مشكلة صيانة البوينتر الازلية وحلها

[eraser]

مبدئيا كدا احب اعرفكوا بنفسى
م/ شريف اشرف - مهندس كهربا
انا بقالى تقريبا 6 سنين راكب فولكس كان معايا جولف 2 وسقطلها حوض كامل وعفشة خلفية فى الحرفيين ودا موضوع طويل عايز موضوع لوحده و دلوقتى معايا بوينتر 1600 cc موديل 2005
البوينتر عربية كويسة بس مظلومة فى مصر باختصار هيا اقل من عربيات فولكس وسيات اخواتها فى شوية حاجات بس انا بردوا شايفها عربية هايلة بالمقارنة بمعظم العربيات عشان هيا بردو فيها ثبات واعتمادية واستجابة فولكس
اكبر مشاكل البوينتر هيا الصيانة لان ناس كتير كويسة مش بيحبوا يشتغلوا فيها و فيه ناس تانية بتعك وعشان كدا انا عملت الموضوع دا عشان اوفر على الناس التانية تجاربى واستفيد منهم كمان لو حد ممكن يضيف حاجة وهكتب كل تجربة في مشاركة

[eraser]

م/ هاني عصمت - جسر السويس
راجل محترم جدا وفاهم كويس اوى بشهادة كل الناس هنا
مشكلته الصنايعية عنده زفت فى المعاملة وكمان الاداريين بس فاهمبن كويس وكمان هو زحمة علطول ومشغول والمصنعية غالية
انا كنت بمشى من عنده راضى جدا عن مستوى الشغل بس مخنوق من الصنايعية بس لو انت مش من النوع اللى بيحب يفهم ايه اللى بيتعمل فى العربية و موضوع الفلوس مش مشكلة هيبقا كويس

[eraser]

الزعيم - صقر قريش
محترم فى المعاملة - ما عجبنيش شوية شغله فى البوينتر بس الناس بتشكر فى شغله فى الابيزا وكمان مصنعياته غالية

[eraser]

م/ ايمن الصاوى - سوق السيارات - م نصر
ما عملتش عنده شغل كتير بس غيرت التيل و ما رضيش يغيرلى زيت الفرامل عشان الصح انه ما يتغيرش حتى لو الكتالوج قال غير كدا وبالعافية غيرلى مبرد الرادياتير اللى المفرض ازوده بس بردوا
هوا كمان بيشتغل بايده بس هوا كان مخنوق اوى وهوا شغال فى البوينتر
هوا راجل محترم فى المعاملة ومصنعياته معقولة جدا شفت عنده كام عربية a5

[eraser]

احمد عزت - جسر السويس
ده اللى عرفنى عليه اخونا م/ ايهاب منصور من قسم سيات ربنا يجازيه خير
الراجل محترم برده فى المعاملة هوا كان مشغول وعنده شباب كويسين عملت عنده شغل عفشة و هوا ظبطلى كهربة الموتور والناس بتنجز الصراحة والشغل انا راضى عنه وكمان جنبهم بتوع قطع غيار لقيت عندهم اللى انا عايزو

[vito amen]

السلام عليكم ...

يا شباب انا عضو جديد ومش عارف ازاى اكتب موضوع وانشره زيكو ياريت حد يفيدنى ويقولى ازاى اكتب موضوع جديد

[eraser]

فى الصفحة اللى فيها المواضيع تحت بعض فوق فى اليمين مربع "موضوع جديد"

[shenotty1110]

م/ شريف - انا اشتريت بوينتر 2005 - 1000cc من كام يوم فيا ريت لو تقولنا عناوين مراكز الصيانة و قطع الغيار بالظبط و بالذات اللى حوالين منطقة جسر السويس والزيتون - و ايه انطباعك عن البوينتر مميزاتها و عيوبها - و بشكرك جدا

[eraser]

م/ شريف - انا اشتريت بوينتر 2005 - 1000cc من كام يوم فيا ريت لو تقولنا عناوين مراكز الصيانة و قطع الغيار بالظبط و بالذات اللى حوالين منطقة جسر السويس والزيتون - و ايه انطباعك عن البوينتر مميزاتها و عيوبها - و بشكرك جدا

