حان الوقت لحملة شاملة على وكيل فولكس فاجن

[N.a.j.d]

كل التوكيلات كدا بتبعتلهم رساله عن حاجه معينه مش برده عليها!!!1

[islamaboelnaga]

انا اخر 2009 و لغايه اول 2010 كان الفتيس عادى برده ....

[islamaboelnaga]

طب انت بتحط بنزين كام 92 و لا 95 ؟؟؟

[tareksh]

طب انت بتحط بنزين كام 92 و لا 95 ؟؟؟

اول مااشتريت العربية صاحب المعرض قالى حط 92 روحت بنزينة التعاون قلتلة فول التانك وماتشوفش الى انا شوفتة

والله يااخى لقيت العربية ماعادش فيها سحب وماشية تعض فى الاسفلت وكل مااحاول اقرص عليها الماتور يكركر مش

يسحب لدرجة انى حاولت افك الكرسى الخلفى علشان اسحب البنزين لقيت الدنيا هتتبهدل واحد ميكانيكى قالى

احرق البنزين والعربية واقفة ومنها تليين وقالى مش اى بنزينة تمون منها انت ممكن تمون بنزين 92من بنزينة يكون

انظف من 95 من بنزينة اخرى وفعلا عن تجربة طلع كلامه صح

ساعات امون 95 من محطات بنزين الاقى العربية اتبرجلت اروح لمحطات تانية احط 92 الاقى العربية اتظبطت

لدرجة انى اتصاحبت مع صاحب بنزينه وقالى ان البنزين المغشوش بيتغش بمايه مش ببنزين 80 كمان فيه حاجة

اسمها نسبة البخر للبنزين يجب يكون نسبة بخار المايه فى تانك البنزين نسبة معينة وتقاس بواسطة مقياس من

الشركة الى البنزينه بتاخد منها البنزين واذا كانت نسبة بخار الماء عالية تقوم الشركة بسحب الماء من على البنزين

واغلب اصحاب البنزينات يرفضوا سحب الماء الزائد من على البنزين نظرا لان هذا الموضوع يخسرهم (يقلل من مكسبهم) وبالتالى العربية تمون البنزين مخلوط بالماء

ولعلمك نسبة البخر فى بنزين 95 اعلى من اى بنزين اخر يعنى لو هتمون 95 يجب يكون من بنزينه مش غشاشة
وتكون بتسحب بخار المايه من التانك باستمرار لانها لومش بتعمل كده يبقى تمون 92 نظيف احسنلك

بس والله انا قلقان من الفتيس dsg حاسس كده انة عاوز يعمل حركة مش كويسة ربنا يستر

[Fadi Ezzat]

متقلقش انا بصراحة مش عارف اعمل اية نجيب العربية ولا لأ
احنا هنجيب باسات هاى لاين

[SAiF3S]

طبعا المشاركه دى off topic خارجه عن الموضوع فعذرا للجميع و بخاصه صاحب الموضوع و المشاركين

لكن هل ممكن استخدم الايميل ده علشان ابعت جواب شكر فى حق توكيل فولكس فى مصر لانى شايف انه توكيل محترم
عذرا مره اخرى و تحياتى للجميع

[tareksh]

متقلقش انا بصراحة مش عارف اعمل اية نجيب العربية ولا لأ
احنا هنجيب باسات هاى لاين

بصراحة العربية ماشاء الله ممتازة والباسات هاى لاين افضل من ناحية الكماليات ولكن انا شايف ان طول

الباسات عامل ليها مشكلة مع المطبات لاننى شوفت الباسات لما تيجى تعدى مطب تقعد عليه نظرا لطول

العربية بالنسبة للجيتا فى حين الجيتا نظرا لقرب المسافة بين العجل الامامى والخلفى تلاقى عند تعدية المطب

تنزل العجلتين الاماميين فترتفع العجلتين الخلفيين مباشرة فيكون نسبة الاحتكاك اقل للجيتا

عامة لوهتجيب باسات هاى لاين استخير ربنا وتوكل على الله ولاز م يكون لها ضمان لانى بصراحة شايف عربيات

كتيير واخد بالك (كتيير) فى التوكيل مركونه فى جراج التوكيل تنتظر وصول الفتيس ال dsg من المانيا نظرا لعدم

