العربيه بتقطع

[M.Mostafa80]

وياريتها على الكربرياتير وبس
انما كمان ممكن تجيبلك أجل الطلمبه عايز تنضف التانك خالص وتبقى مرتاح يبقى فك التانك وفضيه ونضفه وتجيب بنزين من محطه نضيفه وخلى بالك ممكن يكون الحوار ده من الطلمبه نفسها اعمل تيست عليها
والحاجه التانيه هى تنظيف الكاربيرتير لأنه ممكن يكون بيك من البيكات مش نظيف وخصاتا بيك السلانسيه والسرعه البطيئه

[elshrpeny]

اولا قبل كل حاجه انت أخبار عمليتك إيه هتروح النهارده إن شاء الله ؟
ربنا يقومك بالسلامه إن شاء الله محمد .

وياريتها على الكربرياتير وبس
انما كمان ممكن تجيبلك أجل الطلمبه عايز تنضف التانك خالص وتبقى مرتاح يبقى فك التانك وفضيه ونضفه وتجيب بنزين من محطه نضيفه وخلى بالك ممكن يكون الحوار ده من الطلمبه نفسها اعمل تيست عليها
والحاجه التانيه هى تنظيف الكاربيرتير لأنه ممكن يكون بيك من البيكات مش نظيف وخصاتا بيك السلانسيه والسرعه البطيئه

طيب بس كونه يفك الطلمبه دى أمر صعب يا حمام بيتهيقلى يعنى انه يجرب فكرة الجركن دى وإن شاء الله ميحصلش حاجه ويجرب مكنش يبقى يعمل الى انت بتقوله لانها شغلانه حكاية فك التانك دى

[mesho_kimi]

وياريتها على الكربرياتير وبس
انما كمان ممكن تجيبلك أجل الطلمبه عايز تنضف التانك خالص وتبقى مرتاح يبقى فك التانك وفضيه ونضفه وتجيب بنزين من محطه نضيفه وخلى بالك ممكن يكون الحوار ده من الطلمبه نفسها اعمل تيست عليها
والحاجه التانيه هى تنظيف الكاربيرتير لأنه ممكن يكون بيك من البيكات مش نظيف وخصاتا بيك السلانسيه والسرعه البطيئه

أنا برضه كنت متوقع كده ، الغريبه انها بدأت تظهر التقطيعه جامد فى اخر 3 ايام من ساعه أما حطيط الكربراتير ميديك مش عارف شكله سيح الرواسب مع البنزين ولا ايه ولا هو بينظف والتقطيع ده طبيعي والكربراتير اساً مظبوط ومبيقطع فى السلانسيه يعني لو جبت تاني وشيلت رجلي من علي الدواسات السلانسيه مظبوط وعمرها ما قطعت هى تقطع اول اما اشيل رجلي واجي احطها تاني فى المشي العادي بالذات على الغيار التاني وطرمبة البنزين شغاله تمام والحمد لله يعني العومه ممكن تكون هى سبب التقطيعه عشان لو هى نغيرها وخلاص ، ( صحيح انا اتصلت بيك أمبارح الصبح عشان اسلم عليك بس تليفونك كان مقفول وحمد الله على سلامتك )

[M.Mostafa80]

الله يسلمك ياجميل بس هنا فى سؤال هى العوامه عندك كهرباء ولا عاده
لانها لو عاده مش هتأثر معاك فى حاجه مفتكرش انها تكون العوامه

[mesho_kimi]

العوامه أعتقد إنها كهربه لإنها مرتبطه مع الطرمبه بأسلاك كده ، طيب اما حنا ممكن نشوف أسباب التقطيعه واحده واحده ، التقطيعه ديت قطعت منى مره قبل ما البوبينه تروح وأتغيرت ، البوجيهات وأسلاكهم حالتهم تمام ، أكشف عليها كمبيوتر يا محمد ولا انت ايه رأيك

[M.Mostafa80]

بص تعالى على نفسك شويه وروح لهريسه هو صحيح تنك حبتين وحراق شويتين بس المفروض انو يلخصلك الحوار

[mesho_kimi]

بص تعالى على نفسك شويه وروح لهريسه هو صحيح تنك حبتين وحراق شويتين بس المفروض انو يلخصلك الحوار

هريسه هو اللي كان حيتسبب انى حلبس عوامه علي الفاضي

بعد الكشف على السياره بالجهاز طلع 3 اخطاء

1 - حساس ثروتل ، بتاع البوايه
2 حساسا الايدل ومطلع الايرور بسبب الخطأ الاول
3 - حساس السرعه وبرضه مرتبط بالاول

الخطأين 2 و 3 بيتمسحوا تمام ومش بيرجعوا ، الخطأ لااول بيفضل موجود اما العربيه تدور تاني ، ومع مشوار خفيف رجع الثلاث أخطاء

وأكتشفت ( كنت عارف بس أتأكدت ) التالي أنى الكربراتير عندي مش كربراتير بمفهومه التقليدى بيكات هواء وسلانسيه وكلام من ده ولكنه عباره عن بوابه كهربائيه أو ما يعرف بالهاف أنجيكشن والخطأ فيه لسه فى بدايته طبقاً لكلام الفني فهو بيدى نو سيجنل مش بروسيد وبالتالي يمكن حله حسب كلامه بمشوار تقيل بس يكون فحت مع أوكتان بوستر وفيول سيستم كلينينج وبالتالي البوابه حتنضف وانى احنا لسه فى الاول وبالتالي أمكانيه المحافظه على البوابه الموجوده أفضل من تغييرها ( يذكر أنيي استخدمت معه كربراتير ميديك ولذلك لم يصلح اي شيء فيه ولكنه ساء الامر قليلاً )

[ehab_mansour]

