معاناتى مع الفتيس الdsg ولحظات احتراقه

[shady2000shady]

meggieboy ، أنا سعيد جداً إن حضرتك تحديداً رديت على النقطة دي ، عارف ليه ؟


عشان إنت معاك ميجان II ، وجبتها بعد كل الإشاعات إلي عليها دي ، هل بعد إلي سمعته عنها مجبتهاش ؟ ، طب ليه جبتها ؟ وهل بعد ما استعملتها الفترة دي كلها اكتشفت انك إتخميت فيها ؟


هو دة سبب سؤالي ، أنا كنت بسأل العضو الفاضل كام عربية بالتحديد هو يعرفها فيها فتيس وإيه نوع العطل ، وكم عربية فيها موتور TSI تالف ؟
مبدئياً مفيش أي حد في الدنيا مش بس في مصر إشتكى من الموتور ال-TSI، وبالتالي لو حد عرف حاله معينة يقول ، مش سمع حد قال لحد بلغ عن حد إن فيه موتور باز في المكان الفلاني .
نفس الحكاية في الفتيس ، كام عربية في حد عارفها فيها مشكلة وفي أنهي جزء فيها بالظبط ، هل الدبرياج ولا البودي فالف ؟ وسؤالي هنا كان على أرقام ، عشان الفطيس دة مثلاً باع في مصر في الباسات والجيتا والجولف من 2009 لحد إنهاردة عدد لا يقل عن 10 ال-15 عربية (مع عدم المبالغة يعني )، كام واحدة من دول فيها فتيس اتغير ؟ 100 - 200 ؟ كام فتيس من دول كان فيه البودي فالف هو إلي فيه المشكلة (يعني توقف تام للفتيس ) ؟


أنا مش بنفي إن الفتيس فيه مشاكل ، وبأكد إن المشاكل أكتر من أي فتيس عادي ، لو كل 1000 عربية بتجبها فولكس مصر بفتيس اوتو عادي طلع فيها 2 عيب صناعة ، يبقى كل 1000 عربية بتجبها فولكس فيها فتيس DSG بيطلع فيهم 20-30 فيهم عيب صناعة ، دي مشكلة ، لكن معناها الناس كلها هتبطل تجيب فولكس أو هتبطل تجيب DSG ؟


أنا عايز الناس تجاوب بنفسها على هذا السؤال ، واطلب منك تحديداً تجاوب عليه مع نفسك ، خصوصاً وإنت جبت الميجان :)


على فكرة أنا ما ليش أي مصلحة في الدفاع عن فولكس ولا غيرها ، ولا بشتغل في فولكس ولا توكيلها ولا ببيع عربيات :)) ، أنا بس بفكر بصوت عالي وبالمنطق .

ردا على ألأستاذ farahat انت معاك حق بخصوص الموتور TSI اما بخصوص صندوق التروس و DSG حاسك بتفترى شوية انت و بعض الأعضاء الكرام على التكنولوجى دى و فيه ناس بتغلط ف الشركة زات نفسها (ممكن اكون متحيذ شوية ل VW بس مش انا الى هتكلم عن تاريخ الناس دى و سمعتهم و كفاية انهم المان) و انا بصراحة مبسوط من سياستك ف التفكير (المنطق)

اما عن ال DSG دى تكنولوجيا عالية اوى و محترمة جدا و فيه حاجة الناس مش واخدة بالها منها و هى مكونات الوحدة دى و ازاى بتشتغل!!!! و هنا مربط الفرس كمان يا جماعة فيه سلوك غريب عند البعض و هو هلك العربية ف امور ملهاش لزمة زى مثلا لما واحد بتاع فيرنا او اكسنت يقرص و يفرك جنب واحد من اخوانا دول و يكون معاهم جيتا او باسات او اى موديل حلو ليه و ليه بقى يعدى جنبه بسرعة و تتحول المناورة الى مسألة شخصية خصوصا انه معاه عربية افضل + المانى فيقوم صاحبنا هوب قرص هوا كمان عشان يثبت انه الأفضل و يكلوا مطب محترم او حفرة صغيرة من الى هما كتيير دول ف شوارعنا الجميلة عرفنهم اكيد و غيره من طرق الهلك.....