توفرة فى التوكيل (بس المشكلة لو العربية جابت فتيس بعد انتهاء الضمان العمل ايه ربنا يستر تمن الفتيس 71000ج)
وفيه عربيات عيبت بادى بالف للفتيس ب19000 ج
وعربيات عيبة كلاتشات للفتيس ب12000 ج كل دة
لنفس الفتيس dsg
وعلى فكرة انا شايف كل المشاكل دى داخل التوكيل فى شهر 3/2010 وانا باعمل الصيانة
ومن ساعتها وانا حاطت ايدى على قلبى

وتابع معى اخبار الفتيس الى معايا اما اشوف هيروح لفين لان فيه اعراض مش طبيعية بدأت الاحظها عليه

[tareksh]

طبعا المشاركه دى off topic خارجه عن الموضوع فعذرا للجميع و بخاصه صاحب الموضوع و المشاركين

لكن هل ممكن استخدم الايميل ده علشان ابعت جواب شكر فى حق توكيل فولكس فى مصر لانى شايف انه توكيل محترم
عذرا مره اخرى و تحياتى للجميع

والله سيف باشا انت نورت المشاركة فأنت انسان محترم وكلامك بنستفيد منه دائما

ولكن انا اول ما اشتريت العربية وتعاملت مع التوكيل كان عندى نفس شعور سيادتك من جهة الشكر فى التوكيل

ولكن بالمتابعة والتدقيق داخل التوكيل لما يحدث مع عملاء انتهت فترات ضماناتهم بدأت اتعرف على الوجهة الاخر

للتوكيل لاننى بطبيعتى لااستريح حتى ادخل مع المهندسين والفنيين وتكلم مع اصحاب العربيات فى التوكيل

فأرجو من سعادتك ان تؤجل جواب الشكر 5-6 شهور حتى تتأكد ان جواب الشكر فى محله بعد انتهاء الضمان

[delpo]

انا عايز ابعت بس مش عارف صيغه الايميل ازاى ؟

المشكلة لو بعتنا نفس صيغة الإيميل هيفتكروا انو شخص واحد الي بيبعت كل ده ومش هياخدو خطوة جدية.

حاول تبعت على قد ما تقدر حتى لو مش عارف انجليزي كويس اكتبلهم انجليزي مكسر المهم يبقى متضمن كلمة ان وكيل فولكس في مصر سيء جداً

[delpo]

German owns about 45%of vw Egypt if u want to complain go to German embassy and we will make it national

go to the german embassy and speak with whom ?d
did u do that before ?
tell us details and we all will do it.

بالعربي
زميلنا بيقول ان الألمان بيمتلكو 45 في المية من وكيل فولكس في مصر وان احنا ممكن نروح السفارة الالمانية ونقدم شكاوي كتيرة والموضوع هيبقى تأثيرة أكبر او على مستوى دولي زي ما بيقول.

انا قولتلو مين الشخص الي نشتكيلو تحديداً في السفارة هل هو السفير نفسه ؟
وهل انت رحت قبل كده اشتكيت ؟
وقولنا تفاصيل ازاي نقدم شكوى واظن اغلبنا مستعد يروح يشتكي

[delpo]

طب ممكن الصيغه اللي انت بعتها علشان تبقى كلنا بنتكلم بصيغه موحده
الاخوه في منتدى كيا عملوا حاجه مشابهه رابط الموضوه اهو

http://www.nilemotors.net/nile/141588-a.html

انا عجبني جدا التنظيم الل اتعمل
كانت المشكله ان الخليجي مش بيدخل يعمل صيانه خالص ودلوقت بيقى يدخل بس بيفع في الاول 4000 جنيه مقابل صيانه
وده بيقولنا ان التغيير بايدينا احنا مش بايد حد تاني
احنا ممكن نبتدي من حيث انتهوا

زي ما قولت لو الصيغة واحدة ممكن يفتكروا انو شخص واحد ويصدقوا التوكيل ان المشكلة مع شخص او اتنين بس, حاول زي ما قولت تبعت باي صيغة ولو حتى انجليزي مكسر بس يفهموا انك عندك مشاكل مع توكيلهم في مصر

[delpo]

mr.delpo
i did that before i own vw parati 2006 and i had a bad experience with them and i reported my problem to vw germany and they send me mail told me that they will call egypt and tell them to fix ur problem after 4 days one of vw egypt call me and told me what happened u complained about smething to vw germany
i told him yes because and because and because ...... Etc.
And i told him that vw egypt is not a respectable company and i will sell my car because u r non professional dealer
and he apologize to me alot and told me to come to vw and he will be with me during testing my car and i refused and told him when i have time i will come
bye
sorry for write in english because this computer in my work do not write arabic
i see that every one have a complain should speak to vw germany to try to fix that bad service

