إعـــــــلان

**ابوهاشم** · 22-01-2009, 12:51 PM

وانا طبعا معاك فى الاقتراحين يابوحميد بعد اراء باقى الاعضاء طبعا والمهم ان كلنا نتفق على حاجه واحده بس طبعا لو مخدناش رد من باقى الاعضاء النهارده يبقى اكيد على اتفاقنا عند كار فور لان ممكن يكون اعضاء شافو الميعاد والمكان من قبل ومحدش دخل النهارده علشان يعرف التعديل لان خلاص المقابله بكره ان شاء الله

**drjadoire** · 22-01-2009, 04:32 PM

يا جماعه يعني اخر كلام ايه
يعي انا بقول مدخل صقر قريش احلي واقرب من كارفور وكمان فاضي عند موقف الاتوبيس
انا معاكوا وموافق
بس الساعه كام بالتححديد 3 ولا 3 ونص
حدخل بلليل ان شاء الله عشن اعرف ردكم

**amo400** · 22-01-2009, 08:17 PM

نا معاكم طبعا 3.5 عند كارفور

ايمن فتحى
0119992926

**أحمد سالم** · 22-01-2009, 08:29 PM

ان شاء الله نتصل كلنا بكره على الساعه 3 بالاخ هاشم ونحدد المكان وهو طبعا احد المكانين اللى عرضهم الاستاذ احمد حسن
على ان نتقابل عل الساعه 3.5 ولو فى اى جديد كلنا تليفوناتنا موجوده

**ahit** · 22-01-2009, 09:31 PM

السلام عليكم و رحمة الله و بركاته

المكان بتاع موقف أتوبيس صقر قريش سهل جداً :
اللى جاى من الأوتوستراد إتجاه المعادى و حلوان هايلاقى موقف الأتوبيس على يمينه و العلامة المميزة هناك كوبرى مشاه علوى.
و اللى جاى من الدائرى هايمشى على طول بعد كارفور هايلاقى بعد كدا كوبرى شمال و شارع يمين للى رايح الأوتوستراد يدخل و هايلاقى كوبرى تانى يمين يطلعو عشان يروح إتجاة المعادى و حلوان و بعد المنزل ب 300 متر هايلاقى موقف الأتوبيس إن شاء الله.

الميعاد من الساعة 3 كويس إن شاء الله

**ابوهاشم** · 23-01-2009, 01:05 AM

والله ياجماعه انا معاكم هنا او هنا مش هنختلف
بس انا كل قلقى ان يكون حد من الاعضاء عرف ان المكان عند كار فور زى ماقولنا من الاول الساعه 3 ونص ومادخلش النت تانى ويروح على كده مايلاقيناش على العموم برضو انا بكره ان شاء الله هتصل باحمد حسن
وانا فى الشغلوهعرف اخر كلام ايه وهجيلكم المكان اللى تستقرو فيه ان
شاء الله ومافيش اى خلاف

**أحمد سالم** · 23-01-2009, 09:24 PM

السلام عليكم ورحمة الله
اليوم اتقابلنا واتعرفنا على بعض وكان يوم جميل جدا لاكن الموقف الظريف اللى حصل اننا وقفنا نتصور جنب العربيات واتفاجئنا ان الناس اتلمت وبيصورو العربيات وحتى الناس من البلكونات كانو بيصورو ودى حاجه مكانتش متوقعه
ودى بعض الصور اللى صورتها النهارده فى المقابله وفى انتظار باقى الصور اللى على الكاميرا بتاعت الاخ احمد الحسينى
ترتيب العربيات من اليمين
1 - عربية المهندس احمد حسن
2 - عربيتى انا احمد سالم
3 - عربية الاستاذ احمد الحسينى
4 - عربية الاستاذ هاشم
5 - عربية الدكتور احمد رشدى

[IMG][/IMG]
[IMG][/IMG]
[IMG][/IMG]
[IMG][/IMG]
[IMG][/IMG]
[IMG][/IMG]
[IMG][/IMG]
[IMG][/IMG]
وترتيبنا فى اخر صورة
المهندس احمد حسن
الاستاذ احمد الحسينى
احمد سالم
الاستاذ هاشم
والدكتور احمد رشدى هو فى الصورة اللى قبلها على يمين احمد الحسينى

**ابوهاشم** · 23-01-2009, 09:39 PM

السلام عليكم ورحمة الله وبركاته
بصراحه انا مش قادر اعبر ازاى عن سرورى بالمقابله دى
كان يوم متتع للغايه وتعارف اكثر وضوح لشخصيات محترمه جدا
ومهذبه وغير كده من عاشقين السياره الاسطوره البيتلز
والله كان نفسى يكون باقى الاعضاء معانا لكن إن شاء الله ملحوقه فى المقابله القادمه اللى ان شاءالله هنحددها مع بعض
وزى ماقال الاستاذ احمد سالم الناس كانت فى الشارع والبلكونات حريصين على التصوير بالموبايلات وكانه عرض
وكانت فرحتنا كبيره جدا لما شوفنا الاهتمام من الناس بالسياره دى وطبعا الصور بتتكلم عن نفسها
احب بس اخيرا اشكر
المهندس احمد حسن
الاستاذ احمد سالم
الاستاذ احمد الحسينى
الدكتور احمدرشدى
على حضورهم النهارده والمقابله الظريفه دى اللى ان شاء الله هتكرر كتير جدا بس طبعا بباقى اصحابنا فى المنتدى عشاق البيتلز
واحب اشكر منتدانا الغالى نايل موتورز اللى عرفنا ببعض
وفى انتظار باقى الصور اللى تمت فى المقابله

