بولو موديل 2000 موتور 1400cc

[elshrpeny]

نفسي اساعدك والله
بس حقيقي المشكلة دي اول مرة تعدي عليا واول مرة اسمعها
لما الموتور بيسخن - الدبرياج يبقي تقيل

سيبني ابحثلك حول هذه المشكلة وارد عليك

فعلاً سبحان الله
أنا عن نفسى و بالنسبة لإستخدامى للعربيه , لما بتسخن بتنعم و سحبها بيتحسن و الدبرياج هو كمان بينعم !!!
فعشان كدا فعلاً حاجه مثيرة للإستغراب

[SYD]

إن شاء الله
و أبقى أجرب فعلا أطلع على التالت او أرجع مارشدير بإذن الله

شكراً أستاذ syd , بالمناسبة إسم حضرتك سيد ولا دا أختصار 3 كلمات :)

الشكر لله
متشكر اوي لذوق حضرتك

انا أسمي محمد سيد
وSYD دي أختصار لأسمي SaYeD علي نفس نهج مايكروسوفت لما بتختصر Server SRV وايضا Client CLN و manager MGR ومصطلحات كتير بالشكل دة ونظراً لطبيعة عملي كـ it فأتخذت نفس الفكرة وطبقتها عليا

تحياتي

[SYD]

فعلاً سبحان الله
أنا عن نفسى و بالنسبة لإستخدامى للعربيه , لما بتسخن بتنعم و سحبها بيتحسن و الدبرياج هو كمان بينعم !!!
فعشان كدا فعلاً حاجه مثيرة للإستغراب

دة المفروض فأي عربية
لكن الموضوع دة غريب حبتين
بس ان شاء الله يطلع حاجة بسيطة

[elshrpeny]

الشكر لله
متشكر اوي لذوق حضرتك

انا أسمي محمد سيد
وSYD دي أختصار لأسمي SaYeD علي نفس نهج مايكروسوفت لما بتختصر Server SRV وايضا Client CLN و manager MGR ومصطلحات كتير بالشكل دة ونظراً لطبيعة عملي كـ it فأتخذت نفس الفكرة وطبقتها عليا

تحياتي

عاشت الأسامى يا أستاذ سيد لاء أستاذ إيه بقى طلاما IT يبقى مهندس سيد
و فرصه سعيده إنى إتعرفت بحضرتك شخصية محترمة والله
و سبحان الله كنت متوقع برده إنك مختصر إسمك بطريقة ما , بس طبعاً مش بالطريقه ادى :)

[elshrpeny]

دة المفروض فأي عربية
لكن الموضوع دة غريب حبتين
بس ان شاء الله يطلع حاجة بسيطة

بإذن الله

[gabbbr]

تحياتى استاذ orabio
و انا عايز اراجعك فى انى مجبتش سيرة الزيت خالص لانى عارف ان الدبرياج عندك مش هيدروليك زى بعض انواع البيجو موضوع الزيت اثارة الاستاذ محمد سيد
اما عن موضوعك فاغلب الظن ان العيب الاساسى فى الديسك لانه ممكن تكون خامته غير مطابقة للمواصفات و انا معرفش انت غيرت الديسك امتى و نوعه ايه و طبعا قالولك انه المانى و انا اشك فى ذلك حتى و لو كانت اسمائها brand names عموما علشان نأكد انه ديسك على حد علمى نجرب حاجة مع بعض حضرتك بعد ما توصل لدرجة الحرارة المسببه للمشكله اطفئ السيارة بعد ما تركن على جنب طبعا و جرب تدى الخامس و تمور او تنزل لاى غيار انتى عايزه لو محصلش مشكله يبقى الفتيس سليم و الديسك هو سبب المشكله لان و ظيفة الديسك هى فصل الحركة عن الفتيس لاعطاء الفرصة لتبديل الغيارات زى ما انت عملت لما طفيت المحرك مش كدة يبقى الديسك او وسيلة تشغيل الديسك اللى هى رجلك و السلك و المعلقة التى داخل الفتيس هى و سائل تشغيل الديسك و طبعا انت تأكدت ان السلك جيد و رجلك تمام و المعلقة لو وحشه هتتعبك فى كل الاوقات يبقى الديسك لما بيسخن بيحصله حاجة من اتنين اما انه بيتمدد فبيقل مقدار المسافة اللازمة للفصل او ان مرونته بتتغير و مش بيتقوس بدرجة كافيه و افتكر انك هتواجه صعوبه فى تعشيق الغيار الاول و المارشداريار ( المارشدير ) و هتحس انك بتحشر الغيار حشر و لو حصل لديك قناعة ان العيب هو الديسك فارجوك انك تجيب مجموعة دبرياج استيراد من موتور مقفول من باعة الاستيراد لان الانواع الموجودة فى السوق غير مضمونة المصدر و انا هرفق لك فيلم يبسط لك طريقة عمل مجموعة الدبرياج هذا و الله اعلم
‫شرح كيف يعمل الدبرياج‬‎ - YouTube

[elshrpeny]

أفادكم الله يا أستاذ جابر
معلومات قيمة , جزاك الله خيراً

[gabbbr]

و جزاك و اتمنى انها تحل مشكلتك باذن الله

[elshrpeny]

إن شاء الله تتحل و تبقى تمام التمام بإذن الله

[orabio]

مشكور استاذ جبر على تعبك اوى معايا واهتمامك
انا انشاء الله النهاردة هاجرب كلام حضرتك وهارد على حضرتك بالنتيجة حصل ايه بالضبط

[eemmoo]

على فكره انا عندى برده كل ما العربيه بتسخن كل ما الدبرياج بيكون اتقل
لكن النقلات بتكون عاديه ماعدا المارشدير بيكون تقيل لما العربيه بتسخن وبيكون ناعم وهى بارده

[orabio]

السلام عليكم استاذ جبر
اولا الموتور ده استيراد بالكامل بالفتيس والكنترول وانا اول حاجة اغيرها فيه هى البوجيهات فقط
انا جربت ركنت العربية على جنب الطريق بعد لما سخنت وجربت اجيب الخامس عادى وبيفصل عادى بس برضو تقيل
وشغلت العربية تانى وطلعت على الثالث طلعت عادى منغير ما تبطل ومشيت طبيعى جدا كانى طالع على الاول وبدون اى رجة خالص بس الدبرياج بيعمل صوت وهو تقيل تزييق والخامس تقيل

[gabbbr]

و عليكم السلام و رحمة الله
طيب انت متأكد ان سلك الدبرياج جيد لانه ممكن شكله الخارجى يكون سليم لكن من الداخل ممزق و يتقل الحركة و ممكن ايضا بالاضافة للسلك تكون عصاية الفتيس عايزة تترجلش لانك بتشتكى من صعوبة تعشيق الغيار الخامس فقط على ما فهمت و فى اسباب اخرى ان قواعد الموتور ممكن تكون احدهم مضغوطه فتؤدى لميل الموتور ميل لا تستطيع ان تلاحظه بالعين لكنه يؤثر على توجيه الغيار من العصاية انا عارف انك رابط المشكله بالسخونه بس ممكن تكون السخونه احد عناصر المشكله و هى لا تؤثر الا على الديسك و الاسطوانه و لزوجة زيت الفتيس اما بالنسبة لصوت الدبرياج الناتج عن دوسة القدم فقط فده ينسب للبليه
بس احب اسئلك كل الغيارات سهلة الفصل و التعشيق باستثناء الخامس و لو كان ده صحيح جربت تجيب الخامس على سرعة التالت او الرابع و كان صعب ؟؟ ياريت تعرفنى