باراتي ماباقتش ناعمة !!!

[amrh]

السلام عليكم ورحمة الله وبركاته


معايا باراتي 2005 .. العربية مابقتش ناعمة في النقلات.. يعني الاول والتاني والتالت بقيت رد فعلها لما تدوس بنزيل عالي اوي وتلاقي العربية بتنط.. غير الاول كانت بتعلى بنعومه لما تغير حتى لو غيرت فجأه..

قالولي برمجة العربية عايزه تتعدل.. واتقالي كلام كتير..

فانا عايز اعرف المشكلة من ايه ..؟؟

[SYD]

انت فتيس مانيوال ولا اوتوماتيك ؟

[amrh]

مانيوال

[SYD]

طب ممكن توضح اكتر مشكلتك
يعني بتنط دي معناها بترجرج
ولا بتكتم وبعدها تفتح عادي
ولا الأر بي ام بيعلي ومفيش استجابة

برجاء وصف اوضح للمشكلة - عشان نقدر نساعدك ان شاء الله

[amrh]

لا لا لا.. هيا مممكن تقول كده حساسيتها عالية بزياده للبنزين..

هيا بترجرج لو انا شلت رجلي من على الدبرياش بسرعه.. فلازم انا اشيلها واحده واحده.. الرجرجه ده بتحصل بردو لما مثلا اكون على الاول مثلا في زحمة فاحيانا بتمشي على الاول.. بس لما السرعه تقل بتشيل رجلك من على البنزين عشان العربية تمشي لوحدها لاقل سرعه من غير ما تقف .. فلما السرعه تنزل لاقل مستوى قبل الاخر خالص بترجرج هزتين كده وبعدين تبقى عادي ماشية على الاول.. فبالتالي مضطر ادوس دبرياش او امور العربية عشان اتفادى الهزة ده..

[amrh]

ولما بدوس بنزين بحس ان العربية بتندفع .. كان الاول بتبقى سلسه في الحركه لما بتدوس بشويش.. دلوقتي لازم تدوس دبريشان وبنزين وتزود السرعه وتشيل رجلك من الدبرياش واحده واحده عشان الاندفاع ده مايحصلش..

اتمنى اكون وضحت الفكره بقدر الامكان

[SYD]

جرب ترش wd-40 علي سوستة دواسة البنزين (أقصد السوستة اللي عند البوابة - لو فرضنا ان البوابة عندك عادية مش كهربا)

اعتقد ان العيب فأن الدواسة بتعلق

تشيك عموما الجزئية دي

وقولنا علي النتيجة
عشان لو كدة نبحث في حتة تانية

تحياتي

[amrh]

معلش اعذرني انا مش فاهم حاجه..

ايه wd-40..؟؟

والسوسته ده فين مكانها..؟؟

واصدك بايه البوابه..؟؟

[SYD]

معلش اعذرني انا مش فاهم حاجه..

ايه wd-40..؟؟

والسوسته ده فين مكانها..؟؟

واصدك بايه البوابه..؟؟

مش هقدر اوصفلك - بس بمنتهي البساطة
البوابة هي منفذ دخول الهوا للمحرك
وطبعاً الرشاشات هي مصدر البنزين
والبوجيهات هي الشرر
وبأجتماع الثلاث عناصر
يحدث الأحتراق الداخلي

شوف الموضوعات دي هتتعرف شوية اكتر علي ميكانيكا السيارة بتاعتك

http://www.nilemotors.net/Nile/267500-a.html#post3874060499

http://www.nilemotors.net/Nile/298416-a.html#post3874421273

اما عن الwd-40 فدة سائل تنظيف وازالة الصدأ ويعمل علي تزييت المعدات وأشياء اخري كثيرة

منتظرك بعد قراءة الموضوعين السابقيين

تحياتي

[SYD]

الصورة دي من موضوع تنظيف البوابة خطوة خطوة - بالصور



فيها البوابة - وانا فاتحها بأيدي
شوفت انا بزق ايه ؟؟؟
بزق السوستة اللي بتفتح البوابة - وملفوف حول البكرة السوستة - وراكب في البكرة الواير المتوصل بدواسة البنزين

انت هترش wd-40 علي السوستة دي عشان تزيتها شوية وتنعم حركتها

تحياتي

[hamada_elzayat]

لو العربيه طلعتها بقت بتنتش معاك ولو مشيت على غيار عالى بسرعه واطيه نسبيا برضو ترجرج وتحس انك لازم تحايل دواسه الدبرياج اكتر من الازم ( بالشعره ) ممكن تكون كابلات الكهربا
انا عملت معايا كده وظبطت لما غيرتهم
بس بدل ما تغير عشان غاليين جرب تروح لميكانيكى يجربهملك بكابلات شغاله كويس
انا فتحت الكبوت فى حته ضلمه جداااااااااااا لقيت الكابلات كانت بتشرز وربنا سترها الحمد لله
ابقى طمنا عملت ايه

[reda elgohary]

انا كان عندي نفس المشكلة ف الفورد ،، ممكن تلاقى المشكلة زي ما قال لك العضو الكريم ،أو سلك البنزين أو الزيت بتاع الدواسات أقصد تراجع ميكانيكى ف ضبط الدبرياج بعد تنظيف السلك وتشحيمه .

[amrh]

كتر خيرك والله..
افدتني وان شاء الله بس افضى واعملها بنفسي..
بس تسمحلي .. هوا الـ wd-40 بيتجاب منين ؟؟
من اي محل بتاع عربيات واكسسواراتها ولا ناس معينه..؟؟

[SYD]

كتر خيرك والله..
افدتني وان شاء الله بس افضى واعملها بنفسي..
بس تسمحلي .. هوا الـ wd-40 بيتجاب منين ؟؟
من اي محل بتاع عربيات واكسسواراتها ولا ناس معينه..؟؟

بالظبط كدة
من اي حد بتاع اكسسوارات

[amrh]

الف شكر ليكو جميعا على المساعده..

حعمل بنصيحتكم ان شاء الله..