باسات و مشكله التسقيف

[SYD]

أكيد بتهزر يابشمهندس؟؟!!!
ههههههههههههههههه

anyway: لما ييجى الراجل صاحب الموضوع الأستاذ kimoboy
ممكن نشوفه بيحط بنزين منين فـ القاهرة.. وممكن بردو نقوله عـ التركيبة بتاع الأوكتان 97/98 بمقياس FORM

معلش انا مش فاهم وجه اعتراض حضرتك علي ايه؟؟

[ahmedsadek82]

انا عندى باسات 2008 fsi بلبنزين 95 بتسقف احيانا مفيش حل للمشكله دى

بالنسبة للتسقيف engine knocking المفروض مايحصلش تحت اي حال من الأحوال بسبب وجود حساس اسمه knock sensor او بيسموه حساس الكرنك ودة بيظبط توقيتات الأشعال ووظيفته انه يمنع التسقيف حتي لو حطيت بنزين 80 او لو اديتها الرابع علي سرعة 20 (دة بفرض لو انها مانيوال)

ممكن التسقيف يكون بسبب فعلا خلف التقسيمة (تركيب سير الكاتينة بشكل خاطئ)
او لو حضرتك بتقصد حاجة تانية وغلطت في التعبير

لكن محرك لفولكس يسقف - دي حاجة غريبة عليا

ولو عايز تطمن تماما - شيل كابل البطارية لمدة 5 دقايق ورجعه تاني - هتعمل ريسيت reset لكنترول العربية وبالتالي لو ماكنش الكنترول متعرف علي نوعية البنزين اللي في التانك هيتعرف عليه من جديد

ولما تدور (بفرض ان العربية بتدور بمفتاح وليس بزرار start/stop engine) افتح كونتاكت وسيبه لمدة 5 ثواني - علشان الكنترول بيعمل تشيك كامل علي كل الحساسات خلال 5 ثواني قبل ادارة المحرك

جرب وقلنا النتيجة


تحياتي

أعتقد الـfsi كاتينة جنزير timing-chain زى مواتير الأودى العالية 2.0/3.2 fsi مش cambelt؟!!

وحتى لو إتغيرت.. بيبقى ليها unlock tools (فـ التوكيل وبرا) ولو مش locked صح:
الطلمبة الـhpfp الحقن المباشر مش هتشتغل لأنها شغالة بـrocker-arms من الكامات!
يعنى الموتور مش هيدور أصلا.. وهتدى error ecl من حساسات الـstroke والـcam-position سنسور؟!!!

شوف ياباشا:
لو بتحط 95 من بنزينة تمام، ممكن تبقى المشكلة فـ رواسب carbon-deposits عـ الصبابات؟؟!!!
ودى للأسف مشكلة شائعة فـ مواتير الحقن المباشر!!
حاول تستخدم complete fule system cleaner مركز زى الـstp أو الـcyclomax44
- هو بردو مش هيعدى مباشرة على صبابات الـintake (لأن سحب الهواء لوحده والبنزين حقن لوحده)
بس بيعدى عليها لما الـegr يفتح أو تزامن فـ توقيت فتح صبابات الـexhaust مع السحب عشان يدور جزء من العادم -فـ مانيفولد الـintake لزيادة كفاءة الحريق؟!!
ممكن ينظفها..

والله أعلم

يا ريت توضح وتوصف بالظبط ايه اللى بيحصل معاك لأن عربيتك stock وموتور مش تربو فإحتمالية ال knocking ضعيفة شوية و ال knocking مش هايحصل غير لما تحط بنزين مغشوش .
يعنى ايه اللى بتحس بيه بالظبط وبتحصل على انهى rpm range

و تراكم الكربون على ال intake valves زى أى موتور direct injection هايعمل misfire مش knocking .

ولو محتاج مساعدة ممكن تبعتلى على الخاص أكشف لك عليها عشان معايا جهاز vagcom بأستخدمة فى عربيتى

للأسف :t_thum1[1]:

كل اللي راكبين فولكس محرومين من تسقيف الموتور (او الصنايعية بيسموها الموتور بيسوك)
راجع المشاركة السابقة هتفهم اقصد ايه

اما لو نفسك تعرفه - اركب عربية كربراتير او بتكنولوجيا اقل من فولكس وليكن عربية كوري - واديها الرابع علي مطلع وانت علي سرعة قليلة - هتعرف يعني ايه موتور بيسوك او بيسقف

تحياتي

اولا الباسات الfsi نسبة الانطغاط 1:12 و ديه نسبه عاليه جدا يجب استخدام بنزين اوكتين عالي عشان ميسقفش , ال95 اوكتين هو اقل اوكتين ممكن يستخدم و المثالي 98 اللي مش موجود في مصر طبعا

ثانيا : انت ضامن ان ال95 اللي في المحطات 95 ؟ مش 93 مثلا ؟؟ ,, متقلقش عامة كل الباسات بتسقف بال95 عادي و بيبان في المطالع قوي ,,,عربيتك مفيهاش مشكله اؤكد لك ,,, ما تقلقش

[kimoboy]

ودلوقتى 95 ب 5 جنيه و 80 قرش
:):)

[hany63]

