السرعه القصوى كام ؟

[hamada_elzayat]

ممكن من خبرا البولو يفيدونى كام السرعه القصوى لبولو 96 1300 ؟ مع ان العداد عندى واصل لل 200

[elbaz45]

انا عن نفسى معايا بولو 2001 - 1000سى سى وبجيب بيها 130 من غير تكييف وrpm بيكون ساعتها على 3.5 ومقرصتش عليها بصراحة اكتر من كده ومعرفش لو قرصت هتجيب اكتر ولا مش هتجيب
لانى مقتنع ان بعد 100 او حتى 120 يبقى دى سواقة متهورة وغير امنة بالمرة وربنا يسترها معانا

[akmm]

جرب بنفسك وربنا يحفظك ويحفظنا من كل شر

[mido_antouhh]

انا معايا بولو 2001 الماتور 1000 سيسي
وانا راجع من مارينا كان معايا 3 صحابي وجبت بالعربيه 160
بس بجد ما شاء الله
العربيه الاستبل بتاعها تحفه

[mesho_kimi]

ال 1300 أقصى سرعه في ظروف طبيعيه 165 ازيد حاجه بسيطه لو الهوا معاك ال 1000 اخرها 160 او 155 مش متذكر

[elshrpeny]

انا عن نفسى معايا بولو 2001 - 1000سى سى وبجيب بيها 130 من غير تكييف وrpm بيكون ساعتها على 3.5 ومقرصتش عليها بصراحة اكتر من كده ومعرفش لو قرصت هتجيب اكتر ولا مش هتجيب
لانى مقتنع ان بعد 100 او حتى 120 يبقى دى سواقة متهورة وغير امنة بالمرة وربنا يسترها معانا

أمين يا رب العالمين
أنا برده تقريباً نفس تفكيرك
بس هيه طبعاً إن شاء الله تجيب أزيد من ال 130 لان أنا باجيبهم ساعات على الرابع وبيكون معدى طبعا 4 على ال rbm بس مجربتش بقى لو جبت على الخامس وكملت هتجيب كام

[elshrpeny]

ال 1300 أقصى سرعه في ظروف طبيعيه 165 ازيد حاجه بسيطه لو الهوا معاك ال 1000 اخرها 160 او 155 مش متذكر

أنا عايز أسلم عليك يا عم , إزيك يا عم هشام واخبارك إية ؟
مشوفتكش من قبل الثورة يا راجل , يا رب تكون بخير

اوعى تكون نسيتنى ( أيام الزيوت , كاسترول و فيسكو و إيسو ) هههههههههههههه
أحسن أزعل

[ashoub]

انا اقصى سرعه جبتها كانت 170 وكان معايا 3 صحابى وشنط ومع العلم فلتر الهواء عاوز يتغير لانه مليان تراب العربيه 1300 cc 1997

[hamada_elzayat]

انا على فكره بخاف اصلا من السرعات العاليه لكن انا جبت 160 مره اول ما اشتريتها كنت مسافر فى العيد والطريق فاضى خااااالص وطرق جديد وناعم جبت 160 لمده دقيقه وكنت مرعوب
ومن كام يوم حاولت اجرى بالعربيه فى شارع عندنا فى المندره جديد وفاضى الساعه 2 بالليل بس مش بلحق يا دوب اجيب الخامس وادوس بنزين للاخر العداد يجيب 140 ومش عارف بقى اذا كانت مش راضيه تزيد ولا الامبير مبيكونش لسه قرأ السرعه الحقيقيه عشان بضطر اهدى عشان الطريق بيخلص
حاجه تانيه لاحظتها انا وانا مسافر المره الاولى كنت بجيب 100 ةالامبير يا دوب على 3 دلوقتى اول ما اعدى ال 80 الامبير يطلع ل 3 مش عارف ليه
انا عندى كابلات البوجيهات عايزه تتغير عشان فيه نتشه صغيره وان شاء الله فى اقرب فرصه حغيرهم ممكن تكون هيا السبب ؟ على فكره انا جديد سواقه نوفى وربنا يسترها معانا جميعا

[elshrpeny]

بالنسبة لعداد ال rbm فهو بتعتمد قرائته على النقله إلى إنت عليها , يعنى مثلاً لو إنت على الثالث و جيبت ال 80 فطبعا العداد هتلاقيه واصل ل 4 مثلاً او معدية كمان , أما لو على الرابع وجبت ال 80 برده فهتلاقى العداد قارىء يا دوبك 3 او معدية بحاجة بسيطه ..... وهكذا

وربنا يسترها معانا جميعاً أمين يا رب العالمين

[hamada_elzayat]

بالنسبة لعداد ال rbm فهو بتعتمد قرائته على النقله إلى إنت عليها , يعنى مثلاً لو إنت على الثالث و جيبت ال 80 فطبعا العداد هتلاقيه واصل ل 4 مثلاً او معدية كمان , أما لو على الرابع وجبت ال 80 برده فهتلاقى العداد قارىء يا دوبك 3 او معدية بحاجة بسيطه ..... وهكذا

وربنا يسترها معانا جميعاً أمين يا رب العالمين

تمام انا اقصد انى كنت ببقى على الرابع وجايب 100 والار بى ام كان يدوب 3 دلوقتى اول ما اجيب 80 العداد يجيب 3 على طول هل كابلات البوجيهات هيا السبب ولا اكون انا عملت حاجه فى الجيربوكس او حاجه من الحاجات دى انا بصراحه اول شهر كانت ايدى تقيله جداااا وانا بجيب الغيار كنت بحس انى حكسر دراع الفيتيس وانا بغير وبعدين برضه لسه لغايه دلوقتى بعمل غلطات يعنى اجيب غيار غلط او اهدى سرعه وانا على غيار عالى
وحاجه كمان طلعتلى وانا بدور الصبح والعربيه بارده او بقالى يومين متحركتش بيها اجى ادور اسمع صوت زى ( وررره ) او اكن فى حاجه تانيه بتدور برضه ولما احط رجلى على الدبرياج تبطل وبعد ما العربيه تسخن برضه الصوت بيروح نهائى
افيدونا افادكم الله

