حصريا لاول مرة الباسات الجديدة في مصر

[tarekfar]

والله ياباشا ده مش بس في الباسات الجديدة ده الجيل الجديد من موديلات فولكس فاجن تعتبر فيس لايفت كبير
ماعدا الجيتا الجديدة هيا المتغيرة من برة ومن جوة بس بردو مش التغير الكبير
الباسات الايوس الجيتا الجولف 6 التوران التيجوان التوارج كلهم يعتبرو فيس لايفت بس كبير شوبة
بس الجيل السابق من الفولكس مميز جدا بجد

الحقيقة الباسات القديمة كانت قمة الابداع انا كانت عندي لمدة سنة ونصف ومفتقدها والله ، يظهر ان مصممي فولكس افكارهم وقفت عند الحد ده عشان كدة مافيش فروق كبيرة بين الجيل الجديد والقديم ، لازم يتعمل تغيير جذري عشان المستهلكين والمحافظة على السوق لأن الانتقادات اللي اتوجهت في المنتدى هنا للشكل الجديد مشابهة للانتقادات اللي اتوجهت في المانيا

[Kareem.ElAraby]

شفتها امبارح ع أكتوبر و انا رايح الشغل , كانت سوده باين

[Rsarabia]

ههههههه
مش للدرجة دي يا باشا هي مش وحشة اوي محتاجة تشوفها علي الحقيقة اكتر و تنسي
الباسات الشكل القديم هتلاقيها مش وحشة اوي كده
بس انا معاك في الساعة الانالوج ملاهاش لازمة خالص
اما موضوع الجيتا انا موافق عشان انا معايا جيتا

الجيتا و الباسات القدام كانو قمة الذوق و الروعة فى التصميم و خصوصا الفوانيس لكن الباسات دى مش بالعها خاالص

[adel1414]

احساسى ان القديمة شكلها احسن كتيير ودة لغاية مشوفها عالحقيقة

[Mohamed Fathy]

بسم الله ماشاء الله جميله

[HeRo_LaNCeR]

شوف ياباشا انا اول مشوفتها كانت علي احدي مواقع السيارات الاوربية بس كانت جيتا مش باسات تاني مرة شوفتها كان من حوالي 3 شهور علي كورنيش النيل قريبا من معهد ناصر وكانت باسات بس كانت جمرك ولونها كان ابيض بس كان شكلها تحفه فنيه

ودلوقتي منزلين بره الشكل الجيتا 2011 شبه الباسات دي
عايز افهم بقه حاجه ايه الفرق اللي هيكون ما بين الجيتا والباسات 2011 يعني الباسات هتفضل بردوا 1400tsi والجيتا 1600 ولا في تغيير

[ahmedsadek82]

نفس الكلام الي قالو لي
بيقول انهم عدلو في سوفتوير العربية عشان تشتغل بي بنزين 92
وده لو حقيقي هيعمل شغل جامد اوي

يا جماعة بخصوص موضوع البنزين , انا راسلت vw group و سألت تحديدا على المكنة ال 1.4 122 حصان و البنزين الطلوب لها و ردهم اكد كلامي بأن بتوع المعارض في مصر كفتجية و الحمد لله و ده نص الرد :

I have liaised with our Technical Department and they have informed me that the minimum fuel grade is 95 RON.

More information can be found on Page 25 of the brochure.

I trust this information proves useful.

Thank you for contacting Volkswagen UK.

Yours sincerely


Sarah Brotherton-Ratcliffe
Customer Enquiry Advisor
Volkswagen Group
Customer Service Centre

[ahmedsadek82]

و ده كلام الكتالوج او البروشور ص25 بتاع الباسات :

[IMG]

[dr.amr]

الحقيقة الباسات القديمة كانت قمة الابداع انا كانت عندي لمدة سنة ونصف ومفتقدها والله ، يظهر ان مصممي فولكس افكارهم وقفت عند الحد ده عشان كدة مافيش فروق كبيرة بين الجيل الجديد والقديم ، لازم يتعمل تغيير جذري عشان المستهلكين والمحافظة على السوق لأن الانتقادات اللي اتوجهت في المنتدى هنا للشكل الجديد مشابهة للانتقادات اللي اتوجهت في المانيا

يعني الباسات احسن من السي كلاس
بجد والله عايز اعرف في فرق يستاهل فرق الفلوس

[gellish]

الميزة الوحيدة للشكل الجديد هى زيادة إرتفاعها عن الأرض بفارق جيد جدا عن الشكل السابق

[zakiali]

من قدام شكلها جامد ومن ورا عار الصراحة

[bob12345]

و الله كل يوم الواحد بيتاكد ان نايل موتورز كبير و الناس كلها شاغلة منه
جروب علي ال facebook نقل الصور مننا بس المشكلة انو بيكدب بيقول ان واحد من عنده هو الي مصورها
بس مش مشكلة ادينا بنسعادهم ياكلو عيش
كبير والله نايل موتورز

http://www.facebook.com/#!/egyptian.auto.market

[tarekfar]

يعني الباسات احسن من السي كلاس
بجد والله عايز اعرف في فرق يستاهل فرق الفلوس

معلش شفت المشاركة متأخر .
الباسات عربية عائلية واسعة وشنطتها كبيرة وليها هيبة كدة انما المرسيدس السي أصغر كتير ده غير استهلاك البزين اللي اكتر من الباسات وكمان الحاجة اللي انا مصمم عليها وفيه ناس ما عجبهاش كلامي ان الباسات اخف في الحركة ، المرسيدس عاملة زي السفينة في الحركة بتاعتها صحيح هي ثابتة جدا بس تقيلة ، خلاصة الكلام لو عندك عيلة واطفال وبتسافر كتير وبتحمل شنط ومش ناوي تبيع بسرعة خليك في الباسات ، لو اعزب او عيلة صغيرة وسفرك مش كتير المرسيدس برضه مرسيدس ده غير ان سعر اعادة البيع ليها احسن وليها ميزة تانية ان توكيلها احسن كتير من توكيل الفولكس

[LanCeLoT]

انا شوفتها عند الطارق اللي في كارفور اسكندريه
عارض الهايلاين .. هيا شكلها من ادام فعلا جميل لكن من وره مش مبلوع
وكان سعرها 268.000
والشكل القديم الهايلاين برده كانت معروضه ب 262.000
وقالي ان فيها كلام
وقال ان الجيتا الشكل الجديد هتنزل على شهر 6
وكان عنده الجولف البيزلين على 174.000

[samoevil911]

يا جماعة انا كنت معترض على شكلها في الصور وشوفتها على الحقيقة بجد شكلها احلى بكتير من القديمة خاصة من قدام
ومن ورا شكلها حلو بس هو الشنطة جية مستقيمة مرة واحدة هو دا بس اللي حسيت انه شاذ شوية في الظهر

بس العربية احلى من الأوي ومن جوا اريح
المعرض كان حططيتها هي والقديمة جمب بعض
بصراحة مفيش مقارنة
الشكل الجديد شكلها اجرئ بكتير من القديمة

المهم الهاي لين عمله 268 وتفرق عن الهاي لين القديمة البلوتوث والزينون
وبيقولوا ان احتمال الزينون ينزل في موديل 2012 وهيفرق من 10 ل 15 الف

والساعة اللي في التبلوه شكلها في الحقيقة مش شاذ ولا حاجة .. يعني مش زي مانا كنت فاكر بالعكس شكلها حلو
والعربية واسعة اوسع من المرسيدس السي كلاس


مجملا انا من وجهت نظري المتواضعة شايف انها احسن من القديمة