افضل ميكانيكى للبولو

[ashoub]

وياريت اى حد عمل حاجه فى عربيته يقول عليها وتكلفت كام

[fast_car]

اولا سيد عبدة اللى فى جسر السويس مش هوة سيد جولف بتاع الحرفين و بعدين انا مشفتش اى تناكة منة خالص اتعاملت معة لمدة سنة وكان فى غاية الاحترام و الامانة حتى رحت سقطت عندة مكنة بولو 99 وظبط كل العربية و كان امين فى شغلة و كمان مش غالى ياريت لما نقول رأى على حد نكون اتعاملنا معاة مرة واتنين علشان نبقى متأكدين

[Mahmoudyoussif]

بصراحه سيد عبده عمري ما شفت منه ولا من الصنايعيه اللي عنده اي تناكه وبالعكس مره كان في حاجات جبتها زياده رجعها

والراجل اللي جنبه راجل سني بيجيب حاجته استيراد وامين بردك يعني انا غيرت قاعده موتور من عنده ب 80 جنيه و ركبلي عصايه

فتيس بتاعت ابيزا قاللي بتاعت البولو هتبقى غاليه اوي ليك و كمان حشوها بيتكلف عن بتاعت الابيزا عمل الشغل دا كله ب 70

جنيه تقريبا ورضيت الصنايعيه و بعدين غيرلي قبل كده جوز مساعدين و جلب مقصات وقالي هات المساعد الجديد احسن

الاستيراد مش مضمون و انا مكنش معايا فلوس قالي الاستيراد دا انت وحظك بص عليهم قالي تمام مش وحشين ويوميها خد تقريبا

50 جنيه مصنيعيه بالاضافه للشغالين من عندي انا 20 جنيه بس يمكن رضا يكون احسن في العفشه هوا بصراحه قالي عندك كوبلن عايز يتغير

و شويه كاوتشات بس قالي مش مهم دلوقتي ممكن تمشي بيه كده لغايه اما يبقى معايا فلوس يمكن هوا دا اللي مش عاجبني في العفشه

و كمان انا مش بدافع عنيه ممكن يكون موقف حصل مع شخص او حاجه

مره او مرتين او يمكن عشان هوا اصلا عارفني هوا واللي شغالين معاه من ايام البيتلز فعشان كده بيتعامل حلو معايا بصراحه

معرفش بس اللي مخليني عايز اروح لرضا لانه اقربلي كتير لان ما بيني و ما بين الحرفيين حوالي محطه لاني عند شريط القطر بتاع

سوق القنال فما بيني و بين الحرفين 5 دقايق بالظبط بس عشان كده بسأل على رضا و بعدين واضح ان سمعته سابقاه برده و امين

[ashoub]

اولا سيد عبدة اللى فى جسر السويس مش هوة سيد جولف بتاع الحرفين و بعدين انا مشفتش اى تناكة منة خالص اتعاملت معة لمدة سنة وكان فى غاية الاحترام و الامانة حتى رحت سقطت عندة مكنة بولو 99 وظبط كل العربية و كان امين فى شغلة و كمان مش غالى ياريت لما نقول رأى على حد نكون اتعاملنا معاة مرة واتنين علشان نبقى متأكدين

مع احترامى لكلام حضرتك فعلا مينفعش نحكم من تجربه او تجربتين انا معاك انا اول مره اتعامل معاه كانت العربيه عطلت منى لقيت الدبرياج مش شغال البداله وقعه قولت ده سلك قطع فروحتله قالى البداله مكسوره هنركبلها ورده وهتشتغل عادى وتبقى تعالى فى اى يوم نغيرها فقولت مدام العربيه مشيت خلاص تانى مره اروحله كنت بغير بوجيهات اظن ده حاجه سهله جدا مش محتاجه بس كل الفكره انى معنديش مفتاح بوجيهات الصنايعى الى عنده وهو بيفك البوجيه وقع منه جوه الحوض فانا ذوقيا منى بساعده وبحاول اطلع البوجيه لقيته وقف وبيدينى العده ويقولى متشتغل انت بكل قرف محسسنى انه بيخترع ومن ساعتها حلفت مانا ريحله تانى لان ممكن صنايعى واحد يعمل سمعه وحشه للمكان كله المهم الموضوع الاساسى لما روحتله اول مره وقالى البداله مكسوره انا روحت لرضا فى الحرفيين وقلتله عايز اغير بدلات لانها كانت مكسوره المهم صنايعى هناك فك البداله لقاها سليمه قولتله ده مكسوره والراجل مركبلها ورده ولا لقيت ورده ولا كانت مكسوره كل الحكايه كان السلك وقع وهو ركبه مكنش ليها لازمه حكايه البداله مكسوره وركبنا ورده فانا بتكلم عن تجربتى فقط وفيه واحد برده قال نفس كلامى ممكن يكون كويس جدا الله اعلم وكان حظى وحش معاه عموما ربنا يكرمه هو وغيره وعلى فكره اهم حاجه فى الصنايعى انه يكون امين و بشوش بمعنى يضحك فى وشك ويفهمك بيعمل ايه متبقاش واقف زى التايه وشكراااااااااااااااااااا

