بولو 99 ال rpm مع السرعة حاجة غريبة ارجو الإفادة يارجالة

[meladadel]

السلام عليكم يارجالة

انا جبت بولو 99 وفيه حاجة غريبة هتجننى مش عارف اعمل ايه

دلوقتى انا معلوماتى انى انقل على rpm عند 3 علشان مقرصش على الموتور. العربية ناعمة وكل حاجة بس بتنقل على 3 كالتالى

تانى عند سرعة 40
تالت 60
رابع 80
خامس 100

ومجبتش بعد كدة علشان خايف ابوظ الموتور وكلمت صاحبها القديم قاللى انو مبيبصش على ال rpm ده بس هو مغير طقم دبرياج اسبانى من 6 شهور. مش عارف ده الطبيعى بتاع العربية ولما احب امشى 140 ولا حاجة اعمل ايه ولو هو عيب ياترى عيب ايه. معلش يا جماعة طولت عليكو بس مش عارف اعمل ايه ؟؟؟

[ehab_mansour]

ولا غريبه ولا حاجه هو ده الطبيعي بتاع العربية مع المحرك 1000 سيسي وفتيسه
وعادي جدا انا مشيت باختها الابيزا بنفس المحرك والفتيس دول حتي 150 كيلومتر ساعه علي 5000 لفة

السبب هو ان المحرك ده بفتسيه مصمم علي نسب غيارات أعلي من ال 1400 او 1600 او ما اعلي من ذلك والسبب هو قوة وعزم المحرك هما اللي بيحددو نسب الغيارات ولذلك نسب الغيارات الأعلي تعطيك سرعه أقل وهكذا كلما زادت قوة وعزم المحرك قلت نسب الغيارات بالفتيس و زادت السرعه بالتبعية

يارب اكون قدرت أوضح المطلوب

[meladadel]

شكرا يا ايهاب بس ده معناه وانا ماشى اقرص لحد 4000 لفة على الثانى والثالث والرابع جوة البلد ولا يبقى كتير على الموتور

[ehab_mansour]

شوف يا أخي الفاضل الصح انك تغير بدري عشان تحافظ علي المحرك لكن ممكن تحرق أوقات لظروف معينه ولكن مش علطول لأن أعتقد شوارعنا مش محتاجه لا حرق ولا شد
علي فكرة انا بغير بدري أقل من ثلاثه والحمد لله السحب كويس و مافيش مشاكل يعني أقصد انك مش محتاج

[mesho_kimi]

النقلات دية أنت وراحتك أنا ساعات باخد كل النقلات لغاية ال 5 بقفل ال 100 على التالت وممكن اكتر وعادي جداً بس فى الطبيعي بنقل مابين 3 و 3.5 وممكن تمشي على ال 150 ساعتين متواصل وعادي جداً برضه

[M.Mostafa80]

ميشو انك تجيب على الثالث ميه يبقى هتموت موتورك وفتيسك بدرى بدرى
اللى بتقول عليه ياميلاد هو دا الطبيعى بتاع الموتور والفتيس اللى عندك
وانسب عدد لفات للنقل هو فعلا 3000 لفه زى ما انت قولت
وربنا يحفظنا جميعا من كل سؤ

[mesho_kimi]

ميشو انك تجيب على الثالث ميه يبقى هتموت موتورك وفتيسك بدرى بدرى
اللى بتقول عليه ياميلاد هو دا الطبيعى بتاع الموتور والفتيس اللى عندك
وانسب عدد لفات للنقل هو فعلا 3000 لفه زى ما انت قولت
وربنا يحفظنا جميعا من كل سؤ

ما انا قايل يا بوب أنى الميه دية مش فى الطبيعيي بس الماتور بيقدر يجيب ال 100 على 4.9 مش بكمل ال 5200 ( يعني وقت أما أكون بشد مع مكنه تقيله ممكن مره فى الشهر مثلاً ) أنما فى العادي أنا بنقل على 3 أو 3 ونص بالكتير الواحد مش مستغني عن ماتوره ما انت عارف مش بعرف انام وهى عليها شويه تراب ،... عن نفسي أما بنزل القاهره بيبقى أمنيه حياتي انى اجيب ثالث مش انى أجيب ال 100 حته ده ربنا يكون فى عونكم

[elshrpeny]

تقريبا يعنى كون ان العربيه تبقى أخرها على الخامس 100 كيلو دابيتهيقلى صعبه شويه قولوا مثلا 120 لان العربيه وهيه على ال 120 بتبقى تقريبا على 3.5 بالكتير 4 فالعربيه بتبقى مرتاحه يعنى مفيش قرص عليها ولا حاجه

[M.Mostafa80]