الخلاصة التعرض لأى من عيوب الطريق دى على سرعة عالية بيبوظ الكارتات الألكترونية بتاع الجهاز ده و فولكس بتتجنب ده حاليا واسف على الأطالة
و للعلم انا مهندس الكترونيات و على دراية عالية بال DSG و على فكرة انا مش بشتغل ف توكيل ولا ببيع سيارات انا بس واحد مطلع و التكنولوجيا دى ف مجالى

فيتيس غريييب جدا جدا_فولكس فاجن بتسبعبط!

و احب اقول للأستاذ i_Am_Legend هو و الأخوة الى زعلانين من شركة فولكس يا اخونا متتسرعوش ف الحكم على التكنولوجيا من خلال موقف ولا 2 انتو متعرفوش تفاصيله و ممكن يكون مش مقياس اصلا و الناس سواقتها مش واحدة لأن صوابعكم مش زى بعضيها

و ارجوا من الجميع انهم ميزعلوش منى ان كانت طريقتى حادة شوية

[farahat]

ردا على ألأستاذ farahat انت معاك حق بخصوص الموتور TSI اما بخصوص صندوق التروس و DSG حاسك بتفترى شوية انت و بعض الأعضاء الكرام على التكنولوجى دى و فيه ناس بتغلط ف الشركة زات نفسها (ممكن اكون متحيذ شوية ل VW بس مش انا الى هتكلم عن تاريخ الناس دى و سمعتهم و كفاية انهم المان) و انا بصراحة مبسوط من سياستك ف التفكير (المنطق)

اما عن ال DSG دى تكنولوجيا عالية اوى و محترمة جدا و فيه حاجة الناس مش واخدة بالها منها و هى مكونات الوحدة دى و ازاى بتشتغل!!!! و هنا مربط الفرس كمان يا جماعة فيه سلوك غريب عند البعض و هو هلك العربية ف امور ملهاش لزمة زى مثلا لما واحد بتاع فيرنا او اكسنت يقرص و يفرك جنب واحد من اخوانا دول و يكون معاهم جيتا او باسات او اى موديل حلو ليه و ليه بقى يعدى جنبه بسرعة و تتحول المناورة الى مسألة شخصية خصوصا انه معاه عربية افضل + المانى فيقوم صاحبنا هوب قرص هوا كمان عشان يثبت انه الأفضل و يكلوا مطب محترم او حفرة صغيرة من الى هما كتيير دول ف شوارعنا الجميلة عرفنهم اكيد و غيره من طرق الهلك.....

الخلاصة التعرض لأى من عيوب الطريق دى على سرعة عالية بيبوظ الكارتات الألكترونية بتاع الجهاز ده و فولكس بتتجنب ده حاليا واسف على الأطالة
و للعلم انا مهندس الكترونيات و على دراية عالية بال DSG و على فكرة انا مش بشتغل ف توكيل ولا ببيع سيارات انا بس واحد مطلع و التكنولوجيا دى ف مجالى



و احب اقول للأستاذ i_Am_Legend هو و الأخوة الى زعلانين من شركة فولكس يا اخونا متتسرعوش ف الحكم على التكنولوجيا من خلال موقف ولا 2 انتو متعرفوش تفاصيله و ممكن يكون مش مقياس اصلا و الناس سواقتها مش واحدة لأن صوابعكم مش زى بعضيها

و ارجوا من الجميع انهم ميزعلوش منى ان كانت طريقتى حادة شوية

يا ريت حضرتك تقرا الموضوع دة، اتمنى يوضح موقفي من موضوع ال-DSG :)

http://www.nilemotors.net/Nile/250319-dsg.html

[shady2000shady]

يا ريت حضرتك تقرا الموضوع دة، اتمنى يوضح موقفي من موضوع ال-DSG :)

http://www.nilemotors.net/Nile/250319-dsg.html

انا قريته فعلا بس مش شايف فيه الا ان موقفك محايد تماما زى الصحفين او المحررين المحترمين
بأختصار انت بتشرح بس الدنيا ماشية ازاى ف ال DSG
على العموم لو ده كان موقفك من الأول يبقى قشطة مفيش مشاكل و نعتبرها بداية صداقة رغم ان فى ردك على احد الأعضاء(الرد الى انا اقتبسته ف الأول) لم يوحى لى بحياديتك دى خالص
على العموم Nice to talk to u

