Tweet
كان عندي عيب غريب مشكلتوا ان بيظهر و يختفي و كمبيوتر الأعطال مش مسجلوا العيب كنت سألت عنوا على الرابط التالي :-
و المشكلة عبارة عن فصل في دايرة الكهربا كانت بتحصل و انا ماشي او وانا بدور " المرش يدور سريع و المتور ما يلقطش او ما يدورش " و لمبة البطارية في التابلوة يترعش و منورة ضعيف و باقي اللمبات فى التابلوة منورة كويس .
و لما اجي اضرب كلكس انوار التابلوة كلها تفصل ." الفيديو موضح العيب "
مقدرتش اوصل لحل و رحت لمكانيكي و كهربائى وصفتلهم العيب بصوا في العربية و ما عرفوش يطلعوا لأنو ساعتها مكانش ظاهر ومش متسجل على الكمبيوتر .
العربية جات من كام يوم وانا ماشي بيها وقفت " الحمد لله قبل ماطلع الدائري بكيلوا " و يمين شمال مش عايزة تدور . و العيب بقا ظاهر بأستمرار جبت ميكانيكي قريب مني برضو معرفش يدورها و الشيء الملحوظ ان مفيش كهربا خارجة من الموبينة .
المهم قطرت العربية على البيت و جبت كهربائي يحاول يدورها برضو معرفش .
كلمت ميكانيكى فولكس وصفتلوا المشكلة في التليفوت قلي دي مشكلة فبرة الكونتاكت ادي الموبينة كهربا مباشر من البطارية علشان تعرف تدورها .
المهم جبت كهربائي تاني علشان يجرب موضوع الموبينة بس قلت اسيبو يجرب الأول و لما يجيب اخرو اخلية يعمل حركة الموبينة .
المهم الراجل دخل أول حاجة على علبة الفيوزات بالمفك التيست , كلو شغال لحد لما وصل لفيوز الكهربا واصلا لية ضعيفة " نور المفك بيرعش زي لمبة البطارية في التابلوة " جرب وصل للفيوز مباشر من البطارية و دور العربية دارت على طول :-) .
انا قولتولوا تمام كدة المهم عمل كوبري مابين الفيوز دة و فيوز تاني الكهربا واصلة لية كويس علشان اعرف امشي . وكنت لما اجي ابطل العربية من الكونتاكت تفضل دايرة فافهمت انو عمل كوبري من ورا الكونتاكت و لاغاة و كنت علشان ابطل لازم افصل السلك.
دورت العربية وطلعت بيها على الحرفيين و رحت لكهربائي [OVERLINE]متخصص فولكس [/OVERLINE] من اول بصة قال دي فبرة كونتاكت خلى الصنايعي يفك الكونتاكت طبعا فك خمسين حاجة علشان يوصلها بس الموضوع ماخدش منة نص ساعة فك وتركيب . التكلفة 120 جنية فبرة الكونتاكت و80 جنية مصنعية . خلاصة التجربة :-
1- ماتسكتش على العيوب الهايفة و تخلي حد فاهم " أسطى مش صنايعي " فولكس يبصلك عليها علشان العربية دية لو وقفت متك على الطريق هاتحتاس و مفيش حد فاهم هايسيب ورشتوا و يجيلك .
2- الحاجات الي فيها فك كتير ماتحاولش تروح لأي حد علشان ممكن يبوظ حاجة وهوا بيفك وممكن مايقفلش بنضافة .
3- أخيراً مش كل العيوب يتتسجل على الكومبيوتر في بعض الحالات بتحتاج حد فاهم يشخص على الوصف او السمع .
و ربنا يستر علينا كلنا
و المشكلة عبارة عن فصل في دايرة الكهربا كانت بتحصل و انا ماشي او وانا بدور " المرش يدور سريع و المتور ما يلقطش او ما يدورش " و لمبة البطارية في التابلوة يترعش و منورة ضعيف و باقي اللمبات فى التابلوة منورة كويس .
و لما اجي اضرب كلكس انوار التابلوة كلها تفصل ." الفيديو موضح العيب "
مقدرتش اوصل لحل و رحت لمكانيكي و كهربائى وصفتلهم العيب بصوا في العربية و ما عرفوش يطلعوا لأنو ساعتها مكانش ظاهر ومش متسجل على الكمبيوتر .
العربية جات من كام يوم وانا ماشي بيها وقفت " الحمد لله قبل ماطلع الدائري بكيلوا " و يمين شمال مش عايزة تدور . و العيب بقا ظاهر بأستمرار جبت ميكانيكي قريب مني برضو معرفش يدورها و الشيء الملحوظ ان مفيش كهربا خارجة من الموبينة .
المهم قطرت العربية على البيت و جبت كهربائي يحاول يدورها برضو معرفش .
كلمت ميكانيكى فولكس وصفتلوا المشكلة في التليفوت قلي دي مشكلة فبرة الكونتاكت ادي الموبينة كهربا مباشر من البطارية علشان تعرف تدورها .
المهم جبت كهربائي تاني علشان يجرب موضوع الموبينة بس قلت اسيبو يجرب الأول و لما يجيب اخرو اخلية يعمل حركة الموبينة .
المهم الراجل دخل أول حاجة على علبة الفيوزات بالمفك التيست , كلو شغال لحد لما وصل لفيوز الكهربا واصلا لية ضعيفة " نور المفك بيرعش زي لمبة البطارية في التابلوة " جرب وصل للفيوز مباشر من البطارية و دور العربية دارت على طول :-) .
انا قولتولوا تمام كدة المهم عمل كوبري مابين الفيوز دة و فيوز تاني الكهربا واصلة لية كويس علشان اعرف امشي . وكنت لما اجي ابطل العربية من الكونتاكت تفضل دايرة فافهمت انو عمل كوبري من ورا الكونتاكت و لاغاة و كنت علشان ابطل لازم افصل السلك.
دورت العربية وطلعت بيها على الحرفيين و رحت لكهربائي [OVERLINE]متخصص فولكس [/OVERLINE] من اول بصة قال دي فبرة كونتاكت خلى الصنايعي يفك الكونتاكت طبعا فك خمسين حاجة علشان يوصلها بس الموضوع ماخدش منة نص ساعة فك وتركيب . التكلفة 120 جنية فبرة الكونتاكت و80 جنية مصنعية . خلاصة التجربة :-
1- ماتسكتش على العيوب الهايفة و تخلي حد فاهم " أسطى مش صنايعي " فولكس يبصلك عليها علشان العربية دية لو وقفت متك على الطريق هاتحتاس و مفيش حد فاهم هايسيب ورشتوا و يجيلك .
2- الحاجات الي فيها فك كتير ماتحاولش تروح لأي حد علشان ممكن يبوظ حاجة وهوا بيفك وممكن مايقفلش بنضافة .
3- أخيراً مش كل العيوب يتتسجل على الكومبيوتر في بعض الحالات بتحتاج حد فاهم يشخص على الوصف او السمع .
و ربنا يستر علينا كلنا