بولو 2004 عاوزه رايكم

[onaraider]

السلام عليكم يا اخوانى

معاكم رانيا من الامارات انا كنت نازله مصر اجازه على العيد ان شاء الله ووصيت واحد قريبى يجبلى عربيه حلوة فى حدود 60 الف
قلى على كذا موديل المهم نصيبنا جه فى البولو 2004 العيون
لونها فضى
انا كان معايا دايو لانوس 2000 و دلوقتى خلاص جبت البولو 2004 انا بحكم انى بنت مبفهميش قوى فى العربيات
فا كنت عاوزه تقرير شامل و على فكره العربيه ما شاء الله نضيفه و هى بتاعت واحد معرفه و مركبلها جنوط و مظبتها و كله انا بس كنت عاوزه صور للعربيه موديل 2004 و مواصفتها و انا عاوزه اخلى العربيه دى عروسه و يا ريت تنصحونى كماليات ايه او حاجات ايه احطها

والف شكر ومستنيه ردكم و رمضان كريم علينا جميعا

[hazem_khidr]

تيجي بالسلامه ان شاء الله يا رانيا
دي صور البولو زي بتاعتك

احتمال يكون الدركسيون مختلف شويه عن الصوره اللي جايه:)

و دي صورتها من الخلف

عربيه ممتازه ما شاء الله بس اهم حاجه تكون حالتها كويسه
لان الموديل دا ظهر فيه عيوب في الكمبيوتر بتاعه
و واحد صاحبي ايام ما كنت في الامارات كان جايب واحد اتوماتيك و عملت معاه شويه مشاكل بس عالجها و ركبها.
اهم حاجه اللي اشتراهالم يكون متاكد منها

[dr_3eshoo]

اولا تيجي بالسلامه و تنوري
مبروك العربيه
العربيه 1000 سي سي واسعه من جوة
طبعا ماتستنيش منها اداء على قدها خالص
العربيه خلاص انتي اشتريتيها بس اول فرصه تبيعيها لان متورها ضعيف جدا
و مش بتستحمل
ترويش العربيه الوحيد انك تسقطي متور و عفشه جولف 4 من وجه نظري
لو هاتبيعيها يبقى ماتصرفيش عليها تتباع زي ماهيا علشان ماتخسريش فيها
و ربنا يديكي خيرها و يبعد عنك شرها

[onaraider]

dr 3esho heya 1400 cc
meen 2al anha 1000 cc
يعنى العربيه حلوه يا جماعه انا كانت ادامى هى والنيو اكسنت
طيب انا عاوزه اروشها كامليات
بس ايه نوع العيوب اللى انتوا بتتكلموا عنها اللى ممكن تظهر علشان لما تظهر اعالجها

[hazem_khidr]

معظم اللي في مصر 1000 سي سي
ال 1400 انا ما شوفتهاش غير في الامارات انما هنا لاء.
بالنسبه للعيوب فربنا يسترها معاكي انت اشتريتي و خلاص
هيا كلها عيوب كمبيوتر بس ما تقلقيش اوي مش حتحصل كتير
اما بالنسبه للكماليات فعاوز اعرف انت قصدك ايه
العربيه اكيد فيها باور و سنتر و تكييف و زجاج كهربا.
كماليات ايه اللي عاوزاها
ممكن تجيبي طقم زينون معاكي و انت جايه يكون كوري بلاش الصيني
و اسالي قريبك الواطي و العالي لمبه واحده و لا اتنين علشان تجيبي زي اللي فيها.
ممكن برضه تجيبي سينسور معاكي .
بس اكتر من كده مش حتحتاجي
الا لو طقم جنوط كمان و بكده يبقي كويس اوي:)

[onaraider]

يا جماعه والله 1400 سى سى
الواد بيحلفلى و بيقولى الرخصه برده 1400 سى سى

[onaraider]

انا كلمته دلوقتى بيقولى العربيه 1000 سى سى بعزم 1400 سى سى
انا شتمه وزعقتله ادفع 60 الف جنيه فى عربيه 1000 سى سى
انا مخنوقه قوى دى الانوس كانت 1500 سى سى
اسقط موتور ولا اعمل ايه انا مخنوقه قوى ويعنى ايه بعزم 1400 سى سى
ويعنى ايه بتقولوا ان الموتور ال 1000 سى سى اداءه ضعيف حد يقولى يا جماعه هيجيلى انهيار

[iBiZa]

انا كلمته دلوقتى بيقولى العربيه 1000 سى سى بعزم 1400 سى سى
انا شتمه وزعقتله ادفع 60 الف جنيه فى عربيه 1000 سى سى
انا مخنوقه قوى دى الانوس كانت 1500 سى سى
اسقط موتور ولا اعمل ايه انا مخنوقه قوى ويعنى ايه بعزم 1400 سى سى
ويعنى ايه بتقولوا ان الموتور ال 1000 سى سى اداءه ضعيف حد يقولى يا جماعه هيجيلى انهيار

الموديل دة فية منة 1400cc فعلا بس مش كتير.

