عملت سريفيس للبولو 2001

[titos_81]

اها فعلا السنتر متركب كهرباء مش هوا بس هل ينفع الشنطه و التانك يتعملوا كهرباء ولا اجييب سنتر هوا كامل ولا ايه النظام
الناس بتستسهل و تلغى السنتر الهوا عشان اللى بيفهموا فيه قليلين انا فى المرسيدس صلحته بنفسى بعد ما دوخت بس
اشتغل تمام و السنتر الهوا لا يعلى عليه بصراحه

[mesho_kimi]

محمد مصطفى بيعرف ناس في اسكندريه اكتر مني استاذ والله يا محمد .. بص يا بوب من وجهة نظري لو حتركب زينون أديها الفوانيس الاسبور التايواني وحاول تدوزر على درجة 4300 ممكن تلاقيها في عزبة سعد أو محل في عمارات القضاه ورا محطه سيدي جابر

بالنسبه لقطع الغيار الاستيراد انا مش بتعامل غير مع عدس.. صحيح ممكن يكون اغلى سنه بسيطه بس باخد منه الحاجه وانا مطمن

[atvi1000]

الف مبروك علي العربيه يا باشا
ويا ريت تفيدنا لاني بدور علي عربيه زيها بس خايف من انها 1000 سي سي بس وسمعت ان موتورها تربو يعني قوي فياريت تقولي ايه اخبارها معاك وكمانهي اسباني ولا صناعه ايه بالظبط
ولو عندك فكرة عن البولو الكلاسيك السيدان وصناعتها ايه وقطع غيارها هي هي اللي معاك

[titos_81]

محمد مصطفى بيعرف ناس في اسكندريه اكتر مني استاذ والله يا محمد .. بص يا بوب من وجهة نظري لو حتركب زينون أديها الفوانيس الاسبور التايواني وحاول تدوزر على درجة 4300 ممكن تلاقيها في عزبة سعد أو محل في عمارات القضاه ورا محطه سيدي جابر

بالنسبه لقطع الغيار الاستيراد انا مش بتعامل غير مع عدس.. صحيح ممكن يكون اغلى سنه بسيطه بس باخد منه الحاجه وانا مطمن

محمد باشا مصطغى ده معدى يا باشا انا انهارده سالت على الفوانيس مش لاقى غير الديبو و وواحد فتالى و مش عارف صح ولا لا ان التيوانى ابو عدسات بيحتاج توسعله شويه فى الشنب بتاع العربيه بس بصراحه مدورتش فى المحلات اللى عند عزبه سعد و بصراحه كل بتوع استيراد الفولكس فى اسكندريه شويه حراميه و نصابيين عدا عدس
سمعت النهارده فى الفوانيس الاستيراد من 250 لى 400 و الفوجات 400 مش عارف فوجات ايه اللى ب 400 دى
دى ولا بتاعه مرسيدس e240 لما قرفت منهم و روحت لعدس لقيته قفل و هو كده كده مش عايز يدينى الفوجات لوحدها غير مع اكصدام بالشبكه يا رييت استاذ محمد يقولى اجيب الحجات الاستيراد منيين من القاهره و اجيبها و اخلص

[titos_81]

الف مبروك علي العربيه يا باشا
ويا ريت تفيدنا لاني بدور علي عربيه زيها بس خايف من انها 1000 سي سي بس وسمعت ان موتورها تربو يعني قوي فياريت تقولي ايه اخبارها معاك وكمانهي اسباني ولا صناعه ايه بالظبط
ولو عندك فكرة عن البولو الكلاسيك السيدان وصناعتها ايه وقطع غيارها هي هي اللي معاك

بص يا باشا انا كنت زيك كده و كنت بدور على حاجه تكون 1400 بس كل اللى شوفته كانت العربيات مفحوته بمعنى الكلمه و لما جبت دى مكنش مظبوطه اوى بس بعد السيرفس و لما سافرت بيها كام مره فاقت ما شاء الله و بقت طلقه المهم انك تجيب عربيه تكون سليمه و بيتى عشان متفرفقش و المتور مش تربو انا mpi متعدد نقاط الحقن زى الاوكتفيا
و بيطلع 50 حصان او 37 كيلو وات عند 5000 لفه\د و هى المانى بس متجمعه فى سلوفينيا اعتقد

بالنسبه للبولو السيدان معلوماتى عنها مش جامده الاعضاء هنا ممكن يفيدوك اكتر بس هى شكلها مش بيعجبنى
و بعدين من احلى مميزات البولو انها هتش باك انما دى شنطه حجم اكبر ودايما بيقولو مش بياعه خالص

