مشكلة صيانة البوينتر الازلية وحلها

[shenotty1110]

العفو يا باشا دا واجبى واهلا بيك ومبروك عليك العربية
سير الكاتينة المفروض يتغير كل 50000 كم على كلام التوكيل بس عشان احنا بنعمل الصيانة برا التوكيل وكمان مش ضامنين قطع الغيار يا ريت بيقا اقل من كدا خصوصا انو مش غالى وغير كمان معاه بلية الكاتينة عشان دى اللى بتشد السير وكمان غير سير المجموعة واكشف على باقى البلى والشدادات
مهم جدا انك اول ما تشترى عربية تغير السير حتى لو صاحبها قالك لسه مغيره عشان قطع السير مالوش اعراض
انا اخر مرة جبت سير الكاتينة كان conti المانى بحوالى 80 ج تقريبا وبلية كاتينة مش فاكر اوى بس اكتر من 250 ج نوعها تشيكي وسير المجموعة حوالى 110 ج بردو conti
انا عرفت بعد كدا ان وكيل سيور continental هوا شركة smg وكيل سيات القديم وكمان شركة a-parts وكيل سيور بوش ممكن تلاقه عندهم وعليه ضمان
لو محتاج بياناتهم قوللى
ولو محتاج ميكانيكى قوللى وياريت تقولنا عربيتك موديل كام

الف شكر يا بشمهندس بصراحة مش عارف من غيرك اعمل ايه بجد انت راجل محترم
بص يا هندسة انا عربيتى موديل 2005 وهى 1000 سى سى وياريت تقولى على ميكانيكى يكون معرفة وكويس يغيرلى السيور وياريت كمان تقولى اضمن مكان اجيب منه قطع الغيار

[ma7mood_3ly]

يا ريت يا بشمهدس لو تعرفلى كل الصنايعيه ( كهربا و عفشه وميكانيكا) اللى شغالين فيها الكويسين اللى في المنصورة لان انا متبهدل اخر بهدلة هنا سواء من نفخ المكاوي بتاع قطع الغيار او الصنايعيه اللى مبتفهمش وعشان المشكلة تتحل لازم اروح خمس او ست مرات للصنايعي والف شكرا على اهتمامك وردك وبجد انت راجل قمه في الاحترام والاخلاق

[eraser]

الف شكر يا بشمهندس بصراحة مش عارف من غيرك اعمل ايه بجد انت راجل محترم
بص يا هندسة انا عربيتى موديل 2005 وهى 1000 سى سى وياريت تقولى على ميكانيكى يكون معرفة وكويس يغيرلى السيور وياريت كمان تقولى اضمن مكان اجيب منه قطع الغيار

روح لاحمد عزت يغيرلك السيور لو انت قريب من جسر السويس وقوله انك تبع الجروب بتاع نايل موتورز زى م/شريف بتاع العربية البوينتر الشامبين عشان انا قايله يهتم بينا زيادة عشان اللى هيعمله مع اى حد فينا هيسمع وخلى كلامك مع احمد نفسه (ممكن يعملك الشغل حد تانى) بس تفهم احمد اللى انت عايزه وما تتعاملش مع راجل كبير كدا مليان هناك
موضوع قطع الغيار ماقدرش اضمنه بس هما جنبهم هناك ولا عويس دول جبت من عندهم شوية حاجات كانت كويسة
وفيه باقى الناس بتوع دمشق والتوفيقية كل واحد عنده حاجات كويسة وحاجات ولا

[eraser]

يا ريت يا بشمهدس لو تعرفلى كل الصنايعيه ( كهربا و عفشه وميكانيكا) اللى شغالين فيها الكويسين اللى في المنصورة لان انا متبهدل اخر بهدلة هنا سواء من نفخ المكاوي بتاع قطع الغيار او الصنايعيه اللى مبتفهمش وعشان المشكلة تتحل لازم اروح خمس او ست مرات للصنايعي والف شكرا على اهتمامك وردك وبجد انت راجل قمه في الاحترام والاخلاق

حاضر هسالك م/ايهاب منصور
وانت كمان ممكن تبعتله هو راجل خدوم جدااااا ودا لينك ال profile بتاعه ابعتله رسالة
نايل موتورز - NileMotors.net

[Mido Pasha]

الف شكر على المعلومات دى يا بشمهندس شريف

[eraser]

الف شكر على المعلومات دى يا بشمهندس شريف

العفو

[Ahmed pico]

الراجل المليان اللى حضرتك بتول عليه ده 20 سنه شغل فى العربيات دى vw we seat we skodaبيبص للعربيه وهى جايه من العربيات القديمه يقولك فيها ايه بس للا سف احمد عزت بطل يشتغل فى الجولف 2 والابيزا القديمه شغلوا كله فى اللى بعد ال 2000 ونادرا لما تلاقى عنده بولو واقفه كلها عربيات جديده وعلى فكره جمال اللى شغال استقبال هناك اللى بيكشف على العربيات هناك مهندس سيارات ودفعتى

[eraser]

الراجل المليان اللى حضرتك بتول عليه ده 20 سنه شغل فى العربيات دى vw we seat we skodaبيبص للعربيه وهى جايه من العربيات القديمه يقولك فيها ايه بس للا سف احمد عزت بطل يشتغل فى الجولف 2 والابيزا القديمه شغلوا كله فى اللى بعد ال 2000 ونادرا لما تلاقى عنده بولو واقفه كلها عربيات جديده وعلى فكره جمال اللى شغال استقبال هناك اللى بيكشف على العربيات هناك مهندس سيارات ودفعتى

انا ماليش دعوة الراجل خبرة كام سنة انا اللى اعرفه انه عمل معايا موقف مش كويس جاب قطعة غيار وباعهالى اغلى من تمنها (كنت سائل عليها عند نفس الراجل اللى جاب منه)
وجمال ده اللى بيمشى ماسك ورقة وقلم ولا الطويل الرفيع اللى بيلبس jeans وهادى شوية ؟؟

[حازم حسن]

م/ هاني عصمت - جسر السويس
راجل محترم جدا وفاهم كويس اوى بشهادة كل الناس هنا
مشكلته الصنايعية عنده زفت فى المعاملة وكمان الاداريين بس فاهمبن كويس وكمان هو زحمة علطول ومشغول والمصنعية غالية
انا كنت بمشى من عنده راضى جدا عن مستوى الشغل بس مخنوق من الصنايعية بس لو انت مش من النوع اللى بيحب يفهم ايه اللى بيتعمل فى العربية و موضوع الفلوس مش مشكلة هيبقا كويس

مكانه فين تحديدا فى جسسر السويس

[حازم حسن]

لو سمحت المهندس هانى عصمت فين تحديدا فى جسر السويس

[حكمت]

لوسمحتم انا عندى عربية بوينتر ٢٠٠٥ عاملة ٩٣٠٠٠ كم. عندى مسكلة ان فيه زيت بيسرب فى الدواسة وقالولى ان فيه مشكلة بعلبة الدريكسيون. انا محتاجف حد شاطر يصلح لى المشكلة دى افيدونى لو سمحتم