التاكسجى ......... اشتغلنى يا رجاله البيتلز

[hosamsief]

السلام عليكم ورحمة الله وبركاته
ازيك ياحسام باشا عامل ايه
انا لسه شايف موضوعك حالا وتابعته كله وكل الردود
اولا حمد الله على سلامتك وماتزعلش على اللى راح
والراجل ده حتى لو كان اشتغلك فى مبلغ زى ده
المهم انه انقذك من وقفتك فى الطريق وروحت بالسلامه
بالنسبه للموبينه هقولك على طريقه تعملها لو العيب منها وبطلت العربيه
ومش عاوزه تدور بتبقى الموبينه سخنت
بتجيب فوطه مبلوله بالماء وتحطها على الموبينه شويه علشان تبردها
وتستنى شويه وبعدين تدور هتدور ان شاء الله
انا حصل معايا نفس الموقف ده وكنت راجع من جمصه ومعايا الاولاد
واتصرفت كده بالظبط ودارت والحمد لله
بس فى حالتك دى والله اعلم ماكانش عيب موبينه لانك بتقول انها كانت بتدور وتمشى
بس بطيئه يعنى ظبط كهرباء
وللعلم سعر الموبينه الجديده برازيلى 70جنيه والاستيراد 30جنيه
ونصيحتى ليك ولكل احبائى ملاك البيتلز تركيب اشعال الكترونى
وابعد نهائيا عن الابلاتين والكوندنسر ومشاكلهم اللى مابتنتهيش

,و عليكم السلام و رحمه الله و بركاته .....
منور المنتدي و الله و واحشنى اوي من ساعه اخر مرة كنا فيها مع بعض عامل ايه ...... انا و الله بسأل عليك و بتابع اخبارك مع صديقنا اللدود احمد حسن و اتمنى تخش كتير كده و اشوف رودوك الجميله ده.

هو الراجل حطلى موبينه متكوب عليها بوش من ناحية السلك اللى طالع منها و كلها المونيوم من الخارج و لما ركبها دارت ...... بس جديدة مش مستعملة و اكبر شويه من اللى كانت فى العربيه المهم زى ما انت قولت الحمد لله انه انقذنى من وقفة الطريق فعلا ....... و خلاص انا اهو هركب اشعال الكتروني و اريح دماغي فعلا و يا ريت يكون فى فرق واضح فى الاداء مش بس تلافى الاعطال .

[ali_elnadry]

[frame="1 60"]يا حبيبى يا حس أنا اكتر واحد حاسس بيك علشان كان فيه واحد حاول يعمل معايا كده على كوبرى 6 اكتوبر وانا جاى من مدينة نصر ونازل محور اكتوبر كان اول يوم حر موت فى الصيف وكل اللى واقفين على الكوبرى 128 زيى
المهم لاقيت مكانيكى طالع ومعاه موبينا تقريبا حالف عليها بالطلاق ليبيعها فوق الكوبرى قال ولابسلى قميص بتاع مرسيديس بنز وعايش الحياه المهم لاقيته بيطلع الموبينا من الشنطة وعاوز يركبها فبقولله بتعمل ايه يامان قاللى هركبهالك ياشيخ قلتله لا ياعم مش عاوز وسابنى وراح يشوف غيرى بعد موهمنى ان الموبينا هى اللى بايظة خالص
المهم بعد ربع ساعة لاقيته جاى يقولى طب بص انا هشوف لو ينفع انى اصلحها ماشى وراح مطلع السلك وحطه فى بقه وقاللى اهه القلب سايب هجرب اربطهولك واشوف وجربنا فعلا العربية دارت واخويا اداله 10جم الناس.
بتستغل ضعف موقفك للأستغلال ولازم تكون منتبه والاولى انك تدعيله ربنا يهديه لعله يصلى
وأخيرا وحشتوووووووووونى مووت
[/frame]

[elgamel]

اخى حسام دى اول مرة ادخل فى مداخلة بس عايز اقولك نصيحة لان السيارة البيتلز اعطلة بسيطة جدا ومش اى حد يفهم فية علشان خلى معاك دايما طقم كهرباء ابلتين كوندسر وبوجيهات وموبينا صينى السعر كلة 100جنية وتملى تعرف ان السيارة لما تنتش يبقى كوندسر لما السارة تتفتف يبقى بوحيهات لما السيارة تقف فجاءة يبقى بنزين او بوبينا سخنت حلها تقف شوية من ربع ساعة لنصف ساعة تلقى السيارة تشتغل ثاى ونصيحة ثانية لما تيجى تغير طقم الكهرباء اتعلم من الميكانيكى وعلى طريق متخليش حد يلعبك فى السيارة الا اللى يكون بيفهم فيها واديك اتعلمت ومحدش بيتعلم من غير تعب

[hosamsief]

