تقرير مفصل ومصور عن عربيتى البيتل موديل 67

[MOSHAKS]

ربنا يباركلكم فيها وتقرير جميل وانا فعلا من عشاق البيتلز وكنت بشوف على مواقع كتير عن تعديلاتها والالوان التحفة اللى بتاخدها العربية ديه . الغريبة فيها بئا تحس انها بتشدك ليها كده تحس ان وشها بيبى فيس

[fouaa]

ربنا يباركلكم فيها وتقرير جميل وانا فعلا من عشاق البيتلز وكنت بشوف على مواقع كتير عن تعديلاتها والالوان التحفة اللى بتاخدها العربية ديه . الغريبة فيها بئا تحس انها بتشدك ليها كده تحس ان وشها بيبى فيس

شكرا جذيلا ليك

[S O P H O S]

تقرير جميل اوي

[fouaa]

تقرير جميل اوي

ميرسى ربنا يكرمك والله ان كان التقرير جميل فهو جميل بيكو انتو

[MOSHAKS]

ربنا يخليك ياهندسة. وبقول لحضرتك اذا ركبنا عزل صوت وحرارة من ناحية الكنبة الخلفية هل هتفرق فى الصوت داخل الكابينة ؟؟

[fouaa]

ربنا يخليك ياهندسة. وبقول لحضرتك اذا ركبنا عزل صوت وحرارة من ناحية الكنبة الخلفية هل هتفرق فى الصوت داخل الكابينة ؟؟

على فكره سوال حلو جدا بس هو عموما العربيه موش بدخل صوت الماتور جوه ولا بدخل حراره خالص انا معنديش عازل ومفيش صوت ولا حراره بالمره المكان الوحيد الى بيجى منو صوه هو الشباك وده ممكن تقفلو غالبا طول الوقت التوربينه بتاعت الهوا بتسحب كل الهوا عشان تبرد بيه سربنتينه الزيت وترمى الباقى على البساتم وده مبيديش فرصه حتى للسخونيه غير انها تترمى بره واول ما الهوا بينزل على البساتم بيقابلو الهوا الى جاى من تحت العربيه فبيرميه وراك :) هتلر بقى

[MOSHAKS]

ربنا يباركلك وهى فعلا سيارة تستحق الاحترام وترفع لها القبعة لانها فخر الصناعة الالمانية فى عز الازمة ايام الحرب العالمية وما زالت حتى الان يعتز بها. ربنا يباركلك فيها ويكفيك شر عيون الناس

[fouaa]

ربنا يباركلك وهى فعلا سيارة تستحق الاحترام وترفع لها القبعة لانها فخر الصناعة الالمانية فى عز الازمة ايام الحرب العالمية وما زالت حتى الان يعتز بها. ربنا يباركلك فيها ويكفيك شر عيون الناس

ربنا يبارك فيك

[mrz]

بجد والله مش عارف اقولك ايه متشكر جدا جدا...عايزك بقى تقولى على واحد بتاع قطع غيار اتعاملت معاه وطلع كويس عشان انا بدوخ على مابلاقى الحاجة..والنهاردة ان شاء الله هروح اعمل حاجات الموتور وهبقى اقولك على النتيجة :)

[fouaa]

بجد والله مش عارف اقولك ايه متشكر جدا جدا...عايزك بقى تقولى على واحد بتاع قطع غيار اتعاملت معاه وطلع كويس عشان انا بدوخ على مابلاقى الحاجة..والنهاردة ان شاء الله هروح اعمل حاجات الموتور وهبقى اقولك على النتيجة :)

العفو يا باشا انا معملتش حاجه والله
هما بتوع قدع الغيار ورا حديقه بدر اول شمال بعد سكه القطار هما تلاته اسامه وماهر والحج على التلاته عندهم كل الى ممكن تحتاجو وجمبهم بتوع الجديد ومعتقدش وانت فالمنطقه دى مش ممكن تحتاج حاجه ومتلقهاش وانا مستنى اشوف انت عملت ايه

[temtem77]

يا استاذ fouaa
اولا ربنا يبارك لك فيها
ثانيا انت حببتني قوي في العربية البيتل وياريت لو تكرمت وتنصحني لو عايز اشتري عربية بيتل كويسة علشان اعمل مشوار 100 كليو في اليوم اعمل ايه واعمل حسابي في كام ؟ والف شكر

[amr mokhtar]

ربنا يباركلك فيها و يحفظهالك

إيه الفرق ما بين 1300 و 1302 و 1303؟
حضرتك قولت إنه الأرقام دى لا تدل على سعة المحرك .. فإيه دلالتها؟

[fouaa]

يا استاذ fouaa
اولا ربنا يبارك لك فيها
ثانيا انت حببتني قوي في العربية البيتل وياريت لو تكرمت وتنصحني لو عايز اشتري عربية بيتل كويسة علشان اعمل مشوار 100 كليو في اليوم اعمل ايه واعمل حسابي في كام ؟ والف شكر

