بولو 2004 عاوزه رايكم

[onaraider]

Parking Sensor ya3an eh
sam7ny ma3rfesh :$ :$ :$
w alf shokr 3ala mos3dtek w kalamak al gameel

[iBiZa]

الparking sensor دية حساسات بتركب فى الاكصدام الخلفى عشان تديكى alarm لما تكونى راجعة بدهرك و تقربى اوى من الالعربية اللى وراكى بحيث ما تخبطيش فيها.

و شكلهم زى اللى فى الصورة دية:

http://reverseparkingsensors.co.uk/photos/Ford-Focus-with-4004-parking-sensor-kit.jpg

يا ستى انتى تؤمرى و لو عايزة اى حاجة تانى اسألى علاطول.

[onaraider]

bata3t atabeh al sayra targa3 2ala al khalf :D

la la msh style :D
w de bakam ba2a

tayab fe nas bat2oli al shabab baynzalo al 3arbya ?
ya3ane eh yanzalo al 3arbya msh fahma?
de no3 men anwan al tarweesh

[iBiZa]

انا مش فاهم اية المصطلح دة بصراحة.

[PASST2000]

العربيه ال 1000 سي سي صدقيني تعبانه مافيش حاجه اسمها 1000 سي سي عزم ال 1400 سوري كلام فارغ
المتور الكبير كبير و الصغير صغير العربيه اخرها يوم ماتتنطط 160 كيلو صدقيني العربيه مش قد كده
الروشنه تبعا للخطط الي انتي حطاها
يعني ناويه تبيعيها اول ما تسافري و لا ناويه تخليها معاكي
يعني لو هاتسيبيها معاكي سقطي متور جولف 4 لو هاتبيعيها اول ما تسافري يبقى بلاش بجد تصرفي عليها سيبيها علشان لما تبيعيها ماتخسريش
يعني هاتروشيها ب 2000 او 3000 جنيه بس لما هاتتباع هاتتباع ب 60 الف برضه
لو هاتسبيها و عاجباكي قوي سقطي متور و فتيس و جنوط و زينون و عفشه ال جولف 4 كده تبقي ركبتي عربيه صح بس برضه ارجع و اقولك الجولف ب 75 الحاله النضيفه
بصي بجد حاولي في اول فرصه تخلصي من العربيه دي بجد مش هاتعجبك و هاتترحمي على لانوس و ايامها مع اني ضد الدايو
بجد مش نفسنه و لا اي حاجه ههههههه بجد حاولي تخلصي من العربيه في اقرب فرصه و هاتي جولف 4 موديل 2000 ب 75 الف حاله زيرو

[onaraider]

anta 3a2teni fe al car ya passat abel ma arkabaha
msh 3arfa 2a2olek eh ya3ane al 60 alf atramo fe al ard al hamd allah

[hazem_khidr]

يا رانيا لا اترموا و لا حاجه
انت بتقولي اخرك 130 كم/س
العربيه دي بالتكييف بتوصل ل 140 عادي
و انا جربت الموتور ال 1000 سي سي و بقولك الكلام دا
و الشد جوه البلد حتسعفك ما تقلقيش.
اتمتعي بعربيتك
ولما يجيلك فرصه تغيريها غيري.
و اسألي هنا الاول قبل ما تدبسي في عربيه تانيه:)

[mohamed ibiza]

العربية جميلة البولو عموما حلو الموديلده عايز محافظة شوية علي الكمبيوتر بس انما العربية حلوة طبعا و ثباتها احسن من لانوس كتير و لو الموتور في الرخصة 1400 سي سي يبقي 1400 فعلا و العربية دي منها 1400 و 1000 و سواء ده او ده هيعجبوكي بس ال1400 يبقي اشد طبعا في الجري و السحب انما ال 1000 متقلقيش منه هيديكي اللي انتي عايزاه و لو عايزه قرص و شد و حرق كمان هيقول برضه كمان في فرق كبيييييييييييير بين البولو ولانوس فرق ثبات فرق اعتمادية فرق برستيج فرق خامات فرق في كل حاجة و لو العربية 1400 الاداء هيبقي قريب من لانوس اوي متقلقيش العربية حلوة و الكلام ده من خبراء فولكس و سيات بقي و ibiza قام معاكي بالواجب و يا ريت لو في صور للموتور عشان نعرف و كمان لو رخصة العربية 1400 يبقي 1400 فعلا

[onaraider]

لاء مكتوب فى الرخصه 1000 سى سى بس قريبى بيقولى انهم بيكتبوا كده فى الرخصه بس الحقيقه انها 1400 سى سى الكلام ده صح؟

عموما خلاص الخيرة فيما اختارها الله ااقول ايه والف شكر لمساعدتكم ليا
وكل سنه وانتوا طيبين

[onaraider]

سؤل يا جماعه معليش يعنى ايه الموديل ده محتاج محافظه كمبيوتر يعنى احافظ على الكمبيوتر بتاع العربيه ايه مش فاهمه

[fahd_628]

لاء مكتوب فى الرخصه 1000 سى سى بس قريبى بيقولى انهم بيكتبوا كده فى الرخصه بس الحقيقه انها 1400 سى سى الكلام ده صح؟

عموما خلاص الخيرة فيما اختارها الله ااقول ايه والف شكر لمساعدتكم ليا
وكل سنه وانتوا طيبين

لأ لأ بصى متخليش حد يضحك عليكى الموتور ال 1000 سى سى يعنى 1000 سى سى عمرة ما حيبقى 1400 و لا عزم 1400 ولا حاجة و الا مكنوش عملو موتور 1400

العربية من الأخر 1000 سى سى

بالنسبة للشد و كدة فا هية جوة البلد حتبقى كويسة على الطرق السريعة يعنى اخرها بالتكييف اخرها اخرها يعنى لما تتنطط حيبقى 150 - 160 مش اكتر من كدة

بس متخافيش ان شاء الله العربية حتعجبك متخافيش

[mohamed ibiza]

سؤل يا جماعه معليش يعنى ايه الموديل ده محتاج محافظه كمبيوتر يعنى احافظ على الكمبيوتر بتاع العربيه ايه مش فاهمه

يعني مش اي ميكانيكي تعبان يشتغل فيها محدش يلعب في تقسيمة الكهربا موتور العربية ميتغسلش بالجاز ولا الميه تيجي ناجية الكونترول يونيت الموتور يتغسل بالفوم بس و الكونترو يونيت يبقي بعيد عن اي حاجة سايله تيجي عليه

[hazem_khidr]

يعني مش اي ميكانيكي تعبان يشتغل فيها محدش يلعب في تقسيمة الكهربا موتور العربية ميتغسلش بالجاز ولا الميه تيجي ناجية الكونترول يونيت الموتور يتغسل بالفوم بس و الكونترو يونيت يبقي بعيد عن اي حاجة سايله تيجي عليه

بالضبط كده
يعني زيها زي اي عربيه جديده بالضبط

[hicho1001]

لالا ده بيديكى كزه صفارة تسمعيها من جوه بتزيد عدد الصفافير كل ما قربتى من العربية اللى واراكى لحد ما خلاص عتخبطى يديكى صفارة مبسكتشى

[hicho1001]

بلاش تعملى شغل فى العربية الا فى التوكيل نصيحة منى عن تجربة الميكانيكية بهدلولى العربية بولو 97