استفسارات عن بولو 2001 - 1400 سي سي

[OSaMa.GHaMrY]

السلام عليكم ورحمة الله وبركاته

لو سمحت يا شباب انا كنت عاوز اعرف رائيكم فى العربيه دى وادائها وصالونها اد ايه
وهل ال 1400 كويسه مع تشغيل التكييف والسحب

والصالون يتسع لكام شخص بالظبط ؟؟

وبالنسبه لو حد عنده صور للصالون ياريت يعرضها وشكرا جزيلا

[OSaMa.GHaMrY]

وهو مكتوب ان العربيه gta

يعنى ماتورها قوى ولا ايه نظامه ؟؟

[mesho_kimi]

الماتور ده متسقطلها مش الفبريكه صح لأنى اعرف انى ماتورها 1000 ، بالنسبه للعربيه فهى جميله جداً و إعتمادية وثابته و ممكن تركب ورا 3 ومش حيبقوا مضايقين

[OSaMa.GHaMrY]

الماتور gti مش gta
انا كتبتها غلط لكن على فكره فى بولو بتنزل كده مش بيتسقطلهاا

[mesho_kimi]

اه فى بولو gti ودية سعرها غالي جداً وللآسف لم يحالفنى الحظ وأرى واحده اصليه بمعنى كلمة اصليه مش بولو عادية ومتركبلها كل ما يخص gti ، ثانياً البولو اللى نزلت مصر 1300 لغاية 97 ومن ثم 1000 حتى 2001 ويعد كده البولو العيون البرازيلي وسمعت أنى فى 2001 خليجي 1400 ومع ذلك قليلة للغايه

[adel_2346]

1400 قليله جدا بس عربيه ممتازه

[OSaMa.GHaMrY]

انا روحت خلصت فى العربيه وفعلا طلعت متركبلها ماتور 1400 فيه تربو

وماشاء الله العربيه حكاااااااايه بجد ودى صورتها وهنروح بكره الشهر العقارى نعمل التوكيل
يارب باركلى فيها يااااااارب ، دعواتكم بقى

[elshrpeny]

اه فى بولو gti ودية سعرها غالي جداً وللآسف لم يحالفنى الحظ وأرى واحده اصليه بمعنى كلمة اصليه مش بولو عادية ومتركبلها كل ما يخص gti ، ثانياً البولو اللى نزلت مصر 1300 لغاية 97 ومن ثم 1000 حتى 2001 ويعد كده البولو العيون البرازيلي وسمعت أنى فى 2001 خليجي 1400 ومع ذلك قليلة للغايه

طيب وعلى كدا تعرف ثمن البولو ال gti دى فى حدود كام ولا انت متعرفش غير انها غالية وخلاص يا هشام ؟
لان عايز اعرف تفرق أد إيه عن العادية
وكذلك البولو الخليجية برده سعرها فى حدود إيه لو عندك فكرة يا باشا ؟

[elshrpeny]

بسم الله ما شاء الله
عربية جميلة ربنا يباركلك فيها إن شاء الله ويديك وينفعك بخيرها ويبعد عنك ويكفيك شرها

[elshrpeny]

بس مقولتلناش جبتها على كام ؟
وموديل كام ؟ بس هيه شكلها 2001 صح ؟
وعاملة كام كيلو ؟
وراشه ولا لاء ؟

[mesho_kimi]

طيب وعلى كدا تعرف ثمن البولو ال gti دى فى حدود كام ولا انت متعرفش غير انها غالية وخلاص يا هشام ؟
لان عايز اعرف تفرق أد إيه عن العادية
وكذلك البولو الخليجية برده سعرها فى حدود إيه لو عندك فكرة يا باشا ؟

هى من حيث تفرق فهى تفرق فى حاجات كتير اوي ، بالنسبه للسعر فا اللى عايز يبيع حيبيع بالسعر اللى هو عايزه ووقت ما حيحب يبيع وفى نفس الوقت اللى بيشتري حيقدر العربيه مهما كان سعرها

[mesho_kimi]

