رجاء المساعدة لمعرفة العطل (بيتل)

[volkeswagin]

السلام عليكم اخوانى الاعزاء
الحمد لله تكاد تكون المشكله اتحلت غيرت الزيت وبعديها بيوم روحت للحاج محمد على (امبارح) وظبط الهوا والبنزين فى الكربراتبر والحمد لله اداء العربية افضل ولما جربتها مبطلتش ولا حاجة والراجل كان ذوق جدا رفض انه ياخد اى اتعاب بس حصل مشكله تانية انهاردا الصبح وانا رايح الشغل لقيت لمبة الدينامو مولعه علطول ركنت ونزلت ابص على الدينامو لقيت حاجة غريبة ان الكربراتير غرقان بنزين من الخارج لكن باقى الحاجات كل حاجة فى مكانها بصراحة معرفتش اعمل ايه لكن دخلت العربية وزودت بنزين جامد طفت للحظات وولعة تانى بصراحة انا مشيت ورحت الشغل وقولت ربنا يستر والحمد لله وصلت ز
يا ريت لو حد يعرف ممكن يكون ايه يرد علي وانا كدة كدة هاروح للكهربائى علشان يشوف اىه المشكله دى .
وجزاكم الله كل خير

لمبه الدينموا اللى شغاله على طول البطاريه مش بتتشحن كده وانت ماشى على البطاريه

لو انت اكتى فير خلى باللك هيكون الكتاوت بتاعت الدينموا فاصله

بص هات سلك ووصله على المكان اللى راكب فيه كلبس كده على الدينمو
افصل الكليبس وحط السلك وعليه ووصله بالارضى بتاع العربيه

واعد شيله وافصله من الكبلس عشان يشرز معاك
وشوف لو اللمبه طفت يبقى انت تخلى بالك ان الكتاوت بتودع :)

بص احسن واحد فى مصر كهربائى فولكس هو الحج سيد عبد العظيم اللى فى المهندسين رحله وهو هيظبطك
وراجل كويس جدااا
قوله بس انا جى من طرف محمد صبرى بتاع البيتلز الفضى اللى من مايو

[volkeswagin]

كلامك سليم يا هاشم
مع إحترامى لكلام محمد صبرى باشا
مشكلة الأستاذ الفاضل أحمد مبارك هى مشكلة تظبيط بيك السلانسيه أو مسمار الهواء و البنزين فى الكربراتير لأن الموضوع ده حصل معايا كذا مره ( بالنسبة لمشكلة التبطيل فى المطبات أو الفرملة من السرعة ).
أما مشكلة تزويد الزيت فا ممكن تكون التاكيهات مش متظبطة و العربية بتسخن جداً مع نوع الزيت الردىء أو كمية الزيت مش مظبوطة.

عشان كده أنصح بمراجعى سرفيس العربية بطريقة مظبوطة و سليمة و إستخدام نوع زيت كويس بالكمية السليمه 2,5 كيلو إلى 2,75 كيلو و إن شاء الله كله يبقى تمام

بص ياباشا انا لما جالى الحوار ده عملت كل حاجه وفى الاخر طلع زى ما قلت كبل االارضى

[Ahmed Mubarak]

جزاك الله خيرا يا استاذ محمد

[ابوهاشم]

بالنسبه لموضوع المبه اللى منوره
اولا اتأكد ان السير سليم ومش مرخى
لو سليم يبقى تورح للكهربائى زى ماالاستاذ محمد صبرى قال
اما بالنسبه للبنزين اللى بيشر من الكاربراتيرده
هو حاجه من 3
ممكن جوان الكربراتير عاوز يتغير ب2 جنيه
ابرة الكاربراتير ب25جنيه
اكس وباب للكاربراتير ب80 جنيه

[Ahmed Mubarak]

الحمد لله يا جماعه روحت للكهربائى وهو مش بتاع بيتلز بس جنب الشغل المهم عمل تشك على الكتاوت واللوصلات وخلافة وجرب ولسه اللمبه مولعه المهم حاول التاكد من الشربون بتاع الدينامو والحمد لله اكدلى ان حالته كويسة وقعد يعمل حاجة عند الشربون بالمفك وجرب بعدها والحمد لله اللمبه مولعتش والحمد لله كله تمام
اما بالنسبه للكربراتير هى المرة اللى حكيتلكوا عليها بس لما كان غرقان بنزين وبعد كدة حتى الان محصلش اى حاجة تانى والحمد لله
ومشكورين على المساعدة

[ايمن محمود محمد ابراهيم]

الأخ الزميل هاشم
قوللى من فضلك
السرفيس بيتعمل للعربية كل أدأيه
وايه الحاجات اللى لازم تتفحص وايه الحاجات اللى لازم تتغير (طبعا غير الزيت)
شكلك راجل فاهم كويس فى البط أقصد فى البيتلز
وجزاك الله خيرا