[farahat]

أشكرك يا باشا ،ويا سلام بقى لو تكمل كل الموضوع بمداخلته ، ما أعتقدش في أي حاجة بتوحي بتحيزي ناحية ال-dsg ، وطبعاً ولا ضده :)

واكيد يشرفني صداقة حضرتك

[hany63]

استاذ شادي
بصراحه حضرتك متحيز للفتيس على اي اساس لو حضرتك معجب به على اساس التصميم و التكنولوجيا ماشي انا معاك وكنت معجب بيه يمكن اكتر منك وكنت قريت عنه قبل ما اشتري وانا اول واحد يمكن في مصر استعمله بس حضرتك لازم تحط في اعتبارك رأي الناس اللي استعملته عشان رأي حضرتك يكون موضوعي و خصوصا ان حضرتك لم يتح لك التجربه العمليه لفتره طويله
و بالمناسبه الفتيس ممكن ينجح في الاسكندريه و اعرف ناس مبسوطه بيه عندك وفي طنطا وده عشان درجه حراره اقل و زحام اقل وياريت حضرتك تراجع مداخلاتي بصفه خاصه مع صديقي المحترم استاذ فرحات و عموما الفتيس للاسف لايتانسب على الاطلاق مع شوارع القاهره

[shady2000shady]

أشكرك يا باشا ،ويا سلام بقى لو تكمل كل الموضوع بمداخلته ، ما أعتقدش في أي حاجة بتوحي بتحيزي ناحية ال-dsg ، وطبعاً ولا ضده :)

واكيد يشرفني صداقة حضرتك

تمام نقطتك واضحة و يشرفى جدا صداقة حضرتك ايضا و يريت بقى لو شوية شير للمعلومات هههههههه

استاذ شادي
بصراحه حضرتك متحيز للفتيس على اي اساس لو حضرتك معجب به على اساس التصميم و التكنولوجيا ماشي انا معاك وكنت معجب بيه يمكن اكتر منك وكنت قريت عنه قبل ما اشتري وانا اول واحد يمكن في مصر استعمله بس حضرتك لازم تحط في اعتبارك رأي الناس اللي استعملته عشان رأي حضرتك يكون موضوعي و خصوصا ان حضرتك لم يتح لك التجربه العمليه لفتره طويله
و بالمناسبه الفتيس ممكن ينجح في الاسكندريه و اعرف ناس مبسوطه بيه عندك وفي طنطا وده عشان درجه حراره اقل و زحام اقل وياريت حضرتك تراجع مداخلاتي بصفه خاصه مع صديقي المحترم استاذ فرحات و عموما الفتيس للاسف لايتانسب على الاطلاق مع شوارع القاهره

بغض النظر عن ردك الهجومى شوية
1-انا هكون صريح معك يا استاذ هانى فعلا انا متحيزله دا لأنى فهمه كويس اوى و الجير بوكس ده فعلا اثبت جدارته مش بس ف اسكندرية ف حتت كتيير و مبروك انك من اوال الناس الى جربته
2-انا حاطط ف اعتبارى رأى الناس و مقلتش لحد متنفشنيش و رحت قفشت و اخدت جنب ولا هوا الموضوعية ف وجهة نظرك انى مش من حقى اختلف مع الناس ف الرأى!!!!!!!!!!!
3-مين قال لحضرتك ان انا لم يتاح لى التجربة العملية؟؟؟؟!!!!!!!!!!!!!!!!
4-بالنسبلة لدرجة الحرارة حضرتك الجيربوكس ده شغال ف دول اكثر حرارة من مصر زى الفل زى دو الخليج كدا
5- اما بالنسبة بقى لرأى حضرتك انه مينفعش ف القاهرة رأيك على عينينا و راسنا بس انا اختلف معاك لأنى ليا ناس ف القاهرة مبسوطة منه و الحياة حلوة

[Mohab.Nabil]

الفتيس فعلا فيه مشاكل و اكثر من حد أكد الكلام ده و من مالكى العربية و باعوها و خسروا فيها كثير

