افضل ميكانيكى للبولو

[ashoub]

السلام عليكم... ياريت كلنا نحدد احسن ميكانيكى للبولو انا سمعت عن مركز محمد سمير وعن سيد جولف & ورضا فى الحرفيين فمش عارف مين احسنهم فنيا وماديا ناس تشكر فى محمد سمير وناس لا وكذللك سيد جولف ورضا فمشعارف مين احسن واحد ياريت الى اتعامل مع حد يقول عليه وبامانه بدون تحيز لحد انا عن تجربه عرفت مين احسن كهربائى وقطع غيار احسن كهربائى رشاد فى الحرفيين فى بلوك 8 واحسن واحد لقطع الغيار الشهابى فى شارع دمشق فياريت تدلونى على احسن ميكانيكى وعفشجى لانى بجد دفعت كتير قوى ومش لاقى حد بيفهم وشكرااااااااااااااااا

[egman]

بص يا باشا من واقع الخبره العمليه

محمد سمير :
مش بيشتغل فى اى موديل لازم موديل معين او بيبدا من موديل معين (سبحان الله العزة لله وحده) .

سيد جولف :
روحتله 4 مرات بالعربية وبكون متصل بيه قبلها وطبعا مش هو الى بيرد على الموبايل وبروحلة بحاجة مهمة جدا وخطيرة وهو اكنه مجدى يعقوب مع كامل احترامى للدكتور النابغه الى اعرفه عنه انه بيتكلم براحته مع كل المرضي :) اما سيد جولف الى فى جسر السويس الى عند بنزينة التعاون اولا ما بيقفش يتكلم مع حد ولو حصل بيكون قرفان جدا جدا رجعنى كل مرة كنت اروحله بيها علشان اية مش فاضي النهاردة تناكه بلا حدود وصلنى لو الواحد يرمي العربية افضل من انه يروحله عارف كده لما تروح تكشف عند دكتور غلس وميرضاش يقولك انت عندك اية هو كده بالضبط عموما ربنا يهدى العاصي :) يعنى عايز وسطة علشان يشتغل على اية مش عارف انا لو قعدت اتكلم عليه سنة بحاله مش هكفيه حقه .

اما رضا
انا ما اعرفش عنه حاجة بصراحة .

اما من واقع الخبره العملية ما لقتش افضل من محمود ومحمد الزعيم :
الى على ناصية احمد عصمت فى جسر السويس شباب زي الفل وخبره بلا حدود اكنهم متعلمين الصنعه فى المانيا وده عن تجربه عملية وتقدر تحكم عليهم لما تروحلهم وتشوف الشغل وهما عموما ادب واخلاق غير طبيعيى وتواضع كمان وشباب بصراحة ربنا يبارك لهم

[ashoub]

يباشا ان متشكر جدا على اهتمامك بالموضوع وفعلا انا معاك بخصوص سيد جولف الى فى جسر السويس تناكه ملهاش لازمه هو والصنايعيه الى عندو انا مره كنت بغير عندوه بوجيهات الصنايعى الى بيفك البوجيه وقع منه فى وسط الماتور ومش عارف يطلعه فانا بساعده وبحاول اطلع البوجيه باى حاجه لقيته بيقولى متشتغل انت صباح التناكه كنت عاوز ققوله انت اصلا شكلك متعرفش البوجيه ده بيعمل ايه وحلفت مروحله تانى انا اول مره اشوف ناس بتتنك على اكل عشها.. اما بخصوص محمد الزعيم انا اول مره اسمع عنهم بس اكيد هجرب الناس ده وعايزين برده نعرف راى الناس فى رضا الى فى الحرفيين لان مهندس رشاد قالى عليه فياريت نعرف رضا ولا الزعيم والى عنده راى اخر برده يقوله... وشكرااااااااا

[snakeson2]

من واقع التجربة ايام البولو محمد وهاني سمي ماشاء الله عليهم . ادب واحترام ومعاملة ممتازة كفاية انة مبيرضاش يركب قطعة الا لما يبص وتاكد انها مش مضروبة

[waelms3]

الف شكرا

باشا ممكن اعرف محمد الزعيم مكانه فين بالظبط و لو فى نمرة تليفون و اخبار مصنعيته غالى و الا كويس و لك جزيل الشكر

