير السوفت وير او جزء بسيط و المشكله لا تنحل
   
2. الفتيس له اسلوب خاص بالقياده , ودى غلطه السائق لانه لم يتعامل معه جيدا
   
3. العربيه عامله 45 الف بالفتيس و يتم تغيره مناصفه مع العميل
   
4. و غيره كتير من حجج الوكلاء الخايبه , لسرقه العميل و نهبه وممكن اقعد اقول على كل وكيل تصرفه ايه
   

• بعتذر لك الناس المحترمه بالمنتدى عن الموضوع الاول اذا كنت اجلت عرض مشكلتى به.

لكن الكل عارف ان الناس فى المنتدى كانت ما هتصدق غلطه ونقعد نحكى و نقول و يضيع الموضوع , وصدقونى انا اجلت 3 ايام من حدوث المشكله لغايه ما كتبت الموضوع ده , لكن كان لازم يبقى في تمهيد وده حصل بالموضوع الاول

• بعتذر للناس المحترمه بالمنتدى عن اى تطويل فى عرض المشكله ,لكن اذا كنت كتبت الموضوع من الاحد 25/4 كنت كل يوم هكتب جزء عن اللى حصل وده كان هيخلى الناس متخبطه مش عارفه اول الموضوع من اخره مع نفس التفاصيل

التطويل شبه متعمد لنقل الحاله النفسيه لكاتب الموضوع وان الموضوع لا يسبب له اى قلق و الحمد لله و ايضا لنقل صوره كامله عن اسبوع مر بكل مشقته, وان العربيه لم يتم جرها بعربيه اخرى كما حدث من مشاكل فتيس فى انواع سيارات اخرى , و انى راكب العربيه مع العطل بدون مشاكل لم اضطررت الى استخدامها

الحمد لله علي كل شيء

وانا أحترم أسلوب حضرتك في عرض المشكلة والتمهيد لها
ربنا يزيدك ويرزقنا الفهم والأخلاص في القول والعمل جميعا