اقصى سرعه للجيتا

[Mohamedjetta]

رمضان كريم وبلاش قرررر هههههههه jetta 2011 dsg 1.6

حضرتك بصحه وسلامه
انا برضو معايا جيتا mpi 1.6 dsg7 ومشاء الله عليها بتجيب 200 عادي
انا مصور واحده علي 185 بس مش عارف ارفعها بس الاربي ام كان علي خمسه
انت ازاي اقل من خمسه
ماشاء الله

[Mohamedjetta]

معلش بصيت علي الصوره ولقيتها اقل من الخمسه بشرطتين بس

[hosamnasr]

مشاء الله طبعا :) بس دا عزم الـ dsg ربنا يحميهولك و يباركلك في العربيه
هوا دا على طريق ايه ؟؟

القاهرة الاسماعيلية الصحراوي

[lanos2004]

المشكله فى جابت 200 فى وقت قد ايه لانها على اما تكون 200 هتكون العربيه الى جنبها 215

[Mohamedjetta]

المشكله فى جابت 200 فى وقت قد ايه لانها على اما تكون 200 هتكون العربيه الى جنبها 215

يا جماعه السرعات العالية دي غلط مع اللي بيعملها كل يوم
ومفروض يكون فيه قانون زي الخليج لما تتلقط ردرار علي سرعه 200 يكون فيه حبس يومين وحجز العربيه اسبوعين
القانون ده مخليني مش بعدي 190
بس لما باجي مصر بمشي علي 200
لانوس باشا ادي فولكس جابت 200 عاوزين نفرح شويه وكويس ان استاذ حسام مصور وهو علي 200 وصراحا معتقدش حد معاه عربيه كوري ويعدي 200 وقلبه مريحه

[hosamnasr]

المشكله فى جابت 200 فى وقت قد ايه لانها على اما تكون 200 هتكون العربيه الى جنبها 215

مين ده تعرفوه جاي معاكوا ده يا رجالة ههههههه انا بهزر معاك ورمضان كريم بص هو الي اعرفه اني حطيت على كل من (باسات 2008 - كورولا 2013<على وضعية s> - لانسر شارك - كروز - هينداي فوليستر) والتسارع من 0-100 في 12 ثانية او 13 تقريبا على وضعية D وعلى S في 11.5 تقريبا هيا بتجيب 170 كيلو بسرعه جدا بعد كدا بتقل بس الصراحة تتقال ان المكنه قليلة على وزن العربيه زي نفس مشكلة الباسات الشكل الجديد 1.4 122hp تخيلوا بتتسارع 0-100 في 10.5 وده بسبب ان مصر بتختار اقل محرك مع ان 1.4 وصل دلوقتي 180hp ولسه بيستخدموا 122hp في الباسات مصر بقا

[lanos2004]

مين ده تعرفوه جاي معاكوا ده يا رجالة ههههههه انا بهزر معاك ورمضان كريم بص هو الي اعرفه اني حطيت على كل من (باسات 2008 - كورولا 2013<على وضعية s> - لانسر شارك - كروز - هينداي فوليستر) والتسارع من 0-100 في 12 ثانية او 13 تقريبا على وضعية d وعلى s في 11.5 تقريبا هيا بتجيب 170 كيلو بسرعه جدا بعد كدا بتقل بس الصراحة تتقال ان المكنه قليلة على وزن العربيه زي نفس مشكلة الباسات الشكل الجديد 1.4 122hp تخيلوا بتتسارع 0-100 في 10.5 وده بسبب ان مصر بتختار اقل محرك مع ان 1.4 وصل دلوقتي 180hp ولسه بيستخدموا 122hp في الباسات مصر بقا

من صفر الى 100 فى 11ونص ثانيه -دة الواحد يكون قفل 130 مرتاح
ايه العربيات البطيئه دى
الباسات 122 حصان مع بنزين 95 يتجرى كويس جدا

[hosamnasr]

من صفر الى 100 فى 11ونص ثانيه -دة الواحد يكون قفل 130 مرتاح
ايه العربيات البطيئه دى
الباسات 122 حصان مع بنزين 95 يتجرى كويس جدا

حضرتك ممكن تنزل التسارع بتاعك في فيديو لو نزلته انا هنزل التسارع بتاعي مع احترامي ليك ولعربيتك مينفعش تقارن جيتا بلانوس ممكن تتقارن بالانسر الكرستاله الي كانت معايا

[lanos2004]

حضرتك ممكن تنزل التسارع بتاعك في فيديو لو نزلته انا هنزل التسارع بتاعي مع احترامي ليك ولعربيتك مينفعش تقارن جيتا بلانوس ممكن تتقارن بالانسر الكرستاله الي كانت معايا

العربيه كانت 215 الف وبتمشى كدة

https://www.youtube.com/watch?v=ecFeisQsnUs

[Mohamedbarrema]

انا باردو جربت فعلا أخرها ١٨٥
بس حاسس انها ممكن تجيب أكتر عشان كان ال ار ب ام لسه عند ٤٠٠٠ لفه
بس ما كنتش بدزييد

[Mohamedbarrema]

لو سمحتو أنا عندي سواليين
١- المفتاح الاحتياطي مش عارف اشغله ازاي
٢- العربيه لو طلعه مطلع وانا مديها غيار الدي وسبت بنزين بتريح لورا و كذلك لو مديه الاار علي مطلع بتريح لاقدام
انا معايا جيتا ٢٠١٠

[m07mad]

لو سمحتو أنا عندي سواليين
١- المفتاح الاحتياطي مش عارف اشغله ازاي
يعني ايه مش عارف تشغله ازاي !!! ممكن يمون عاوز يتغير بطاريتو او مش متكود
٢- العربيه لو طلعه مطلع وانا مديها غيار الدي وسبت بنزين بتريح لورا و كذلك لو مديه الاار علي مطلع بتريح لاقدام
انا معايا جيتا ٢٠١٠

اعتقد ان دا طبيعي بيحصل مع اي حد

[Mohamedbarrema]

اعتقد ان دا طبيعي بيحصل مع اي حد

معلش يا محمد باشا وضح لي شوية

[m07mad]

اولا موضوع المفتاح دا انا مش فاهم هوا مش شغال خالص ولا ايه مشكلته و ممكن يكون عاوز يتغير بطاريتو او محتاج يتكود

اما بالنسبه للموضوع بتاع لو جايب الd مثلا و في مطلع ممكن العربيه ترجع سنه فدا عادي بيحصل معيا و مع اي حد و مجرد ما تدوس بنزين العربيه بتمشي عادي

[hosamnasr]

معلش يا محمد باشا وضح لي شوية

r
بص يا باشا هو ده اكيد dsg لان هيا بتعمل معايا كده لازم لو مطلع جامد تشد الهاند وتدي d وتنزل الهاندلان الفرامل بتبعد الكلتش عن التعشيق فا الفترة الزمنيه الي بتعشق فيها العربيه بترجع العربيه لورا وده في الغيار الاول بس