بولو موديل 2000 موتور 1400cc

[orabio]

السلام عليكم
الى خبراء فولكس عندى مشكلة فى الفتيس والدبرياج العربية وهى باردة الصبح مثلا الدبرياج ناعم جدا والفتيس حلو وناعم والدنيا زى الفل مجرد العربية تسخن الدنيا تبوظ والدبرياج يبقى تقيل والفتيس يعض ولازم ادوس بقوه على الدبرياج لدرجة خايف انه الدواسة تتكسر تحت رجلى والغريب لو جبت الغيار الخامس وجيت افصل الغيار بعد لما تسخن العربية يبقى الغيار مش عايز يفصل يلزق واحد قالى ده واير دبرياج وواحد قالى ديسك
ياريت حد يفيدنى ويقولى من واقع خبرته فى المشكلة دى هو دبرياج ولا ديسك
وياريت اعرف سعر الديسك والاسطوانة والبلية للموديل ده ماكينة 1400 cc بولو

[orabio]

ايه يا شباب الرجالة بتتفرج مفيش حد هنا قادر يقول معلومة ؟

[adel_2346]

راجع على الديسك والاسطوانه

[elbaz45]

السلام عليكم
الى خبراء فولكس عندى مشكلة فى الفتيس والدبرياج العربية وهى باردة الصبح مثلا الدبرياج ناعم جدا والفتيس حلو وناعم والدنيا زى الفل مجرد العربية تسخن الدنيا تبوظ والدبرياج يبقى تقيل والفتيس يعض ولازم ادوس بقوه على الدبرياج لدرجة خايف انه الدواسة تتكسر تحت رجلى والغريب لو جبت الغيار الخامس وجيت افصل الغيار بعد لما تسخن العربية يبقى الغيار مش عايز يفصل يلزق واحد قالى ده واير دبرياج وواحد قالى ديسك
ياريت حد يفيدنى ويقولى من واقع خبرته فى المشكلة دى هو دبرياج ولا ديسك
وياريت اعرف سعر الديسك والاسطوانة والبلية للموديل ده ماكينة 1400 cc بولو

مشكلتك دى ياباشا كانت عندى بالظبط بس انا كان عندى الدبرياج واطى عليته سنه صغيرة وتشحم سلك الدبرياج او تغيره بس طبعا الدنيا مظبطتش زى منا عاوز والعفشجى قاللى لازم احل الفتيس "يقصد الدبرياج" وانا رفضت وقلتله لأ خليها لانه لو كان فك الدبرياج كان لازم يغير وانا بصراحة مش طالبة معايا دلوقتى غرامة الدبرياج وسيبتها واهى ماشية

[orabio]

مشكور جدا يا باشا هى المشكلة لما العربية تسخن الفتيس يقفش والدبرياج يتقل الواحد عجز ورجله بتوجعه ههههه

[gabbbr]

لو سلك الدبرياج عندك سنترينك يعنى بيرجلش نفسه بنفسه و يعنى ايضا انه مافيهوش رجلاش زى الصاموله تعليه و توطيه منها ممكن جدا مع زيادة الدوس على السلك بيسبب انه يوطى لوحدة من كتر الضغط عليه و ده عيب فى السلك لانه غالبا مش اصلى و ممكن ايضا تلاحظ ان الموضوع ده بيحصل معاك فى الاشارات و الطرق الزحمة
اما لو كان هذا الموضوع بيحصل معاك بعد سخونة السيارة بغض النظر عن ازدحام الطريق من عدمه فهذا ديسك لانه مع ارتفاع درجة حرارة الديسك بيتمدد و معامل المرونة لديه بيتغير و يصبح غير قادر على فصل الحركة من الموتور عن الفتيس بالكامل مما يؤدى الى صعوبة تغير النقلات هذا و الله اعلم

[elshrpeny]

طيب سؤال سوفوستوقى كدا بعد إذنك ههههههههه
لو لا قدر الله الواحد حب يغير الإسطوانه او الديسك هل لازم بيتفك حاجه فى الماتور ولا بيبقوا بعاد عن الماتور ناحية الدواسه كدا ؟

