رأيكم مهم جدا بخصوص البولو 2001

[mesho_kimi]

عشان نقدر نحكم على الدربياج كان لازم تكون العربيه معاك من فتره لأنى لو فى أختلاف فى سحب العربيه ساعتها نقدر نحكم انه دبرياج انما كده ممك نيكون بس الدواسه عايزه يترش عليها اسبراي مزيل صدأ

بالنسبه للشنطه انا عندى السنتر بيقفل ال 4 ابواب والشنطه إن شاء الله حد من الاخوه اللى معاه 2001 يدينا رد قاطع

درجة الحراره المفروض إنها متعديش الشرطه اللى فى النص بأى حال من الاحوال اما العربيه بتسخن بتوصلها ومتتحركش تانى

بالنسبه لكلمت سيرفيس أويل فا دية بتاعة تغيير الزيت قدامك حل من الحلين انك تصفر العداد أو حد عنده جهاز الكشف يظبطلك العداد مع تغيير الزيت اللى جاي ومتشغلش بالك بيها مش مضره فى حاجه سيبها لغاية اما تعمل صيانتك

أنت بس اعمل الصيانه الكامله بتاعة العربيه وحتنحس بفرق كبير و إن شاء اله كل مشكلاتك تنتهى بالنسبه للمكان إن شاء الله حد من القاهره يبعتك لمكان كويس

[mrekaby]

كتر خيرك يا باشا

[medo20000]

انا معايا بولو 2001 بس السنتر مش فابريكة ....فلاسف مش هاقد أفيدك قوى
درجة الحرارة المفروض لا تتعدى 90 درجة ....عندها هاتسمع صوت المروحة على السرعة العالية شغالة ...

محمد مصطفى ممكن أعرف الحاجات دى سعرها ايه وتتركب فين ومصنعية قد ايه؟؟شكراً

[M.Mostafa80]

بص ياسيدى
سير كاتينه ودينمو وبليه شداد وبليه كاتينه (لو الموتور 16 صباب يبقى المجموعه دى بتيجى كامله اربع بليات وسيرين كاتينه وسير دينمو ب 1400ج لو 8 صباب يبقى السير بتاع الكاتينه 120 والدينمو 75 والبليه 250 وبليه الشداد ب 100)
طقم بوجيهات ان جى كى (لو ارديوم يبقى ب 180 لو العادى 65
فلتر هوا وبنزين وزيت وزيت موتورهواء 60 بنزين فولكس الأصلى 60 زيت فولكس الأصلى 50
مراجعه زيت الباور لو أحمر نزله وحط الأبيض او الأصلى الأخضر الزيت الأبيض الأمريكى ب 45 ج الزجاجه العربيه بتاخد زجاجه ألا ربع

مراجعه زيت الفتيس لو ناقص زوده الزيت لو اسو 90 بتعمل 15 ج

طربيط عفشه 20 ج
تغيير مياه التبريد بمياه هيبو حمرا وليس خضراء مياه هيبو زجاجه لتر ونص وبتكملها مياه مقطره 20
تظبط زوايا واتزان 25
تغير كاوتش لو الحاله تسمح حسب نوع الكاوتش
باب الدرج هتجيبه من الحرفيين ولو المشوار بعيد ممكن الوكاله حسب ضمير التاجر
الكرسى عايز سروجى محترم يبصلك عليه ويشحمه أو يزيته لسه مظبط الكرسى بتاعى ب 20ج
وبس
ولو احتجت أى حاجه تحت أمرك

[medo20000]

ألله ينور ياباشا بس مقولتليش اعمل الكلام ده فين لانى نويت أعمل سيرفيس أول الشهر انت عارف الظروف بقى...

[M.Mostafa80]

ألله ينور ياباشا:b4_388: بس مقولتليش اعمل الكلام ده فين لانى نويت أعمل سيرفيس أول الشهر انت عارف الظروف بقى...

بص ياسيدى عندك فولكس سنتر دا امام مدارس حفر الباطن فى شارع المجزر الألى الطريق السياحى المريوطيه
وفى مركز محمد على فى طريق بشتيل امبابه هتطلع كوبرى عرابى وتاخد المنزل اليمين وهتفضل ماشى لحد ما هتلاقى ميدان هتلفو تاخد الشارع اللى فى وشك على طول حوالى 500 متر هتلاقى جامع على ايدك الشمال هو فى الشارع اللى جنب الجامع
وقول للبشمهندس محمد على باعتنى ليك محمد مصطفى صاحب العربيه البولو البيضه

[elshrpeny]

اللى انت بتتكلم عليهم دول غطيان المساعدين القربه بتبقى كوره سودا ورى جنب المكان اللى بيتحط فيه شنطه الأسعافات

انا عندى الكورة دى بس طالع منها حزام الامان هيه دى ولا دى بتاعة الحزام ؟

[elshrpeny]

بقولك يا محمد
انا كنت جايب مياه تبريد ماتور حمراء جيركن 5 لتر نوعه ( iada ) برشلونة أسبانيا و بــ 35 جم , تسمع عنه دا ولو تعرفه دا محتاج يتخف بمياه مقطره ولا لاء ؟ لان وانا بشتريها الراجل قالى بتتحط على طول دا فى ناس بتحط مياه من الحنفية , قولتله طب والاصلى قالى أزازه لتر واحد تقريباً وب 65 جم فأستغليتها الصراحه

- وحصل حاجه غريبة معاية أمبارح أول مره تحصلى والكلام دا كان بالليل الساعه 12 تقريباً , إن عداد حرارة الماتور سخن والمؤشر كان طالع لحد قبل الـــ 110 بسنه بسيطه
هل دا طبيعى عشان الجو كان حار مثلاً ولا إيه الحكاية ؟

[mesho_kimi]

شيك على مقياس الميه با عمرو السخونيه دية مش طبيعيه خالص

[elshrpeny]

مقياس الميه تمام يعنى نزل عن الماكس حاجه بسيطه , بس انا تقريباً فاكر أن المروحه مكنتش اشتغلت فأنا بيتهيقلى دا السبب الى خلااها سخونيتها تزيد والله أعلم
بس لو مكنتش أشتغلت مشتغلتش ليه بقىىىىىىىىى , دى تبقى اول مره من ساعة ما جبتها تعمل معاية الحركة دى

[mesho_kimi]

شيك على الكلبس اللى راكب فى المروحه ممكن يكون مهزوز

[elshrpeny]

الكلبس دا يا هشام فى نص المروحة و لا فوقها ولا فين بالظبط ؟

[mesho_kimi]

حتلاقيها فيشه داخله فى ظهر المروحه مكانها ظاهر

[elshrpeny]

تحت التجربة

[M.Mostafa80]

وراجع على الفيوزات اللى فى العلبه اللى على البطاريه