**drramisalama** · 24-01-2009, 01:12 AM

ياجماعة انا لسة كنت داخل علي النت علشان اقوللكو ماتنسوش تنزلو صور المقابلة لقيت الصور فعلا موجودة
بجد مجهود جامد جدا
وصور اكتر من رائعة

**El.Hossieny** · 24-01-2009, 11:12 AM

بجد مقابلة امبارح كانت اكتر من رائعة ....اتقابلنا كلنا و اتعرفنا علي بعض .. كان يوم جميل فعلا .. و خصوصا لما وقفنا نصور العربيات ..الناس اتلمت علينا و قعدوا يصوروا هما كمان ... و شوفنا ناس بتصور من البلكونات .. و في ناس افتكرونا بنصور فيلم :k48:

المهم اسيبكم بقي مع صور من اللي اتصورناها

اول صورة دي لعمنا : ا/ احمد حسن
تاني صورة الترتيب من اليمين :
احمد سالم
انا ( احمد الحسيني )
احمد حسن
هاشم ...... و الدكتور احمد رشدي تالت واحد من اليمين في الصورة التالتة

طبعا احمد حسن بيحب يتصور كتير ... بس محبتش ازعله

**amo400** · 24-01-2009, 04:26 PM

بس بقى عشان انا كده زعلان جدا كان نفسى ابقى معاكم والله متتصوروش انا كان نفسى ازاى اقابلكم انا بقترح اقتراح تعالوا نكون رابطة او تجمع بكارنيهات للبيتل شوفوا ايه الفكرة الى ممكن تلمنا فى موضوع زى ده و يكون ليها مجلس ادارة او مجلس يخدم اصحاب هذة السيارة و نحل مشاكل بعض و يكون لينا مقر او مكان او ميعاد محدد نتقابل فيه ويبقى عندنا تليفونات الميكانيكية و الصنعيه كلها و بتوع قطع الغيار و نثبت اسعار و نتحكم فى السوق ايه الكلام الكبير الى انا قولته ده اوعى يتحسب تحريض ربنا يستر

**أحمد سالم** · 24-01-2009, 05:33 PM

السلام عليكم استاذ amo400
والله المقترحات اللى انت قدمتها دى جميله جدا وانا نفسى من زمان اعمل حاجه زى كده لاكن مكنتش عارف احدد الطريقه وانت وضحت لينا بعض النقاط المهمه ارجو منك انك تفتح موضوع وتحدد الاهداف بتوسع اكثر ونشوف اقتراحات باقى الاخوه وان شاء الله نطلع بألية عمل جيده
ياريت تفتح موضوع مخصوص وكلنا هنشارك معاك باذن الله
وياريت ترفق رقم تليفونك او ايميلك

**amo400** · 24-01-2009, 05:47 PM

انا فتحت الموضوع والرجاء المشاركة لافاده الجميع

**ahit** · 25-01-2009, 12:09 AM

السلام عليكم و رحمة الله و بركاته

الحمد لله رب العالمين كان يوم جميل جداً بالتعرف على ناس محترمة جداً و زوق ما شاء الله عليهم.
و نتمنى إن شاء الله المقابلة القادمة يكون فيها عدد أكبر من الأعضاء للتعارف و التفاعل و تبادل الخبرات و المعلومات الفنية و التقنية و التفاعل الإجتماعى أيضاً.
شكراً لكل اللى حضرو المقابلة :
الأستاذ الكبير و أستاذى / أحمد باشا سالم
الأستاذ البرنس / أحمد الحسينى
الأستاذ الفاضل و المحترم / هاشم
الدكتور الذوق و المحترم / أحمد رشدى

و نتمنى إن شاء الله المقابلة القادمة نتعرف على:
الأستاذ/ إيهاب
الأستاذ / رأفت
الأستاذ/ عادل مجدى
الأستاذ / أيمن فتحى
و مرحباً بكل من يريد التفاعل و المشاركة معنا بإذن الله

:10D5C8~1107::10D5C8~1107:

**أحمد سالم** · 25-01-2009, 12:15 AM

شكراً لكل اللى حضرو المقابلة :
الأستاذ الكبير و أستاذى / أحمد باشا سالم
الف شكر للاستاذ والاخ المهندس احمد حسن
والله انت اللى استاذنا وكفاية ذوقك

إعـــــــلان

.

موعد للقاء اصحاب البيتلز

Comment

Comment

Comment

Comment

Comment

Comment

Comment

Comment

Comment

Comment

Comment

Comment

Comment

Comment

Comment