عملت سريفيس للبولو 2001

[titos_81]

السلام عليكم يا احلى اعضاء
انا لسه جايب بولو 2001 جديد و ربنا وفقنى بعربيه حاله شاذه و انا تانى يد ليها المهم قولت اعمل ليها صيانه
و الحمد لله عملت كل الحجات بنفسى عشان قرف الصنيعيه ووجع الدماغ و كمان الحمد لله انا عند فكره شويه
و عندى العدد كلها متوفره و طبعا صدعت استاذ محمد مصطفى اسئله و الراجل متاخرش خالص و جزاه الله كل
خير و كرمه ب بولو تانى مع الانترا عشان انا حبيت البولو بسببه و مواضيعه الجامده عنها المهم عشان مطولش
انا غيرت الحجات دى و اسعارها عشان لو فيها فايده لحد
سير تقسيمه 70 جنيه-شداد سير تقسيمه 240 جنيه-سير دينامو 60 جنيه-بوجيهات فرنساوى 3 شوكه 75 جنييه لعدم
توافر ال ngk فى اسكندريه-طقم كابلات بوجيهات فرنساوى 230 جنيه و ده فرق جدا فى سحب الموتور-فلتر زييت
هينجت 35 جنييه-فلتر بنزيين هينجنت 50 و القديم كان فييه بلاوى من بنزين بلدنا-فلتر هوا ماهلى ب 80 جنييه
فلتر تكييف مايلى ب 90 جنييه - زييت كاسترول ماجنيتيك 190 جنييه-بليه دينامو يابانى 10 جنييه- عبوه ماء احمر هيبو
50 جنييه - ماء مقطر لتخفيف الماء الاحمر 20 جنييه - فيبر كراسى قدام 60 جنييه عشان كان مش ثابت و انت قاعد و دراع الحركه قدام ورا مش مظبوط
تم تغير الحجات دى و العربيه فرقت بصراحه
كمان المسحات كنت بتعلق و ظبطها و بقت تمام

فى كام حاجه عايز اعملها لسه و محتاج رايكوا معايا و طبعا استاذ محمد نفسه معانا
عايز اغير فوانيس قدام عشان بهتانه و سالت على الجديد الالمانى الواحد ب 450
و الديبو التايوان ب 240 و المستعمل عند عدس اللى فى ال 45 بي 200
و فيه اللى فى رنجات و عدسات جديد ب 450 بس تايوانى فا مش عارف اجييب
ايه من دول و هل النور بعد الفوانيس حيكون احسن ولا الافضل اركب زينون
و كمان عايز اركب فوجيين تحت و مش لاقى فى اسكندريه عدس عنده بس بيبيعه
مع اكصدام قدام و الشبكه على بعض و يا رييت اسعار الفوجات و طبعا مفتاح النور

هل فيه حد تانى غير عدس بيبيع استيراد فى اسكندريه ولا مفيش
كمان هل ينفع اركب سنتر للشنطه مع الابواب ولا لا

ارجو الافاده و اسف على الاطاله

[Ahmed Mubarak]

مبروك عليك العربية يا فندم

ربنا يبارك لك فيها و يكفيك شرها

[ahmedabdelfatah]

سؤال بعد اذنك هو انت جبت فبر الكراسى منين علشان انا عندى نفس المشكلة

[Ahmed Mubarak]

عايز اغير فوانيس قدام عشان بهتانه

اسمع ان الفوانيس بتتلمع ب 50 ج وبترجع ذى الجديد

[M.Mostafa80]

