قدر الله وما شاء فعل -عملت حادثة باللينيا-

[yoko]

معلش فداك المهم انت ومش مهم اى شى اخر

الحمد لله

حمد لله على سلامتك يا يوكو
وان شاء الله الجنط يجى قريب

إن شاء الله

لو الجنط ينفع يصلح وديه للناس الى فوق نفق الملك الصالح متخصصين قوى لغاية مايجى الجديد...ومبروووك الاصلاح
ربنا يوفق

معرفش ينفع ولا لأ بس على العموم هروح لبريدجستون يشوفوه (هما عندهم ترصيص-بس هو فيه شفة صغيرة-) ده غير إن فيه جنط تاني فيه رفة بسيطة جدا ومش محسوسة إلا لو دققت قوي قوي قوي
وفين الي في الملك الصالح دول بالتفصيل (عمري ما رحت هناك)

[khpopo]

الحمد لله

إن شاء الله

معرفش ينفع ولا لأ بس على العموم هروح لبريدجستون يشوفوه (هما عندهم ترصيص-بس هو فيه شفة صغيرة-) ده غير إن فيه جنط تاني فيه رفة بسيطة جدا ومش محسوسة إلا لو دققت قوي قوي قوي
وفين الي في الملك الصالح دول بالتفصيل (عمري ما رحت هناك)

بص دول متخصصين استعدال جنوط من زمن
فوق نفق الملك الصالح من ناحية المنيل وانت داخل فوق النفق وانت جاى من طريق المعادى مثلا تخش يمين فوق النفق محل على اليمين وواحد على الشمال بعد ماتلف فوق النفق الى على الشمال القديم ومن كلامك ممكن يصلحوه والرفه ممكن تروح وتقدر تمشى بيه عادى
ربنا يوفق

[yoko]

بص دول متخصصين استعدال جنوط من زمن
فوق نفق الملك الصالح من ناحية المنيل وانت داخل فوق النفق وانت جاى من طريق المعادى مثلا تخش يمين فوق النفق محل على اليمين وواحد على الشمال بعد ماتلف فوق النفق الى على الشمال القديم ومن كلامك ممكن يصلحوه والرفه ممكن تروح وتقدر تمشى بيه عادى
ربنا يوفق

أنا عمري ما عتبت المنيل وأخري في صلاح سالم مسجد القوات المسلحة فيا ريت واحده واحده عليه والأسهل جبلي الإحداثيات من جوجل إيرث وأنا هتعايش

[khpopo]

أنا عمري ما عتبت المنيل وأخري في صلاح سالم مسجد القوات المسلحة فيا ريت واحده واحده عليه والأسهل جبلي الإحداثيات من جوجل إيرث وأنا هتعايش

معلش كنت فاكر ههتبقى سهله عليك كده
من صلاح سالم تمشى فيه كانك رايح الهرم هتلاقى نفق الملك الصالح بعد ماتعدى السيده عائشه وبعدين مجرى العيون الى عنده مدخل مسجد السيده نفيسه وبعدين حديقة الفسطاط
الى قدمها مرور عين الصيره كل ده هاتقابله وانت فى اتجاه الهرم وبعدين هتعدى اشارة مدخل جامع عمر بن العاص هتلاقى نفق الملك الصالح تنزله وهو فى اخره اشاره عندها تلف يمين وترجع فوق النفق انت حتى فى اخر النفق هاتشوفهم فوق واضحين
ارجو اكون المره ده وضحت اكتر
ومع ذلك تحت امرك ابعتلى على الخاص واعرفك عليهم
ربنا يوفق

[HOSAMSAMSOON]

أنا عمري ما عتبت المنيل وأخري في صلاح سالم مسجد القوات المسلحة فيا ريت واحده واحده عليه والأسهل جبلي الإحداثيات من جوجل إيرث وأنا هتعايش

[frame="9 10"]
احمد
عند هندسة المطرية فية واحد محترم جدا بيستعدل الجنوط
لو تحب نروح مع بعض
قريب مننا و على قد ادنا
[/frame]

[yoko]

معلش كنت فاكر ههتبقى سهله عليك كده
من صلاح سالم تمشى فيه كانك رايح الهرم هتلاقى نفق الملك الصالح بعد ماتعدى السيده عائشه وبعدين مجرى العيون الى عنده مدخل مسجد السيده نفيسه وبعدين حديقة الفسطاط
الى قدمها مرور عين الصيره كل ده هاتقابله وانت فى اتجاه الهرم وبعدين هتعدى اشارة مدخل جامع عمر بن العاص هتلاقى نفق الملك الصالح تنزله وهو فى اخره اشاره عندها تلف يمين وترجع فوق النفق انت حتى فى اخر النفق هاتشوفهم فوق واضحين
ارجو اكون المره ده وضحت اكتر
ومع ذلك تحت امرك ابعتلى على الخاص واعرفك عليهم
ربنا يوفق

شكرا وإن شاء الله أول مفضى هشوف الموضوع ده

[frame="9 10"]
احمد
عند هندسة المطرية فية واحد محترم جدا بيستعدل الجنوط
لو تحب نروح مع بعض
قريب مننا و على قد ادنا
[/frame]

