8 حوادث في سنة ونص..ابيعها بقي ولا اعمل ايه

[zaynabawad]

من ساعة ما جبت البيتل حبيبتي وانا مهرية حوادث وبجد انا سواقتي مش وحشة..اصحابي بيقولولي العربية منظورة وابيعها احسن واجيب واحدة تانية ..واهي لسه مخبوطة اول امبارح وكمان النهاردة وعطلت وانا قلت مش راكباها تاني..قولولي ربنا يبارك لكم اعمل ايه

[kar!m]

طبيعة الحوادث ايه؟ .. أصل البييتل أبعادها مش سهله لكل الناس عشان رفارفها.

[ahmedeihab]

بيعها عربيه قدمها وحش
^_^

[sharpvision]

طبيعة الحوادث ايه؟ .. أصل البييتل أبعادها مش سهله لكل الناس عشان رفارفها.

صحيح ياريت حضرتك تقوليلنا الحوادث بتحصل ازاى ,, لان ممكن الخطأ يكون من الناس مش من حضرتك او من العربيه

[A.Saad]

تحسن سواقتك

[smsmxxxxxx]

من ساعة ما جبت البيتل حبيبتي وانا مهرية حوادث وبجد انا سواقتي مش وحشة..اصحابي بيقولولي العربية منظورة وابيعها احسن واجيب واحدة تانية ..واهي لسه مخبوطة اول امبارح وكمان النهاردة وعطلت وانا قلت مش راكباها تاني..قولولي ربنا يبارك لكم اعمل ايه

اولا
طلعي من دماغك موضوع ان العربية منظورة لان مفيش حاجة بتحصلنا غير بمشيئة ربنا
وبعدين اللى حسد العربية الاولانية يحسد الثانية

ثانيا
ممكن يكون السبب بوش فى الدريكسيون يخليكي متتحكميش فى العربية كويس
او الفرامل ضعيفة دا في حالة انك تكونى الغلطانة
لكن لو الناس هي اللى داخلة فيكي فللاسف الرفارف بتاعة البيتل زى ما يكون فيها مغناطيس بيشد العربيات انا عربيتي خلاص مش باسمكر الرفارف غير لما بجدد الرخصة

وبالنسبة لابعاد العربية هي للاسف اكبر عيب ان الرفرف اليمين وبوز العربية وظهرها مش باينين خالص ودا بيخليها سواقتها صعبة فى الزحمة بالزات

ملحوظة
اعزرى الاخوة انهم بيكلموكي على انك راجل علشان احنا واخدين على ان اصحاب البيتل اغلبهم رجالة
وانتى من الحالات النادرة اللى يكون معانا صاحبة بيتل انثي فاعزرينا

[zaynabawad]

شكرا لكل اللي تكرموا وردوا عليا ..في الاول كانت الغلطات مني بس دلوقت الحمدلله انا بسوق كويس بشهادة اخواتي الرجالة وانتو عارفين طبعا ان الرجالة مبيشوفوش اي ست بتعرف تسوق اصلا..لكن الناس بجد تعبتلي اعصابي ..من كام اسبوع الرفرف اطبق وهي مركونة وقبلها الفانوس وبعدها الاكصدام الامامي كل ده وهي مركونة تحت البيت..ومن يومين عيال علي موتوسيكل دخلوا في الرفرف الخلفي شمال بقي كانه مقصوص بامقص...وقبلها اتوبيس دخل في الرفرف اليمين خلفي بقي كانه ديناصور هبره..وديه امثلة ..وانا عارفة ان كل شيء بقدر بس في حديث بيقول ان الشؤم ممكن يجي في الدابة..ومعظم اصحابي اللي بيسوقوا بيقولولي ان معدل الحوادث ده مش عادي..وانا خلااااااااااص تعبت

[S O P H O S]

لو صحابك خرج شئ لله
ومتحطش فبالك كل شئ وحسد وكده
يمكن انت مش واخد علي ابعدها

[zaynabawad]

ربنا يجزيكم خير ع الردود و المرور

[ahmedtunning]

طلعي شئ لله عليها
وشغلي فيها قران

[Inteltech]

وقبلها اتوبيس دخل في الرفرف اليمين خلفي بقي كانه ديناصور هبره..عادي..وانا خلااااااااااص تعبت

بصراحة الموضوع ده المفروض مضحكش عليه وبياخة بجد اني اضحك بس سامحيني مش قادر اسكت وانا متخيل ديناصور جي من عالم تاني علشان همممممممممممم يهبر الرفرف مصطلحاتك رهيبة وعجبتني . ههههههههههههههههههههههههههه
اما بالنسبة للخبطات فانا معاك ان دي حاجة تخنق وانا كمان 80% من اي خبطات خدتها بعربيتي وهي مركونة وواقفة.. فده العادي بتاع مصر وحاولي تركني بعد كده بمكان بعيد شوية عن طريق عام بس يكون امان او تبعديها اكثر عن الطريق ولك تحياتي
وسامحيني على الضحك بجد مقدرتش اسكت

[Inteltech]

ابتسمي اختي في الله اي شي بالحديد يتعوض والحمد لله ان حضرتك بخير وادي المهم ومفيش حاجة مستاهلة تتخنقي عشانها كل ده وربنا يوفقك

[alzelafy]

تقدمى فى موسوعه الارقام القياسيه للحوادث و تاخدى جوائز على العربيه ......... طبعا بهزر بس اكيد العربيه منظورة و اسالى مجرب

[lanos2004]

شوف انا هقلك على الحل من الاخر- بدون زعل
يا تبطل تسوق
يا تروح تتعلم السواقه من جديد

[Land_Cruiser]

طلعى حاجه للهو يغلى فيها قران و ما تحطيش فى بالك . دورى على عربيه واحده ماشيه فى الشارع سليمه مش هتلاقى مع الاسف و حاولى حضرتك تركبى مرايه يمين لو ما كنش عندك و اركنى فى مكان ما يكونش ملطش حتى لو كان بعيد شويه علشان تبقى العربيه بعيده عن الناس اللى ممكن تخبطها