السلام عليكم يا احلى اعضاء
انا لسه جايب بولو 2001 جديد و ربنا وفقنى بعربيه حاله شاذه و انا تانى يد ليها المهم قولت اعمل ليها صيانه
و الحمد لله عملت كل الحجات بنفسى عشان قرف الصنيعيه ووجع الدماغ و كمان الحمد لله انا عند فكره شويه
و عندى العدد كلها متوفره و طبعا صدعت استاذ محمد مصطفى اسئله و الراجل متاخرش خالص و جزاه الله كل
ربنا ياخليك ياباشا ومفيش صداع ولا حاجه
خير و كرمه ب بولو تانى مع الانترا عشان انا حبيت البولو بسببه و مواضيعه الجامده عنها المهم عشان مطولش
انا غيرت الحجات دى و اسعارها عشان لو فيها فايده لحد
سير تقسيمه 70 جنيه-شداد سير تقسيمه 240 جنيه-سير دينامو 60 جنيه-بوجيهات فرنساوى 3 شوكه 75 جنييه لعدم
توافر ال ngk فى اسكندريه-طقم كابلات بوجيهات فرنساوى 230 جنيه و ده فرق جدا فى سحب الموتور-فلتر زييت
هينجت 35 جنييه-فلتر بنزيين هينجنت 50 و القديم كان فييه بلاوى من بنزين بلدنا-فلتر هوا ماهلى ب 80 جنييه
فلتر تكييف مايلى ب 90 جنييه - زييت كاسترول ماجنيتيك 190 جنييه-بليه دينامو يابانى 10 جنييه- عبوه ماء احمر هيبو
50 جنييه - ماء مقطر لتخفيف الماء الاحمر 20 جنييه - فيبر كراسى قدام 60 جنييه عشان كان مش ثابت و انت قاعد و دراع الحركه قدام ورا مش مظبوط
تم تغير الحجات دى و العربيه فرقت بصراحه
كمان المسحات كنت بتعلق و ظبطها و بقت تمام

فى كام حاجه عايز اعملها لسه و محتاج رايكوا معايا و طبعا استاذ محمد نفسه معانا
عايز اغير فوانيس قدام عشان بهتانه و سالت على الجديد الالمانى الواحد ب 450
و الديبو التايوان ب 240 و المستعمل عند عدس اللى فى ال 45 بي 200
انا رأيى لو الأستيراد نضاف تجيبهم احسن من التيوانى ولو عايز تركب زينون يبقى تجيب الفاونيس التيوانى اللى بعدسات ورنج
و فيه اللى فى رنجات و عدسات جديد ب 450 بس تايوانى فا مش عارف اجييب
ايه من دول و هل النور بعد الفوانيس حيكون احسن ولا الافضل اركب زينون
و كمان عايز اركب فوجيين تحت و مش لاقى فى اسكندريه عدس عنده بس بيبيعه
مع اكصدام قدام و الشبكه على بعض و يا رييت اسعار الفوجات و طبعا مفتاح النور

هل فيه حد تانى غير عدس بيبيع استيراد فى اسكندريه ولا مفيش
كمان هل ينفع اركب سنتر للشنطه مع الابواب ولا لا
ينفع ياريس تركب سنتر مع الشنطه وانا كنت عاملها فى عربيتى وكنت على طول قافل اللوك بتاع الشنطه بالمفتاح وبفتحها بالريموت لأن لو نسيتها مفتوحه يبقى العربيه كلها مفتوحه
ارجو الافاده و اسف على الاطاله

[أبو_حمزة]

لو مش ها تجيب الفوانيس اللى بعدسات يبقى لمعهم
50 جنيه فى الفانوس أرحم و خصوصا انهم بيرجعوا زى الجديد
انا مجرب فى فوانيس اللانسر من سنتين تقريبا

[titos_81]

مبروك عليك العربية يا فندم

ربنا يبارك لك فيها و يكفيك شرها

ربنا يكرمك ياamma

استاذ ahmedabdelfatah الفيبر جبته من عند هريسه فى اسكندريه و اكييد حتلاقيه عند بتوع قطع غيار الجديد

حبيب قلبى استاذ محمد مصطفى شكرا على الاهتمام المعتاد و يا رييت تفولى اجيب سنتر الشنطه منيين
و انت كنت عامله مع الريموت يعنى بيفتح و يقفل مع الابواب عادى ولا ليه نظام تانى؟
و الزينون الكويس المتوافق مع العربيه بيعمل حوالى كام و نوعه ايه
و مقولتليش ايه نظام الفوجات انا عارف انى بكتر عليك بس والله من عشمى

[titos_81]

استاذ ابو حمزه الف شكر على النصيحه بس ميين بيلمعهم فى اسكندريه لو تعرف

[M.Mostafa80]