اولا الباسات الfsi نسبة الانطغاط 1:12 و ديه نسبه عاليه جدا يجب استخدام بنزين اوكتين عالي عشان ميسقفش , ال95 اوكتين هو اقل اوكتين ممكن يستخدم و المثالي 98 اللي مش موجود في مصر طبعا

ثانيا : انت ضامن ان ال95 اللي في المحطات 95 ؟ مش 93 مثلا ؟؟ ,, متقلقش عامة كل الباسات بتسقف بال95 عادي و بيبان في المطالع قوي ,,,عربيتك مفيهاش مشكله اؤكد لك ,,, ما تقلقش

هو ده الكلام الصح المختصر المفيد

[hany63]

ما لهاش بسبب ان البنزين ٩٥ مضروب و للاسف ان ده اقل اوكتان يشغلها
ما تركزش معاها كله بيسقف و ابقى سايسها

و دي اول مشاركه في الموضوع نفس الكلام

[authority973]

اولا الباسات الfsi نسبة الانطغاط 1:12 و ديه نسبه عاليه جدا يجب استخدام بنزين اوكتين عالي عشان ميسقفش , ال95 اوكتين هو اقل اوكتين ممكن يستخدم و المثالي 98 اللي مش موجود في مصر طبعا

ثانيا : انت ضامن ان ال95 اللي في المحطات 95 ؟ مش 93 مثلا ؟؟ ,, متقلقش عامة كل الباسات بتسقف بال95 عادي و بيبان في المطالع قوي ,,,عربيتك مفيهاش مشكله اؤكد لك ,,, ما تقلقش

كلام سليم, انا معايا باسات 2008 FSI اخت عربييتك وبرده ساعات بتسقف, ومبحطلهاش غير 95, وسألت واحد صاحبى معاه نفس الغربيه بس 2009 وبرده بيحط 95 و قالى بتسقف برده, ملحوظة: حتى لو ال knocking sensor شغال انت ممكن تسمع صوت تسقيف, ف هو حاجة من الاتنين يا اما عربيتك سليمه ومفيهاش حاجة يا إما كل عربياتنا بايظه :), ملحوظة تانيه انا جربت احط 95 من مختلف بنزينات مصر علشان الموضوع ده موبيل, شيل, وطنيه, امارات مصر, وبرده بتسقف, التسقيف بيبقى على RPM معين وعلى سرعه قليله مش علطول, التفويله الحايه بقى هتبقى اول مره احط فيها 92 من ساعة لما العربيه جت, واما نشوف التسقيف هيبقى عامل ازاى وربنا يستر.

[hany63]

بلاش ٩٢ هيخلص على الموتور
اذا كان ال ٩٥ بتاع بلدنا مش كافي يبقى ال ٩٢ هيعمل ايه

منه لله اللي كان السبب

[TRABYA]

انا معايا باسات 2008 هاي لاين ملخص الموضوع ده كله في حاجه واحده وماتخليش حد يلعب في دماغك ويقولك حساس وفي مشكلة والكلام ده كله ، المشكلة في البنزين اقل حاجه ليها 95 وللاسف ال95 في مصر مغشوش زي اي حاجه فابلتالي بتسقف معاك لو انت ماشي علي مهلك ودوست بزين عشان تسرع شوية ، ده كل الموضوع

[Said Kotb]

كلام سليم, انا معايا باسات 2008 fsi اخت عربييتك وبرده ساعات بتسقف, ومبحطلهاش غير 95, وسألت واحد صاحبى معاه نفس الغربيه بس 2009 وبرده بيحط 95 و قالى بتسقف برده, ملحوظة: حتى لو ال knocking sensor شغال انت ممكن تسمع صوت تسقيف, ف هو حاجة من الاتنين يا اما عربيتك سليمه ومفيهاش حاجة يا إما كل عربياتنا بايظه :), ملحوظة تانيه انا جربت احط 95 من مختلف بنزينات مصر علشان الموضوع ده موبيل, شيل, وطنيه, امارات مصر, وبرده بتسقف, التسقيف بيبقى على rpm معين وعلى سرعه قليله مش علطول, التفويله الحايه بقى هتبقى اول مره احط فيها 92 من ساعة لما العربيه جت, واما نشوف التسقيف هيبقى عامل ازاى وربنا يستر.

يا تري ايه اخبار عربيتك مع تفويلة ال 92 ؟

بتسقف زي الاول ولا اعلى في معدل التسقيف وقوته؟؟

[authority973]

يا تري ايه اخبار عربيتك مع تفويلة ال 92 ؟

بتسقف زي الاول ولا اعلى في معدل التسقيف وقوته؟؟

التسقيف طبعا زاد, بس مش زى ما انا كنت متخيل, و مش علطول برده, وفرق الأداء كسحب وكده بسيط جدا و مش ملحوظ بدرجه كبيره, الخلاصة 92 شغال معايا زى الفل ومن غير اضافات, وسألت واحد صاحبى مهندس كان شغال فى توكيل فولكس, قالى حط 92 عادى ومش لازم تحط عليه حاجه كمان, بس ممكن تبقى تفول تفويله 95 كل فتره, وسألته على حكاية ان التوكيل بيقول ال tsi تمشى ب 92 لكن ال fsi لأ, قالى العكس هو الى صح, والكلام ده كلو علشان يبيعو وخلاص.