8 حوادث في سنة ونص..ابيعها بقي ولا اعمل ايه

[samoreception]

هى العربية اللى مع حضرتك نيو بيتل الشكل الجديد لو ديه يبقى اكيد محسودة وغيريها فعلا
ولو البيتل القديمة وخدت كل الخبطات ديه يبقى اكيد عربية شؤؤم فعلا وغيرها برضه
ففى الحالتين العربية لازم تتغير فعلا لانى انا نفسى اتشاءمت منها سورى يعنى اصلى 8 مرات فى سنة ونص كتير جدا

[zaynabawad]

اي خدمة يا جماعة وربنا يقدرنا ونضحكوا ومش مشكلة انا وعربيتي حبيبتي..والف سلام وتحية لكل اللي تكرموا وواسوني ..حتي الاخ الطعم اللي بيقول ابطل سواقة او اتعلم من جديد الله يسامحه ..اهيء اهيءاهيء

[A.Saad]

مفيش داعى تتضايقى من ردود الاعضاء كدة
خللى اسلوب قيادتك قيادة دفاعية
يعنى تتوقعى خطأ وتصرف اللى قدامك وحولك
بهدف الحفاظ على العربية والسائق
لاقيه عربية عطلانه شمال يبقى توقعى ان قدامك يهدى علشان يفاديها
ولو جنبك توقعى كسرته
هنا تحتاجى اتخاذ رد فعل مبكر عنه
او التهيؤ لرد فعله
برده تشوفى قدام اللى قدامك
هيكون عامل كويس
اماكن المشاة والمطبات
عامل مهم هنا برده

[zaynabawad]

شكرا لحضرتك بس انا بجد اعصابي تعبت وان شاء الله اخد بنصايحكم كلها وشكرا مرة تانية ..انا عارفة ان محدش قاصدة يضايقني من الاعضاء المحترمين انا بضحك بس بدل ما اطق

[Inteltech]

اي خدمة يا جماعة وربنا يقدرنا ونضحكوا ومش مشكلة انا وعربيتي حبيبتي..والف سلام وتحية لكل اللي تكرموا وواسوني ..حتي الاخ الطعم اللي بيقول ابطل سواقة او اتعلم من جديد الله يسامحه ..اهيء اهيءاهيء

اهلا بحضرتك وانا مكنتش اكيد اقصد مدايقتك باي شكل بس كنت عايز اقول لحضرتك انك متكبريش الموضوع اكثر مما يستحق وصدقي دامت في الحديد وممكن اصلاحه سهلة ان شاء الله وربنا يعوض على حضرتك بس مش تتطيري ولا تتشائمي لن يصيبك الا ما كتب الله لك وربنا رحيم ثم اني بنفس المشاركة نصحت حضرتك تعملي ايه وبالنهاية بعتذر منك ان كنت ضحكت وحاولت اخفف من وقع الحكاية على حضرتك ودي اخر مشاركة ليا بالموضوع وارجو انك تتقبلي اعتذاري. في امان الله

[zaynabawad]

اهلا بحضرتك وانا مكنتش اكيد اقصد مدايقتك باي شكل بس كنت عايز اقول لحضرتك انك متكبريش الموضوع اكثر مما يستحق وصدقي دامت في الحديد وممكن اصلاحه سهلة ان شاء الله وربنا يعوض على حضرتك بس مش تتطيري ولا تتشائمي لن يصيبك الا ما كتب الله لك وربنا رحيم ثم اني بنفس المشاركة نصحت حضرتك تعملي ايه وبالنهاية بعتذر منك ان كنت ضحكت وحاولت اخفف من وقع الحكاية على حضرتك ودي اخر مشاركة ليا بالموضوع وارجو انك تتقبلي اعتذاري. في امان الله

علي فكرة والله انا مش زعلانة من اي حد لان الموضوع يضحك اصلا .. يا اخي ده انا نفسي بقعد اضحك ع اللي بيحصللي وبجد جزاك الله خيرا حضرتك وكل اللي شاركوني همي..وميخلصنيش ان اي حد من الاعضاء المحترمين ياخد علي خاطره مني..يا راجل ده انا اختكوا الزغننة واستحملكوا برضه..نياهاهاهاهاهاهاه

[dobiues]

ربنا يكفيكي شر السواقة بس متزعليش ولا تبيعي العربية انا عن نفسي معايا 1303 اول ما جبتها عملت بيها حادثة ولا لكني كفيف واحد ابن حلال كان بيهزر بنقل وانا اتفاديته فدخلت فعمود صغنن لا وايه من ناحيتي انا مش من الرفرف التاني عشان الناس يقولو ده صعب الرؤية بس دلوقتي ولله الحمد بقيت عفريت وحفظت مقاساتها وبعمل غرز محدش بيعرف يعملها وكده يعني بس برضو ربنا يستر اصل الغرز دي عبارة عن99.9 توفيق من ربنا و00.1 حظ ههههههههه

[zaynabawad]

والله انا بقول ان السواقة ف مصر ماشية بستر ربنا لولا كده كان زمان الشعب خلص علي بعضه اشي راكب واشي ماشى

[mido320i]

اوتوبيسسسسس lol بصي للموضوع من منظور تاني انك تحمدي ربنا ان معاكي بيتل, والعربيه دي حماله اسيه بجد, لو معاكي اي عربيه تانيه كان زمانك قاعده جمبها تغني ظلموه وكمان معظم الاخطاء مش منك ده قضاء وقدر, طلعي حاجه لله عليها ولو حباها وعايزه تكملي بيها اديها فرصه تانيه ;)

[zaynabawad]

الف حمد وشكر لك يارب وشكرا للمشاركة ..انا فعلا بعد ما اعصابي هديت شوية وراحت الجنونة حسيت اكتر بقيمة العربية المحترمة ديه وقلت فعلا هاي هيتلر

[minicooper20]

اليكسر صلحيه
و طلعى حاجه لله هتلاقيها بطلت تتخبط متحطيش فى دماغك

[zaynabawad]

شكرا للمشاركة وانا فعلا ابتديت احاول اخد الموضوع ببساطة شوية واخلي سواقتي دفاعية اكتروان شاء الله اعمل اطعام بنية ان ربنا يحفظ العربية لان موضوع الدبح اللي قال عليه بعض الاعضاء مش لاقيه ليه دليل شرعي فيا ياريت اللي يعرف دليل يتكرم ويشاركنا بيه

[Ayman999]

ادبح حاجة عليها

او بيعها لحد بتكرهه