المشاركة الأصلية كتبت بواسطة meladadel
مشاهدة المشاركة
متشكر جدا يا ميلاد وبعدين دا انا شكلى تعبتك معايه بالرد دا ؟
وعلى العموم
انت ليك حق طبعا من ناحية ان الجولف 2 أحسن بكتير من الجولف واحد بالذات ال gti او حتى ال gtd الى هما بيبقوا بفانوسين من ادام لان انا دخلت وجيبت صورها وعجبتنى جدا بصراحه وحسيت انها عربيه أعتماديه جامد ومريحه و عمليه يعنى فعلا دبابه و كمان شيك ( على الاقل أفضل من البيجو 504 و اوبل كورسا هاتش باك موديل التسعينات و المرسيدس القديمه هيه طبعا تمام برده بس يعيبها طولها وماتورها الكبير وأستهلاكها للبنزين والسويفت القديمه و كل الكلام دا ) حتى الجولف 1 برده تعتبر كويسه ( يعنى برده أفضل على الاقل من 127 و 128 و اللادا و الماروتى و الغزاله وكل الكلام دا ) بس يا عم ميلاد أهى بكام برده مش بتقول فى حدود ال 33000 غاليه طبعا .
لان انا فعلا كنت عامل حسابى بالكتير اوى زى ما انت بتقول كدا 17000 ولا حاجه , بس بعد كلامك عن مشاكلها خوفت الصراحه .
بس انت عارف انا كنت عايز عربيه زى كدا ليه عشان أعملها زى موتوسيكل كدا فى المشاوير والشوارع الديقه والمفحره والمكعبله والمناطق الهباب دى يعنى الى لو فضلت رايح جاى فيها بالبولو هجيب أجلها فا أنا كنت بفكر فى موتوسيكل ( هوندا 250 سى سى ) بس جيت أبص لاقيتها فى الرينج دا من 13000 ل 15000 ( وطبعا دا عشان مش عايز أجيب لا موتوسيكل صينى ولا فيسبا برده صينى والهندى منها برده بقت فى حدود ال 11000 وال 12000 ) فقولت طلاما الاسعار كدا قربت لأسعار عربيات من القديمه طب ما انا اجيب عربيه أحسن ويبقى أسمها عربيه برده بس دا تفكيرى ومش عارف بقى غلط ولا صح ؟؟؟
بس هى شكلها كدا هوندايه ولا أنت إيه رأيك يا باشا ؟
حتى تنفعنى فى الاماكن الديقه أكتر الى مينفعش تدخل فيها اى عربيه الا إذا كانت فطوطه بقى ( 126 )
انا عارف تعبتك معايه

Comment