استفسارات عن بولو 2001 - 1400 سي سي

[elshrpeny]

العربيه 2001 ذى بتاعتك الفرق انى ماتورك ستوك ودية متسقطلها 1400 العتب على النظر يا معلم لحقت تنسى شكل عربيتك :))

بقى دا برده معقول قصدى ؟
او حتى هتوه عن الشكل !!!
لأن ممكن كانت تبقى 2000 بس

[elshrpeny]

ربنا يخليك يارب عالدعوه دى وربنا يباركلى فيها وانا هحاول على اد ماقدر احافظ عليها
العربيه ب 45 الف فابريكه بره وجوه فيها زينون وكاسيت وسماعات بيونير ماشاء الله صوتهم خطيييييييييييييير وجنوط وازاز كهربا امامى بوحدات رفع ومرايات كهربا وباركنج سينسور وتقريبا فيها اير باج وسنتر وهيدينى الانذار اركبه قال انه بشاشه وبيسجل اى حاجه تحصل للعربيه والازاز معمول فاميه بس للاسف هتضطر اشيله لان صاحب العربيه كان معاه رخصه اجنبى لانه معاه جنسيه تانيه وانا مصري مسكين مينفعش احط فاميه

لو فى اى مشاكل محدش يجيب سيرتها بقى عشان انا بصراحه مرتاح جدا للعربيهو اتمنى ربنا يباركلى فيها وتوصل البيت بكره بسلاااام وارجع من الامتحان الاقيها مركونه عندنا وياريت كلو يدعييي من قلبببه دى اول عربيه ليا



بصراحه مش عارف انا تقريبا سمعت الكلمه دى اثناء الكلام عن الماتور وبصراحه شد وانا راكب معاه كانت جميييله وعمال يقولى اياك والسرعه وخلى بالك بجد انا مرتاح نفسيا ليه ربنا يباركله هو كمان

هو دا الكلام إلى انا عايز أسمعه منك , لأن كل أما حافظت عليها ريحتك و بقت مصاريفها قليلة يعنى العمر الافتراضى لقطع الغيار يعمر معاك أكتر وتعيش معاك أطول فتره ممكنه وفى نفس الوقت الماتور يعمر معاك متجبش أخره بدرى بدرى ( يعنى فعلا إياك والسرعة الذائده عمال على بطال )

وبسم الله ما شاء الله العربية جاية بكماليات كتير وحلوة ربنا يباركلك فيها ويحفظهالك يا توتو الصغير
بس برده مقولتش موديل 2000 ولا 2001 ؟ وعامله كام كيلو ؟

- بس كنت حاول تروح لحد يكشفلك عليها طلاما انت جايبها من واحد مهوش صاحبك ولا عن طريق حد تعرفه عشان تبقى فى الامان

[mesho_kimi]

smalltoto

مبروك عليك وأنت شكلك طيب وابن حلال وانا متابع مشاركاتك فى هيونداى وكنت عارف انك مستعجل على الشراء لأنى بروح هناك عشان الفيرنا ، أنا اما اتكلمت عن حد يكشفلك عليها كان عشان مصلحتك وحتلاقى كل الاخوه هنا بيتكلموا عن الكشف على العربيه لأنى العربيات دية عايزه المعامله الحسنه يعني تعاملها احسن ما بتعامل خطيبتك :)) عارف لو كوري كنت قولتلك اركب وكسر ودغدغ ولا يهمك أنما العربيات دية ماشاء الله عليها وأنت ما حتركب حتعرف قيمتها ، انت بس اهم حاجه اول اما تستلمها تعلمها طقم السيرفيس بتاعها وتحطها على الجهاز عشان او فى اى أكواد تتسمح ، وهو صاحبها ماشاء الله مظبطها كماليات ، لو الماتور اللى عندك ال 100 حصان بتاع gti يبقى مش حقدر انصحك أنك متجريش لأنك حتجري غصب عنك بس متجازفش

[mrekaby]

مبروك يا باشا ربنا يحميك و يباركلك فى العربية
دعوة من واحد اشترى بولو 2001 أقبل بيوم