اولا شكرا لزوءك يا باشا
والله العربيه البيتل قويه جدا وحماله اسيه واصيله جدا وعمرها مبتقل مع حد ابدا بس اهم حاجه تكون وانت بتشترى تنقى كويس الشاسيه يكون سليم الرقبه سليمه ويكون الماتور تمام حالتو كويسه جدا موش محتاج اى حاجه خالص والعفشه تكون سليمه دور على عربيه موش محتاجه مصاريف وهتكون فحدود 15000 ولو العربيه سليمه ومتجدده لو عملت بيها كل يوم 1000 كيلو هتبقى مبسوط جدا وعمرها مهتقولك لا على فكره انا رنج مشى فاليوم 300 400 كيلو الحمد لله وربنا يكرمك
على فكره كان فى عربيه انا عارفها وبالصدفه لقيتها على كونتاكت كارز من يومين طالب 15000 ومش محتاجه مصاريف تماما وربنا يكرمك .

[fouaa]

ربنا يباركلك فيها و يحفظهالك

إيه الفرق ما بين 1300 و 1302 و 1303؟
حضرتك قولت إنه الأرقام دى لا تدل على سعة المحرك .. فإيه دلالتها؟

اولا اشكرك لزوئك ولتنويرك للموضوع
بالنسبه لموضوع موديلات الفولكس فهما تلت موديلات واى موديل منهم ممكن سعه المحرك بتاعتو تبقى متفاوته ملهاش دعوه بالموديل بمعنى ممكن تلاقى 1300 موديل 1600 سى سى او 1200 سى سى المهم
الموديلات التلاته بتبقى اولا 1300 ودى بتبقى ازازها من قدام مسطح وصغير وبتقى العفشه من قدام دنجل ومساعدين وعلبه الدركسون بتبقى علبه زى بتاعت الادا كده وموش بيبقى فيها طابلوه كبير بيبقى اشره بلاستك كده او مفيش خالص كمان الفامل فيها من قدام وورا بتبقى على طنابير او اسمها حلل ودى موش بتاكل تيل فامل الا كل سنه مره كمان من ورا الفتيس بيبقى على الات جر خلفى او بمعنى اصح كارونه جى خلفى ودى بيبقى فيها اكسات ثابنته كانها كاورنه زى اى عربيه دفع خلفى على فكره احسن موديل فيهم فقطع الغيار الاستراد والجديد بالنسبه للسعر كصاج وعفشه هيا ال 1300

ثانيا 1302
ودى بتبقى نفس شكل ال 1300 من الداخل والخارج مع فروق بسيطه جدا زى الرفرف الامامى والفوانيس بيبقى فيه بومبيه بسيط جدا
الفروق الاساسيه بقى بتكون فالعفشه من قدام بتكون من قدام على مقصات وسوست ومساعدين زى العربيات المرسيدس بالظبط وبيكون فيها علبه دركسون مختلفه شويه عن ال 1300 وبتكون من ورا على كبابن برضو زى المرسيدس ونظام الفرامل فيها بيكون قدام سكاكسن وورا طنابير او حلل زى العربيات العاديه اسعار العفشه للموديل ده بتبقى غاليه شويتين عن ال 1300 بس الفتيس بتاعها ارجص لانو بيكون لوحدو من غير اكسات بيبقى فتيس منفصل وليه كبالن زى الات الجر الامامى بالظبط

اخر موديل 1303
العربيه دى احلاهم واوسعهم والازاز الامامى بتاعها بيكون بوميه فيه دوران ملحوظ لبره زى العربيات الجديده ودى بيكون فيها طابلوه كامل برضو زى العربيات العاديه والعفشه بتاعتها طبعا بتبقى مصقات وسوست ومن ورا كبالن الموديل ده اكبر شويه واوسع من جوه شويه بس حاجتو بتبقى غاليه جدا علبه الدركسوين بتاعاتها اسكترا وبتعمل استراد فحدود 1500 جنيه والسوست الى قدام بتعمل الوحده 600 جنيه بالرغم من هيا احلاهم بس حاجتها اغلاهم

كده تقريبا نبزه بسيطه عن موديلات البيتل او المعلومات البسيطه الى انا اعرفها اتمنى اكون افادتك

[fouaa]

فى حاجه كمان نسيت اقولك عليها وهيا الشنطه بتاعت ال 1300 بتبقى اضغر وبيبقى الاستبن فيها بيبات فمكانو واقف وبتبقى ضيقه جدا مبتشيلش حاجات كتير خالص انما ال 1302 وال 1303 الشنطه بتقى واسعه معقوله يعنى والاستنبن فيها ليه مكان بينام فيه بيبات كده فدى بتدى مساحه تخزين اكبر شويه وبس