تقرير مفصل ومصور عن عربيتى البيتل موديل 67

[dr_radioooooo]

ماشاء الله تسارع هايل
وعجبنى صوت الكلاكس لايق عليها

[ZALABANY]

ما شاء الله لا قوة الا بالله ربنا يباركلك فيها وأحييك على دماغك وشغلك في العربية انا كان معروض عليا واحده موديل 74 موتور 1600 مواصفات امريكي ( مش عارف يعني ايه بصراحة) وكانت عاجباني بس قلقت من قطع الغيار والصنايعية بتوعها وبرده موضوع السخونه عشان موتورها ورا ياريت تحكيلنا عنها شويه واخبارها ايه في الحر الشديد والصيف

[fouaa]

ماشاء الله تسارع هايل
وعجبنى صوت الكلاكس لايق عليها

اشكرك لزوئك
الكلاكس ده دوخت على ماشتريتو هههههههه بس عاجبنى جدا بيفكرنى بحسن يوسف زمان اصلى بموت فالقديم جدا

[mazagngi2010]

جامد انا شغال اليومين فى تقرير عن المازدا زيك

[fouaa]

ما شاء الله لا قوة الا بالله ربنا يباركلك فيها وأحييك على دماغك وشغلك في العربية انا كان معروض عليا واحده موديل 74 موتور 1600 مواصفات امريكي ( مش عارف يعني ايه بصراحة) وكانت عاجباني بس قلقت من قطع الغيار والصنايعية بتوعها وبرده موضوع السخونه عشان موتورها ورا ياريت تحكيلنا عنها شويه واخبارها ايه في الحر الشديد والصيف

اولا ربنا يخليك ويكرمك انشاء الله
بالنسبه للبيتل عربيه قويه جدا فوق متتخيل وثابته جدا جدا جدا موضوع مواصفات امركيى ده معرفش عنو حاجه بس الى عاوز اقولو لحضرتك ان الماتور بتاع البيتل قوى جدا وموفر جدا اولا مفهوش سير كاتينه لانو عمود الكامه بتاعو داخلى ثانيا مفهوش فلتر زيت وفيه اربع كامات بس بيشغلو التمن صبابات وده تقريبا الماتور الوحيد فالعالم الى فيه القصه دى كمان عمود الكرنك بيشغل طرومبه الزيت وطرومبه البنزين وبيلف الاسبراتير وكمان بيحرك عمود الكامه يعنى بيشغل الصبابات واخيرا بره بيشغل الدنامو الحاجات دى كلها مع بعض فمكان واحد بيدى قوه كبيره جدا لان مفيش فقط فالطاقه بيضيع فالسيور عشان كده الماتور قوى جدا