ال1000cc بالنسبة لبنت مش هتحسى انة ضعيف, هيقوم بالواجب و زيادة.

و بعدين مش مستاهلة تسقيط ولا حاجة. انت اركبيها شوية و انشاءالله هتعجبك, و لو معجبتكييش, بيعيها و هاتى جولف4 بدل حوار التسقيط دة و فى الاخر نفس الفلوس تقريبا.

و بردة ركوب الVW حاجة تانية خالص حتى لو 1000cc

ممكن تجيبي طقم زينون معاكي و انت جايه يكون كوري بلاش الصيني
و اسالي قريبك الواطي و العالي لمبه واحده و لا اتنين علشان تجيبي زي اللي فيها.

هو لمبتين, الواطى H7 و العالى غالبا H1
مش مستاهلة تشيلى من عندك, الحاجات دية كلها موجودة هنا و تقريبا بنفس اسعار عندك.

ممكن برضه تجيبي سينسور معاكي .

دة بردة يتجاب من هنا و اكيد هتحتاجية عشان دهر العربية عالى.

الا لو طقم جنوط كمان و بكده يبقي كويس اوي:)

[/quote]

دية بردة من هنا و موجود الاصلى بتاعها استيراد.

[onaraider]

بس ايه موضوع بعزم 1400 دى
وكمان انا اخرى على الطريق 130 كيلو هتجيب مستريح ولا احزن على عمرى

[onaraider]

يعنى يا جماعه فى الركوب والجرى احسن من الالنوس 2000 اللى كانت معايا
ولا انا كنت نزلت ومطلعتيش

[iBiZa]

بس ايه موضوع بعزم 1400 دى
وكمان انا اخرى على الطريق 130 كيلو هتجيب مستريح ولا احزن على عمرى

ال1000cc و التكييف شغال تجيب معاكى 160

يعنى يا جماعه فى الركوب والجرى احسن من الالنوس 2000 اللى كانت معايا
ولا انا كنت نزلت ومطلعتيش

ركوبة و handling احلى بس جرى مع الlanos لأ طبعا الlanos تطلع منها, بس انت جايباها تشدى بيها ولا تركبى عربية حلوة و محترمة و تمشى معاكى كويس ؟؟

[onaraider]

اللانوس احلى؟
مفهمتكش
انا مش جايبه عربيه اجرى بيها انا جايبه عربيه شيك واستايل و نضيفه بس لما ااقول يا جرى اجرى يعنى تجيب 160 كيلو على الطريق بالتكييف مستريح؟؟

انا بسالك انا كان معايا لانوس 2000 ودلوقتى بولو 2004 انت شايف انا عملت Upgrade لنفسى كده ولا كده ايه ؟

[onaraider]

سؤال كمان لو سمحت يعنى ايه سينسور ؟:$
كمان انا عاوزها عربيه روشة كده اروشها ازاى

[onaraider]

مش عارفه الكلام فى الانجليش بيطلع مقلوب
انا ااقصد انا من اللانوس للبولو عملت فرق ولا كده مجددتيش

[iBiZa]

اللانوس احلى؟
مفهمتكش
انا مش جايبه عربيه اجرى بيها انا جايبه عربيه شيك واستايل و نضيفه بس لما ااقول يا جرى اجرى يعنى تجيب 160 كيلو على الطريق بالتكييف مستريح؟؟

تجيب ال160 مستريح.
انا قلت لو قارنا الجرى بتاع الLanos 1500 بالPolo 1000 فا اكيد الLanos بتجرى عنها.

سؤال كمان لو سمحت يعنى ايه سينسور ؟:$
كمان انا عاوزها عربيه روشة كده اروشها ازاى

Parking Sensor عشان الشنطة بتاعتها عالية شوية.
اللى عايزاة بأة, تعالى اركبيها الاول و بعدين احكمى عليها و شوفى ممكن تعملى فيها اية, فية حاجات كتير اوى ممكن تتعمل فى اى عربية.

انا ااقصد انا من اللانوس للبولو عملت فرق ولا كده مجددتيش

عملتى فرق طبعا و كدة اكيد دة upgrade