[elshrpeny]

هو أنت ممكن بس يكون عندك بوش شويه فى الفتيس ( يعنى لما الفتيس يكون متمور وتطلعه وتنزله لفوق وتحت تلاقيه بيجى معاك ميه كدا ) فدا إلى بيخليك وأنت بتنقل يبقى صعب معاك شوية دا + بقى إن ممكن يكون كمان زيت الفتيس ناقص او عايز يتغير فعشان كدا تلاقى المساله معاك مضاعفه ولا حاجه , يعنى دا إحتمال من الإحتمالاات

موضوع الصوت إلى بيروح بدوسك على الدبرياج دا أعتقد والله أعلم زى ما كنت سمعت فى المنتدى هنا لأعضاء تقريباً كان حصلهم نفس مشكلتك , إن بيبقى طقم الدبرياج فيه حاجه و بيبقى فى الغالب عايز يتغير ( بس طبعاً دا مش أكيد ممكن تكون حاجة بسيطه الى عايزه تتغير او تصلح )

أه أفتكرت و بالنسبه برده لموضوع قراءة ال rbm ممكن كذا إحتمال , من ضمنهم إن تكون العربيه كانت سخنة جدا و ماشيه كتيير فساعتها بقى بتبقى سحبها وشدها أفضل دا غير إن الزيت برده كان نوعه كويس او متغير لسه جديد فعشان كدا كان ال rbm قراءته مرتاحه معاك , والله أعلم

[hamada_elzayat]

انا عندى فعلا الدبرياج جامد شويه مش عارف ده بقى ايه بس انا قولت عادى انا لسه مغير زيت الموتور وحاطط موبيل 10000 وفيه ناس قالتلى حط زيت معدنى 5000 افضل
وممكن لو حد يعرف زيت الفيتيس بكام واحسن نوع ايه ؟ وكمان سعر طقم الدبرياج
وايه هيا اجزاء طقم الدبرياج ؟ اسطوانه وديسك ولا دول حاجه تانيه ؟
وعلى فكره الفيتيس مفهوش بوش لكن انا اللى كنت عنيف معاه زمان ده الى اقصده وشكرا ليك استاذ شربينى على اهتمامك وردك

[elshrpeny]

لا شكر على واجب يا أستاذ حماده , دا واجبنا إتجاه بعض
هو أولاً زيت الماتور ملوش علاقه بالدبرياج بتاتاً , فلو جامد شويه فممكن تخلى واحد بتاع عفشه يبصلك عليه يمكن يكون عايز يظبطله ظبطه كدا
أما زيت الماتور , فزيت موبيل ال 10000 غالى على الفاضى ومهوش كويس خالص ( برده بناءاً على تجربة الأعضاء ) أما المعدنى ال 3000 او ال 5000 ( إذا كان فى 5000 ) فدا كارثه طبيعيه لوحده ( أنا عن نفسى مجرب ال 3000 وكان سىء بصراحه ) و متفكرش فيه من الأساس , عندك شركات زيوت كتيرة محترمة منها :
1/ كاسترول ماجناتيك نصف تخليقى , و دا الى فى عربيتى حالياً وبسم الله ما شاء الله عليه كفاءته عاليه جدا و ممتاز ( ودا الى شركة فولكس بتوصى بيه لعربياتها عموماً ) دا غير إن فى منها برده زيوت للفتيس بس انا معرفهاش الصراحه هيه موجوده فى الموقع بتاعها بس , و مسمعتش حد قال عنها حاجه , وتدعى Castrol Syntrax Universal Plus 75W-90 ههههههههههه
2/ ليكوى مولى , ودا زيت ألمانى نظيف جدا وفى اعضاء كتير اثنوا عليه و شكروا جامد فيه , و ممكن تخش على الموقع بتاعهم وتكتب موديل عربيتك وهما يقولولك على الزيت المناسب لسيارتك برده ( وعلى فكره داخل فى دا كمان باقى زيوت العربيه من زيت فتيس و زيت باكم و زيت باور , دا طبعا فى حالة عدم قدرتك على الحصول على زيت الباور الأخضر الاصلى بتاع فولكس من توكيل فولكس بس على فكره زيت ليكوى الخاص بالباور أخضر برده ويعتبر نفس لزوجة الأصلى بالظبط ) وباقى الزيوت متواجده عادى , ممكن تبص على الإعلان الى فى أعلى الصفحه الخاص بهم
3/ فالفولين أعتقد إنه ألمانى برده و إنة جودته نظيفه و مناسبة لفولكس برده , وله إعلان فى اعلى الصفحة برده و فى التلفزيون ههههههههه
4/ فيسكو ودا من نفس شركة كاسترول ( BP ) و تصنيع إماراتى برده , وناس كتير كانت بتستخدمة قبل ما كاسترول تنزل مصر بإعتباره البديل ليه , وتجيب إبتداء من 3000 كم
5/ شــــــــــــــيــــل , وهو يعتبر أخر خيار أدامك لانه أوروبى ( إتحاد أوروبى تقريباً ) و أحسن من موبيل بكتيييير ( دا على رأى الأعضاء أيضاً )

وربنا يوفقك

[elshrpeny]

بالنسبة لطقم الدبرياج فاعتقد إنه حاجه تانيه غير الأسطوانة والديسك