استفتاء: بخصوص الشاهين

[abohazm]

انا معايا شاهين 1600 موديل 93 هى فعلا عربية جامدة ومستحملة الطحن بس حرام انا بتعذب وانا سايق فى الزحمة العربية تقيلة قوى ومش مريحة اة العفشة صلب بس بحس انى راكب توكتوك من كتر التخبيط خاصة فى الخلف بس عموما هى عربية جامدة قوى بس عايزة اسد يسوق مش شاب انا حاسس انى هاعجز منها بدرى :)

[hardcoreman2000]

منـورين جميعا :D

الف شكر علي التقرير الشامل والمفصل عن الشاهين يادكتور / سبعاوي :D

الشاهين قطع غيارها متوفره ومش محتاجه دكتور اي صنايعي يستطيع التعامل معاها بكل سهوله ..

لمن يرغب في شراء سياره جديده تناسب الشارع المصـري عليك بالشاهين .. نصيحه لوجهه الله :D

أنا مش اشد المعجبيين بالشاهين بعد ماشوفت سياره جاري الشاهين موديل 1997 .. بيقولي مصرفتش عليها غير كاوتش وانا عارفـو بخيل ويعملها :D
__________________

هههههههههههههههههههههههههههههههههههههههههههههههههه ههههههههههههههههههه
والله العظيم عشره علي عشره

[ahmedbasto]

انا يا باشا بشكر فى الشاهين جدا لان موتورها موتور جبار ال1400العربية اينعم شكلها مش حلو اوى بس هى كعربية تمام انا مرة غلطت بس الحمد لله كنت جبت 6000rbmعلى التانى والحمد العربية محصلحش فيها حاجة

[shanodaa]

شاهين السياره المناسبه للطرق المصريه

[M.Nasr]

انا اختارت التانية سيارة خدمة شاقة بس سعرها مرتفع

[sh23]

الأختيار الثاني خدمة شاقة لكن سعرها مرتفع
* لو علي الخدمة الشاقة تاخد 10/10
* في خانة الكماليات أديه صفر
* في خانة الراحة اللي يقعد ف الكنبة الخلفية يستخسر حتي فيها الصفر
* الكراسي الأمامية متعبة جداً ؛ وكمان ضهرها بيتعوج بسرعة ( شوفتها في أكثر من سيارة )
* اللي عمل لها سوق ف مصر هو التاكسي ؛ وحتي التاكسي حالياً بقي موديلات ثانية .
* فيها مشكلة سخونة كبيرة وتصورو مشوار من وسط البلد لغاية 6 أكتوبر نركن فية مرتين لأن مشط الأسبيراتير سخن والسواق ينزل يدلق علية مية علشان يبرد ( عن نفسي ما فهمتش يعني إية مشط الأسبراتير ؛ معلهش معلوماتي ضعيفة في الميكانيكا والكهرباء )

[M.almaghraby]

its a very good car
fast & stable
and u feel like driving a pick-up

:k46:

but i only miss one thing: air condition

[zizophone]

سبعاوي واحد وبس هههههههههه

[ozy2026]

اتفق معك يا أستاذ سبعاوى فى كل ما قلته عن الشاهين الا انى لا أرى أن محركها هادىء بل يعتبر مرتفع الصوت قليلا, مثل كل سيارات فيات و ألفاروميو التى تلتزم بالطابع الرياضى أكثر من أى شىء أخر.و لكن المحرك ناعم جدا و متجاوب الى حد كبير.
و أراك لمست مشكلة الشاهين الأساسية و هى علبة تروسها ذات النسب القصيرة جدا, أعتقد أن علبة تروس الشاهين أقرب الى سيارة نقل منها الى سيارة ملاكى :), الحقيقة أنه لا توجد أى مشكلة تزعجنى فى سيارتى سوى النسب القصيرة تلك.

و أعتقد أن سعر فئة ال1400 مبالغ فيه فعلا بالنسبة لسيارة بلا كماليات, أما سعر ال1600 فهو منطقى جدا, هى أغلى قليلا من الفيرنا و هى فى رأيى أفضل من الفرنا على صعيد الجودة و الاعتمادية و الاسم فهى فى النهاية تحمل اسم فيات العريق و أرى انه لو تم تزويد موديل ال1400 بمكيف هواء و مساعد للمقود لأصبح سعرها منطقى جدا بل و مغرى أيضا.

هو ايه علاقة الشاهين بالفيات حضرتك
الشاهين تركى والفيات ايطالى
معلش اعذرنى الفيات ال 131 برقبة الشاهين اللى ملهاش صله بالفيات غير انهم مقلدين ال 131 وبيستخدموا تكنولوجيا فيات فى السبعينات وبينزلوها فى الألفينات