[egman]

والله حضرتك عندك حق انه مش شرط يكون كده مع كل الناس لكن اان عن نفسي اروحله فى كارثة فى العربية وهو يبقى عارف ويوقلى تعالى كمان يويمن على العلم انى ابقى مكلمه قبلها على الوضع ده 4 او 5 مرات طبعا هو ممكن يكون زعل منى لما سالته بالحرف طيب ممكن اعرف اسمك حضرتك اية وهو رد بالحرف قالى انا انا الحاج سيد عبده بكل بكل ولا بلاش قلتله انا ما اعرفكش شكلا لكنى اسمع عن سمعتك
جايز الراجل عامل زي دكتور الجامعه الى كان بيدخل اللجنه فى الامتحان ويسال الطلبه انت تعرفنى الى يوقله لا يسقط ده كان فى تجارة جامعه بنها :) يمكنعلشان كده الراجل زعل منى وفضل يمطوح فيا اسبوع ومعمليش حاجة .

اما بخصوص محل قطع الغيار الى جنية لما سالته على سرة وشمعدان بتاع فردةا لعجل قالى 200 جنية فى جين انى جبتها 120 من واحد تانى فى الاربعين من عند هشام ومن غير فصال جايز فعلا يبقى كويس بس على الرغم انى سالته قبل كده على حاجة 40 جنية قالى 90 ممكن يبقى كويس فعلا وعلى فكرة المحل ده بتاع سيد عبده مش الراجل الى واقف فيه .

أقسم بالله العظيم ان سيد عبده بيجري الزباين وراه قدام ورشته ولا بيقف يتكلم مع حد عموما هو ما يمنعش انه راجل صاحب خبره كبيرة وسمعه طيبة فى الشغل على الرغم من البداله طلعت سليمة مش مكسورة :) مع تمنياتى بالتوفيق .

[ashoub]

يباشا كبر دماغك وربنا يدى كل واحد على قد عمله ويكرم الجميع .
المهم عاوزين اراء الناس مين احسن ميكانيكى انا عن نفسى استقريت على رضا الى فى الحرفيين الى جرب حد تانى يقول عليه والاسعار ايه وكل حاجه علشان كلنا نستفاد لانى بجد تعبت قوى علشان الاقى حد بيفهم وعنده ضمير ومكنتش لاقى فى المنتدى حد بيتكلم عن الموضوع ده فحبيتاعمل حاجه تفيد كل الناس وكلنا نستفاد
على فكره ان كنت عامل موضوع عن اسعار قطع الغيار جديد واستيراد ياريت تشاركونى وشكرااااااااااااااااااااا

[Mahmoudyoussif]

خاتص انا الشغل اللي في عربيتي حلص تقريبا نبتدي صفحه جديده مع رضا مش مشكله

و اهو جنبي في الحرفيين برده حتى الاستيراد فرده كعب من جنبه

هاكشف على دوره التبريد عشان هاحط الميه الاصليه بتاعت العربيه عشان الميه بتنقص

و هكمل شغل العفشه عنده و يارب يكون كويس فعلا

[ahmedagamal]

والهي أنا كنت رايح لي سيد جولف ألي في جسر السويس هوه عنده زحمه بس معندوش تناكه يعني راجل عنده عربيات كتير قدامه أنا المفروض أعزره أنا ممكن أتكلم 10 دقائق معاه وأمشي وغيري نفس الحكايه يعني هوه هيتكلم طول النهار مش ده حرام
أنا روحت لقيت زحمه سألت راجل كبير أنا عاوز حد يبص على العربيه قلي فين العربيه قلتله أنا ركنها هناك علشان مفيش مكان هنا قلي حاضر حد يفضه شويه والعمليه خفت وصنيعي فضي الحاج سيد قله شوف عربيه الأستاذ وسألني عربيتك فيها أيه بس بصراحه في حاجه مش عجبتني أنه مفيش حد بيطلع يجرب العربيه يعني خلص شغل وقلي جرب عربيتك والمشكله أنا معرفش في العربيات يعني هجربها زي مجربتهاش لأني مش فاهم حاجه بس فيه ميكانيكيه بيخد العربيه ويطلع يجربها ويرجع يقول فيها أيه بضبط
والهي أنا حبيت أنقل أللي حصل بالأمانه

[chico2013]

معلش على التأخير ده قوي.....بص انا بتعامل مع أشرف عطا ونادر عطا في الحرفيين - ش تبارك....ناس محترمه وفاهمه قوي قوي قوي في البولو....رحلهم وحيخدموك قوي....ولو عايز نمرتهم ابعتلي على الميل وابعتهولك
eng.sherifseoudy@hotmail.com