قطع الغيار بقى موجوده من الاكصدام للاكصدام جديده برازيلى اصلى واستراد المانى اصلى ومفيش حاجه مش موجوده اسعارها بتختلف بين الموديلات بس احسن موديل تجيبو فالبيتل 1300 لانو صاحب اكتر وارخص قطع غيار علبه الدركسيون كمثال استارد انا لسع مغيرها وكانها جديده لنج مفيهاش بوش تماما بمعنى الكلمه كلفتنى بالتركيب 450 جنيه لو هتقارنها ببتاعت 1303 تمنها 2000 جنيه استراد عشان كده 1300 تكسب وعلى فكره 1300 دى موش سعه الماتور ده موديل العربيه اما باقى قطع الغيار انا شايف انها تمنها معقول جدا ومناسب لانها استراد والمانى اصلى وبتعيش بصراحه زى مكنه الازاز تمنها 40 جنيه الفانوس الامامى 70 جنيه بوش بالقواعد والاطار النيكل الى بره الفتيس 700 جنيه غالى شويه بس مبيتغيرش اصلا وهكزا
الصنايعيه انا بتعامل مع الناس الى ورا حديقه بدر وبصراحه اسعارهم جميله جدا مثلا بيغير البوجيهات ويظبط تاكيهات ويغير ابلتين وكوندنسر ويفك الكاربياتير ينضفو وسير الدينامو ويظبط العربيه كلها وياخد 40 جنيه كده كويس جدا
موضوع السخونيه بقى بيعتمد اولا واخيرا على ان عربيتك مظبوطه ام لا اولا واهم حاجه المروحه الى بتبرد سربنتينه الزيت وبتبرد البساتم فمسارات محدده تانى حاجه الاهتمام بالزيت لانو العامل الاكبر للتبريد لازم يكون نوعو ممتاز ومقاومتو للحراره عاليه جدا انا بستخدم فالفولين 5000 لزوجتو 20 50 بتاع العربيات البنزين وبنزلو كل 5000 كمان التاكيهات تبقى مظبوطه عشان حاجتين السخونيه واستهلاك البنزين اخيرا الكاربيراتير لو الحرق تمام هتلاقى المنظومه كلها ميه ميه ولقدر الله لو العربيه سخنت عليها حمايه بتفصل لوحدها وتسيبها ربع ساعه والسنه الجايه تسخن تانى يعنى مش مقرفه وده كلام ناس كتير قالتو انا عمرى مجربتو
التبريد موش بيقتصر فقط على التوربينه كمان فى مسارات هوا من الشارع بتدخل فاماكن معينه من فوق السقف ومن الجناب وكمان من تحت العربيه [img3]http://upload.wikimedia.org/wikipedia/commons/thumb/7/72/K%C3%A4ferk%C3%BChlung.svg/420px-K%C3%A4ferk%C3%BChlung.svg.png[/img3]

فتح الباب الخلفى للماتور بالشكل ده كمان ليه عامل اكبر فالتبريد
[img3]http://cache.jalopnik.com/assets/images/12/2008/06/medium_69BlueBeetle_Engine_Lid.jpg[/img3]

غير كده انا شايف المواسير الرفيعه بتاعت الشكمان وحاطط مواسير قطرها اكبر عشان ازود فرصه خروج العادم واسرعها وده فارق برضو وبس

اعتقد بقى انك هتشترى بيتل وهنخرج نلف بيها مصر انا وانت ولو احتجت اى حاجه انا تحت امرك

[fouaa]

جامد انا شغال اليومين فى تقرير عن المازدا زيك

عاشت الرجاله ربنا معاك هاتلى لينك بقى هههههههه

[mazagngi2010]

الصبر ياكبير خلال اسبوع ان شاء الله

[minicooper20]

تحفه الله و اكير تبيع

[MaZaGAngeE]

فعلا هيه عربية ممتعة جدا في سواقتها و قبل ما اشتريها كنت قلقان منها

[fouaa]

الصبر ياكبير خلال اسبوع ان شاء الله

ان شاء الله مستنيك

[fouaa]

فعلا هيه عربية ممتعة جدا في سواقتها و قبل ما اشتريها كنت قلقان منها

+111111111111

[fouaa]

تحفه الله و اكير تبيع

ربنا يخليك هتشترى بكام :)

[ahmedtunning]

بجد ربنا يباركلك فيها وان شاء الله تديك خيرها
وعايز اقولك حاجة لو كل واحد بيحب عربيته كده هاتشوف افجر و انضف عربيات في مصر

[windofchange]

ماشاء الله لاقوة الا بالله جميلة اووي وحببتني فيها جدااا ربنا يباركلك فيها

[fouaa]

بجد ربنا يباركلك فيها وان شاء الله تديك خيرها
وعايز اقولك حاجة لو كل واحد بيحب عربيته كده هاتشوف افجر و انضف عربيات في مصر

بجد ربنا يخليك وكمان ياريت كل واحد يعمل تقرير عن عربيتو موش لازم تبقى مميزه او لونها لمونى ههههه بس اهو يمكن لو كل واحد عمل كده نطلع منو بفكره جديده او حاجه مكنتش خطرت على بالنا ياريت كنا نعمل شير لافكارنا اكيد هودينا لنتيجه افضل وانا عاوز اقولك انى بصراحه النتيجه دى الى ان وصلتلها فالفولكس اكيد ناتج خبرات وتجارب ناس كتير انا سالتها واتكلمت معاها واخدت منها افكار