[frame="1 60"]يا حبيبى يا حس أنا اكتر واحد حاسس بيك علشان كان فيه واحد حاول يعمل معايا كده على كوبرى 6 اكتوبر وانا جاى من مدينة نصر ونازل محور اكتوبر كان اول يوم حر موت فى الصيف وكل اللى واقفين على الكوبرى 128 زيى
المهم لاقيت مكانيكى طالع ومعاه موبينا تقريبا حالف عليها بالطلاق ليبيعها فوق الكوبرى قال ولابسلى قميص بتاع مرسيديس بنز وعايش الحياه المهم لاقيته بيطلع الموبينا من الشنطة وعاوز يركبها فبقولله بتعمل ايه يامان قاللى هركبهالك ياشيخ قلتله لا ياعم مش عاوز وسابنى وراح يشوف غيرى بعد موهمنى ان الموبينا هى اللى بايظة خالص
المهم بعد ربع ساعة لاقيته جاى يقولى طب بص انا هشوف لو ينفع انى اصلحها ماشى وراح مطلع السلك وحطه فى بقه وقاللى اهه القلب سايب هجرب اربطهولك واشوف وجربنا فعلا العربية دارت واخويا اداله 10جم الناس.
بتستغل ضعف موقفك للأستغلال ولازم تكون منتبه والاولى انك تدعيله ربنا يهديه لعله يصلى
وأخيرا وحشتوووووووووونى مووت
[/frame]

يا على باشا كويس انك كنت على كوبري 6 اكتوبر يعنى عمار شوية مش فى الصحراء و الله انت لو شوفت سواق التاكسى هتقول عليه مسجل خطر . و كنت زى الغريق اللى بيتعلق فى قشايه و اهو الحمد لله لبست فى موبينا 80 جنيه و اشعال الكتروني ب 175 يعنى بالشفا ........ الحمد لله على كل حال .

[hosamsief]

اخى حسام دى اول مرة ادخل فى مداخلة بس عايز اقولك نصيحة لان السيارة البيتلز اعطلة بسيطة جدا ومش اى حد يفهم فية علشان خلى معاك دايما طقم كهرباء ابلتين كوندسر وبوجيهات وموبينا صينى السعر كلة 100جنية وتملى تعرف ان السيارة لما تنتش يبقى كوندسر لما السارة تتفتف يبقى بوحيهات لما السيارة تقف فجاءة يبقى بنزين او بوبينا سخنت حلها تقف شوية من ربع ساعة لنصف ساعة تلقى السيارة تشتغل ثاى ونصيحة ثانية لما تيجى تغير طقم الكهرباء اتعلم من الميكانيكى وعلى طريق متخليش حد يلعبك فى السيارة الا اللى يكون بيفهم فيها واديك اتعلمت ومحدش بيتعلم من غير تعب

الجمال باشا مداخلتك ده شرف لينا و الله واضح كل ان كل مستخدمي هذا المنتدي ناس محترمين و متعاونين و اخص بالذكر منتدي فولكس تحديدا

و الله هو ده اللى هعملة بالظبط فعلا بس انا ريحت نفسى من وجع دماغ الابلاتين و الكوندسر و ركبت اشعال الكتروني و شايل معايا طقم الكهرباء القديم و عرفت بيتركب ازاى و الحمد لله و على فكرة انا كتبت الموضوع ده علشان الاخوة يخلوا بالهم و ميخلوش اى حد فعلا يلعب فى عربيتهم و اهو الكل بيستفاد و شكرا على مرورك الكريم ........

[SamirYehya]

لو العربيه مش بتدور يمكنك أتباع الخطوات التاليه لمعرفة سبب عدم الدوارة:
1- التأكد من أن البوبينه بتخرج كهرباء الى الأسبراتير و ذلك بفتح الكونتاك و فصل الكابل الواصل من البوبينه الى الأسبراتير من جهه الأسبراتير و تقريبه الى أى معدن بمسافة حوالى 1 مم الى 2 مم ثم لف طاره الكرنك عن طريق طارة الدينمو لفه كامله يدويا لو أنت بمفردك و لو معاك مساعد ممكن يدور من مفتاح الكزنتكت مارش فقط و العربه مش حاتدور لان الكابل مفصول طبعا، و عندئذ يجب وجود شرارة كهربائيه بين طرف السلك و المعدن.
اذا تحقق ما سبق تنتقل الى الخطوه الثانيه و أنم لم يتحقق فمعنى ذلك أن البوبينه لا تخرج كهرباء لأحد الأسباب التاليه:
أولا: نسيت تفتح الكونتاكت
ثانيا: أحد طرفى تغذيه البوبينه بالكهرباء مفصول أو لا يعمل
ثالثا: الأبلاتين أو الكوندنسر تالف فلا يوصل الكهرباء للبوبينه
رابعا: البوبينه تالفه

[ahit]

قدر الله و ما شاء فعل
و الموبينة اللى هو ركبهالك ممتازة بفضل الله بعد ما شوفتها