هكلم حضرتك وهو ينفع يتصلح الجنوط الألومنيوم لإني سمعت إنه مينفعش
وممكن نجربهم ول منفعش أروح المنيل

[أبو صلاح]

هو الموضوع وصل لحد فين في التوكيل ياباشا ؟
معلش مش متابع الموضوع لانه كبير جدا

[yoko]

هو الموضوع وصل لحد فين في التوكيل ياباشا ؟
معلش مش متابع الموضوع لانه كبير جدا

هستلم العربية بكره ومفيش جنط ولا كاوتش في التوكيل ولا كاوتش بره التوكيل(الموديل مش موجود في بردجستون حتى)

[damasry]

يوكو نفق الملك الصالح قبليا ب 5 دقايق، لو تحب قولى يا جميل ونتقابل نروح سوا.
على فكرة انا كلمت الراجل وقولتله على اللى عايزينه وتمام، ناقص المقابلة، ها اظبط مع الاستاذ كريم ونروح ليه سوا ان شاء الله..

[أبو صلاح]

هستلم العربية بكره ومفيش جنط ولا كاوتش في التوكيل ولا كاوتش بره التوكيل(الموديل مش موجود في بردجستون حتى)

الف حمد الله على سلامة عربيتك
ولازم تأمن ياباشا

وان شاء الله مشكلة الجنط والكاوتش دي تتحل بسرعة

[yoko]

يوكو نفق الملك الصالح قبليا ب 5 دقايق، لو تحب قولى يا جميل ونتقابل نروح سوا.
على فكرة انا كلمت الراجل وقولتله على اللى عايزينه وتمام، ناقص المقابلة، ها اظبط مع الاستاذ كريم ونروح ليه سوا ان شاء الله..

رتب وأنا فاضي أي وقت لحد السبت الجي

الف حمد الله على سلامة عربيتك
ولازم تأمن ياباشا

وان شاء الله مشكلة الجنط والكاوتش دي تتحل بسرعة

الله يسلمك وأنا كنت رايح ءأمن لكن من حكمة ربنا إني أعمل الحادثة قبليها بيوم

[ayman2]

أولا الف مبروك على الاصلاح وربنا يحفظها لك ولو انت كنت بتصلح فى جسر السويس يبقى انا شفت عربيتك هناك وكانوا شغالين فيها وكانت من غير جنط فعلا وده كان يوم السبت . لكن ايه حكايه التربو المعلق ده مش انت كنت بتشوف التربو بيشتغل معاك فى التابلوه ولا ايه لأنى برضه ساعات اكون ماشى ومعدى 3000 rpm والتربو مايشتغلش لكن مش كابس . المهم حمدا لله على سلامه العربيه .

[gouda]

محدش عرف عين مين دى يارجاله

[yoko]

أولا الف مبروك على الاصلاح وربنا يحفظها لك ولو انت كنت بتصلح فى جسر السويس يبقى انا شفت عربيتك هناك وكانوا شغالين فيها وكانت من غير جنط فعلا وده كان يوم السبت . لكن ايه حكايه التربو المعلق ده مش انت كنت بتشوف التربو بيشتغل معاك فى التابلوه ولا ايه لأنى برضه ساعات اكون ماشى ومعدى 3000 rpm والتربو مايشتغلش لكن مش كابس . المهم حمدا لله على سلامه العربيه .

أيوه هي وإلي `نت بتقوله عادي لكن أنا لما بكبس التربو ميبفتحش غير التلت أو التلتين (مبيفتحش للأخر)

محدش عرف عين مين دى يارجاله

أنا عارف

[crazylambada]

حمد لله على السلامه يا استاذ يوكو
و المهم انك سليم انا حصلت معايا نفس ظروف الحادثه بتاعتك بس الفرق ان كان فيه ميه بجاز في الطرق فعربيتي عومت و انا على التمانين و لفت بيها قبل ما البس في الرصيف من ناحيتي و ترود و البس في الرصيف تاني قبل ما عربيتي تقف في عكس الاتجاه
بس تصدق بقى عربيتي المقص محصلهوش حاجه خااااااالص
بس المساعد و الشمعدان اتكسروا و الجنط اتنى حاجه بسيطه
و رديته بعشره جنيه و عملتله ترصيص بخمسه جنيه
دا غير الاكصطدامات و الفوانيس و ان روحت المستشفى
فاحمد ربنا و طلع حاجه لله
بالنسبه للجنط يتعدل عادي و لو عاوز تغيره روح الوكاله او الحرفيين و جيب واحد استيراد مش حيتخير عن بتاعك



حاجه اخيره بالنسبه لكاوتش الاستبن
في كتالوج الاوكتافيا كاتبين ان كاوتش الاستبن مخصص لاستخدام الطوارئ و الوصول لاقرب مركز خدمه و ليس للمشي عليه
فشوف الكاتالوج بتاعك ممكن يبقى فيه نفس التحذير لان ساعتها لازم تمشي من غير الاستبن