[mesho_kimi]

titos_81

العربيه تجميع اسباني ... : ) ... بالنسبة للفوجات في صيني بيعمل حوالي 150 جنيه عدس كان قالي على المكان اللي بيبيعهم والصراحه مش فاكره بس لو سألته هوه عارف المكان وفي الشارع اللي قدامه في واحد بتاع قطع غيار اسمه مختار ممكن تسأل عنده برضه وفتحي عدس فس الشارع اللي ورا هشام ممكن لو عنده الفوجات يديهالك بس حيبقه في فصال جامد لانه كلامه مش دغري ذي هشام

[moooooomooo]

كنت عايز أعرف من ابو حمزة .. لمع الفوانيس فين فى مصر .. ياريت .. واللى يعرف ممكن يدلنى .. بس ياريت العنوان بالتفصيل الممل .. لأنى من دمياط

[أبو_حمزة]

بص يا عزيزى
كنت عملتهم عند واحد فى الجيزة فى شارع المدبح
لو انت جاى على كورنيش الجيزة (شارع البحر الاعظم) و رايح اتجاه المنيب
بعد نادى المهندسين (هيكون على شمالك) تلاقى مدرسة على يمينك ناصية شارع (ده شارع المدبح)
تدخل يمين و بعد شوية صغيرين (اوعى تطلع الكوبرى اللى فى وشك) هاتلاقى على شمالك محل اسمه على ما اذكر آل عمار
هو ده
اجازته الجمعه
بس مشكلته انه بياخد و قت يعنى ها يقول لك سيبهم و تعالى بكره
و تحت امرك لو اى حاجة مش واضحة
و معلش التليفون بتاعه ضاع منى كنت بعته لك

[titos_81]

طب يا استاذ ابو حمزه مفيش حد بيلمعهم فى اسكندريه؟؟

[titos_81]

الحمد لله انهارده البطاريه قطعت و جبت واحده فارتا المانى 55 امبير ب 500 جنيه و اخد القديمه ب 40
ولسه عايز اجيب كاوتش جديد بس مش لاقى المفاس 175/65 r13
والموجود r13 175/70
والجنوط عايزه استعدال من مطبات و جمال شوارع بلدنا و بفكر اغيرها احسن بس مش عارف اجيب حديد زى اللى فيها ولا
اجيب سبور و ده يعنل كام وده يعمل كام

[mesho_kimi]

المقاس الافتراضي اللي انت كاتبه ده بتاع بولو فمعتقدش انه حيفرق معاك حاجه ولو فرق حيكون حوالي كيلو او اتنين كيلو في عداد السرعه حاجه بسيطه جداً يعني ده لو فرق أصلاً بالنسبه للجنوط انا عندي بتوعها الاصليين و مركب حالياً جنط سبور حتةانك تجيب سبور أو حديد او تستعدلهم دية ترجعلك من الناحيه الماليه وبالنسبه لسعر الجنوط الحديد معنديش فكره والاسبور حسب أنت حتجيبوه صيني ولا ماليزي ولا تايلندي ولا حتجيب جنط اصلي فولكس استيراد كل ده مرتبط بالناحيه الماليه

في خدمه بس عايزها منك لو نزلت اسكندريه تجيب الكاوتش لو ينفع تسألي على مقاس 14\185 \60 بريدجستون my01 والكونتيننتال والهانكوك تكون عملت معايا واجب لاني حاليا في فترة امتحانات ومش عارف اعمل اي حاجه و الكاوتش خلاص انتهى الصلاحيه

[titos_81]

تحت امرك يا باشا ان شاء الله اسالك لما انزل و اقولك

[أبو_حمزة]

للأسف ماعرفش حد فى اسكندرية
مقاس الكوتش نصيحة خليك فى 175 70 رغم ان الاصلى 65
ليه لأن فرق المقاس بسيط و المقاس الاصلى نادر قوى و مقرف على ما تلاقيه و ممكن تضطر تجيب نوع مش قد كده عشان هو ده الموجود
انما 70 متوفر و من كل الماركات

[moooooomooo]

الف شكر ليك يا أبو حمزه على اهتمامك بالرد

[mazo0o]

ربنا يباركلك فيها يا رب عقبالي لما الاقي واحدة بالحالة دي بس لو ينفع اطلب من حضرتك طلب تقولي مواصافاتها و جبتها بكام لأني عايز اجيب واحدة شكرا :)