و انا رأيى ان انا كمستهلك مليش اى ذنب ان الشركة بتطور تكنولوجيا جديدة و مناسبتش ظروف الطرق فى البلد بتاعتى

احنا بنتكلم على عربيات فى فئة الـ 200 الف جنيه يعنى شريحة تعتبر من اعلى الشرائح السعرية فى السوق المصرى ، يعنى مفروض لما اجيب عربية بالثمن ده ، اريح دماغى و مفكرش فى اى مشكلة فى العربية طول ما انا بعمل الصيانات الدورية بانتظام مفروض العربية تحسسنى بالراحة و مشتكيش من اى حاجة فيها

لو قلبنا الموقف و الموضوع ده كان حصل فى عربية صينى بـ 70 الف جنيه و نسبة 10% من الملاك غيروا الفتيس عشان بيبوظ فى اقل من 50 الف كم ؟ هل كان التطوير و التكنولوجى هيبقى نقطة دفاع عن الشركات ديه ولا كله هيقول ديه عربيات صينى و يقعد يشتم فيها ؟

الموضوع ببساطة ان صعب اوى ان الناس تتقبل غلطة كبيرة بالشكل ده من عملاق زى فولكس فاجن

[JapRuleZ]

و انا رأيى ان انا كمستهلك مليش اى ذنب ان الشركة بتطور تكنولوجيا جديدة و مناسبتش ظروف الطرق فى البلد بتاعتى



لو قلبنا الموقف و الموضوع ده كان حصل فى عربية صينى بـ 70 الف جنيه و نسبة 10% من الملاك غيروا الفتيس عشان بيبوظ فى اقل من 50 الف كم ؟ هل كان التطوير و التكنولوجى هيبقى نقطة دفاع عن الشركات ديه ولا كله هيقول ديه عربيات صينى و يقعد يشتم فيها ؟

الموضوع ببساطة ان صعب اوى ان الناس تتقبل غلطة كبيرة بالشكل ده من عملاق زى فولكس فاجن

كلام مظبوط 100 % عشان كده اليبانى دلوقتى اعلى اعتمادية و جودة فى العالم بس الناس للاسف لسه عايشة فى شبح الالمانى

[hany63]

استاذ شادي
اولا اسف ان اسلوبي اتفهم انه هجومي و ده ماكنش قصدي و يسعدني اني اتعرف بحضرتك وبما انك مهندس الكترونيات زي حالاتي يبقى نتحاور على اساس علمي و تحليل للمعلومات المتاحه

1- انا ما قصدتش اقول انك ماجربتش العربيه انا كان قصدي اقول ان في مستويات للتجربه اخرها انك تكون سوقتها سنتين في كافه الطرق و الظروف و هاوضح كلامي , عندك انا مثلا متعود انزل الصبح بدري, يعلم ربنا متعه السواقه و التسارع الجميل عشان موضوع ال 2 كلتش لدرجة انك ممكن تبالغ تقول ان فولكس احسن من مرسيدس اظن ان كده متفقين
2-تعال بقى نرجع من نفس الطريق الساعه 4 الضهر في عز الزحمه و الحر هتقول يا بخت اللي عنده سبرانزا , الفتيس عمال يرعش كل طلعه (بتزيد بمرور وقت الزحمه وكل ماتعمل كيلومترات) و الفتيس تحس انه بيلخبط في النقلات و تفسيري المتواضع انك لو ماشي على الغيار التالت مثلا بتكون اسطوانه 1 هي اللي معشقه واسطوانه 2 ستاند باي جاهزه للغيار الرابع واول ماتشيل رجللك عشان تهدي للاسف بتكون العربيه جابت الرابع بالفعل ومره واحده في جزء الثانيه نفس الاسطوانه رقم 2 تنزل للنقله التانيه مره واحده (ما فيش تسليم اسطوانات) و يحصل رجه كأن واحد سايق مانيوال و يجيب النقله الاقل و يسيب دبرياج بسرعه من غير بنزين , وده عشان الفتيس مش بيفهم انك خفيت رجلك بهدف انك عايز ينقل up للتسارع على النقله الاعلى ولا بتشيل رجللك عشان هتدوس فرامل هتقول لي ايه يعني طب ما اي عربيه اوتو بتعمل كده اقول لسيادتك الوضع هنا اختلف عشان ده فتيس زي المانيوال المهم انهم بيحاولوا يغيروا في السوفت وير لتقليل الاحساس بالرجه بس ده طبعا تكرارها بيخلي الفتيس يبوظ
طب بالذمه نشكر ولا نشتم في الفتيس و خصوصا ان الشوارع بعد 7 الصبح تخنق
3- كميه وجهات النظر في الفتيس بصرف النظر عن مين صح مش حاجه ملفته
4-حضرتك بتقول ان فيه ناس بالقاهره ما اشتكتش انا طبعا مصدق بس عامله كام كيلو وطبيعه مشاويرها ايه , طب لو كله تمام الناس اللي فى المنتدى ساكنه فين و بتشتكي ليه (ده غير اللي بيشتكوا لربنا) يبقى اقل حاجه تتقال ان المنتج لايتانسب مع كل ظروف القياده و الحراره
5-عمرك شوفت فتيس صيني مش الماني بيشخلل (كل الفتايس بلا استناء من و هي على الزيرو) و لما تروح الشركه يقولوا لك اصله Dry طب و انا مالي و ازاي المانيا وافقت تنزله كده
6-صدقني هاكون سعيد لو مشاكل الفتيس اتحلت جذريا و يمكن اشتري باسات TSI تاني , فعلا مفتقد فخامة العربيه
بالمناسبه للناس اللي بتقول المشاكل اتحلت من 2010 , هي قلت و مانتهتش ولسه جاري شاري جولف الاسبوع اللي فات وقال لي على نفس المشاكل و انا بابركله