[OSaMa.GHaMrY]

انا اتعاملت مع سيد جولف مره وانا بغير فلتر هوا وبنزين وبوجيهات
ومره وانا بغير الدبرياج
انا ماشوفتش تناكه منه بصراحه بس هو ماشاء الله بيبقى عنده شغل كتير والصنايعيه اللى عنده هم اللى بيشتغلوا فى العربيه وساعة الدبرياج ده هو مكنش موجود اصلا والصنايعى اللى هناك طلب 200 جنيه اديته 170 بالعافيه + 20 جنيه للشباب اللى اشتغلو فى العربيه

واتعاملت مره مع مركز تقريبا اسمه المهندس فى شارع الاربعين فى جسر السويس جمب الفاخورى للزيوت وقطع الغيار كنت بغير عنده زيت وسابلى صبى من صبيانه يغيره وحط جركن الزيت كله + علبة زيت الشنبر وكده كان الزيت زياده جدااا وروحت شيلت الزياده فى واحد جمب بيتى

ومره اتعاملت مع حسين جولف ده فى الحرفيين بردو غيرى طلمبة المياه وسيور الكاتينه

بالنسبه لقطع الغيار معظمها بجبها من الشيخ حسن فى الحرفيين

لما كنت بروح للشهابى كنت بسمع ارقام عجيبه بصراحه

يعنى الدبرياج ساعتها قالى مدام عربيتك بولو 1400 16 صباب يبقى الدبرياج بتاعها يجى من بره وفى يناير و ب 3000 جنيه وجبته ب 700 من الشيخ حسن وكزه حاجه اسأل فى الشهابى على حاجه يقولى ارقام عجيبه بصراحه

[ashoub]

انا اتعاملت مع سيد جولف مره وانا بغير فلتر هوا وبنزين وبوجيهات
ومره وانا بغير الدبرياج
انا ماشوفتش تناكه منه بصراحه بس هو ماشاء الله بيبقى عنده شغل كتير والصنايعيه اللى عنده هم اللى بيشتغلوا فى العربيه وساعة الدبرياج ده هو مكنش موجود اصلا والصنايعى اللى هناك طلب 200 جنيه اديته 170 بالعافيه + 20 جنيه للشباب اللى اشتغلو فى العربيه

واتعاملت مره مع مركز تقريبا اسمه المهندس فى شارع الاربعين فى جسر السويس جمب الفاخورى للزيوت وقطع الغيار كنت بغير عنده زيت وسابلى صبى من صبيانه يغيره وحط جركن الزيت كله + علبة زيت الشنبر وكده كان الزيت زياده جدااا وروحت شيلت الزياده فى واحد جمب بيتى

ومره اتعاملت مع حسين جولف ده فى الحرفيين بردو غيرى طلمبة المياه وسيور الكاتينه

بالنسبه لقطع الغيار معظمها بجبها من الشيخ حسن فى الحرفيين

لما كنت بروح للشهابى كنت بسمع ارقام عجيبه بصراحه

يعنى الدبرياج ساعتها قالى مدام عربيتك بولو 1400 16 صباب يبقى الدبرياج بتاعها يجى من بره وفى يناير و ب 3000 جنيه وجبته ب 700 من الشيخ حسن وكزه حاجه اسأل فى الشهابى على حاجه يقولى ارقام عجيبه بصراحه

[ashoub]

شوف يباشا بالنسبه للشهابى ده الوحيد المضمون فى قطع الغيار ممكن يكون غالى شويه بس هتجيب الحاجه وانت مطمن وده عن تجربه وراى كل الناس الى بتشتغل فى العربيات ده.
اما بالنسبه لاحسن ميكانيكى: انا اتعاملت مع رضا فى الحرفيين من يومين كانت العربيه عندى جابت صببات روحتله الراجل محترم جدا وفاهم شغله والصنيعيه عنده ناس بتفهم ومحترمين واسعاره فى المعقول وبتاخد العربيه من تحت ايديه زى الفل انا اتعاملت مع ناس كتير مع احترامى ليهم مش زى رضا والى عرفنى بيه مهندس رشاد الكهربائى ومحل الشهابى وانا جربته فى عربيتى والعربيه طلعت على الشعره والى عنده راى تانى يقوله بحيث ان الكل يستفاد ...... وشكرا