هريسه هو اللي كان حيتسبب انى حلبس عوامه علي الفاضي

بعد الكشف على السياره بالجهاز طلع 3 اخطاء

1 - حساس ثروتل ، بتاع البوايه
2 حساسا الايدل ومطلع الايرور بسبب الخطأ الاول
3 - حساس السرعه وبرضه مرتبط بالاول

الخطأين 2 و 3 بيتمسحوا تمام ومش بيرجعوا ، الخطأ لااول بيفضل موجود اما العربيه تدور تاني ، ومع مشوار خفيف رجع الثلاث أخطاء

وأكتشفت ( كنت عارف بس أتأكدت ) التالي أنى الكربراتير عندي مش كربراتير بمفهومه التقليدى بيكات هواء وسلانسيه وكلام من ده ولكنه عباره عن بوابه كهربائيه أو ما يعرف بالهاف أنجيكشن والخطأ فيه لسه فى بدايته طبقاً لكلام الفني فهو بيدى نو سيجنل مش بروسيد وبالتالي يمكن حله حسب كلامه بمشوار تقيل بس يكون فحت مع أوكتان بوستر وفيول سيستم كلينينج وبالتالي البوابه حتنضف وانى احنا لسه فى الاول وبالتالي أمكانيه المحافظه على البوابه الموجوده أفضل من تغييرها ( يذكر أنيي استخدمت معه كربراتير ميديك ولذلك لم يصلح اي شيء فيه ولكنه ساء الامر قليلاً )

زي الفل
يبقي عليك وعلي منظف كبراتير وتنظف بيه البوابة وتشتري stp الرمادي وده عبارة عن منظف لدورة البنزين كاملة وده بيتحط علي مرتين يعني بيضاف علي تفويلتين حسب المكتوب عليه هو ثمنه 70 جنيه بس ناس كتيييير شكرت فيه

[mesho_kimi]

زي الفل
يبقي عليك وعلي منظف كبراتير وتنظف بيه البوابة وتشتري stp الرمادي وده عبارة عن منظف لدورة البنزين كاملة وده بيتحط علي مرتين يعني بيضاف علي تفويلتين حسب المكتوب عليه هو ثمنه 70 جنيه بس ناس كتيييير شكرت فيه

بالفعل تم تنظيف البوابه بمنظف بس وانا راجع البنزينه الوحيده اللي كان فيها ماركت الماركت كان قفل وملقتش غير منظف في موبيل إسمه بوزيتيف باور فا ضفته لعشرين لتر بنزين وأخدت مشوار حوالي 20 كيلو مع شد شويه على الماتور إن شاء الله بكره حروح كارفور وأدورعلى stp بس مكنش موجود أخر مره ممكن أبدله بأي منظف دوره نضيف ومعاه أوكتان بوستر وحطلع علي الدولي مشوار حلو كده ويارب يجيب تأثير

[mesho_kimi]

أخيرا لاقيت الحل ولاحمد لله ، العيب كان من الايدل كونترول الماتور بتاعه مفوت سنه وبالصدفه وانا عند الكهربائي كان عنده عربيه بولو خضراء برضه :)) فيها ايدل و بوابه وكارته وطالما هو حيغير الثلاثه فأنا ممكن أخد من الايدل بتاعه الماتور واركبه عندي مستني اما يشتري الحاجه ابقى اروح اركب الماتور الغريبه العربيه مش عايزه تقطع خالص بس الايرور متسجل :)) عايزه تزاولني وخلاص

[elshrpeny]

أخيراً طب الحمد لله ربنا يسهل بقى وتركب الماتور على خير إن شاء الله
ولو إنى شايف انه طلاما عيب ميدايئش أوى يعنى وفى نفس الوقت معتش بيجيلك وحتى لو جه هيجى كل فين و فين يبقى كبر ال d يا عم هشام ووفر فلوسك يا ابنى هههههههههه

[mesho_kimi]

أخيراً طب الحمد لله ربنا يسهل بقى وتركب الماتور على خير إن شاء الله
ولو إنى شايف انه طلاما عيب ميدايئش أوى يعنى وفى نفس الوقت معتش بيجيلك وحتى لو جه هيجى كل فين و فين يبقى كبر ال d يا عم هشام ووفر فلوسك يا ابنى هههههههههه

ما انا كده كده مش حدفع غير مبلغ قليل للغايه لأنى كده كده الايدل بتاع الراجل التاني كان حيرميه لانه عنده العيب فى البورده جه إذا ما أخدتوش واجب ، مشكلتي انى الراجل امبارح نسي يظبط السلانسيه :)) ومأخدتش بالي لأنى العربيه كانت سخنه بس مش مشكله مش مضايقه فى حاجه

[elshrpeny]

طيب تمام على البركه يا هشام
بس حاول تظبط السلانسيه دا لانه بيتهيقلى مهم و ضرورى فى بعض الاحيان ( يعنى لو جيت تعلم حد السواقه على عربيتك بيسهل شويه )

[M.Mostafa80]

طيب تمام على البركه يا هشام
بس حاول تظبط السلانسيه دا لانه بيتهيقلى مهم و ضرورى فى بعض الاحيان ( يعنى لو جيت تعلم حد السواقه على عربيتك بيسهل شويه :c_laugh[1]: )

شكلك كدا عارف التيته ياشربينى هههههههههههههههههههههههههههههههه
كلمه السر 6 اكتوبر

[elshrpeny]

إن بعد الظن إثم يا عم محمد
انت فكرك راح لبعيد ليه كدا
ولا ممكن على رأى مهو الصيف جاى بقى وإسكندريه بتبقى حلوه
وكلمة السر إتغيرت بقت مارينا والساحل الشمالى والعجمى
وبالخصوص بقى العجمى هههههههههه