يا جماعه حد يقولى مين فينا الصح

[umoussa]

صراحة أنا ركبت الإتنين والمقارنة بينهم فيها ظلم للانسر!!
وخاصة إن اللانسر بتعانى من فقر شديد فى كل حاجة حتى فى السحب!!
ممكن نقارن اللانسر بالتويوتا أو بالهيونداى لكن الجيتا لو قارناها بالأوكتافيا يبأا معقول شوية..
وبعدين المقارنة بين عربيتين بيستخدموا بنزين مختلف 92و95!!
موتور الجيتا تصميمه على البنزين ال95 واللانسر لو 90 أو 95 ولو 80 مش هيزعل قوى..
لأ صراحة مفيش داعى للمقارنة..
تطلع وللا ماتطلعش كل واحد وتفكيره بالنسبة للعربيات..
فى ناص تبص للفيرنا ويقولك دى فيها مكنة من الآخر!!
لولا اختلاف أذواق الناس لبارت السلع..

كلامك صح 100 * 100 يا محمد وموضوع مين يطلع من مين ده مش مقياس

طيب أنا وانا راجع امبارح من السفر جريت واحد بجيتا ورايا أكتر من 200 كيلو مش عراف يطلع ميني ولما عديته أول مرة كانت سرعتي 175 دا معناه انه كان بيفرم وجاب أخره لأن دا أخر عربيته وحتى لو كنا واقفين وطلعنا سوا كنت طحنته الموضوع فعلاً مش مقياس حكاية مين يطلع من مين بس أكيد في ناس بتبص على الحكاية دي. والديل انك بتقعد مع ناس يسألوك العربية دي الأول بتاعها بيجيب كام!!!!

[original]

ضحكت على الراجل!!
الموتور عندك 1600 وتلاقيه فاكر البولو 1000 سى سى
99% من اللى بيشدو بالعربيات مش عارفين أى حاجة عن المواتير اللى معاهم ولا إمكانياتها ولا كيفية استغلالها..

[umoussa]

من غير مضحك عليه ولا حاجة هو لو وقف فوق شعره عمره محيعرف يجيبني دا وضوع مفروغ منه

الفكرة بس انه كان بيحاول يفرم ومحدش يقول انه كان مستهون بعربيتي لأن طبعاً واحد بيطلع منك على سرعة 175 أكيد انت مش ماشي براحتك والدنيا بمبي معاك لأ طبعاً دا أكيد بيفرم بالعربية لأنه مش مصدق نفسه وبعدين لما حس انه مفيش أمل تراجع

[aneo]

طيب أنا وانا راجع امبارح من السفر جريت واحد بجيتا ورايا أكتر من 200 كيلو مش عراف يطلع ميني

مهو يا اما سعتك كنت راكب لامبورجينى يا اما هوه مكنش بيشد وراك
لاكن هوه لو فكر يجيبك مليون الميه هيجيبك
ومش معنى انو كان ماشى على 175 انو كان بيشد وراك بزمه
جايز بيجرى بالعربيه بس مش فى دماغو انو يحصلك

[umoussa]

بسم الله الرحمن الرحيم
قُلْ أَعُوذُ بِرَبِّ الْفَلَقِ مِنْ شَرِّ مَا خَلَقَ وَمِنْ شَرِّ غَاسِقٍ إِذَا وَقَبَ وَمِنْ شَرِّ النَّفَّاثَاتِ فِي الْعُقَدِ وَمِنْ شَرِّ حَاسِدٍ إِذَا حَسَدَ
صدق الله العظيم


مينفعش يا عزيزي

1. موتوري 125 حصان وموتوره 105
2. موتوري فيه حاجة اسمها Variable Belt Timing مش موجودة في موتوره
3. موتوره MPI وموتوري GTI دا لو حضرتك تعرف الفرق
4. أنا 175 دي كنت جايبها على 5000 RPM وأقصى قدرة لعربيتي بتخرج عند 6800 RPM شايف الفرق فين؟
5. أنا طالع منه على آخر الرابع يعني لو فكر يجري كنت لساعتها حطحنه لأن السرعة القصوى لموتوري 210 كم/ساعة
6. أنا كنت مشغل التكييف
7. أنا كنت راجع من شرم الشيخ، وحضرتك لو تعرف طريق شرم الشيخ حتعرف انه من شرم إلى القاهرة الطريق مطلع ومن القاهرة إلى شرم منزل. وأنا مجريه ورايا من شرم الشيخ لحد أبو زنيمة لحد مازهقت من الجري وكمان الليل كان دخل والسرعات العالية على الطريق ده جنون أثناء الليل.