[ahmed_oth]

يا شباب البولو
عايز اعرف رائيكم فى البولو العيون موديل 2002 1000 سى او 1400سى
اصلى انا عمرى ما ركبتها ولا اعرف حد ركبها
هى عجبانى كشكل وعايزاشتريها بس معدنيش اى معلومات عنها ولا عن اسعار قطع غيارها,,,,برجاء المساعده

[egman]

والله يا جماعه عن خبره محمود ومحمد الزعيم ثقه بلا حدود وامانة ما شاء الله عليهم ربنا يكرمهم من الاخر وانت هناك تحس انك تعرفهم من زمان جدا واكنهم اخواتك ومش عايز اقولك على الشفل عامل ازاى بتحس ان كل حاجة بتتعمل فى عربيتك مش جديدة عليهم ومافيش اى وقت للتفكير فى اى مشكلة على طول كل محلول وما فيش حاجة اسمها مشكلة او ملحاش حل والله يا جماعه ثقة وعن خبره ومرمطة بين الميكانيكية روحوا وجربوا مش هتخسروا حاجة والله انا بعمل كده وبتكلم كده عليهم لوجه الله تعالى والله العظيم لانهم فعلا يتسحقوا واكتر شوية الحاجة الى تورح تعملها عندها انس باذن الله انها تتعمل تانى خالص الى ما شاء الله او عمرها الافتراضى وصل .

اما بخصوص سيد عبده الى فى جسر السويس او سيد جولف انا مش عارف ده شهرته ول ااية انا الى اقصده فى جسر الوسيس جنب بنزينة التعاون الحمد لله ان مش انا لوحدحى الى اشتكيت منه وطلع ناس تانية جربته برده والله يا جماعه كل ما افتكر اسمه اكشر واتعكنن يعنى الراجل بصراحة اعتقد كمان سنة كده هيلعق لواء وكل الى عنده مش اقل من رائد اصغر واحد وكمان شوية هيشيلوا سلاح والزبون الى ما يعجبهمش يضربوة بالنار وانا نفسي اوصله الكلام ده لعله يتعظ .

زيه بالضبط زي واحد اسمه رضا الكهربائي فى مدينة نصر فى الحي السابع ده مشهور جدا جدا جدا ولما تروحله مش اقل من 30 عربية واقفين عنده بس للاسف التناكة برده الى واكله دماغه وكمان قله الضمير انا كنت دايما اروحله على عيب فى الفانوس الى واحد فيهم بيطفى واوقات الواطى بيطفى والعالى بس الى شغال اروح يلطعنى اقل واجب ساعتين ويعمل حاجة كده بتاع دقيقة فى الكتاوت وياخد 5 جنية انا كنت بروحلة على العيب ده مرة كل 10 ايام وهتجنن من العيب ده وطبعا الـ 5 جنية مش فلوس بس العطلة وكمان كنت عنده بنفس العيب كل 10 ايام تقريبا وفى مرة اتنرفزعليا لما بقوله انا واقف من بدىر وطبعا كان يوم اهله طين وعملت معاه مصيبة سوده ورحت بعد ما ظبطته لواحد فاتح كشك وواقف فى الشارع وقلتله عندى كذا وكذا بص كده على الكتاوت وقالى لا يا بية انا لو طلحت هتبوظ تانى لو سمحت هاتلى كتاوت روحت جبتها ركبها فى دقايق بـ 10 جنية وبقالى اكتر من 4 شهور ولكه تمام والعيب ما اتكررش طبعا الموضوع ده بسيط وفلوسه بسيطة بالمقارنة باعطال الميكانيكا وتكلفتها لكن الى اقصده طبعا انلاس وغرورهم لكن هنقول اية غير حسبي الله ونعمى الوكيل انا لو قعدت اتكلم عند سيد عبده ده للصبح مش هوفيه حقة فى قلة الادب اه لوتشوفه بيكلم الناس ازاى ومعرفش صابرين عليه ليه

[shawkat2005]