[gabbbr]

علشان تغير مجموعة الدبرياج لازم تفك الفتيس و يظل الموتور كما هو و يتطلب فك الفتيس فك الكبالن و تسقيط الفتيس ثم تظهر مجموعة الدبرياج مربوطة بترس الفلام و الذى هو بدوره متصل بعمود الكرنك بالموتور و يتم حل طقم الدبرياج و الموتور على وضعه بحوض السيارة اللهم لو كانت بعض انواع السيارات تصميمها يتطلب خلع الموتور من الحوض و عموما تغيير الديسك و لاسطوانه ياخد وقت ليس بالقليل ممكن ساعتين من العمل المتواصل و الله اعلم

[elshrpeny]

يعنى المهم أن كلام حضرتك دا يا أستاذ جبر ينطبق على سيارات الفولكس بشكل أكيد , أما باقى الانواع فليس عندك معرفه اكيده بأنهم يعاملوا نفس معاملة سيارات الفولكس , كدا أنا فهمت صح ؟

- و حاجه كمان إن لما الواحد يعمل الفيلم دا ميكونش الماتور بقى إسمه محلول أو ملعوب فيه أو معموله عمره عشان نقطة إعادة البيع !!!

[SYD]

اولا بالنسبة لصاحب الموضوع
راجع علي مستوي الزيت والأحسن ان حضرتك تنزله تماما وترجع تحط زيت من اول وجديد - في الغالب الزيت بتاع حضرتك هيبقي لزوجته w90/75 - وأغلب الظن انه ماتغيرش من فترة وللعلم الزيت يجب تغييره كل سنتين او كل 60,000 كم ايهما اقرب
2- راجع علي الواير وشوف لو عايز يتغير او لو جرابه تعبان ومقطع
3- لو الحلين السابقين لم يغيروا من الأمر شئ - انت مضطر تحل الأسطوانة والديسك وتشوف الدنيا ماشية ازاي

وعموما عيوب الديسك معروفة - زي الرجة والنتشة في الطلعة وصوت خشونة وخشولة
اما الأسطوانة فعيوبها بردو معروفة - زي ارتفاع صوت المحرك وفقد في العزم ويمكنك اختبارها عن طريق رفع فرامل اليد وتجربة الطلوع بالسيارة - أذا بطلت يبقي الأسطوانة مسافرة ويمكنك اجراء هذا الأختبار علي الغيارات الأول والثالث والمارشدير

بالنسبة للسؤال حول تغير الأسطوانة وما اذا كان يعيب السيارة اولا
فطبعا هذا لا علاقة له بالموتور نهائي وحتي لو فك الموتور وركبه 30 مرة ايضا لا مساس بأساسيات السيارة نهائي
ولتغيير الأسطوانة والديسك يمكنك فك الفتيس او الموتور وفي الغالب - فك الموتور اسهل من فك الفتيس

تحياتي

[elshrpeny]

أنا متشكر لحضرتك جداً
طمنت قلبى الله يطمن قلبك :)
مع إن انا والحمد لله تقريباً الإسطوانه عندى سليمة و السبب إن كان مره حصلى موقف إنى نسيت أنزل فرامل اليد وطلعت بالعربيه و كانت العربيه فعلا فى طلوعها تقيله جداً ومع ذلك مختش بالى برده من الهاند المهم مشيت شويه لحد ما سمعت صوت إنظار لأول مره أسمعه و فضلت مستغرب شويه فين وفين بقى لما لاحظت إن الهاند مرفوع أول ما نزلته قامت العربيه كأنها كانت متكلبشه بكلابوش المرور و إتحررت :) و الإنظار بطل
مش أفهم من كدا إن الإسطوانه عندى تمام ولا إيه ؟

[SYD]