اسف للاطاله وسعيد بمعرفة حضرتك و اسف لاسلوبي مره تانيه

[Youssef.Awad]

بجد ما زلت مصر على انها حاجة تحرق الدم لأى واحد من الاعضاء الكرام او اى حد من مالكى فولكس فى مصر ودافع فى العربية 200 الف حد ادنى ويحس بالكلام ده والعربية لسه زيرو
حرااااااااااااااااااااااااام
ده بى ام ولا مرسيدس بال200 الف دول لو مستعملة 10 سنين كمان بيتهيألى عمرى ما اشتكى من حاجة زى دى ل10 سنين زيهم كمان مع انهم المانى برضه
وبعدين فى الاول والاخر التقدم التقنى والتكنولوجيا سلاح ذو حدين

[shady2000shady]

استاذ شادي
اولا اسف ان اسلوبي اتفهم انه هجومي و ده ماكنش قصدي و يسعدني اني اتعرف بحضرتك وبما انك مهندس الكترونيات زي حالاتي يبقى نتحاور على اساس علمي و تحليل للمعلومات المتاحه

1- انا ما قصدتش اقول انك ماجربتش العربيه انا كان قصدي اقول ان في مستويات للتجربه اخرها انك تكون سوقتها سنتين في كافه الطرق و الظروف و هاوضح كلامي , عندك انا مثلا متعود انزل الصبح بدري, يعلم ربنا متعه السواقه و التسارع الجميل عشان موضوع ال 2 كلتش لدرجة انك ممكن تبالغ تقول ان فولكس احسن من مرسيدس اظن ان كده متفقين
2-تعال بقى نرجع من نفس الطريق الساعه 4 الضهر في عز الزحمه و الحر هتقول يا بخت اللي عنده سبرانزا , الفتيس عمال يرعش كل طلعه (بتزيد بمرور وقت الزحمه وكل ماتعمل كيلومترات) و الفتيس تحس انه بيلخبط في النقلات و تفسيري المتواضع انك لو ماشي على الغيار التالت مثلا بتكون اسطوانه 1 هي اللي معشقه واسطوانه 2 ستاند باي جاهزه للغيار الرابع واول ماتشيل رجللك عشان تهدي للاسف بتكون العربيه جابت الرابع بالفعل ومره واحده في جزء الثانيه نفس الاسطوانه رقم 2 تنزل للنقله التانيه مره واحده (ما فيش تسليم اسطوانات) و يحصل رجه كأن واحد سايق مانيوال و يجيب النقله الاقل و يسيب دبرياج بسرعه من غير بنزين , وده عشان الفتيس مش بيفهم انك خفيت رجلك بهدف انك عايز ينقل up للتسارع على النقله الاعلى ولا بتشيل رجللك عشان هتدوس فرامل هتقول لي ايه يعني طب ما اي عربيه اوتو بتعمل كده اقول لسيادتك الوضع هنا اختلف عشان ده فتيس زي المانيوال المهم انهم بيحاولوا يغيروا في السوفت وير لتقليل الاحساس بالرجه بس ده طبعا تكرارها بيخلي الفتيس يبوظ
طب بالذمه نشكر ولا نشتم في الفتيس و خصوصا ان الشوارع بعد 7 الصبح تخنق
3- كميه وجهات النظر في الفتيس بصرف النظر عن مين صح مش حاجه ملفته
