هل الجولف 1.6 عمرها الإفتراضي أطول من 1.4 tsi ?

[Evo]

أخواني الأعزاء انا هقولكو على الي قالهولي واحد عندو بورش كايين تيربو عايش في الإمارات, والله العظيم بالنص زي ما بيقول, إن أي عربية فيها تيربو بتبقى ممتازة ولا غبار عليها اول سنتين.
بعد سنتين العربية بتبدأ تقطع وانت ماشي على الأول والتاني, وده بعد بحث طلع نتيجة انسداد فلتر التربو بالأوساخ والأتربة, ومسؤول ما بعد المبيعات نصحو ينضف الفلتر بشكل شهري عشان العربية ماتقطعش.
تاني حاجة التيربو ماينفعش أي حد يصلحلك اي حاجة فيه غير الوكالة وإلا هتشوف الى مش هيعجبك بعدين وهيكلفك دم قلبك وده عن تجربه شخصية ليه هو.
الحاجة التالتة التيربو بعد مرور سنتين الى 3 سنوات ودي عربية بورش كايين تيربو, طلعت دخان اسود من ورا مع بدأ التشغيل, ولما راح التوكيل قبل ما يعملو فحص قالولو ده طبيعي من التيربو, وبعد الفحص مالقوش اي مشكلة وقالولو ان الدخان الأسود ده عادي جداً.
الحاجة الرابعة وده على لسان صاحب العربية ان التيربو واي تيربو في العالم مش بس بتاع البورش بيدخل كمية أتربة وأوساخ الى المحرك بمرور الزمن, وده بيقلل من العمر الإفتراضي للمحرك, ده غير الجهد العالي الناتج عن حجم الإحتراق.
خدو بالكو احنا بنتكلم عن بورش كايين تيربو مش باسات ولا جولف, مع ملاحظة ان فولكس فاجن هي الي مصنعة مواتير بورش.

اتمنى اسمع ردودكو على الكلام ده بشكل علمي لأني بصراحة ناوي اشتري جولف 1.4 تيربو وخايف من الكلام ده ؟؟؟؟؟؟

كلام صاحبك ده كله في الكنافة , إنت متأكد إن ده PORSCHE OWNER

[delpo]

يا باشا عشان الكلام ده فلتر الهواء بيتغير كل ١٠ الاف وأنا بنضفه كمان بعد ٥ عشان المشاكل الي قلت عليها دي لكن السواد في التشغيل مش طبيعي أبدا

يمكن في في عربيتو هو مشكلة والتوكيل بيتهرب منها مثلا, لكن ده معناه ان فعلا ممكن الأتربة تدخل المكنة بمرور الزمن

[delpo]

يا ترى الكلام ده صاحبك قاله من زمان واللا حاجه حديثة أنت لسة عارفها . لأن الدنيا بتتغير بسرعة وممكن الكلام ده يكون أتغير بسبب عيب معين تمت تلافيه

هو قالي الكلام ده أول إمبارح بس وانا بكلمو عالنت.

[yoko]

يمكن في في عربيتو هو مشكلة والتوكيل بيتهرب منها مثلا, لكن ده معناه ان فعلا ممكن الأتربة تدخل المكنة بمرور الزمن

اكيد عربيته فيها حاجة يا إما هو عمل حاجة غلط أو التوكيل عمل حاجة غلط تاني حاجة فلتر العربيه الي فيها تربو مختلف عن العادي!!! (كخامات)

[delpo]

عربيتى لم اشتكى من اى شىء بعد عام و نصف و 45 الف كم من الاستخدام القاسى
سحب الموتور زى ما هو لم يختلف لا يوجد اى ادخنه او صوت عالى ,فقط الفتيس وزى ماحضرتك قلت اتغير فى التوكيل
بعد سنه و نصف ومن يومين عريتى بموتور 1400 التيربو TSI افضل بكتير من ناحيه السحب و قوه تجميع الموتور عن مرسيدس 1600 تيربو (كومبريسور) ال C180 و من يومين فقط على طريق السويس
و الموتور التيربو كومبريسور موجود فى السوق من اكتر من 5 سنين و اعتقد بدون مشاكل
ها أسالك كام سؤال صاحبك ده مصرى ؟ و السبب ازاى هيدفع 360 الف درهم فى عربيه
لو مش مصرى تأكد ان العربيه مش s ومش متعدله بتيربو كيت (ارخص بكتير نفس الموتور ال 4500 سى سى من غير تيربو وفرق 120 الف درهم)
السؤال التانى هى العربيه مو كام , وماشيه كام كيلو متر
و الواضح انها مو 2006 او 2007 , العلاقه بين فولكس و بورش مش زى العلاقه بين فولكس و اودى او سيات او سكودا , على الاقل حتى نهايه 2009
و انا باكد لك ان ده موتور بورش صناعه بورش و ليس له علاقه بفولكس لا من قريب و لا من بعيد
ممكن تراجع الموضوع ده
Relationship with Porsche, and the Volkswagen

طمنتني والله ,, بس مش غريبة انك غيرت الفتيس, وويكيبديا برضو بتقول ان tsi به مشاكل توافقية مع جير بوكس dsg ؟؟ هل دي حاجة مرتبطة بالي قالوه ولا دي حالة خاصة ؟

صاحبي مصري وشغال في شركة أدنا للغاز "ماشاء الله" وجايب العربية تمويل على 6 سنوات.
العربية موديل 2007, ومسألتوش ماشية كم كيلو, بس هو بيعمل الصيانة في الوكالة على طول.