تقريبا يعنى كون ان العربيه تبقى أخرها على الخامس 100 كيلو دابيتهيقلى صعبه شويه قولوا مثلا 120 لان العربيه وهيه على ال 120 بتبقى تقريبا على 3.5 بالكتير 4 فالعربيه بتبقى مرتاحه يعنى مفيش قرص عليها ولا حاجه

على فكره انت مخدتش بالك من كلام ميشو كويس هو بيقول بجيب على الثالث 100 مش على الخامس
صباح الخيييييييييييييييير

[mesho_kimi]

على فكره انت مخدتش بالك من كلام ميشو كويس هو بيقول بجيب على الثالث 100 مش على الخامس
صباح الخيييييييييييييييير

هو مش بيرد عليه يا محمد هو بيرد على صاحب الموضوع وبعدين طريق سته اكتوبر بتاعكم ده هو اللي مغري قولت أجرب الثالث بيجيب كام أخره 105 ده فى عربيات بالتاني بقفل ال 100 بس أكيد مش عربيتي عشان بتصعب عليه وبحبها اوي :)) صحيح يا جماعه أنا ماتوري 1300 اخره عند 5200 معرفش ال 1000 عند ال 5 بيجيب كام عشان محدش يجرب و أخد ذنبه

[elshrpeny]

على فكره انت مخدتش بالك من كلام ميشو كويس هو بيقول بجيب على الثالث 100 مش على الخامس
صباح الخيييييييييييييييير

صباح الفل والياسميين على عيونك يا باشا ههههههههههه
يا عم محمد انا برد على صاحب الموضوع مش ميشو

اما بالنسبة لميشو فبيتهيقلى فهو عايز يخلص عمر الماتور عشان شكله منمر على ماتور أعلى عايز يسقطه ( دا انا لما بجيب 100 على ال 4 بحس ان العربيه جابت أخرها وبعد كدا يبقى أفترى ) .

[elshrpeny]

هو مش بيرد عليه يا محمد هو بيرد على صاحب الموضوع

بالظبط كدا يا ميشو انت الى فاهمنى والله

[meladadel]

طب بص يا ايهاب علشان الخلاصة..

مبدئيًا انا عبيتى بتدخل على ال3400 لفة على الخامس علشان امشى 100 كم وده طبعًا انا مستغربه انا عربيتى القديمة مكنتش كدا خالص. المهم هوا ده كدة طبيعى حتى 100 كم على 3400 لفة ولو كدة انا لو هسافر بيها وهمشى 140 كم ولا حاجة هيبقى rpm على 5000 لفة تقريبًا ومش عارف دة طبيعى على ال1000 سى سى ولا قليل ولا كدة هبوظ الموتور. ولو فيه جديد برضه يا مصطفى قولى رئيك. وللو العربية محتاجة تنضف بوابة الانجكشن ده هيفرق ولا لأ

[mesho_kimi]

صباح الفل والياسميين على عيونك يا باشا ههههههههههه
يا عم محمد انا برد على صاحب الموضوع مش ميشو

اما بالنسبة لميشو فبيتهيقلى فهو عايز يخلص عمر الماتور عشان شكله منمر على ماتور أعلى عايز يسقطه ( دا انا لما بجيب 100 على ال 4 بحس ان العربيه جابت أخرها وبعد كدا يبقى أفترى ) .

لا والله هو الماتور ال 1300 ده تمام والحمد لله انا ببقى أفتري لو انا في العادي بقرص عليه ( مش معنا انى قرصت عليه مرتين ثلاثه أنى ده العادي ) علي فكره أنا سواقتى هاديه جداً وممله للغايه ، ... القرص الزياده عن الازم مضر ودية حاجه معروفه أنما لازم تدلع الماتور من فتره للتانيه يتدلع بسفريه تاخد فيها الماتور واحده واحده أو تفتيحه حلوه ده من وجهة نظري

[mesho_kimi]

طب بص يا ايهاب علشان الخلاصة..

مبدئيًا انا عبيتى بتدخل على ال3400 لفة على الخامس علشان امشى 100 كم وده طبعًا انا مستغربه انا عربيتى القديمة مكنتش كدا خالص. المهم هوا ده كدة طبيعى حتى 100 كم على 3400 لفة ولو كدة انا لو هسافر بيها وهمشى 140 كم ولا حاجة هيبقى rpm على 5000 لفة تقريبًا ومش عارف دة طبيعى على ال1000 سى سى ولا قليل ولا كدة هبوظ الموتور. ولو فيه جديد برضه يا مصطفى قولى رئيك. وللو العربية محتاجة تنضف بوابة الانجكشن ده هيفرق ولا لأ

لا معدل السرعه حيزيد مع لفات أقل عند ال 5 حيكون عداد السرعه عند 150 و دية السرعه القصوى