4-حضرتك بتقول ان فيه ناس بالقاهره ما اشتكتش انا طبعا مصدق بس عامله كام كيلو وطبيعه مشاويرها ايه , طب لو كله تمام الناس اللي فى المنتدى ساكنه فين و بتشتكي ليه (ده غير اللي بيشتكوا لربنا) يبقى اقل حاجه تتقال ان المنتج لايتانسب مع كل ظروف القياده و الحراره
5-عمرك شوفت فتيس صيني مش الماني بيشخلل (كل الفتايس بلا استناء من و هي على الزيرو) و لما تروح الشركه يقولوا لك اصله Dry طب و انا مالي و ازاي المانيا وافقت تنزله كده
6-صدقني هاكون سعيد لو مشاكل الفتيس اتحلت جذريا و يمكن اشتري باسات TSI تاني , فعلا مفتقد فخامة العربيه
بالمناسبه للناس اللي بتقول المشاكل اتحلت من 2010 , هي قلت و مانتهتش ولسه جاري شاري جولف الاسبوع اللي فات وقال لي على نفس المشاكل و انا بابركله

اسف للاطاله وسعيد بمعرفة حضرتك و اسف لاسلوبي مره تانيه

خلاص بقا يا هندسة استاذ ايه و بتاع ارفع التكلف مدام طلعنا ولاد كارير واحد
1-تمام متفق معاك و نقطتك واضحة
2-بصراحة مش عارف ليه حصل معاك كدا بس الى انا اعرفه انهم قالوا ان الميكا ترونك يونت مش بتاخد اى قرار بالنسبة لأى من الأسطوانتين الا بعد متقيس السرعة الحالية و تقارنها ب السابقة يعنى المفروض ف حالتك دى الأسطوانة نمرة 2 تكون جاهزة للترس 2 مش 4 انتا طبعا صادق و الكارتات بتهبل انا معاك بس اكيد فيه حاجة غلط برة الى بنتناقش فيه
3-انا معرفش الناس الى بتشتكى سواقتها عاملة ازاى يعنى على سبيل المثال جارى و صديقى والده تاجر سيارات ف قالى كانوا لسا بايعين جيتا 2010 هاى لاين لأبن قبطان ف المنطقة الولد طبعا بمنتهى الأستهتار دخل بالعربية ف الرصيف نتيجة حركة مجنونة و كانت النتيجة الطمبورة اتقسمت و الكوبلن باظ نهيك بقا عن الأكصدام والى حصله و الحساسات و غيره فا فيه ناس بتفترى صدقنى
4- اعتقد مش بيمشوا كتير زيك وده مجرد اعتقاد
5-هههههههههه لا الصراحة مشفتش
6-ME TOO بس مامعيش ثمنها
و انا اتشرفت اكتر بمعرفتك ولا يهمك زى مبيقولوا ما محبة الا بعد عداوة

بجد ما زلت مصر على انها حاجة تحرق الدم لأى واحد من الاعضاء الكرام او اى حد من مالكى فولكس فى مصر ودافع فى العربية 200 الف حد ادنى ويحس بالكلام ده والعربية لسه زيرو
حرااااااااااااااااااااااااام
ده بى ام ولا مرسيدس بال200 الف دول لو مستعملة 10 سنين كمان بيتهيألى عمرى ما اشتكى من حاجة زى دى ل10 سنين زيهم كمان مع انهم المانى برضه
وبعدين فى الاول والاخر التقدم التقنى والتكنولوجيا سلاح ذو حدين