انا روحت خلصت فى العربيه وفعلا طلعت متركبلها ماتور 1400 فيه تربو

وماشاء الله العربيه حكاااااااايه بجد ودى صورتها وهنروح بكره الشهر العقارى نعمل التوكيل
يارب باركلى فيها يااااااارب ، دعواتكم بقى

ماتور 1400 تربو صعبه اوي مواتير فولكس كالاتى 1400 60 / 1400 75 / 1400 100 ولا واحد فيهم فيه تربو

بس طالما العربيه عجباك يبقى الف مبروك عليك وربنا يكيفك شرها بس اهم حاجه يكون واحد بيفهم فولكس كشف عليها عشان التسقيط

[mesho_kimi]

بس مقولتلناش جبتها على كام ؟
وموديل كام ؟ بس هيه شكلها 2001 صح ؟
وعاملة كام كيلو ؟
وراشه ولا لاء ؟

العربيه 2001 ذى بتاعتك الفرق انى ماتورك ستوك ودية متسقطلها 1400 العتب على النظر يا معلم لحقت تنسى شكل عربيتك :))

[OSaMa.GHaMrY]

بس مقولتلناش جبتها على كام ؟
وموديل كام ؟ بس هيه شكلها 2001 صح ؟
وعاملة كام كيلو ؟
وراشه ولا لاء ؟

ربنا يخليك يارب عالدعوه دى وربنا يباركلى فيها وانا هحاول على اد ماقدر احافظ عليها
العربيه ب 45 الف فابريكه بره وجوه فيها زينون وكاسيت وسماعات بيونير ماشاء الله صوتهم خطيييييييييييييير وجنوط وازاز كهربا امامى بوحدات رفع ومرايات كهربا وباركنج سينسور وتقريبا فيها اير باج وسنتر وهيدينى الانذار اركبه قال انه بشاشه وبيسجل اى حاجه تحصل للعربيه والازاز معمول فاميه بس للاسف هتضطر اشيله لان صاحب العربيه كان معاه رخصه اجنبى لانه معاه جنسيه تانيه وانا مصري مسكين مينفعش احط فاميه

لو فى اى مشاكل محدش يجيب سيرتها بقى عشان انا بصراحه مرتاح جدا للعربيهو اتمنى ربنا يباركلى فيها وتوصل البيت بكره بسلاااام وارجع من الامتحان الاقيها مركونه عندنا وياريت كلو يدعييي من قلبببه دى اول عربيه ليا

ماتور 1400 تربو صعبه اوي مواتير فولكس كالاتى 1400 60 / 1400 75 / 1400 100 ولا واحد فيهم فيه تربو

بس طالما العربيه عجباك يبقى الف مبروك عليك وربنا يكيفك شرها بس اهم حاجه يكون واحد بيفهم فولكس كشف عليها عشان التسقيط

بصراحه مش عارف انا تقريبا سمعت الكلمه دى اثناء الكلام عن الماتور وبصراحه شد وانا راكب معاه كانت جميييله وعمال يقولى اياك والسرعه وخلى بالك بجد انا مرتاح نفسيا ليه ربنا يباركله هو كمان

[elshrpeny]

هى من حيث تفرق فهى تفرق فى حاجات كتير اوي ، بالنسبه للسعر فا اللى عايز يبيع حيبيع بالسعر اللى هو عايزه ووقت ما حيحب يبيع وفى نفس الوقت اللى بيشتري حيقدر العربيه مهما كان سعرها

ايه يا عم هشام هو انا أقصد انها تفرق فى إيه امكانيات أنا كان قصدى تفرق أد إيه سعر

بس طلاما الموضوع بقى للتقدير يبقى هتبقى بتمن البورا بقى ولا حاجه عشان العربيه البولو ال gti بالذات انا فى نظرى أحسن من البورا والباسات كمان ( الموديل القديم طبعا مش الجديد )
حتى البولو ال 1400 الخليجى برده ممكن تلائيها بتمن الجولف 4 ولا حاجه لانها بتبقى برده نازله بكماليات جامده وفتحة سقف ونظام يا معلم

انا كنت عايز أعرف أسعارهم بس عشان مثلا لو حبيت أبدل أبقى عارف الفرق بسيط ولا كبييييييير فقط لا غير