مراكز الصيانة انا نصيحتى تبدأ ب احمد عزت لو صيانة عادية وخلى م/هانى للحاجات الصعبة
احمد عزت موجود خلف حديقة بدر - جسر السويس ورقمه 01272020556
وابقى قوله انك من نايل موتورز عشان انا فهمته ان الشغل اللى بيعمله لاى حد فينا الناس كلها بتعرفه و انه لازم يهتم بينا وكده
ممكن تفكره بيا انا كنت عنده قريب معايا بوينتر شامبين وعملت شغل فى العفشة وكمان اللى عرفنى عليه م/ايهاب منصور من قسم سيات احمد عزت عارفه

بالنسبة لقطع الغيار موجودة جنبه عند محل اسمه اولاد عويس دول ناس كويسة جبت منهم اللى كنت عايزو ولو عايز محلات تانى فى ف شارع دمشق والتوفيقية كتير معمول عليها موضوع

http://www.nilemotors.net/Nile/365867-a.html

[ehab_mansour]

جزاك الله خيرا يا مهندس شريف علي نقل تجاربك لأن المواضيع دي مهمة جدا لأي حد جديد

[eraser]

جزاك الله خيرا يا مهندس شريف علي نقل تجاربك لأن المواضيع دي مهمة جدا لأي حد جديد

واياكم يا م/ايهاب دا من بعض ما عندكم
الواحد بيحاول يرد شوية من اللى اتعلمه من المنتدى ومن الخبراء اللى زى حضرتك

[shenotty1110]

شكرا جدا يا بشمهندس شريف على ردودك واهتمامك معلش انا كنت عايز اسأل عن سير الكاتينة المفروض يتغير كل كام كيلو؟ وسعره كام لانى عايز اغيره احتياطى لانى مش عارف هو بقاله قد ايه فى العربية

[eraser]

شكرا جدا يا بشمهندس شريف على ردودك واهتمامك معلش انا كنت عايز اسأل عن سير الكاتينة المفروض يتغير كل كام كيلو؟ وسعره كام لانى عايز اغيره احتياطى لانى مش عارف هو بقاله قد ايه فى العربية

العفو يا باشا دا واجبى واهلا بيك ومبروك عليك العربية
سير الكاتينة المفروض يتغير كل 50000 كم على كلام التوكيل بس عشان احنا بنعمل الصيانة برا التوكيل وكمان مش ضامنين قطع الغيار يا ريت بيقا اقل من كدا خصوصا انو مش غالى وغير كمان معاه بلية الكاتينة عشان دى اللى بتشد السير وكمان غير سير المجموعة واكشف على باقى البلى والشدادات
مهم جدا انك اول ما تشترى عربية تغير السير حتى لو صاحبها قالك لسه مغيره عشان قطع السير مالوش اعراض
انا اخر مرة جبت سير الكاتينة كان conti المانى بحوالى 80 ج تقريبا وبلية كاتينة مش فاكر اوى بس اكتر من 250 ج نوعها تشيكي وسير المجموعة حوالى 110 ج بردو conti
انا عرفت بعد كدا ان وكيل سيور continental هوا شركة smg وكيل سيات القديم وكمان شركة a-parts وكيل سيور بوش ممكن تلاقه عندهم وعليه ضمان
لو محتاج بياناتهم قوللى
ولو محتاج ميكانيكى قوللى وياريت تقولنا عربيتك موديل كام

[ma7mood_3ly]

يا ريت لو في ميكانيكي محترف في البيونتير ومكان لقطع الغيار باسعار حلوة مع العلم انى من المنصورة يعني مشوار الصنايعي لازم يكون في السليم والمشكله مترجعش تاني وشكرا يا بشمهندس

[eraser]

انا شايف انك تروح لصنايعى عندك كويس احسن الا لو مشكلة صعبة ساعتها روح لمهندس هانى عصمت اللى فى جسر السويس ورا حديقة بدر
هوا كويس بس اسعاره غالية
المهم زميلنا م/ايهاب منصور فى قسم سيات بيتعامل مع ميكانيكي كويس فى المنصورة ممكن يديك بياناته تحب تساله انت ولا اسالهولك انا ؟؟