أنا شخصياً عندي ثقة وحب كبير لشركة فولكس فاجن زي ثقتي في تويوتا ومتأكد انها مش هتعمل حاجة معيوبة, بس أنا خوفت من الكلام الي اتقال.

[ahmedsadek82]

لا يا محمد باشا... الموتورين في الجولف و الباسات فيهم توين شارجر بمختلف الكفائه

يعني الاتنين فيهم تربو + سوبر شارجر, لكن بمختلف القوه و العزم...

TSI هي اختصار لكلمة (Turbo & Super Charger Injection)

و المواتير الـTSI مختلفه... يعني على سبيل المثال و ليس الحصر...

موتور 122 حصان (موتور الباسات)
موتور 150 حصان (موتور التيجوان)
موتور 160 حصان (موتور الجولف)

و هكذا.... و الاختلاف في القوه الحصانيه و العزم يا باشا... لكن كله توين شارجر

تقبل تحياتي...

عندي تصحيح للمعلومة , الباسات تربو فقط و محرك شكلو مختلف عن الجولف اللي فيها توين او التيجوان , ال120 hp ده تربو فقط , و اسمو بردو TSI بس بيكتبوا على العربية الi باللون الاحمر اما التوين زي الجولف و التيجوان و الشيروكو ال SI بتكون لونها احمر . دور على صور المحركين حتشوف الفرق.

[ahmedsadek82]

طيب يا جماعة التكنولوجيا دي مابقالهاش سنة .. مش بدري قوي ان احنا نكون متأكدين ان مافيش مشاكل وعمرها الإفتراضي كويس ؟
يعني على الأقل نستنى عربية توصل مثلاً 60 الف كيلو ونشوف ؟

المحرك الTSI بياخد engine of the year award men 2006 لحد النهارده , ده كافي جدا

[EgyptianTune]

[QUOTE=yoko;3872640791]

الإختلاف في ال122 إن مفيش سوبر
أما الموتورين التانين ففرق في حجم التربو والسوبر والecu


الفرق فى مواتير ال 140 حصان (جولف 5) وال 150 حصان وال 160 حصان وال 170 حصان (جولف 5 - أمريكا) وال180 حصان (سيات إبيزا كوبرا ) هى الECU Map فقط لاغير

[EgyptianTune]

يا باشا عشان الكلام ده فلتر الهواء بيتغير كل 10 الاف وأنا بنضفه كمان بعد 5 عشان المشاكل الي قلت عليها دي لكن السواد في التشغيل مش طبيعي أبدا

أظن الأخ يقصد ال Intercooler مش فلتر الهوا لأنه زى الردياتير وعمرة ما بيتسد مجرد زلط صغير بينحشر فى فتحاته وما بتأثرش على حاجة

[EgyptianTune]

عندي تصحيح للمعلومة , الباسات تربو فقط و محرك شكلو مختلف عن الجولف اللي فيها توين او التيجوان , ال120 hp ده تربو فقط , و اسمو بردو TSI بس بيكتبوا على العربية الi باللون الاحمر اما التوين زي الجولف و التيجوان و الشيروكو ال SI بتكون لونها احمر . دور على صور المحركين حتشوف الفرق.

TSI (Turbo Stratified Injection

[EgyptianTune]

[QUOTE=ghazy12;3872640695][SIZE="5"][COLOR="DarkOrange"]لا يا محمد باشا... الموتورين في الجولف و الباسات فيهم توين شارجر بمختلف الكفائه

يعني الاتنين فيهم تربو + سوبر شارجر, لكن بمختلف القوه و العزم...

TSI هي اختصار لكلمة (Turbo & Super Charger Injection)



TSI (Turbo Stratified Injection

[delpo]

انا يا جماعة استخرت ربنا وهجيب ال 1600 خليجي هاي لاين انشاء الله وده مش تقليل من التيربو لكن تقليل من كلفة الصيانة بعد كده لاني مش ناوي اغير انشاء الله غير بعد 5 سنين

[LanCeLoT]

انا يا جماعة استخرت ربنا وهجيب ال 1600 خليجي هاي لاين انشاء الله وده مش تقليل من التيربو لكن تقليل من كلفة الصيانة بعد كده لاني مش ناوي اغير انشاء الله غير بعد 5 سنين

طب يا باشا
دي سعرها كام
و كمالياتها ايه
و اقدر اشوفها فين ؟؟؟

[delpo]

الحقيقة دي هجيبها بطريقة البعض هايقولو معقدة شوية,, بس ابن عمي هيشتريها ويشحنها زيرو ويجي يعديها من الجمرك وانا هشتريها منو زيرو,, هيجيبها من الإمارات هتقف عليه بسعر 87 الف درهم, يعني حوالي 120 الف جنيه وهيدفع جمرك 60 الف جنيه يعني هتقف عليا تقريبا ب190 الف جنيه بعد العمولات والي من تحت الطرابيزة والي انتو فاهمينو.

العربية فيها شاشة كبيرة ومثبت سرعة وناقل حركة 7 سرعات ونقلات +- شفتات وفي الجير نفسه, وفيها park assist وده مش باركنج سنسورز بس ده بيركن العربية لوحدها معظمكم اكيد عارفينه, وفيها فتحة سقف وجنوط 17 رنجات ونور شبورة طبعا, لكن للأسف مافيهاش زينون.

[delpo]

انشاء الله ابعتلكو الصور خلال شهر من دلوقتي