طيب كويس بس لازم تروح وتاخد حقك منهم واطلب كل الي انت عايزو ولو محلوش المشكلة الي عندك اشتكي تاني وتالت ورابع ومتزهقش .. الحق يا جماعة ما بيرجعش من غير ما تجري عليه .. ومافيش حرامي هيرجع حاجة سرقها من نفسوا حتى لو شافك مسكين ومحتاجها.

[delpo]

طبعا المشاركه دى off topic خارجه عن الموضوع فعذرا للجميع و بخاصه صاحب الموضوع و المشاركين

لكن هل ممكن استخدم الايميل ده علشان ابعت جواب شكر فى حق توكيل فولكس فى مصر لانى شايف انه توكيل محترم
عذرا مره اخرى و تحياتى للجميع

ولا يهمك خد راحتك بس .......
انت شايف انو توكيل محترم ؟؟؟؟؟؟؟؟
لا تعليق

[SAiF3S]

والله سيف باشا انت نورت المشاركة فأنت انسان محترم وكلامك بنستفيد منه دائما

ولكن انا اول ما اشتريت العربية وتعاملت مع التوكيل كان عندى نفس شعور سيادتك من جهة الشكر فى التوكيل

ولكن بالمتابعة والتدقيق داخل التوكيل لما يحدث مع عملاء انتهت فترات ضماناتهم بدأت اتعرف على الوجهة الاخر

للتوكيل لاننى بطبيعتى لااستريح حتى ادخل مع المهندسين والفنيين وتكلم مع اصحاب العربيات فى التوكيل

فأرجو من سعادتك ان تؤجل جواب الشكر 5-6 شهور حتى تتأكد ان جواب الشكر فى محله بعد انتهاء الضمان

و الله يا اخى الفاضل انا با أتعامل مع التوكيل من يناير 2009 و الى الان لم اقابل اى مشكله و لم أجد مشاكل هناك غير من اصحاب السيارات الفولكس البرازيلى و الخليجى لكن لم اجد واحد معاه ضمان او انتهى ضمانه و اشتكى
وانا شكرى للتوكيل فى محله و الى حين او الى ان يثبت لى العكس
انا بقى مبسوط من انك مالك لجيتا tsi و معانا فى المنتدى ربنا يبارك لك فيها , ويترى هى موديل كام 2009 و لا 2010
بالنسبه لموضوع البنزين ان خلال عام و نصف بحط بنزين من امارات مصر فقط وبدون اى مشاكل مع البنزين
مره واحده فقط وضعت بنزين 92 فقط و مشيت بيه مشوار طويل , لا أنصحك بيه سواء بنزين 92 نضيف او غيره
انا بحط بنزين 95 ثلثى التانك و الثلث بنزين 92 , سحب رائع و تشغيل اقتصادى فى الاستهلاك

[SAiF3S]

ولا يهمك خد راحتك بس .......
انت شايف انو توكيل محترم ؟؟؟؟؟؟؟؟
لا تعليق

شكرا على ردك , وفعلا زى ما قلت ده رأى الخاص و اعتقد راى ناس تانيه ايضا
أعذرنى لشىء اخر , انا لاحظت ان العربيتين اللى معاك واحده تويوتا و الاخرى لانسر والشىء الاخر انا لا اعرف سابق خبرتك مع توكيل فولكس السيئه ايه هى ؟

لكن لى سؤال بما انك تملك تويوتا هل قمت بشكوى ضد تويوتا مصر (شركه مملوكه بالكامل من تويوتا اليابان) لانها ممثل سىء لتويوتا فى مصر!!!
لانها بتشترط دفع مبلغ 3000 جم لصيانه سيارات تويوتا الخليجى و بدون حتى اعطاء ضمان (حتى للسيارات المجهزه بفتيس mmt ) والتى صنعتها الشركه الام يعنى المصلحه واحده , مش زى وكيل فولكس اللى عامل مراكز صيانه على حسابه لخدمه الموكل فولكس
و على فكره تويوتا اول من ابتدع موضوع ادفع مقدما لنقبل صيانتك للخليجى