مبروك عليك العربية يا فندم

ربنا يبارك لك فيها و يكفيك شرها

ربنا يكرمك ياamma

استاذ ahmedabdelfatah الفيبر جبته من عند هريسه فى اسكندريه و اكييد حتلاقيه عند بتوع قطع غيار الجديد

حبيب قلبى استاذ محمد مصطفى شكرا على الاهتمام المعتاد و يا رييت تفولى اجيب سنتر الشنطه منيين
أى مكنه سنتر عاديه من اللى بتتباع فى السوق
و انت كنت عامله مع الريموت يعنى بيفتح و يقفل مع الابواب عادى ولا ليه نظام تانى؟
كانت بتفتح من خلال ضغطه طويله على ريموت جهاز الأنذار من خلال زرار الفتح ودا بيبقى اوبشن موجود فى جهاز الأنذار
و الزينون الكويس المتوافق مع العربيه بيعمل حوالى كام و نوعه ايه
اى زينون محترم وعلى فكره كل اللى فى السوق صينى بس فى نمره واحد ونمره عشره فحاول تجيب طقم نضيف من الموجود واللى يقلك المانى ويابانى والحوارات دى يبقى بيكدب
و مقولتليش ايه نظام الفوجات انا عارف انى بكتر عليك بس والله من عشمى

فى واحد اسمه عشم فى ش 45 قدام الكنيسه وفى واحد فى ش ابوقير اسمه شركه السلام وفى حد بيتهيئلى فى ش صلاح الدين

[حماده المصري]

مبروك على العربيه ربنا يديك خيرها ويكفيك شرها

لو سمحت هي العربيه اشتريتها بكام وهي فاضيله اوبشن ولا فول اوبشن وماشيه كام

معلش بس انا بفكر جديا اني اشتري وحده ومعرفش اي حاجه عن الاسعار والي معاهم العربيه دي نضيفه بيتكلموا في 50 الف

[titos_81]

مبروك على العربيه ربنا يديك خيرها ويكفيك شرها

لو سمحت هي العربيه اشتريتها بكام وهي فاضيله اوبشن ولا فول اوبشن وماشيه كام

معلش بس انا بفكر جديا اني اشتري وحده ومعرفش اي حاجه عن الاسعار والي معاهم العربيه دي نضيفه بيتكلموا في 50 الف

السلام عليكم
بص يا سيدى هى ماشيه 135000 كيلو و انا تانى يد من الزيرو باور و سنتر و تكييف و انذار و معاها الكتالوجات
اشترتها ب 44750 و بصراحه مش ندمان انى دفعت السعر ده مع انى سمعت فتى كتيييررررر و نصيحه لو لقييت عربيه سليمه و حاله خلص و متشغلش دماغك بسعر السوق بدل انتا حتركبها و مش حتبيع العربيه ماشاء الله تحفه و موفره جدا فى البنزين و ادائها ممتاز فى الزحمه و داخل البلد

[أبو_حمزة]

محمد بك مصطفى دلك على الناس بتوع اسكندرية
اما اخوك فلا يعرف من اسكندرية غير الكورنيش و المنتزة و أبو أشرف بتاع السمك

[SYD]

سؤال بعد اذنك هو انت جبت فبر الكراسى منين علشان انا عندى نفس المشكلة

1+

[SYD]

لعربية دي المفروض السنتر بتاعها بيشمل الشنطة والتانك
شوف واحد بتاع ابواب نظيف يكشفلك علي القربة بتاعة الشنطة ممكن تكون مفصولة او بايظة
ولو حضرتك شاريها من صاحبها اول يد حاول تتصل علية وتسأله هو فصل الشنطة عن السنتر ولا هو مركب السنتر ولا ايه البروجرام ؟؟؟
انا عندي عربيتي بسيب كالون الشنطة مفتوح ولما بقفل السنتر من الريموت بيقفل الشنطة والتانك

حاول تتصل بصاحبها الأولاني وبعد كدة رووح عند واحد بتاع ابواب محترف

ملحوظة : العربية دي السنتر بتاعها الأصلي هوا مش كهربا

والله المستعان
،
،

[M.Mostafa80]

أشك فى الغالب السنتر تركيب فى عربيه تيتوز