تفتكر ممكن يطلع برضو مني؟
لمعلومات حضرتك نفس الأمر اتكرر مع العربيات الباسات ال FSI بس لسه مجربتش أجري مع TSI

[original]

ده اللى بيسموه شرح نافى للجهالة..
الواحد فرحان إن فيه بولو فيها الإمكانيات دى..

[original]

طيب الموتور 1600 العادى مش gti كفائته إيه!!؟؟

[Connexions]

C'est absolument vrai pour la polo
Cette voiture est formidable, j'en ai eu avant
Il est juste que la Jetta ne peux pas la battre

[M.Mostafa80]

العادى الهورس باور بتاعه 75 حصان بس اللى ممكن يبقى فاجر بس ألاقيه اموت وألاقيه 1400 ال 100 حصان ابو مانفول حديد أوووووووووووف
ساعتها العربيه لو نزل فيها المكنه دى
حتى لو ربنا كرمنى بعربيه افل هخليها مش هبيعها

[original]

ربنا يوفأك وتلاقيه..
أكيد ممكن تلاقى حد جايب غلطة مستعملة!!

[SAiF3S]

بسم الله الرحمن الرحيم
قُلْ أَعُوذُ بِرَبِّ الْفَلَقِ مِنْ شَرِّ مَا خَلَقَ وَمِنْ شَرِّ غَاسِقٍ إِذَا وَقَبَ وَمِنْ شَرِّ النَّفَّاثَاتِ فِي الْعُقَدِ وَمِنْ شَرِّ حَاسِدٍ إِذَا حَسَدَ
صدق الله العظيم


مينفعش يا عزيزي

1. موتوري 125 حصان وموتوره 105
2. موتوري فيه حاجة اسمها Variable Belt Timing مش موجودة في موتوره
3. موتوره MPI وموتوري GTI دا لو حضرتك تعرف الفرق
4. أنا 175 دي كنت جايبها على 5000 RPM وأقصى قدرة لعربيتي بتخرج عند 6800 RPM شايف الفرق فين؟
5. أنا طالع منه على آخر الرابع يعني لو فكر يجري كنت لساعتها حطحنه لأن السرعة القصوى لموتوري 210 كم/ساعة
6. أنا كنت مشغل التكييف
7. أنا كنت راجع من شرم الشيخ، وحضرتك لو تعرف طريق شرم الشيخ حتعرف انه من شرم إلى القاهرة الطريق مطلع ومن القاهرة إلى شرم منزل. وأنا مجريه ورايا من شرم الشيخ لحد أبو زنيمة لحد مازهقت من الجري وكمان الليل كان دخل والسرعات العالية على الطريق ده جنون أثناء الليل.


تفتكر ممكن يطلع برضو مني؟
لمعلومات حضرتك نفس الأمر اتكرر مع العربيات الباسات ال FSI بس لسه مجربتش أجري مع TSI

ماشاء الله
ضحكتنى ياأخى على الراجل , عاما لو عايز تشد مع TSI ابقى قولى علشان مايبقاش نفسك فى حاجه
والاهم انى اشوفك واتعرف عليك

[umoussa]

ماشاء الله
ضحكتنى ياأخى على الراجل , عاما لو عايز تشد مع TSI ابقى قولى علشان مايبقاش نفسك فى حاجه
والاهم انى اشوفك واتعرف عليك

شكلك فاهم يا نصه

على العموم التعرف على شخصية بأدبك وأخلاقك واحترامك يخليني أنا الكسبان

[original]

هدأت العاصفة وأشرقت الشمس على قسم الفولكس..

[SAiF3S]

شكلك فاهم يا نصه

على العموم التعرف على شخصية بأدبك وأخلاقك واحترامك يخليني أنا الكسبان

مش فاهم اوى ياعنى

الشرف لى وان شاء الله اتعرف عليك قريب وترجع لنا بالف سلامه

[abo samra]

طب سؤال للاستاذ umoussa
ازاى الواحد ممكن يعدل فى سياره جيتا 2009 بحيث ان يكون تجميعها وسرعتها القصوى افضل مما هى عليه بدون خطوره على الموتور وتكون طريقه مضمونه
وتقبل تحياتى