يا جماعة فى ميكانيكى كويس رحتله الجمعه اللى فاتت عملى صيانة العربيه احسن ما بتتعمل فى التوكيل وبسعر قليل جدا
انا غيرت (طقم السيور والكاتينه وبلى الكاتينه والفلاتر والبوجيهات وتيل الفرامل وربط العفشه) فى التوكيل كانوا هياخدوا 1700 انا كلفونى 830 قطع الغيار الاصليه من التوكيل والراجل خد 100 جنيه وبس

وبيعمل الشغل بنضافه ودقة واحسن من التوكيل وعلى الاقل قدام عينك

وعلى فكره هو شغال فى ابو الفتوح اسبيرانزا وكان شغال فى ابو غالى دايو وهيونداى وكان شغال فى فولكس واجن وبيفتح الورشه بتاعته جديد وبيشترى زباين

وهو فنى موتورست ومتخصص فى الفتايس الأتوماتيك

اللى عاوز يرحله فى اى حاجه يكلمه

اسمه محمود
0103321692
0116958676

[Mahmoudyoussif]

انا اللي برحله لغايه دلوقتي سيد عبده والاسطى جاد

لان احنا كنا بنتعامل معاهم من ايام البيتلز بصراحه ماجربتش غيره

وشغله مريحيني وامين معايا

برده بيشكرو في رضا اللي في الحرفين و برده ومحمد سمير ممتاز برده

بس بتفرق للارتياح والمكان والصنايعيه

[ashoub]

رضا ممتاز انا كنت بسمع عنه من ناس كتير بس مكنتش جربته وعملت الموضوع ده علشان نعرف مين احسن ميكانيكى والحمد لله انا استقريت على رضا انسان محترم جدا هو والناس الى شغاله معاه ويفهمك هو بيعمل ايه ولما تساله فى حاجه يجوبك عليها وفاهم الدنيا ماشيه ازاى فى العربيه ولما بيكون فى حاجه فى الكهربا جمبيه تامر ورشاد يعنى العمليه كلها جمب بعض احتاجت قطعه غيار جمبك ميت واحد يعنى انا غيرت طقم دبرياج (اسطوانه وبليه وديسك) وسيركاتينه وبليه وسير دينامو وضبط الصببات والوش عند خراط اسمه ميدو وضبط كربراتير وتنظيفه وتغيير فلاتر وقاعده فتيس وقاعده ماتور وتغير جوان وش سلندر وجوان غطاء التاكيهات وبوجيهات وطقم فلاتر كل ماهو فى العربيه غيرته علشان اريح دماغى والحساب كان 100 جنيه للخراط وحسابه كان 500 اعتقد ان اليله ده لو عملتها عند حد تانى كانت ممكن تكون اكتر وبالنسبه لضبط الزوايا فى واحد فى الحرفيين اسمه محمد عبد الحميد بتاع زوايا انا روحتله الورشه حسيت انها مش قد كده بس ظبطلى الزوايا صح ويجرب العربيه معاك صنايعى بيفهم وخد 20 جنيه وياريت اى حد عمل حاجه فى عربيته يقول عملها فين والسعر كام

[Mahmoudyoussif]

يا ترى رضا بيزبط العفشه برده ولا ايه لاني زهقت وعايز عفشجي

و بتاع ابواب نضاف و كمان عايز اعرف مكانه فين بالزبط عشان تهت قبل كده وانا رايحله

و ياريت رقم تيلفونه ولا حاجه او حاجه جمبيه معروفه

[ashoub]

يا ترى رضا بيزبط العفشه برده ولا ايه لاني زهقت وعايز عفشجي

و بتاع ابواب نضاف و كمان عايز اعرف مكانه فين بالزبط عشان تهت قبل كده وانا رايحله

و ياريت رقم تيلفونه ولا حاجه او حاجه جمبيه معروفه

ايوه يباشا بيظبط عفشه ومكانه هحاول اوصفهولك فى جامع كبير هناك واخد ناصيه هو فى الشارع الى قدام الجامع واسم الشارع تقريبا احمد ممدوح عند بلوك 8 واسال هناك فى بتوع قطع غيار فى الشارع ده واحد اسمه ابو الدهب والتانى اسمه ابو شهد ولما تروحله قوله انا من طرف مهندس احمد الى معاه البولو السماوى