أنا متشكر لحضرتك جداً
طمنت قلبى الله يطمن قلبك :)
مع إن انا والحمد لله تقريباً الإسطوانه عندى سليمة و السبب إن كان مره حصلى موقف إنى نسيت أنزل فرامل اليد وطلعت بالعربيه و كانت العربيه فعلا فى طلوعها تقيله جداً ومع ذلك مختش بالى برده من الهاند المهم مشيت شويه لحد ما سمعت صوت إنظار لأول مره أسمعه و فضلت مستغرب شويه فين وفين بقى لما لاحظت إن الهاند مرفوع أول ما نزلته قامت العربيه كأنها كانت متكلبشه بكلابوش المرور و إتحررت :) و الإنظار بطل
مش أفهم من كدا إن الإسطوانه عندى تمام ولا إيه ؟

هو بصراحة الطلوع علي الأول مش مقياس اوي
لو عايز تختبرها جرب اطلع علي الثالث والفرامل مرفوعة
او ارجع بظهرك والفرامل مرفوعة
بس ان شاء الله مايطلعش عيب اسطوانة

[orabio]

تحياتى اهتمام الاستاذ جابر لكن بقول لحضرتك ان الزيت مسقطه تمام من حوال 4 شهور والفترة دى العربية عملت حوالى 7500 كيلومتر يعنى الزيت لسه بخيره وكشف عليه مش ناقص لكن المشكلة هى مع حرارة العربية يعنى لما تمشى بشوية والحرارة توصل 70 الثابتة الدبرياج يبقى تقيل لدرجة انه يبقى له صوت فى الدوس وللعلم هو له رجلاش صامولة ورجلشته اقصى حاجة له وجربت طلعة العربية بتطلع على الاول منغير ما ادوس بنزين برفع خفيف لرجلى من على الدبرياج تطلع بدون رجة خالص والمشكلة الزفت هى فى الغيار الخامس كمان لما تسخن يبقى مش عايز يفصل الا لو دوست دبرياج جامد ونزلت الغيار للرابع مباشرة وبعدها وانا بنفس ضغطة الدبرياج اطلع للتالت فى الحالة دى يبقى العربية مور وسهل تجيب اى غيار عكسى من الاخر كرهت الخامس ده وكهرت الدبرياج بيوجع رجلى بقيت عايز العربية تبقى الحرارة لا تزيد عن 50 مثلا عشان تبقى حلوة

[SYD]

تحياتى اهتمام الاستاذ جابر لكن بقول لحضرتك ان الزيت مسقطه تمام من حوال 4 شهور والفترة دى العربية عملت حوالى 7500 كيلومتر يعنى الزيت لسه بخيره وكشف عليه مش ناقص لكن المشكلة هى مع حرارة العربية يعنى لما تمشى بشوية والحرارة توصل 70 الثابتة الدبرياج يبقى تقيل لدرجة انه يبقى له صوت فى الدوس وللعلم هو له رجلاش صامولة ورجلشته اقصى حاجة له وجربت طلعة العربية بتطلع على الاول منغير ما ادوس بنزين برفع خفيف لرجلى من على الدبرياج تطلع بدون رجة خالص والمشكلة الزفت هى فى الغيار الخامس كمان لما تسخن يبقى مش عايز يفصل الا لو دوست دبرياج جامد ونزلت الغيار للرابع مباشرة وبعدها وانا بنفس ضغطة الدبرياج اطلع للتالت فى الحالة دى يبقى العربية مور وسهل تجيب اى غيار عكسى من الاخر كرهت الخامس ده وكهرت الدبرياج بيوجع رجلى بقيت عايز العربية تبقى الحرارة لا تزيد عن 50 مثلا عشان تبقى حلوة

نفسي اساعدك والله
بس حقيقي المشكلة دي اول مرة تعدي عليا واول مرة اسمعها
لما الموتور بيسخن - الدبرياج يبقي تقيل

سيبني ابحثلك حول هذه المشكلة وارد عليك

[elshrpeny]

هو بصراحة الطلوع علي الأول مش مقياس اوي
لو عايز تختبرها جرب اطلع علي الثالث والفرامل مرفوعة
او ارجع بظهرك والفرامل مرفوعة
بس ان شاء الله مايطلعش عيب اسطوانة

إن شاء الله
و أبقى أجرب فعلا أطلع على التالت او أرجع مارشدير بإذن الله

شكراً أستاذ syd , بالمناسبة إسم حضرتك سيد ولا دا أختصار 3 كلمات :)