موعد للقاء اصحاب البيتلز

[El.Hossieny]

حسن باشا .... اهلا و سهلا بيك معانا

صقر قريش اللي في المعادي .. و المكان مشهور اوي . هو امتداد الاوتوستراد بعد نادي السكة .... تحديدا عند موقف اتوبيسات صقر قريش

[ابوهاشم]

انت لو جاى من حدائق القبه هتمسك الاوتوستراد واول ماتوصل تحت الطريق الدائرى بعده ب200 متر تبقى فى صقر قريش وهتلاقى فى موقف اتوبيس على يمينك واحنا واقفين قبله وطبعا خد ارقام تليوفناتنا من بداية الموضوع هتلاقى معظم ارقام الاعضاء
هاشم/0105389931

[hasanadel88]

تمام كدا انا عرفت المكان و الزمان و مفيش مشاكل ان شاء الله و معايا ارقام التليفونات

[drjadoire]

معلش يا جماعه والله مش حقدر اجي الجمعه دي لاني حكون في اسكندريه
حتي محتار اسافر بالابيتلز ولا مواصلات لاني حقعد يومين
ورغم ان العربيه بتاكل زيت تقريبا
بس هل تاكل زيت عالطريق السريع والسفر اكتر ولا الزحمه جوا البلد
يا ريت تفيدني عشان اسافر بيها باذن الله لو الو وحش
وباذن الله معاكوا لو حتعملوها الجمعه 27 فبراير

[ابوهاشم]

خساره يادكتور احمد انك مش هتكون معانا كان نفسنا نشوفك ونقعد معاك
وعلى فكره اتوكل على الله وسافر بالعربيه ومافيش قلق ان شاء الله
بس المهم خلى معاك الزيت احتياطى وسير اضافى للطوارئ

[amo400]

ان شاء الله معاكم يوم الجمعة

[hasanadel88]

اسف يا جماعة مش هقدر اجى لظروف حادث

[ihab]

اسف يا جماعة مش هقدر اجى لظروف حادث

اولا : حمدا لله على سلامتك و ان شاء الله ما تكونش فى اصابات
قدر الله ما شاء فعل
ثانيا : ايه اللى حصل و العربية اخبارها ايه

[ابوهاشم]

ياستار يارب
المهم انت بخير طمنا عليك
وبعد كده العربيه مش مهم ان شاء الله ربنا يعوض عليك وترجع احسن من الاول

[El.Hossieny]

الله يعينك .. و اهم حاجة انك كويس الحمد لله ... العربية ان شاء الله ترجع احسن من الاول ....

[ابوهاشم]

فاضل يومين ياجماعه وعاوزين باقى الردود علشان نعرف مين اللى جاى

[hasanadel88]

الحمد الله احنا كويسين يا جماعة مفناش اى حاجة كدمات بسيطة بس نصيحة اللى عندو عربية بيتلز يجيب بطارية جافة علشان البطارية العادية لما العربية اتقلبت نزلت علينا مية النار هى دى كانت المشكلة الوحيدة

[El.Hossieny]

الف سلامة عليك يا حسن باشا ..... ان شاء الله تكونو بخير ؟؟ بس يا تري اللي كان معاك اهلك و لا صحابك ؟؟

و الحمد لله اولا و اخيرا

[ابوهاشم]

الف سلامه عليك يااستاذ حسن
وقدر الله وماشاء فعل
الحمد لله رب العالمين انك بخير
وانا بضم صوتى ليك نداء لكل ملاك البيتلز بالتخلص من البطاريه السايله
وشراء بطاريه جافه لانها افضل بكتير

[amo400]

الف سلامة و الحمد لله على كل شىء


وبالنسبة للبطارية السائلة طبعا ما فيش حد هايرمى بطارية شغالة اعلبة الى عملتها الحمد لله ما بتنزلش ميه خالص حتى لوق قلبت البطارية