[OSaMa.GHaMrY]

مبروك عليك وأنت شكلك طيب وابن حلال وانا متابع مشاركاتك فى هيونداى وكنت عارف انك مستعجل على الشراء لأنى بروح هناك عشان الفيرنا ، أنا اما اتكلمت عن حد يكشفلك عليها كان عشان مصلحتك وحتلاقى كل الاخوه هنا بيتكلموا عن الكشف على العربيه لأنى العربيات دية عايزه المعامله الحسنه يعني تعاملها احسن ما بتعامل خطيبتك :)) عارف لو كوري كنت قولتلك اركب وكسر ودغدغ ولا يهمك أنما العربيات دية ماشاء الله عليها وأنت ما حتركب حتعرف قيمتها ، انت بس اهم حاجه اول اما تستلمها تعلمها طقم السيرفيس بتاعها وتحطها على الجهاز عشان او فى اى أكواد تتسمح ، وهو صاحبها ماشاء الله مظبطها كماليات ، لو الماتور اللى عندك ال 100 حصان بتاع gti يبقى مش حقدر انصحك أنك متجريش لأنك حتجري غصب عنك بس متجازفش

ربنا يكرمك يارب واكيد العربيه على اد ماهحافظ عليها هتدينى وهو صاحبها كان عامل سيرفس كامل من فتره بسيطه بس انا بردو هكشف واعمل السيرفس اللى بعد الشراء ده عشان الواحد يبقى مطمن وبالنسبه للجرى مظنش خااااااالص حاليا مع ان العربيه بتشجع عالشد بس الواحد لما ياخد عليها كويس بقى وشكرا جزيلا على ردك

مبروك يا باشا ربنا يحميك و يباركلك فى العربية
دعوة من واحد اشترى بولو 2001 أقبل بيوم

الله يبارك فيك يارب وتسلم على الدعوه الجميله والحمد لله العربيه وصلت البيت بسلااام :)

[OSaMa.GHaMrY]

بس فى مشكله انا مش عارف اشغل الكاسيت غير عالراديو مش عارف بقى مفيهوش اسطوانات ولا ايه وتقريبا اه مفيهوش لانى لما بدوس على زرار خروج السي دى مفيش حاجه بتخرج !!!
لكن الراديو شغال تماام ياريت لو حد عنده كتالوج ولا حاجه ينفعنى بيه

وشكرا جزيلاااا

[mesho_kimi]

حط سيدي والجهاز إن شاء الله حيشتغل معاك

[elshrpeny]

مهو بيقولك مبيطلعش حاجه عشان يحط فيها السى دى , ممكن يكون الكاسيت إلى بيجى مع العربية , بس أنت بتقول كاسيت وسماعات بايونير يبقى أزاى بتاع العربية , هو فى أحتمال أنه يكون كان مركب كاسيت بايونير عادى مش سى دى , على العموم أهم حاجه يكون فية وصلة يو إس بى عشان تريح دماغك من الاسطوانات ومن الشرايط الكاسيت , ولو مفهوش يبقى أستنى شوية وهاتلك واحد بايونير فية وصلة يو إس بى بس طبعا يفضل يكون سى دى مش كاسيت

والكلااام دا كله فى حالة إن الكاسيت إلى راكب عندك لا هو سى دى ولا كمان فية وصلة يو إس بى للفلاشة

[OSaMa.GHaMrY]

هو فعلا طلع مفيهوش سي دى ومكنش ظاهر اوبشن السي دى كان ظاهر التيونر اللى هو الراديو وكان ظاهر aux
ولما حطيت السي دى ظهر اختيار السي دى واشتغل واووووووووووووه عالصوت ماشاء الله الصوت حكاييييه بجد الكاسيت مع السماعتين عاملين شغل جاامد

[elshrpeny]

طيب كويس الحمد لله
بس برده لو فيه مكان لليو إس بى يبقى أحسن وتكبر دماغك من موضوع الاسطوانات دا , اما لو مفيهوش يبقى خليك أسطوانات بقى وخلاص