رأيكم مهم جدا بخصوص البولو 2001

[mrekaby]

اقدمى عربية بولو 2001 ممتازة جدا و كشفت عليها اكثر من مرة و الحمد لله العربية تمام بس المشكلة ان العربية عاملة 152 الف كم وبصراحة دى قلقنى قوى منها يا اخوانى افيدنى الله يكرمك اشترى ولا
(العربية فابريكة بالكامل تكييف و بور فقط و الصالون بحالة جيدة و السعر 47 الف)

[mesho_kimi]

طيب ماتورها 1000 صح / بالنسبه للسعر أخوننا ملاك ال 2001 يقدروا يفيدوك فى السعر

[mrekaby]

الماتور 1000 سىسى بس انا خايف من الكليو متر اكثر

[M.Mostafa80]

مدام العربيه بره وجوه وحاله الموتور تمام والعفشه تمام يبقى صلى استخاره واتكل على الله والسعر حلو

[mesho_kimi]

الكيلوات مش مقياس بس طالما انت خايف من الكيلوات ممكن تعمل كبس ماتور وهو ده اللى يحدد حالة الماتور

[wael_mega]

الكيلوات مش مقياس بس طالما انت خايف من الكيلوات ممكن تعمل كبس ماتور وهو ده اللى يحدد حالة الماتور

يعنى اية كبس ماتوووور

[M.Mostafa80]

يعنى اية كبس ماتوووور

هقولك بكره أما اشوفك تصبح على خير

[mrekaby]

شكراً يا جماعة على الردود انا استخر ربنا امبارح و توكل على الله و اشترى العربية النهادرة و الحمد لله و استلمت من 3ساعات بعد تخليص الورق و ذهبت بيها الشغل تباعى فى اكتوبر
الحمد لله العربية فى سواقتها جميلة خاصة ( الثبات ) بس لى شو ية محلوظات بسيطة :
1- فى صوت مع تشغيل التكييف صوت تيذيق سير بس اداء التكييف جيد
2- الكراسى الى جانب السواق مش ثابت و أيضا كسرت الاكرة بتاع الدرج الداخلى
3- الكاوتش شكله عايز يتغير و فى صوت تصفير فى الملفات
4- عايز اعمل انذار بس يكون حد ابن حلال

ايه أهم الحجات اللى اعملها دلوقتى غير شوية الملوحظات اللى فوق و الأهم عند منين انا ساكن فى ش السودان
و أدعولى ربنا يبارك فيها ان شاء الله

[medo20000]

اولا الف مبروك وربنا يباركلك فيها
ثانياً لازم تغير السيور والفلاتر زيت بنزين هواء ....وتغير كاوتش لو تقدر ....وبوجيهات وبلية كاتينة .....وتنظف فلتر التكيف ..وتغسل الريادتير من جوه وتحط مياه خضراء .....وبعد ده كله قولى رأيك فى العربية ........

[M.Mostafa80]

بص ياسيدى
سير كاتينه ودينمو وبليه شداد وبليه كاتينه
طقم بوجيهات ان جى كى
فلتر هوا وبنزين وزيت وزيت موتور
مراجعه زيت الباور لو أحمر نزله وحط الأبيض او الأصلى الأخضر
مراجعه زيت الفتيس لو ناقص زوده
طربيط عفشه
تغيير مياه التبريد بمياه هيبو حمرا وليس خضراء مياه هيبو زجاجه لتر ونص وبتكملها مياه مقطره
تظبط زوايا واتزان
تغير كاوتش لو الحاله تسمح
باب الدرج هتجيبه من الحرفيين ولو المشوار بعيد ممكن الوكاله
الكرسى عايز سروجى محترم يبصلك عليه ويشحمه أو يزيته
وبس
ولو احتجت أى حاجه تحت أمرك

[M.Mostafa80]

نسيت بخصوص الأنذار سؤال صغير على السريع وعلى اساسه هفيدك فى موضوع الأنذار
هل العربيه فيها سنتر فابريكه وعشان تتأكد
القربه بتبقى فى المنطقه اللى فيها الأسعافات

[elshrpeny]

القربة دى بيبقى شكلها إيه يا محمد ؟
زى ما تقول كدا أسطوانية الشكل بالطول وليها غطاء أسود كاوتش تشبة كدا إلى فى جانبين الكابوت ولا دى حاجة تانيه ؟

[M.Mostafa80]

اللى انت بتتكلم عليهم دول غطيان المساعدين القربه بتبقى كوره سودا ورى جنب المكان اللى بيتحط فيه شنطه الأسعافات

[mrekaby]

شكرا ي جماعة بجد على ذوقكم دى و المعرفة اللى ما تبخلوا على حد بيها . بص يا جماعة العربية مع التكييف حاجة و منغيره حاجة تانية خالص ( اداء ضعيف قوى مع التكييف بس التكييف تمام )
1- جانب صوت تباع السير اللى مع التكييف فى كركرة فى العربية و بتوصل احيانا الى حد العربية تبطل منى ( حدث امبارح مرتين )
2- مهيالى كده و الله أعلم اننى عندى مشكلة فى الدبرياج عشان مش سلس و أيضا فى صوت تزييق فى كل ضعط عليه
3- الانذار تباع الفابريكة بس الشنطة لازم تقفل بالمفتاح مش مع الابواب
أخيرا بخصوص درجة الحرارة هى المفروضة تبقى عند ايه
و السؤال عند منين أعمل الحاجات و الصيانات اللى قوللتى عليه
أخوكم محمود

[mrekaby]

نسيت اقول حاجة فى التابلوه شاشة الكمبيوتر رسالة
Services OIL بس بتروح لما ازود على زر عداد الرحالات دي ايه ؟