حضرتك بتتكلم صح من ناحية المرسيدس و ال BMW
اما عن التكنولوجيا ف الكلام ده نسبى.............................................ش كرا للجميع

[hany63]

[frame="2 80"]
-بصراحة مش عارف ليه حصل معاك كدا بس الى انا اعرفه انهم قالوا ان الميكا ترونك يونت مش بتاخد اى قرار بالنسبة لأى من الأسطوانتين الا بعد متقيس السرعة الحالية و تقارنها ب السابقة يعنى المفروض ف حالتك دى الأسطوانة نمرة 2 تكون جاهزة للترس 2 مش 4 انتا طبعا صادق و الكارتات بتهبل انا معاك بس اكيد فيه حاجة غلط برة الى بنتناقش فيه

[/frame]
استاذ شادي
اظن كده احنا متفقين بس كنت عايز اناقش مع حضرتك ازاي الاسطوانه 2 تحضر على النقله التانيه لما الاسطوانه 1 تكون معشقه التالت؟ عمليه تحضير النقلات بتتم تصاعدي عشان اول ما النقله 3 تتعشق بتروح السطوانه 2 تحضر على الرابع ولو سبت بنزين بتروح ملمسه مع الرابع (عشان لو دوست بنزين تاني) وبتنزل مباشره على التاني مسببه الرجه لو فرملت
الحل الوحيد من الناحيه النظريه ان الفتيس يبقى على 3 اسطوانات دبرياج واحده معشقه والتانيه محضره Up و التالته محضره Down و بكده تبقى نعومه Up shift هي نعومه down shift الي بيحصل بكثره في الزحمه

[shady2000shady]

[frame="2 80"]
استاذ شادي
اظن كده احنا متفقين بس كنت عايز اناقش مع حضرتك ازاي الاسطوانه 2 تحضر على النقله التانيه لما الاسطوانه 1 تكون معشقه التالت؟ عمليه تحضير النقلات بتتم تصاعدي عشان اول ما النقله 3 تتعشق بتروح السطوانه 2 تحضر على الرابع ولو سبت بنزين بتروح ملمسه مع الرابع (عشان لو دوست بنزين تاني) وبتنزل مباشره على التاني مسببه الرجه لو فرملت
الحل الوحيد من الناحيه النظريه ان الفتيس يبقى على 3 اسطوانات دبرياج واحده معشقه والتانيه محضره Up و التالته محضره Down و بكده تبقى نعومه Up shift هي نعومه down shift الي بيحصل بكثره في الزحمه
[/frame]

هانى باشا ازيك الأول اتمنى تكون بخير
هقول لحضرتك ازاى ده بيحصل عشان قرار وحدة الميكاترونك بيتاخد على اساس المقارنة بين السرعة الحالية و السرعة السابقة فالنتيجة تكون تنازلية لو كنت سبت بس البنزين و لسا ملمستش الفرامل مع الأخذ بعين الأعتبار خيار مثبت السرعة......اما لو لرجلك مبتفارقشى البنزين يبقى النتيجة هتفضل تصاعدية

و من كلامك كدا انا بدأت افهم ان فيه مشكلة يا اما ميكانيكية و دا الى انا شاكك فيه او خلل ف Microcontroller وده استبعده شويه ولكن وارد!!!!!

[tareksh]

هانى باشا ازيك الأول اتمنى تكون بخير
هقول لحضرتك ازاى ده بيحصل عشان قرار وحدة الميكاترونك بيتاخد على اساس المقارنة بين السرعة الحالية و السرعة السابقة فالنتيجة تكون تنازلية لو كنت سبت بس البنزين و لسا ملمستش الفرامل مع الأخذ بعين الأعتبار خيار مثبت السرعة......اما لو لرجلك مبتفارقشى البنزين يبقى النتيجة هتفضل تصاعدية

و من كلامك كدا انا بدأت افهم ان فيه مشكلة يا اما ميكانيكية و دا الى انا شاكك فيه او خلل ف microcontroller وده استبعده شويه ولكن وارد!!!!!

كلام معقول ومقنع جدا

[shady2000shady]

كلام معقول ومقنع جدا

اشكرك
و كل سنة و انت طيب و عيد سعيد عليك انت و الأسرة