Tweet
GOLF 2014 1.4 TSI
تقيمي للسيارة بعد 2000 كم منهم سفر مرتين القاهرة الأسكندريه الصحراوي
بداية احب اقول ان قرار شلراء السيارة جاء بعد تردد كبير و حيرة في المقارانات بين السيارات المختلفة و ترتيب للأولويات و زيارات متكرره لقسم المقارنات بالمنتدي حتي تم الاستقرار و شراء السياره و الحمد لله انني سعيد جدا باختياري حتي الأن .. سياراتي الألمانيه التي سبق لي شراءها كانت C180-2012, BMW325-1997, VW POLO 1997 مع شوية عربيات تانيه كورية الصنع... و أستطيع أن أقول أني وجدت الجولف لا تقل بأي حال من الأحوال عن أداء أي عربية ألمانيه ان لم تتفوق في بعض النواحي .. أهمها علي الأطلاق هي الأداء مقابل السعر المعقول نسبيا
أولا السعر:
السياره سعرها من التوكيل 219 ألف مع هدية طقم دواسات جلد أصلي و ميداليه أصليه.. (ملحوظه السياره بيجي معاها دواسات موكيت و لكنه غير عملي في الأجواء المصريه)
السيلره أول ما نزلت كانت ب 225 بس سعرها نزل لعدم الاقبال .. و الساره متوفره بدون حجز أما الهاي لاين (تزيد فتحه سقف و زينون و بلوتوث) بالحجز شهرين او 3 و سعرها بين 250 و 255
السياره سعرها من التوكيل 219 ألف مع هدية طقم دواسات جلد أصلي و ميداليه أصليه.. (ملحوظه السياره بيجي معاها دواسات موكيت و لكنه غير عملي في الأجواء المصريه)
السيلره أول ما نزلت كانت ب 225 بس سعرها نزل لعدم الاقبال .. و الساره متوفره بدون حجز أما الهاي لاين (تزيد فتحه سقف و زينون و بلوتوث) بالحجز شهرين او 3 و سعرها بين 250 و 255
ثانيا المواصفات الفنية BASIC:
- Cubic capacity, litres/cm³ : 1.4/1395.
- Max. output, kW (bhp) at RPM : 103 (140) / 4000- 6500.
- Max. torque, Nm at RPM : 250 / 1500 – 3500.
- Gearbox : 7-speed automatic Dual Clutch gearbox DSG
- 7 Air bags
- Alarm system
- ABS, ESC,
- Tire-pressure monitoring system
- Electronic immobilizer.
- Disc brakes at front & rear, ventilated discs at front.
- Electronic differential lock.
- Boot capacity : 380 L
- Fuel tank capacity : 50 liters.
- Gross vehicle weight : 1800.
- 5 جنوط 16
- زجاج حراري مخضر فاتح
- أوتو بريك (لما تدوس فرامل و انت علي D ممكن تشيل رجلك من علي الفرمله و العربيه مش ههتحرك الا لو دوست بنزين)
- طبعا باقي الكماليات راديو سي دي.. تحكم بالطاره للسي دي ..كارت SD ميديا .. مدخل AUX
- لا يوجد بلوتوث و لكن أزرار التحكم موجوده بالطاره و يمكن اضافة الجهاز بالتوكيل مقابل 4000 جنيه مصري
- لا يوجد مثبت سرعه
- لا توجد حساسات ركن سواء خلفيه أو أماميه و لكن التوكيل ممكن يحط الخلفي صوت بس بدون شاشه ب4000 جنيه مصري
- لا يوجد فرش جلد و لكن قماش جيد
- يوجد طبعا مفتاحين ريموت مع سنترلوك و امكانيه غلق الأربع نوافذ من الريموت , و فتح الشنطه
ثالثا أداء السياره عن تجربه:
طبعا السياره أول مشوار ليها من التوكيل للبيت كان فيها شوية بنزين صغيرين في التنك و أعتقد انه بنزين محطوط في المصنع بألمانيا .. لأن الفرق وضح ولكن مش بدرجه كبيره بعد ما عملت أول تفويلة ببنزين 92 (بالمناسبه مكتوب علي غطاء التنك من الداخل أن السياره تعمل ببنزين 92 المصري) العربيه لما اتحطلها 92 لما بدوس فرامل و العربيه تقف ان ال أر بي أم بينزل شويه عن العادي و صوت غريب شويه بالموتور و لكن هذا اختفي بعد تفويلتين تانيين..
بالنسبه للفتيس و مع كل ما قيل عن عيوب في بعض موديلات السابقه و لكن الحق يقال فعلا أداءه أسطوري و يتفوق علي سيارات كثيرة من حيث سرعة النقله و عدم شعورك بالنقلات الا عن طريق مراقبه عداد RBM , و بالمناسبه الفتيس مضمون مدي الحياه من الوكيل حسب نظريه (جود ويل GOOD WILL) و ذلك بشرط ان صيانات السياره تتم بالتوكيل في مواعيدها .. عشان كده لم أتوقف كثيرا عند موضوع الفتيس لاني عارف استخدامي كويس و حتي الأن كله تمام.
السرعه القصوي علي الطريق الصحراوي جبت بيها 206 (rbm كان تحت 4000 لفه بالدقيقه) وكان لسه فيها شويه بس مكانش في مجال اني أسرع أكتر من كده بصراحه قلقت من الطريق يطلعلي خازوق من حيث لا أدري..
طبعا الثبات لا غبار عليها العربيه ممكن تعمل غرز علي الضيق عادي جدا و تم تجربتها باقتدار بالغ علي سرعة180 مع واحد كان غايظني جدا سايق جيلي ام جراند و عمال بيشد معايا ل180 و لكن شديت لحد 206 و بعدين ما لمحتهوش تاني ( بس صراحه احترمت الجيلي جدا .. دا انا ما كنتش باعرف اعمل بالكيا سبورتاج الله يكحمها اللي اتعمل بالجيلي)
ارتفاع السياره عن الأرض و هي فارغه 18سم و حتي و هي محمله الحمد لله ما حكتش في أي مطب حتي الأن
الفرامل ممتازه جدا .. العربيه بتقف مكان ما انت عايز مش مكان ما هيا عايزه
استهلاك البنزين رائع جدا و خاصه في السفر..
التربو في العربيه شغال علي طول مش من سرعه معينه و رغم كده مش مأثر علي استهلاك البنزين .. متوسط الاستهلاك 9 لتر لكل 100 كم حتي الأن طبعا بيقل في السفرو بيزيد في الزحام..
التقييم عموما للسياره انها ذات طابع رياضي و مناسبه جدا لهواه القياده الرياضيه و ينقصها فقط الأات الموجوده بالأعلي خاصه حساس الركن و الفرش الجلد و البلوتوث..
أحد الامور المزعجه الأضواء النهاريه هالوجين وليست ليد و لا يمكن اطفاءها و لذلك ناس كتير في الشارع تقعد تشاورلك طفي النور تقولش انت اللي عامل أزمه الكهربا
أحيانا الاوتو بريك بيكون مزعج للي مش متعود عليه خصوصا في الزحمه و لكن ممكن فصله بزرار..
لم اتمكن من رفع صور لمشكله بالموقع
Comment